logo

иҷтимоиёт

ПРОФЕССОР РАҲМАТУЛЛО РАҲМОНОВ АЗ ДУНЁ ДАРГУЗАШТ

Агарчи марг ҳодисаест, ки ҳатман рух медиҳад ва ба вақти худ – на соате пеш ва на қафо меояду дар ҳақиқаташ ҳеҷ баҳс намекунанд, аммо барои ҳамдигар, хосса наздикону шахсиятҳои маъруфу маҳбуб зиндагии бештарро интизор ҳастему таманно мекунем. Ин бор ғайричашмдошт марги олими соҳаи тиб, сарвари ҷамъияти  неврологҳои Тоҷикистон, профессор Раҳматулло Раҳмонов ҳамаи моро ғамгин сохт, аз дунё, ки бар асари бемории дил, дар синни 55 - солагӣ даргузашт. Марги олими асил ҳамеша фоҷиаи миллат буду мемонад, хосса олиме, ки дар айни камолот аст ва миллат аз ӯ дастовардҳои бештареро интизор мебошад.
Раҳматулло Раҳмонов аз ибтидо то интиҳо дар роҳи илм, пажӯҳиш бо садоқату самимият ва шинохти масъулияти бузург буд ва туфайли хираду дониш, меҳнату заҳмати зиёд ба қуллаҳои баланд расид, маъруфу маҳбуб гардид. Бо мушкилнописандӣ, ҷустуҷӯи пайвас-та тавонист, ки бисёр мушкилоту масъалаҳои мубрами соҳаро ба хотири рушди тиб ва давову пешгирии дардҳо зуду дуруст ҳал бинамояд.
Дар тарбияи шогирдон низ саҳми чашмрас дошт. Чун омӯзгор, чун раҳнамоии хуб эътироф шуда буд. Марҳум ба ҳайси ноиби президенти Академияи илмҳои тибби Тоҷикистон, сармутахассиси Вазорати тандурустӣ ва ҳифзи иҷтимоии аҳолии ҷумҳурӣ, мудири кафедраи неврология ва асосҳои генетикаи тиббии Донишгоҳи давлатии тиббии Тоҷикистон ба номи Абуалӣ ибни Сино бо эҳсоси баланди ватандорӣ ва  пешрафти илми муосири тиб хидматҳои зиёди мондагорро ба фарҷом расонд.
Ҳамчун инсони асил, шахси хоксору меҳрубон дар дилу дидаҳои мардум ҷой ва мавқеи устувор дошт.
Бешак, ин гуна шахсиятҳои шинохтаву маҳбуб ҳеҷ гоҳ намемиранд. Оре, ҷисман моро тарк мегӯянд, аммо рӯҳан ҳамеша бо мо ҳастанд. Аз дида агар мераванд, ҳатман дар дил мемонанд. Ёди неку асарҳои мондагорашон ин имконро барои мо фароҳам меоранд, ки бигӯем: «Ёрони якдил, олимони асил намемиранд, ҳамеша зиндаанд». Бо ин ҳама барои онҳое, ки аз марги ҷисми ин табиби ҳозиқ, олими асил, меандешанд, бардоштани ин бор ба дил ҳаргиз осон нест. Ва ҳам ҳар кадоми мо мехостем, ба дилу ҷон мехостем, ки ҷисман низ ҳамеша бо мо бимонад. Аз ин рӯ, зарур аст, ки худро, пайвандону наздикони марҳумро тасалло бубахшем ва дар ин рӯзҳои бас талх сабри ҷамил орзу бикунем. Инчунин, таманно бинамоем, ки ҳамеша рӯҳаш шоду хонаи охираташ обод бошад.
Аҳли эҷоди рӯзномаи «Ҷумҳурият»


Баёни ақида (0)    Санаи нашр: 12.07.2018    №: 137    Мутолиа карданд: 203

18.03.2019


ГРАНД СЛЕМИ ЕКАТЕРИНБУРГ. Беҳрӯз мақоми сеюмро гирифт

Tesla дар Қазоқистон нуқтаҳои нерудиҳӣ месозад

Аз фурӯравии биноҳо дар Чин 10 нафар ҷон бохт

Иттиҳоди иқтисодии АвруОсиё дар фикри бунёди биржаи меҳнат шуд

Сиёсатмадори олмонӣ лағви таҳримоти зиддирусиро зарур мешуморад

Ҷаҳон дар як сатр

13.03.2019


Парвиз Давлатзода бо Чэн Гуопин вохӯрд

Имконияти таҳсил дар ДДУК тавсеа меёбад

Маҷмааи меъмории рамзи «Истиқлолият ва Озодӣ» интихоб гардид

06.03.2019


Назорати фаъолияти ширкатҳои букмекирӣ пурзӯр мешавад

Бунёди маҷмааи корхонаҳои нассоҷӣ дар назар аст

Форуми якуми иттилоотонии ҷомеаи шаҳрвандӣ баргузор мегардад

ҶОМИ "ФФТ" "Истиқлол" бори панҷум онро соҳиб шуд

Варзишгарони тоҷик 5 медал ба даст оварданд

Ҷаҳон дар як сатр

Нилуфар Рофиева дар озмуни нозанинҳои Россия ғолиб омад

Лондон муносибаташро бо Москва ба эътидол овардан мехоҳад

Покистон ба гуфтушунид бо Ҳиндустон шурӯъ мекунад

Андешаи Лукашенко оид ба яхи обнашудаи муносибот бо Иттиҳоди Аврупо

Соли 2019 ду ҷоизаи Нобел дар соҳаи адабиёт супурда мешавад

05.03.2019


СУҒД. Авлавият ба кишти картошка

04.03.2019


Хуҷанд ба даҳгонаи шаҳрҳои беҳтарини сайёҳӣ ворид гардид

Сертификати армуғони сайёҳӣ таъсис ёфт

ҶОМИ "ФФТ". "Истиқлол" ва "Кӯктош" дар финал

Осиёи Марказӣ. Камтарин теъдоди маҳбусон дар Тоҷикистон аст

Москва ва Вашингтон нархи раводидро арзон карданд

Қазоқистон ба воридоти меваю сабзавоти Қирғизистон роҳ мекушояд

Лавров: «Вазъият дар Сурия ба эътидол омад»

Ҳалокати 29 нафар аз обхезӣ дар ҷануби Афғонистон

Ҷаҳон дар як сатр

01.03.2019


ФУТБОЛ. «Хуҷанд» бо «Аҳал» мубориза мебарад

Бори нахуст дар таърих якбора ду зан ба кайҳони кушод мебароянд

Пекин дар фикри эъмори Девори бузурги чинӣ шуд

Испания солимтарин кишвари дунё эътироф гардид


Дар сомонаҳои дигари Тоҷикистон хонед