logo

иҷтимоиёт

ДАР РИСОЛАТЕ, КИ МО ДОРЕМ, ҒАРАЗ БЕГОНА АСТ

Корхонаи табъу нашри Дастгоҳи иҷроияи Президенти Ҷумҳурии Тоҷикистон фаъолияти интишоротӣ ва истеҳсолӣ - хизматрасониро тибқи қонунҳои Ҷумҳурии Тоҷикистон дар бораи табъу нашр, матбуот ва дигар воситаҳои ахбори омма ва дастуру супоришҳои роҳбарияти Ҳукумати Ҷумҳурии Тоҷикистон ба роҳ монда, тибқи оинномаи худ бо ҳамаи фармоишгарон, қатъи назар аз шакли моликияташон, дар асоси шартнома ҳамкорӣ менамояд.
Мутаассифона, вақтҳои охир баъзе роҳбарони расонаҳои хабарӣ фаъолияти истеҳсолӣ, хизматрасонии полиграфиро, ки дар асоси шартномаи дутарафа сурат мегирад, либоси сиёсӣ мепӯшонанд. Мушаххасан, чанде қабл ҳафтаномаи “Пайк” дар як изҳороташ ("Пайк" - ро бастанд?", № 27 (512), 5 июли 2018, саҳ. 6, муаллиф Саъдӣ Маҳдӣ) мавқуф гузоштани нашри ҳафтаномаи мазкурро дар КТН “Шарқи озод” ғаразнок ва ҳатто фишори сиёсӣ унвон кардааст.
Аввалан, ба ин далел, ки таъхир дар чопи ҳафтанома сирф иллати истеҳсолӣ дорад. Тибқи шартномаи тарафайн, фармоишгар барои нашри ҳар шумора маблағи дар замимаи шартнома зикршударо ба таври ҳатмӣ пардохт менамояд. Албатта, роҳбарияти нашриёт аз вазъи молиявии ҳафтаномаҳо огаҳӣ дорад ва аз ин рӯ, пешпардохтро на ҳар вақт ҷиддан талаб мекунад.
Дар бораи сари вақт наспурдани ҳаққи хизматрасонӣ (чоп) роҳбарияти рӯзномаи “Пайк” чанд маротиба шифоҳӣ огоҳонда шуда буд, вале боз ҳам баъди напардохтани маблағи чоп нашриёт чанд шумораи ин рӯзномаро ба табъ расонд. Боиси тазаккур аст, ки КТН “Шарқи озод” фаъолияти истеҳсолӣ - хизматрасониашро бо маблағи фармоишгарон ба роҳ мемонад. Корхона пойгоҳи алоҳидаи ашёи полиграфӣ надошта, танҳо бо худтаъминкунии молиявӣ фаъолият мебарад. Нашриёт маҳсулоти чопӣ ва хизматрасониро тибқи шартномаҳо бо маблағ харид мекунад. Таҷриба нишон медиҳад, ки нашрияҳо баъди манъи чопи рӯзномаҳо маблағро пардохт мекунанду ҳамкориро идома медиҳанд.
Ҳафтаномаи “Пайк” барои чоп ва хизматрасонӣ аз нашриёт 14 ҳазор сомонӣ қарздор буд. Дар ин амали маъмурияти КТН “Шарқи озод” ягон ғараз, фишор ва ё дастури фишороварӣ мавҷуд нест. Як сол қабл нашриёт чопи чандин рӯзномаҳои дигарро низ сарфи назар аз шакли моликияташон бо ҳамин иллат муваққатан боздошта буд. “Народная газета”, “Халқ овози”, ”Бадахшон”, нашрияҳои хусусии “Варзиш - спорт”, “Зан ва мард” ва  “Миллат” аз ҳамин қабиланд.
Агар дар бархӯрди мо ғараз мавҷуд мебуд, ҳафтаномаи “Пайк”- ро бо қарздор буданаш чоп намекардем. Дар шароити иқтисоди бозорӣ дар ягон кишвари олам ҳам ҳафтаномаро ройгон чоп намекунанд.
КТН “Шарқи озод” ба сиёсати эҷодӣ ва фаъолияти сиёсӣ - иҷтимоии нашрияҳо дахолат намекунад. Ба ин мо ҳуқуқ ва салоҳият ҳам надорем. Нашри рӯзномаҳо танҳо дар ҳолати вайрон кардани шартнома (аз ҷумла напардохтани ҳаққи чоп) бо  қарори мақомоти судӣ аз  чоп боздошта мешаванд. Ҳамзамон, бо масъулияти том арз менамоем, ки барои манъи муваққатии чопи ҳафтаномаи “Пайк” ягон дастур ва ё супориш мавҷуд нест.
Баҳона кофтану бӯи ғарази мавҷуднабударо паҳн кардан - ғарази хусусии роҳбарияти худи ҳафтанома аст. Батакрор мегӯем, ки ҳафтаномаи “Пайк” танҳо бо сабаби қарздор буданаш чоп нашудааст. Ва таъкид менамоем, ки ҳафтанома дар сурати напардохтани ҳаққи пурраи чоп ва хизматрасонӣ ба табъ нахоҳад расид.
Асосгузори сулҳу ваҳдати миллӣ - Пешвои  миллат, Президенти Ҷумҳурии Тоҷикистон муҳтарам Эмомалӣ Раҳмон матбуотро ба покизагии имону виҷдон, ҳақиқатнигорӣ даъват менамоянд: ”Воситаҳои ахбори омма набояд аз ваколатҳои касбии худ суистифода намоянд. Онҳо набояд ба тамоюли низоангезиву тафриқаандозӣ, сарфи назар кардан аз арзишҳо ва манфиатҳои миллӣ, таҳқир  ва дигар кирдорҳои ношоиста роҳ диҳанд”.
 Дар фарҷом аз кулли ҳамкорону шарикон хоҳонем, ки баҳсу машваратҳои истеҳсолӣ-касбиро бидуни овозаву воҳима бо маслиҳати тарафайн баррасӣ намоем,  беҳтар  ва судбахштар аст.
Қурбоналӣ  ФАЙЗУЛЛОЗОДА,
директори КВД КТН “Шарқи озод”

PS.  Бо сабаби он ки масъулини ҳафтаномаи "Пайк" чопи вокуниши мазкурро ба таъхир андохтанд, нашри онро дар рӯзномаи "Ҷумҳурият" салоҳ донистем.

 


Баёни ақида (0)    Санаи нашр: 26.07.2018    №: 147    Мутолиа карданд: 340

24.02.2020


БОКС. РАҚОБАТИ АНВАР ЮНУСОВ БАРОИ КАМАРБАНДИ WBA–NABA

МЕРКЕЛ ВА МАКРОН БА ПУТИН ХАБАР ДОДАНД, КИ БА ВОХӮРИИ ЯКҶОЯ БО ЭРДУҒОН ТАЙЁРАНД

ЧИН БА САММИТИ G20 ДАР АРАБИСТОНИ САУДӢ НАМЕРАВАД

ДАР БЕРЛИН ДУЗДОНИ ТАНГАИ ТИЛЛОИИ 100 - КИЛОИРО СУД НАМУДАНД

ҶАҲОН ДАР ЯК САТР

20.02.2020


РУШДИ УСТУВОРИ ШАҲРСОЗӢ. ДАР ДУШАНБЕ ДОИР БА ИН МАВЗӮЪ СЕМИНАРИ БАЙНАЛМИЛАЛӢ ДОИР ГАРДИД

ҶАМЪБАСТИ ДАВРИ ШАҲРИИ ОЗМУНИ "ДАСТАРХОНОРОӢ"

ДУШАНБЕ. ОМОДАГИҲО БА ҶАШНИ НАВРӮЗИ БАЙНАЛМИЛАЛӢ

НОҲИЯИ ДЕВАШТИЧ. МУЛОҚОТИ ИНТИХОБКУНАНДАГОН БО ГУРӮҲИ КОРИИ КМИ ҲХДТ

РАШТ. ҲАМОИШИ СОБИҚАДОРОНИ ҶАНГУ МЕҲНАТ

ГӮШТӢ. МЕДАЛИ БИРИНҶИИ ПАҲЛАВОНИ ТОҶИК АЗ ЧЕМПИОНАТИ ОСИЁ

ДАР ӮЗБЕКИСТОН ҲАМА АГЕНТИИ ХУСУСИИ ШУҒЛРО МЕБАНДАНД

ҚАЗОҚИСТОН: 90 ПАРВАНДАИ ҶИНОЯТӢ БАЪДИ БЕТАРТИБИҲО ДАР ҶАНУБИ КИШВАР

ДАР УХАН БОЗ 12 БЕМОРХОНАИ МУВАҚҚАТӢ БАРОИ БЕМОРОНИ COVID-19 КУШОДАНД

ПЙЕР ВИМОН: «ТАҲРИМОТИ ЗИДДИРУСӢ БАР ЗАРАРИ ХУДИ АВРУПО ШУДАНД»

ҶАҲОН ДАР ЯК САТР

БАРГУЗОРИИ ҶАЛАСАИ КОМИССИЯ ОИД БА ОМОДАГӢ БА МАВСИМИ «ҲАҶ-2020»

КОДЕКСИ ОБ ИСТИФОДА ВА ҲИФЗИ ЗАХИРАҲОИ ОБИРО БА ТАНЗИМ МЕДАРОРАД

МАСОИЛИ ГУСТАРИШИ РОБИТАҲОИ ФАРҲАНГӢ МАТРАҲ ШУДАНД

КОНФРОНС БАХШИДА БА РӮЗИ БАЙНАЛМИЛАЛИИ ЗАБОНИ МОДАРӢ

ЛИЖАРОНӢ. ҒОЛИБОН МУАЙЯН ШУДАНД

ДАР ӮЗБЕКИСТОН ДОДАНИ ЛИТСЕНЗИЯРО ТАҶДИДИ НАЗАР МЕКУНАНД

ҚАЗОҚИСТОН. 13 ФУРУДГОҲИ МАСИРИ ҲАВОИИ МАҲАЛЛӢ МЕСОЗАД

САРВАРИ ФЕЪЛИИ АФҒОНИСТОН АШРАФ ҒАНӢ БОЗ ПРЕЗИДЕНТ ИНТИХОБ ШУД

ТИҶОРАТ БАЙНИ ТОҶИКИСТОНУ ЧИН МОҲИ ЯНВАР ДУ БАРОБАР БОЛО РАФТ

ҶАҲОН ДАР ЯК САТР

18.02.2020


ВКД. 161 УЗВИ ТАШКИЛОТИ ТЕРРОРИСТӢ ДАСТГИР ШУД

ФАРХОР. ҲОЛАТИ ҒАЙРИМЕЛИОРАТИВИИ ЗАМИНҲО МАВЗӮИ ДОҒ БОҚӢ МЕМОНАД!

18 ДОЛОНИ ЗИДДИТАРМАВӢ СОХТА МЕШАВАД

БОНУВОНИ НОҲИЯИ МУРҒОБ – ҒОЛИБИ ДАВРИ ВИЛОЯТИИ ОЗМУНИ ҶУМҲУРИЯВИИ «ДАСТАРХОНОРОӢ»

ГРЕНЛАНДИЯ ОБИ ПИРЯХҲОРО БА САВДО БАРОВАРДАНИСТ

ДАР БЕЛАРУС СОЛИ 2023 ИСТИФОДАИ ЗАРФҲОИ ПЛАСТИКИРО МАНЪ НАМУДАНИАНД

ПЕКИН ДАР 6 РӮЗ КОРХОНАИ НАВИ ИСТЕҲСОЛИ НИҚОБҲОИ ТИББӢ СОХТАНИСТ

ЧИН ВА АСЕАН ДАР МАСЪАЛАИ КОРОНАВИРУС ВОХӮРИИ МАХСУС ДОИР МЕКУНАНД


Дар сомонаҳои дигари Тоҷикистон хонед