logo

сиёсат

ТОҶИКИСТОНУ ӮЗБЕКИСТОН. ҲАМКОРИҲО ВУСЪАТИ ТОЗА МЕГИРАНД

Дар таърихи равобити Тоҷикистону Ӯзбекистон соли 2018 ҳамчун оғози марҳилаи сифатан нави ҳамкориҳо бо ҳарфҳои зарин сабт хоҳад шуд. Зеро дигаргуниҳое, ки дар таҳкими муносиботи дӯстонаи ду кишвар иттифоқ афтод, арзишҳои дӯстиву ҳамсоядории накуи мардумони тоҷику ӯзбекро ба асли хеш баргардонд.

Қобили зикри хос аст, ки сафари давлатии Президенти Ҷумҳурии Ӯзбекистон муҳтарам Шавкат Мирзиёев ба Ҷумҳурии Тоҷикистон ва сафари давлатии Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ба Ҷумҳурии Ӯзбекистон дар ин ҷода таҳаввулоти ҷиддӣ ба миён оварда, ба муносибатҳои дӯстиву бародарии ду миллат рӯҳи тоза бахшид. Натиҷаи ҳамин сафарҳоро бояд оғози гардиши куллии муносибатҳои  нави ҳамкорӣ миёни ду давлати дӯсту ҳамсоя эътироф кард. Чунки ба шарофати ин рӯйдод, дӯстии ду халқи бародар боз ҳам рушду тавсеа ёфт.
Ҳамин буд, ки Президенти Ҷумҳурии Тоҷикистон, Пешвои миллат муҳтарам Эмомалӣ Раҳмон зимни ташрифи Президенти Ҷумҳурии Ӯзбекистон муҳтарам Шавкат Мирзиёев иброз доштанд: “Мардумони моро суннатҳои бисёрасраи дӯстӣ, ҳамсоягии нек ва эҳтироми ҷонибайн муттаҳид месозанд. Ҳамкорӣ бо Ҷумҳурии Ӯзбекистон яке аз афзалиятҳои асосии сиёсати хориҷии Ҷумҳурии Тоҷикистон маҳсуб меёбад. Тасмимоти имрӯзаи мо бар заминаи музокироти суратгиранда аз бисёр ҷиҳат хислати таърихӣ дошта, таконбахш мебошанд. Онҳо барои марҳала ба марҳала боло бурдани муносибатҳои Тоҷикистону Ӯзбекистон ба сатҳи сифатан нав асосу заминаи боэътимодро фароҳам меоваранд”.
Ҳангоми сафарҳои дуҷониба даҳҳо созишномаву аҳдномаҳои нави ҳамкорӣ ба имзо расида, масъалаҳои давоми беш аз 20 сол ҷамъшуда аз ҷониби сарони ҳар ду давлат ҳал гардиданд. Дар байни созишномаҳо санади калидӣ ва заминавӣ Созишнома оид ба шарикии стратегӣ мебошад, ки тағйироти бузурги мусбати муносибатҳои ду кишвар аст.
Рӯйдоди дигари муҳим, ки бо иштироки сарони давлатҳо Эмомалӣ Раҳмон ва Шавкат Мирзиёев дар фазои тантанавӣ ба амал омад, ифтитоҳи гузаргоҳи байнидавлатии роҳи оҳани “Ғалаба - Амузанг” мебошад. Бешубҳа, ин рӯйдоди муҳим ба густариши робитаҳои тиҷоратию иқтисодии ду кишвар  мусоидат хоҳад кард.
Инчунин, бо саъю кӯшишҳои сарони давлатҳо 16 гузаргоҳи сарҳадӣ, ки беш аз бист сол баста буданд, кушода шуда, мардуми ташнаи дидорро ба висоли ҳам расонд. Акнун ба шарофати ин шаҳрвандони ду кишвари ҳамсоя, ки муносибатҳои дӯстию хешутабории онҳо таърихи чандинасра дорад, бемамониат рафтуомад мекунанд.
“Мо бояд барои халқҳоямон фазои дӯстиву самимият ва ҳамдигарфаҳмиву ҳамкориро, тавре ки дар замонҳои Мавлоно Ҷомӣ ва Алишер Навоӣ буд, фароҳам орем”. Ин ҳарфҳои пурҳикмати Пешвои муаззами миллат муҳтарам Эмомалӣ Раҳмон, ки дар ҷараёни мулоқоту музокироти сатҳи баланд бо ҷониби Ӯзбекистон садо доданд, мавриди истиқболи гарми мардуми тоҷику ӯзбек гардид. Президенти Ҷумҳурии Ӯзбекистон муҳтарам Шавкат Мирзиёев бо қаноатмандӣ аз натиҷаҳои бадастомада итминон намуд, ки дарвозаҳои дӯстии ду халқи бародар ҳеҷ гоҳ ба рӯи якдигар баста нахоҳанд шуд.
Ҳамин тариқ, ҳамкории ду кишвар на танҳо эҳё гардид, балки ба сатҳи рушди бесобиқа расид, ки дар ин ҷода саҳми сарони ду кишвар муҳтарам Эмомалӣ Раҳмон ва муҳтарам  Шавкат Мирзиёев ниҳоят бузург аст.
Ҷамшед МУРОДАЛИЗОДА,
ходими илмии Пажӯҳишгоҳи рушди маориф ба номи Абдураҳмони Ҷомӣ


Баёни ақида (0)    Санаи нашр: 17.09.2018    №: 182-183    Мутолиа карданд: 445

10.12.2019


Мулоқоти Қоҳир Расулзода бо Хуан Тсзян Жун

Шиносоии Азим Иброҳим аз ҷараёни корҳои сохтмонии роҳҳои Душанбе

Дар доираи Озмуни ҷумҳуриявии «Сайри гули лола» машварати корӣ баргузор гардид

Дар Париж, Москва ва Киев оид ба муовизаи асирон ба мувофиқа омаданд

Туркия ба рафъи хатари «Давлати исломӣ» дар Афғонистон мусоидат мекунад

Сарвазири нави Финляндия - ҷавонтарин дар ҷаҳон сарвари ҳукумат

Disney дар остонаи рекорди нави ҷаҳонӣ

Ҷаҳон дар як сатр

09.12.2019


Боз як майдончаи нави варзишу бозии кӯдакон кушода шуд

Сохтмони гузаргоҳи зеризаминӣ бо дарозии 260 метр

Чемпионати осиё. Тоҷикистон дар гурӯҳи "А"

Сӯхтор дар фабрикаи Деҳлӣ боиси марги беш аз 40 нафар шуд

Медведев шартҳои бастани шартномаи газ бо Киевро гуфт

Ёрии ҷаҳонӣ ба Афғонистон 46 дарсад коҳиш ёфт

Аморати Муттаҳидаи Араб кайҳоннавард интихоб мекунад

Ҷаҳон дар як сатр

06.12.2019


Боздиди Рустами Эмомалӣ аз варзишгоҳи «Миллий»

Хуҷанд. Бунёди корхонаи истеҳсоли телевизор, яхдон ва кондитсионер

Масъалаи моҳияти сармояи инсонӣ дар рушди инноватсионӣ мавриди баррасӣ қарор гирифт

Пекин аз Вашингтон кам кардани боҷи молҳои чиниро дархост намуд

ОПЕК истихроҷи нафтро метавонад кам созад

Дар мактабҳои Қазоқистон гузариш ба алифбои лотиниро мавқуф гузоштанд

Коррупсияро дар Қирғизистон тавассути рақамисозӣ бартараф карданианд

Ҷаҳон дар як сатр

05.12.2019


Беш аз ду тонна доруворӣ ба коми оташ рафт

Фестивали филм ва мусиқии Руминия дар Тоҷикистон

Боздиди Рустами Эмомалӣ аз шаҳри Самарқанд

Дар Афғонистон шоҳасари Бобоҷон Ғафуров “Тоҷикон” чоп шуд

Макрон изҳороти НАТО оид ба «таҳдиди русӣ» - ро зери шубҳа гузошт

Боздошти муовини собиқ сарвари «ДИ» Ал - Бағдодӣ дар Ироқ

Андрей шевченко дар мураббигӣ низ муваффақ аст

Ҷаҳон дар як сатр

04.12.2019


Тақвияти ҳамкориҳо дар мубориза бар зидди терроризму экстремизм матраҳ гардид

Ҷаласаи гурӯҳи корӣ оид ба таҳияи намоишгоҳ бахшида ба мероси муштараки фарҳангии Роҳи абрешим баргузор шуд


Дар сомонаҳои дигари Тоҷикистон хонед