logo

мулоқотҳо

МУЛОҚОТ БО ПРОКУРОРОНИ ГЕНЕРАЛИИ ДАВЛАТҲОИ АЪЗОИ ИДМ ВА СҲШ

20 сентябр дар Қасри миллат Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон прокуророни генералии кишварҳои аъзои Иттиҳоди Давлатҳои Мустақил ва Созмони ҳамкории Шанхайро ба ҳузур пазируфтанд.

Сарвари давлат дар оғоз ҳамаи меҳмононро хайрамақдам гуфта, ба кори ҷаласаи 28-уми Шӯрои ҳамоҳангсози давлатҳои аъзои Иттиҳоди Давлатҳои Мустақил ва ҷаласаи 16-уми прокуророни генералии кишварҳои аъзои Созмони ҳамкории Шанхай, ки дар шаҳри Душанбе баргузор мегарданд, барору комёбӣ орзу карданд.
Президенти мамлакат прокуратураро яке аз сохторҳои муҳимтарини дастгоҳҳои давлатӣ ва ҷомеаи қонунӣ арзёбӣ карда, изҳори умед намуданд, ки мулоқотҳои имрӯза барои табодули таҷриба ва муайян кардани самтҳои нави кӯшишҳои муштарак ҷиҳати тақвият додани волоияти қонун, амният ва субот дар кишварҳо имкон фароҳам меоранд.
Зимни мулоқот масъалаҳои муборизаи муштарак бар зидди ҷинояткорӣ, аз ҷумла шаклҳои трансмиллӣ ва муташаккили он, шиддатнокии таҳдидҳои терроризм, экстремизм, ифротгароии сиёсиву динӣ ва амалҳои харобиовари ҳаракатҳои ифротгаро, ҳамчунин, дигар мушкилоти амниятӣ дар сатҳи ҷаҳонӣ ва минтақавӣ мавриди баррасӣ қарор дода шуданд.
Дар ин зимн Сарвари давлати Тоҷикистон бо ибрози таассуф аз мавқеъгирии созмонҳо ва ҷонибҳои алоҳида нисбат ба зуҳуроти терроризм ва экстремизм бо истифода аз меъёрҳои “духӯра” изҳори нигаронӣ карданд.
Таъкид гардид, ки бар асари омили мазкур гурӯҳҳо ва ҳаракатҳои мухталифи террористиву экстремистӣ таҳти парастории иттилоотиву сиёсӣ, молиявӣ ва дигар шаклҳои дастгирии кишварҳо ва созмонҳои алоҳида қарор гирифта, фаъолияти харобкоронаи худро идома медиҳанд.
Аз вазъи мураккаби сиёсӣ дар як қатор кишварҳои ҷангзадаи олам, оқибатҳои фалокатбори муноқишаҳои сиёсӣ ва талафоти ҷонии аҳолии осоиштаи ин давлатҳо изҳори нигаронӣ карда, ҳамгироии муштараки кишварҳои аъзои ИДМ ва СҲШ барои таъмини амният дар қаламрави давлатҳо ва минтақа зарур шумурда шуд.
Ба нақши калидии Маркази зиддитеррористии ИДМ, Сохтори минтақавии зиддитеррористии СҲШ ва Ассотсиатсияи байналхалқии прокуророн дар самти муборизаи муштарак бар зидди таҳдиду хатарҳои ҷаҳони муосир таваҷҷуҳи махсус зоҳир гардид.
Пешгирии гардиши ғайриқонунии маводи мухаддир ва аслиҳа,   таъмини амнияти иттилоотӣ, мубориза бо ҷинояткории кибернетикӣ ва дигар зуҳуроти барои ҷамъият хавфнок аз масъалаҳои дигару муҳими мулоқот буданд.
Дар вохӯрӣ прокурорҳои генералӣ ва роҳбарони ҳайатҳои кишварҳои аъзои ИДМ ва СҲШ, аз ҷумла Федератсияи Русия, ҷумҳуриҳои Озарбойҷон, Арманистон, Беларус, Қазоқистон, Қирғизистон, Ӯзбекистон, Ҷумҳурии Мардумии Чин, Ҷумҳурии Исломии Покистон, Ҷумҳурии Ҳиндустон, ҳамчунин, кишварҳои нозир ва шарикони муколамаи СҲШ - Ҷумҳурии Исломии Афғонистон, Ҷумҳурии Халқии Муғулистон, Ҷумҳурии Исломии Эрон, Непал, Шри-Ланка, президенти Ассотсиатсияи байналмилалии прокурорҳо Герхард Ярош ва прокурори генералии Шоҳигарии Арабистони Саудӣ ба ҳайси меҳмонони даъватшуда ширкат варзиданд.


Баёни ақида (0)    Санаи нашр: 21.09.2018    №: 186    Мутолиа карданд: 327

24.06.2019


Президенти Филиппин моҳи октябр ба Россия меояд

Трамп бо Эрон омодаи гуфтушунид буданашро тасдиқ намуд

Дар Ҳиндустон афтидани хайма боиси марги 14 нафар шуд

СУҒД. Оғози мусобиқаи байналмилалӣ

"ФИЛОСОФИЯ ОТДЫХА" имкониятҳои сайёҳии Тоҷикистонро таҳлил намуд

Ҷаҳон дар як сатр

21.06.2019


Мулоқоти Хайринисо Юсуфӣ бо Валериу Кивер

Ҳамоиш бахшида ба таъмини устувории макроиқтисодӣ

Муаррифии натиҷаҳои фаъолият дар самти безараргардонии башардӯстонаи минаҳо

20.06.2019


Гумерова: «Омӯзгорони рус дар Тоҷикистон мондан мехоҳанд»

СММ: «Ҳиндустон дар нуфуси аҳолӣ баъди 8 сол аз Чин мегузарад»

Пекин тавсеаи ёрии иқтисодӣ ва башарӣ ба Сурияро зарур мешуморад

Дар Ҷопон ҷазои ҷисмонии кӯдаконро манъ карданд

Ҷаҳон дар як сатр

19.06.2019


Дар Кӯлоб Фестивали ҷумҳуриявии дӯстии ҷавонон баргузор шуд

Баррасии вазъ ва дурнамои ҳамкориҳо

Боздид аз Муассисаи давлатии «Боғи миллии Ваҳдат”

ПАНҶАКЕНТ. Омодагиҳо ба ҷашни фархунда

Писарбачаи тоҷик дар Хабаровск дӯсташро аз чоҳи оби ҷӯш наҷот дод

Тоҷикистону Беларус: «Муҳокимаи тақвияти ҳамкориҳои низомӣ»

Си Ҷинпин азми сафари Ҷумҳурии Халқии Демократии Корея дорад

Ҷаҳон дар як сатр

12.06.2019


ХУҶАНД. "Зирвеко" ба фаъолият мепардозад

Муаррифии асари Си Ҷинпин «Дар бораи идоракунии давлатӣ»

Баргузории конфронси сайёҳӣ дар Рашт

Масоили низоми бонкӣ матраҳ гардид

Дар Чин аз обхезии тобистона 6,75 миллион нафар зарар дид

Дар Ӯзбекистон рӯйхати идҳои касбиро Рӯзи китобдор афзуд

Дар Ҷопон ба солхӯрдаҳо шаҳодатномаи вижаи ронандагӣ медиҳанд

Сокини Британия дар лотерея Ј123 миллион бурд намуд

Ҷаҳон дар як сатр

11.06.2019


Песков: «Путин ба Тоҷикистон ва Қирғизистон сафар мекунад»

Иштироки роҳбарони 11 кишвар дар ҳамоиши Бишкек

Президенти Қазоқистон аз хусуси роҳҳои ҳалли мушкилоти иҷтимоӣ ҳарф зад


Дар сомонаҳои дигари Тоҷикистон хонед