logo

иқтисод

МОШИНСОЗӢ. КАМБУДӢ ДАР ЧИСТ?

Саноати мошинсозӣ. Баъзеҳо бо шунидани самти фаъолияти ин соҳаи барои пешрафти иқтисодиёти миллӣ муҳим, онро ба маънои аслиаш мефаҳманд, яъне Тоҷикистони рӯ ба тараққӣ автомошина истеҳсол мекунад. Он вақт ҳам дур нест. Талошҳои ҳамаҷонибаи давлату Ҳукумат низ ба хотири рушди  босамари соҳаҳои афзалиятнок – зиёд кардани иқтидори нави истеҳсолӣ дар асоси технологияи муосир бо коркарди ашёи хоми ватанӣ мебошад. Саҳифаи мазкур бозгӯи шаммае аз он аст дар арафаи таҷлили Рӯзи кормандони соҳаи мошинсозӣ, ки ҳамасола якшанбеи охири моҳи сентябр баргузор мегардад.
Мувофиқи натиҷаи таҳлили вазъи соҳаи мошинсозии ҷумҳурӣ ва ҳаҷми истеҳсоли маҳсулоти соҳа, тамоюли барқароршавии иқтидори истеҳсолӣ дар корхонаҳо танҳо аз соли 2000-ум ба назар расид. Дар ин давра истеҳсоли зиёда аз 20 номгӯйи маҳсулоти нав, ба монанди тракторҳо, мошинолот, профилҳои алюминийи рӯйпӯшкардашуда, арматураи сохтмонӣ, кунҷакҳои металлӣ, сими металлӣ, трасформаторҳои гуногун, ноқилҳои рӯйпӯшкардашудаи тамғаҳои гуногун, профилҳо ва зарфҳои пластмассӣ, 2 намуд девори пенопролистиролӣ, қуттӣ барои мева ва сабзавот, гранули пластмассӣ, мехҳои сохтмонии андозаашон гуногун, симтӯрҳои металлӣ ва амсоли инҳо ба роҳ монда шудааст. Бунёди корхонаҳои муштараки истеҳсоли мошин, аз ҷумла автобусу трактор, барои рушди минбаъдаи саноати мошинсозӣ дари нав боз кард. Барои мисол, таъсис ёфтани корхонаи муштараки Тоҷикистону Туркия бо номи “AKIA AVESTO” шумораи зиёди мутахассисони маҳаллиро ба кори банду басти қисмҳои асосии  автобус, ки аз хориҷи кишвар ворид мешаванд, ҷалб намуд. Ба гуфтаи Асрор Мирзоев, директори ҶСК “AKIA AVESTO”, мутахассисон имрӯз 40 нафаранд ва сафи онҳо ҳангоми ба роҳ мондани хати истеҳсолӣ (ва иқтидори истеҳсолии автобусҳо дар як сол аз 250 то 300 адад) ба беш аз 200 нафар хоҳад расид. Мутахассисон аз муҳандисони турк дониш ва малакаи касбӣ омӯхта, имконияти хуби дар оянда бунёд кардани корхонаҳои нави истеҳсолӣ пайдо карда истодаанд. Асоси пешрафти саноати мошинсозӣ низ дар ҳамин аст, яъне пайваста тайёр кардани кадрҳои баландпоя ва дараҷаи сатҳи тараққиёт ва сифати таҷҳизоти дар соҳа истеҳсолшаванда мебошад. Айни замон маҳсулоти дар корхонаҳои мошинсозӣ тавлидёфта, аз ҷумла мошинолот ё худ қисмҳои эҳтиётӣ, барои фаъолияти коргоҳҳои навбунёди соҳаи мошинсозӣ ба кор бурда мешаванд.
КВД “Тоҷикагролизинг”, ки ягона корхонаи таъминкунандаи хоҷагиҳои деҳқонӣ бо техника (ба тариқи лизингӣ) мебошад, бо “Коргоҳи мошинсозӣ” ва дигар ширкатҳои маҳаллӣ ҳамкорӣ дошта, якҷо барои қонеъ гардондани талаботи деҳқонон ба техника ва таъмири он дар ҷойҳо хидмат мерасонанд.
Юсуф Акрамзода Акрам, директори КВД “Тоҷикагролизинг”, изҳор дошт, ки  корхона дар чанд соли охир барои осон кардани кори деҳқонон техникаи кишоварзии иборат аз комбайнҳои ғалладаравӣ ва пахтачинӣ, ки талафотро кам месозанд, дастрас намуд. Соли гузашта барои хоҷагиҳои деҳқонии ноҳияи Ҳисор ва Турсунзода, ки дар кишти шолӣ душворӣ мекашиданд, аз Олмон комбайнҳо ворид карда шуданд. Корхона ба хоҷагиҳои деҳқонии мамлакат дар маҷмӯъ 1 800 адад техника ба маблағи 300 миллион сомонӣ овардааст. Ин ҷо саҳми корхонаҳои маҳаллӣ низ бо ба роҳ мондани истеҳсоли мошинолот бараъло ба чашм мерасад. Мутахассисон кӯшиш карда истодаанд, то ин ки сифати маҳсулотро ба талаботи бозор ҷавобгӯ созанд. Барои ин аз буҷети давлат маблағи муайян ҷудо карда шудааст. Ин самаранокӣ иваз кардани маҳсулоти воридотӣ ба маҳсулоти истеҳсоли ватаниро вусъат мебахшад.
Ҳамин тариқ, гуфтан мумкин аст, ки саноати мошинсозии мамлакат дар ҳоли рӯ ба рушд аст. Ба он, албатта, раванди пешрафти дигар соҳаҳои афзалиятнок барои расидан ба ҳадафҳои давлату Ҳукумат - аз кишвари аграрӣ-индустриалӣ ба кишвари индустриалӣ - аграрӣ табдил додани Тоҷикистон таъсиргузоранд.
О. ВАФОБЕК, “Ҷумҳурият”

 

 

 


Баёни ақида (0)    Санаи нашр: 25.09.2018    №: 187    Мутолиа карданд: 214

15.02.2019


ШАМШЕРБОЗӢ. ИШТИРОКИ ВАРЗИШГАРОНИ МО ДАР ЧЕМПИОНАТИ КУШОДИ ОСИЁИ МАРКАЗӢ

ҶАҲОН ДАР ЯК САТР

Дар Душанбе ташкили низоми муттаҳидаи мудофиаи зиддиҳавоӣ баррасӣ шуд

Дар чор сол муомилоти мол байни Тоҷикистону Ӯзбекистон 19 маротиба афзуд

Медведев: «Таҳримоти ИМА ба иқтисоди Россия таъсири чандон бузург расонда наметавонад»

Пентагон. ИМА аз Афғонистон ҳамроҳи иттифоқчиёнаш меравад

13.02.2019


2018. Сиёсати хориҷии Тоҷикистон пурбарор буд

КОРРУПСИЯ. 2047 ҷиноят ошкор гардид

САНОАТ. Беш аз 10 миллиард сомонӣ маҳсулот содирот шуд

САРМОЯИ МУСТАҚИМ. Воридот дар ҳоли афзоиш аст

ОБ. Таъминоти аҳолӣ рӯ ба беҳбудӣ дорад

АВҶИ ОБОДКОРИҲО ДАР ШАҲРИ ТУРСУНЗОДА

12.02.2019


АКАДЕМИЯИ ИЛМҲО АЗ КАШФИЁТИ НАВ ТО САНОАТИ ДОРУСОЗӢ

КӮЛОБ. Содироти 825 тонна маҳсулоти кишоварзӣ

ДАНҒАРА. Саноатикунонӣ вусъат мегирад

ФУРУДГОҲҲОИ БАЙНАЛМИЛАЛӢ. Сатҳи хизматрасонӣ рӯ ба беҳбудӣ дорад

ДДК. Авлавият ба сатҳи касбият ва таълим

САДА. Тантанаи ҷашни миллӣ дар ноҳияи Шамсиддини Шоҳин

11.02.2019


ВАЗОРАТИ ФАРҲАНГ. 2018 - соли муваффақиятҳо буд

КУМИТАИ РУШДИ САЙЁҲӢ. Беш аз 1 миллион сайёҳ ба Тоҷикистон омад

МТС. Ҳамкориҳо бо Ӯзбекистон густариш меёбанд

ВМКБ. Гумрукчиён ба буҷет 16,9 миллион сомонӣ ворид карданд

ҲИСОР. Саҳми назарраси соҳибкорон дар ободонии шаҳр

НОҲИЯИ РӮДАКӢ. Ҳаҷми истеҳсоли маҳсулот ба 1 миллиард сомонӣ расид

ВАРЗОБ. Таваҷҷуҳи сайёҳон ба нуқтаҳои истироҳатӣ афзудааст

08.02.2019


Вазорати меҳнат, муҳоҷират ва шуғли аҳолӣ. Музди миёнаи меҳнат - 1220 сомонӣ

КУМИТАИ ТЕЛЕВИЗИОН ВА РАДИО. Сифати кори шабакаҳо беҳтар мешавад

КҲФМГ. Офатҳои табиат 34 миллион самонӣ хисорот овард

Саноатикунонӣ дар Шаҳринав

Меъёри бозтамвил ба 14 дарсад поён фаромад

ШАҲРИ ВАҲДАТ. Иҷрои барзиёди андози иҷтимоӣ

ТАНЗИМ. Қонуншиканӣ коҳиш ёфтааст

СОҲИЛ. Корҳои мустаҳкамсозӣ вусъат меёбанд

ДДСТДТ. Авлавият ба рушди ҳунарҳои мардумӣ


Дар сомонаҳои дигари Тоҷикистон хонед