logo

иқтисод

БЕҲДОШТИ ЗАМИН БЕҲДОШТИ ЗИНДАГИСТ

Беҳтар намудани ҳолати мелиоративии заминҳои кишоварзӣ омили асосии зиёд намудани ҳаҷми истеҳсоли маҳсулоти кишоварзӣ, яке аз воситаҳои босамари таъмини амнияти озуқаворӣ ва дар ин замина баланд бардоштани сатҳи зиндагии мардум мебошад. Аз ин рӯ, беҳтар намудани ҳолати заминҳо дар меҳвари таваҷҷуҳи Асосгузори сулҳу ваҳдати миллӣ – Пешвои миллат,Президенти Ҷумҳурии Тоҷикистон муҳтарам Эмомалӣ Раҳмон қарор дошта, дар ин самт пайваста тадбирҳо андешида мешаванд.
Ба наздикӣ Ҳукумати Ҷумҳурии Тоҷикистон «Барномаи беҳтар намудани вазъи мелиоративии заминҳои обёришавандаи кишоварзии Ҷумҳурии Тоҷикистон барои солҳои 2019 – 2023» - ро тасдиқ намуд. Дар доираи он давоми 5 сол беҳтар намудани ҳолати мелиоративии 48572 гектар заминҳои обёришавандаи кишоварзӣ ба нақша гирифта шудааст.
Тавре ки Холмурод Раҳмон, директори Агентии беҳдошти замин ва обёрии назди Ҳукумати ҷумҳурӣ, иттилоъ дод, барномаи нав бо мақсади таъмини амнияти озуқавории кишвар, ташкили ҷойҳои нави корӣ, афзун намудани иқтидори содиротӣ ва ҳалли масъалаҳои иҷтимоӣ қабул шудааст. Ҳоло тавассути талошҳои пайвастаи Сарвари давлат ва Ҳукумати Ҷумҳурии Тоҷикистон дар арсаи байналмилалӣ кишвари пешоҳанги ҳалли масъалаҳои ҷаҳонии об эътироф гаштааст. Дар иртибот ба ин масъала рушди соҳаи мелиоратсия яке аз ҳадафҳои асосии Ҳукумати ҷумҳурӣ арзёбӣ гардида, бобати сол ба сол беҳтарсозии ҳолати мелиоративии заминҳо ва азхуднамоии заминҳои нави обёришаванда аз ҳисоби буҷети давлатӣ ва ҷалби сармояи хориҷӣ маблағҳои калон равона гардидаанд.
Айни ҳол майдони умумии заминҳои қобили обёрӣ дар кишвар 757,8 ҳазор гектарро ташкил медиҳад. Таъмини об дар масоҳати 552,3 ҳазор гектар сурат гирифта, аз он 292,2 ҳазор гектар тавассути пойгоҳҳои обкашӣ обёрӣ карда мешавад.
Тибқи маълумоти Кумитаи давлатии идораи замин ва геодезии ҷумҳурӣ, ба ҳолати 1 январи соли 2018 дар ҷумҳурӣ 757842 гектар заминҳои обӣ, аз ҷумла 463045 гектар заминҳои корами обӣ, мавҷуд мебошанд.
Майдони заминҳои обии зери назорат қарордошта 694,6 ҳазор гектар, заминҳои шӯри таҳти банаворгирӣ қарордошта 632 ҳазор гектар ва заминҳои бо заҳкашҳо таъмингардида 327,5 ҳазор гектарро ташкил менамоянд. Тибқи маълумоти Кадастри мелиоративӣ, 556704 гектар заминҳои обии кишоварзӣ (73 дарсад) дар ҳолати хуби мелиоративӣ, 164124 гектар (21,6 дарсад) дар ҳолати қаноатбахш ва 37014 гектар (4,8 дарсад) дар ҳолати ғайриқаноатбахш қарор доранд.
Дар доираи татбиқи се барномаи давлатии беҳтар намудани вазъи мелиоративии заминҳои обёришавандаи кишоварзии ҷумҳурӣ тайи солҳои 2000 - 2014 барои гузарондани корҳои мелиоративӣ аз маблағҳои буҷетӣ 119,69 миллион сомонӣ масраф гардида, 180804 гектар майдони кишоварзӣ аз ҳолати ғайриқаноатбахш ба ҳолати қаноатбахш баргардонда шуд. Идораҳои зертобеи агентӣ тайи 8 моҳи соли равон ба маблағи 5,9 миллион сомонӣ корҳои мелиоративиро ба анҷом расонданд, яъне ҳолати мелиоративии 6764 гектар замин беҳтар карда шуд. Имсол бо ҷалби сармояи дохилию хориҷӣ беҳтар гардондани ҳолати мелиоративии 9765 гектар замин ба нақша гирифта шудааст.
Иронбӣ МӮСОЗОДА, «Ҷумҳурият»

 


 


Баёни ақида (0)    Санаи нашр: 26.09.2018    №: 188    Мутолиа карданд: 252

24.06.2019


Президенти Филиппин моҳи октябр ба Россия меояд

Трамп бо Эрон омодаи гуфтушунид буданашро тасдиқ намуд

Дар Ҳиндустон афтидани хайма боиси марги 14 нафар шуд

СУҒД. Оғози мусобиқаи байналмилалӣ

"ФИЛОСОФИЯ ОТДЫХА" имкониятҳои сайёҳии Тоҷикистонро таҳлил намуд

Ҷаҳон дар як сатр

21.06.2019


Мулоқоти Хайринисо Юсуфӣ бо Валериу Кивер

Ҳамоиш бахшида ба таъмини устувории макроиқтисодӣ

Муаррифии натиҷаҳои фаъолият дар самти безараргардонии башардӯстонаи минаҳо

20.06.2019


Гумерова: «Омӯзгорони рус дар Тоҷикистон мондан мехоҳанд»

СММ: «Ҳиндустон дар нуфуси аҳолӣ баъди 8 сол аз Чин мегузарад»

Пекин тавсеаи ёрии иқтисодӣ ва башарӣ ба Сурияро зарур мешуморад

Дар Ҷопон ҷазои ҷисмонии кӯдаконро манъ карданд

Ҷаҳон дар як сатр

19.06.2019


Дар Кӯлоб Фестивали ҷумҳуриявии дӯстии ҷавонон баргузор шуд

Баррасии вазъ ва дурнамои ҳамкориҳо

Боздид аз Муассисаи давлатии «Боғи миллии Ваҳдат”

ПАНҶАКЕНТ. Омодагиҳо ба ҷашни фархунда

Писарбачаи тоҷик дар Хабаровск дӯсташро аз чоҳи оби ҷӯш наҷот дод

Тоҷикистону Беларус: «Муҳокимаи тақвияти ҳамкориҳои низомӣ»

Си Ҷинпин азми сафари Ҷумҳурии Халқии Демократии Корея дорад

Ҷаҳон дар як сатр

12.06.2019


ХУҶАНД. "Зирвеко" ба фаъолият мепардозад

Муаррифии асари Си Ҷинпин «Дар бораи идоракунии давлатӣ»

Баргузории конфронси сайёҳӣ дар Рашт

Масоили низоми бонкӣ матраҳ гардид

Дар Чин аз обхезии тобистона 6,75 миллион нафар зарар дид

Дар Ӯзбекистон рӯйхати идҳои касбиро Рӯзи китобдор афзуд

Дар Ҷопон ба солхӯрдаҳо шаҳодатномаи вижаи ронандагӣ медиҳанд

Сокини Британия дар лотерея Ј123 миллион бурд намуд

Ҷаҳон дар як сатр

11.06.2019


Песков: «Путин ба Тоҷикистон ва Қирғизистон сафар мекунад»

Иштироки роҳбарони 11 кишвар дар ҳамоиши Бишкек

Президенти Қазоқистон аз хусуси роҳҳои ҳалли мушкилоти иҷтимоӣ ҳарф зад


Дар сомонаҳои дигари Тоҷикистон хонед