logo

иҷтимоиёт

БОҒИ ВОСЕЪ. БОЗ ЯК ГӮШАИ ДУШАНБЕ ГУЛИСТОН ШУД

Боғи фарҳангӣ - фароғатии Восеъ ба яке аз мавзеъҳои зебову дилнишин мубаддал ёфта, дар он барои сайру сайёҳат ва истироҳату фароғати сокинону меҳмонони пойтахт шароити мусоид фароҳам оварда шудааст. Бунёди боғи мазкур дар асоси дастуру ҳидоятҳои Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон моҳи ноябри соли 2017 оғоз гардида, 5 сентябри соли равон дар арафаи 27-умин солгарди Истиқлолияти давлатии Ҷумҳурии Тоҷикистон мавриди баҳрабардорӣ қарор дода шуд. Боғи фарҳангӣ - фароғатии Восеъ бо иштироки муовини аввали Сарвазири мамлакат Давлаталӣ Саид ва раиси шаҳри Душанбе Рустами Эмомалӣ  ифтитоҳ ёфт. Он дар ноҳияи Синои пойтахт, кӯчаи Фазлиддин Муҳаммадиев, шаҳраки 102 - юм, бунёд гардида, дар масоҳати беш аз 4 гектар доман паҳн кардааст.
Бино ба гуфтаи Алишер Ризоев, аграном, дар боғи навбунёд  3500 дарахти ороишию  сояафкан ва 22000 гули ороишӣ   шинонда шудааст. Ҳамчунин, 4 атраксион барои дилхӯшии кӯдакон, 4 суҳбатҷойи болопӯшида, 2 фаввора бо чароғакҳои рангаи ороишӣ, қаҳвахонаи замонавӣ, майдончаи варзишӣ ва гӯшаҳои муҷаҳҳази машқу тамрини бадан бунёд карда шудааст. Масоҳати роҳравҳо барои сайругашт ва истироҳату фароғати сокинону меҳмонон ба 6000 метри мураббаъ мерасад.
Раъно Ниёзова, нафақахӯр, сокини маҳаллаи Испечак, худро муаррифӣ кард зане ва наберааш Умарҷонро, ки кебида роҳ мерафту бо завқу шавқ санҷоберо дар шохи дарахт нишон медод, ба оғуш кашида гуфт: - Илоҳо Пешвои муаззами миллат Эмомалӣ Раҳмон ва раиси шаҳри Душанбе Рустами Эмомалӣ барака ёбанд, ки ба мо сокинони пойтахт чунин як боғи фарҳангию фароғатиро эҳдо карданд. Ин мавзеъ қаблан ҷангалу хористон ва партовгоҳе буд, ки ҳоло ба гулистон табдил ёфтааст. Имрӯз аз накҳати гулу раёҳини боғ димоғҳо муаттар асту тамошо ва сайругашташ ба дили пиру ҷавон шодиву нишот мебахшад. Ин дар масал хӯшаест аз хирман. Дар ҳақиқат, аз ташаббусу иқдомҳои созанда ва бунёдкоронаи Сарвари давлат Ватани азизамон - Тоҷикистон ва пойтахти он – шаҳри Душанбе он қадар ободу зебо ва шукуфо шудааст, ки шоистаи таҳсин аст.
Ориз Шогуниев, низомӣ, сокини маҳаллаи 102  таасуроташро чунин иброз дошт: - Дар урфият мегӯянд, ки «Дасти одам гул аст», ки ҳақ асту рост. Бубинед, ки дар зарфи камтар аз як сол чунин ҷойи нообод ба як боғи зебо бо гулгаштҳои дилпазир табдил ёфт. Пештар дар ин маҳалла ягон ҷои истироҳату фароғат вуҷуд надошт. Имрӯзҳо Боғи фарҳангӣ - фароғатии Восеъ  ба ҷои дӯстдоштаи мо - сокинони гирду атроф табдил ёфтааст. Мо, пеш аз ҳама, ба Президенти кишвар муҳтарам Эмомалӣ Раҳмон ва раиси шаҳри Душанбе Рустами Эмомалӣ арзи сипос менамоем.
Мунаввари САФАР,
«Ҷумҳурият»


Баёни ақида (0)    Санаи нашр: 28.09.2018    №: 190-191    Мутолиа карданд: 126

13.12.2018


Иштироки Азим Иброҳим дар Форуми ҳамкории Чин ва Осиёи Марказӣ

Шаҳри Душанбе бо музофоти Хайнан бародаршаҳр гардид

Вохӯрии Заробиддин Қосимӣ бо Абдулазиз ибни Абдулкарим ал-Исӣ

Мадуро вохӯриашро бо Путин таърихӣ унвон кард

Қазоқистон 50 номгӯи маҳсулотро ба содирот баровард

Дабири кулли СММ: «Лағви шартномаи Париж «худкушист»

Голикова: «Собиқадорони Ҷанги Бузурги Ватанӣ ҳамагӣ 1,4 миллион нафар мондаанд»

Дар Қирғизистон домоди қотил 20 сол зиндонӣ шуд

Ҷаҳон дар як сатр

12.12.2018


Мулоқоти Низомиддин Зоҳидӣ бо Лю Бин

Таҳкими ҳамкориҳо бо Бонки аврупоии таҷдид ва рушд

Таъсиси шӯрои рушди маориф

Қазоқистон калонтарин дар ИДМ неругоҳи барқи офтобиро ба кор даровард

Дар Қирғизистон ба волидони кӯдакони маъюб маош таъйин мекунанд

Чин ваъдаи кам кардани боҷ ба автомобилҳои амрикоиро баҷо меорад

Ҷаҳон дар як сатр

ГӮШТӢ. Тоҷикистон 6 медали тилло ба даст овард

РОҲ БА СӮИ ТОКИО. Ҷаласаи машваратӣ бо федератсияҳои варзишӣ

ХУҶАНД. Бунёди 5 иншооти нав

МУЪМИНОБОД. "Якарча" ба кор даромад

СММ: “Аз коррупсия иқтисоди ҷаҳонӣ соле 2,6 триллион доллар талаф медиҳад”

Дар Стокголм ҷоизаҳои Нобел барои соли 2018 супурда шуданд

Катрунгалос: «Муносиботи мо бо Россия самимитар гашт»

Дар Қазоқистон нархи яклухти барқ ва газро паст мекунанд

Ҷаҳон дар як сатр

Тоҷикистон дар Чемпионати Осиё – 2019

САМБО. Ду медали гӯштигирони тоҷик

10.12.2018


Вохӯрии Сироҷиддин Муҳриддин бо Томас Гремингер

Ҷамъомади тантанавӣ бахшида ба таъсиси воҳидҳои таъйиноти махсуси ВКД

Ба ифтихори солгарди Сайидои Насафӣ Конфронси байналмилалӣ доир мегардад

Вориси Ангела Меркел дар мақоми сарвари ҲНД Аннегрет Крамп-Карренбауэр шуд

Дар ОПЕК+доир ба маҳдудсозии истихроҷи нафт ба мувофиқа расиданд

Боздошти беш аз 1700 нафар дар намоишҳои эътирозӣ дар Фаронса

Беш аз нисфи аҳолии сайёра ба интернет дастрасӣ ёфт


Дар сомонаҳои дигари Тоҷикистон хонед