logo

иҷтимоиёт

ВМКБ. БОНУВОН ЗИДДИ БЕНИЗОМӢ ВА ҶОНИБДОРИ ҲАЁТИ ОСОИШТААНД!

Бо иштироки зиёда аз  500 нафар занон аз шаҳри Хоруғ ва ноҳияҳои Вилояти Мухтори Кӯҳистони Бадахшон таҳти унвони «Бонувон - ҷонибдори сиёсати хирадмандонаи Асосгузори сулҳу ваҳдати  миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон» ҳамоиш баргузор шуд. Дар ҳамоиш занон мавқеи қотеонаи хешро бар зидди силоҳ ва маводи мухаддир, амалҳои дигари ҳуқуқвайронкуниву ҷиноятӣ ва костагии ахлоқ, ки боиси иснод овардан ба шаъни мардуми сарбаланди Бадахшон ва эҷоди нороҳатӣ шудааст, иброз доштанд.
Дар ҳамоиш муовини раиси ВМКБ Назира Амирбекзода изҳор дошт, ки таҳти роҳбарии Пешвои муаззами миллат муҳтарам Эмомалӣ Раҳмон дар кишвар пешравиҳои азим ба амал омада, дар партави Фармони Президенти ҷумҳурӣ “Дар бораи боло бардоштани мавқеи зан дар ҷомеа” занони тоҷик дар ҳаёти сиёсӣ ва фарҳангии ҷомеа ҷойгоҳи сазовор пайдо намуданд.        
Сафари кории охири Сарвари давлат ба шаҳру ноҳияҳои ВМКБ шаҳодати пешравиҳои бузург дар соҳаҳои иҷтимоию иқтисодӣ ва фарҳангӣ буда, дар ҷараёни сафар 20 иншооти дорои аҳамияти муҳим ба истифода дода шуданд. Танҳо аз соли 2013 инҷониб  барои тараққиёти вилоят ва таъмини зиндагии шоистаи мардум зиёда аз 4 миллиард сомонӣ равона шудааст. ВМКБ чун ҳамеша дар маркази диққати Роҳбарияти олии кишвар қарор дошта, сокинони он бо шукргузорӣ аз ҳаёти осоишта ва созанда машғули кору зиндагианд. Мутаассифона, вақтҳои охир амалҳои гурӯҳҳои ҷиноятӣ боиси ноором гардидани авзоъ дар шаҳри Хоруғ гардидаанд. - Дар чунин шароит бетарафӣ баробар ба бешарафист ва ҳамоиши имрӯзаи занону модарон баёнгари он аст, ки занони Бадахшон чун неруи муташаккили сиёсӣ ҳамеша  ҷонибдори  сиёсати хирадмандонаи Пешвои миллат буда, бар зидди силоҳу мухаддирот ва амалҳои ҷинояткорӣ садо баланд мекунанд, - афзуд Н. Амирбекзода. 
Мудири шуъбаи кор бо занон ва оилаи ВМКБ Подшохоним Абдураҳмонова мавҷудияти силоҳ ва гардиши ғайриқонунии маводи мухаддир, густариши нашъамандиро омилҳои асосии эҷоди хатар ва нооромӣ дар ҷомеа арзёбӣ намуда, гуфт, ки Пешвои миллат барҳақ, дар мулоқот бо роҳбарону фаъолони ВМКБ, ки 15 сентябр баргузор шуд, зарурати пурзӯр намудани мубориза бо ин амалҳои зиштро таъкид намуданд.
Зимнан, Арамбегим Маҳтобшоҳзода, корманди дастгоҳи раиси ВМКБ, аз таваҷҷуҳи нокифояи волидон ба тарбияи фарзанд ва заъфи иҷрои қонун “Дар бораи масъулияти падару модар дар таълиму тарбияи фарзанд” изҳори нигаронӣ кард. Ба гуфтаи ӯ, падару модароне ҳастанд, ки агарчӣ духтар ва ё писарашон соатҳои дароз ғайб мезананд ва ё шом дер ба хона оянд, аз ҳолу аҳволашон пурсон намешаванд. Вай, ҳамчунин, таъкид кард, ки айни ҳол вобаста ба вазъи Хоруғ ҳар гуна овозаҳои беасос паҳн мегарданд ва сокинони шаҳр бояд ба дурӯғпардозиҳои ашхоси манфиатҷӯ ва низоъандоз бовар накунанд.
Бино ба гуфти муовини раиси собиқадорони ҷангу меҳнати ВМКБ Қиматгул Алибердиева, бори аввал нест, ки рафтори нохалафонаи гурӯҳҳои ҷиноятӣ боиси ба гирдоби ноамнӣ кашидани шаҳр мегардад, вале итминони комил дорем, ки бо талоши неруҳои солими ҷомеа, ки занон бахши бузурги он ҳастанд, халъи силоҳ пурра амалӣ мешавад.
Раҳмони ГУЛЗОР, “Ҷумҳурият”


Баёни ақида (0)    Санаи нашр: 05.10.2018    №: 196 -197    Мутолиа карданд: 236

18.02.2019


Боздиди Азим Иброҳим аз ҷараёни корҳои сохтмонӣ

ВКД Ҷиноятҳо 83,6 дарсад ошкор шуданд

Вазорати молия. Барои дастгирии буҷет маблағи бештар ҷалб хоҳад гашт

«BISHKEK OPEN – 2019». Дурахши каратэ-дочиёни навраси тоҷик

«МОҲИЯТ ВА ТАЪЙИНОТИ МАТБУОТИ МАҲАЛЛӢ»

РОҒУН. Ободонӣ вусъат меёбад

АНДОЗ. Нақша 100, 6 дарсад иҷро гардид

ТОҶИКИСТОНУ ӮЗБЕКИСТОН. Гардиши савдо ду баробар афзуд

Тоҷикистон миёни кишварҳои ИДМ ба афзоиши баландтарини ММД муваффақ гашт

Дар Тошканд конфронси байналмилалӣ оид ба Осиёи Марказӣ баргузор мегардад

Қасри сафед: "Музокироти тиҷоратӣ дар Пекин ба пешравӣ мусоидат кард"

Трамп мехоҳад ҷангиёни «Давлати исломӣ» - ро ба Аврупо барои суд кардан баргардонад

Кумитаи амнияти иттилоотии Қазоқистон беш аз 90 сомонаи хавфнокро ошкор сохт

Ҷаҳон дар як сатр

15.02.2019


ШАМШЕРБОЗӢ. ИШТИРОКИ ВАРЗИШГАРОНИ МО ДАР ЧЕМПИОНАТИ КУШОДИ ОСИЁИ МАРКАЗӢ

ҶАҲОН ДАР ЯК САТР

Дар Душанбе ташкили низоми муттаҳидаи мудофиаи зиддиҳавоӣ баррасӣ шуд

Дар чор сол муомилоти мол байни Тоҷикистону Ӯзбекистон 19 маротиба афзуд

Медведев: «Таҳримоти ИМА ба иқтисоди Россия таъсири чандон бузург расонда наметавонад»

Пентагон. ИМА аз Афғонистон ҳамроҳи иттифоқчиёнаш меравад

13.02.2019


2018. Сиёсати хориҷии Тоҷикистон пурбарор буд

КОРРУПСИЯ. 2047 ҷиноят ошкор гардид

САНОАТ. Беш аз 10 миллиард сомонӣ маҳсулот содирот шуд

САРМОЯИ МУСТАҚИМ. Воридот дар ҳоли афзоиш аст

ОБ. Таъминоти аҳолӣ рӯ ба беҳбудӣ дорад

АВҶИ ОБОДКОРИҲО ДАР ШАҲРИ ТУРСУНЗОДА

12.02.2019


АКАДЕМИЯИ ИЛМҲО АЗ КАШФИЁТИ НАВ ТО САНОАТИ ДОРУСОЗӢ

КӮЛОБ. Содироти 825 тонна маҳсулоти кишоварзӣ

ДАНҒАРА. Саноатикунонӣ вусъат мегирад

ФУРУДГОҲҲОИ БАЙНАЛМИЛАЛӢ. Сатҳи хизматрасонӣ рӯ ба беҳбудӣ дорад

ДДК. Авлавият ба сатҳи касбият ва таълим

САДА. Тантанаи ҷашни миллӣ дар ноҳияи Шамсиддини Шоҳин

11.02.2019


ВАЗОРАТИ ФАРҲАНГ. 2018 - соли муваффақиятҳо буд

КУМИТАИ РУШДИ САЙЁҲӢ. Беш аз 1 миллион сайёҳ ба Тоҷикистон омад


Дар сомонаҳои дигари Тоҷикистон хонед