logo

маориф

МАСЪУЛИЯТШИНОС БОШЕМ

Кӯдакон шабеҳи химчаи тар ҳастанд: ҳар тараф, ки тоб диҳем, ба ҳамон сӯ тоб мехӯранд. Барои он ки ин фариштаҳои умед ба самти дилхоҳ, ба самти зарурӣ тоб хӯранд, мо калонсолон, аниқтараш оила ва муассисаҳои таълимӣ нисбат ба тарбияи онҳо бояд масъулияти басо хос дошта бошем. Кӯшиш ба харҷ диҳем, ки ин насли навраси ояндасоз дар рӯҳияи баланди ватандӯстию хештаншиносӣ, созандагию бунёдкорӣ ба камол расад ва пайрави бузургони миллати соҳибтамаддуни хеш  бошад. 
Боиси шукргузорӣ ва қаноатмандист, ки аз тарафи давлату Ҳукумат, хосса  Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон  ҷиҳати ба илму дониш фаро гирифтани насли наврас пайваста чораҳои зарурӣ андешида мешаванду сол ба сол тамоми шароитҳои тадрис дар муассисаҳои таълимӣ муҳайёву беҳтар мегарданд.
Мутаассифона, алорағми ин ҳама ғамхориву пуштибонӣ, бархе аз волидон бемасъулиятӣ нишон  медиҳанд. Фарзадонашонро ба ҳоли худ гузошта, аз ҳамкорӣ бо муассисаҳои таълимиву омӯзгорон сар метобанд, дар маҷлису машваратҳои падару модарон, ки он ҷо аз пешравию камбудии фарзандонашон сухан меравад, ширкат наменамоянд. Ин ҳама, албатта, оқибати хуб ба бор намеорад.
Ин гуна волидон дуруст дарк накардаанд, ки кӯдак зинаи аввали таълиму тарбияро дар оила мегузарад ва мактаб танҳо ба он шакл медиҳад. Агар кӯдак хатое содир намояд, зуд аз гиребони омӯзгор медоранд. «Аҳамият надодед, таъкид накардед» гуфта, борони маломатро ба сари омӯзгори зери ҳадафмонда мерезанд. Ҳол он ки ба ҳар ҷурму хато ва рафтори носазои фарзанд падару модарон низ  мусоидат менамоянд.   Ба ҷойи кумак намудан ҳангоми иҷрои вазифаҳои хонагӣ ба фарзандон иҷозат медиҳанд, ки назди телевизор нишаста, соатҳои зиёд филмҳои бисёрсериягиро тамошо намоянд.
Вақт ноаён, бисёр тез мегузарад. Инсон чи гуна гузаштани онро нафаҳмида мемонад. Мо, ана дар ҳамон соату лаҳза аз натиҷаи бемасъулиятии хеш огоҳ мегардем, ки аллакай нахли тарбиянамудаамон каҷ сабзидааст. Чунин подоши амали тарбияи намудаамонро дар зиндагӣ ҳамарӯза эҳсос мекунем, мебинем ва  вомехӯрем.
Бинобар ин, дар тарбияи наврасону ҷавонон набояд саҳлангорӣ намуд ва тавре педагоги маъруф Антон Макаренко мегӯяд: «Волидон бо тарбияи фарзанд таърихи ояндаи кишвар ва ҷаҳонро тарбия мекунанд». 
Сад шукр имрӯз пешорӯи  омӯзгор  ва хонанда мушкилоте нест. Муассисаҳои таълимии хуштарҳу замонавӣ ва фарогир бо ҳама шароит дорем. Таълимгоҳҳо  бо кадрҳои баландихтисоси тахассусӣ ва китобҳои дарсию аёниятҳои таълимӣ пурра таъмин мебошанд. Ҳамаи ин имкон медиҳад, ки бо дарки баланди масъулиятшиносӣ ҳамкории таълимгоҳу волидонро боз ҳам мустаҳкам намоем ва дар тарбияи ҷавонони воқеан донишманду содиқ, ки барои Тоҷикистони азизамон чун нӯшдору заруранд, мусоидат намоем.
 Хишти аввали таълиму тарбияро бояд тарзе гузорем, ки бинои бунёднамудаамон то ба охир рост равад. Чун ин рисолати бузургро ба зимма  гирифтаем ба он бояд  содиқ монем ва рисолати худро сарбаландона иҷро намоем.
Аз ҷониби дигар Қонуни Ҷумҳурии Тоҷикистон "Дар бораи масъулияти падару модар дар таълиму тарбияи фарзанд" мо, омӯзгорон ва волидайнро водор менамояд, ки дар ин самт боз ҳам бештар заҳмат бикашем ва костагиҳои тарбияро бартараф карда, дар мустаҳкамгардии робитаи оила бо муассисаи таълимӣ саҳмгузор бошем.
Фирӯза АКРАМОВА,
омӯзгори коллеҷи омори
шаҳри Ваҳдат


Баёни ақида (0)    Санаи нашр: 03.12.2018    №: 237    Мутолиа карданд: 388
12.08.2020


ТОҶИКИСТОН. АЗ COVID – 19 БОЗ 39 БЕМОР ШИФО ЁФТ

ВИДЕОКОНФРОНСИ “ОСИЁИ МАРКАЗӢ + ЯПОНИЯ”

ВОХӮРИИ МУҲАММАДЮСУФ ИМОМЗОДА БО МУҲАММАД ЗОҲИР АҒБАР

ҶАМЪБАСТИ ОЗМУНИ ҶУМҲУРИЯВИИ ФОСИЛАВИИ «ТОЗАГӢ – ГАРАВИ САЛОМАТӢ»

ЛИГАИ АВРУПО. ҶУФТҲОИ ДАВРИ НИМНИҲОӢ МАЪЛУМ ГАРДИДАНД

10.08.2020


КОРОНАВИРУС. ШУМОРАИ ШИФОЁФТАГОН БА 6 ҲАЗОРУ 573 КАС РАСИД

ЁРИИ НАВБАТИИ ПЕШВОИ МИЛЛАТ БА СОКИНОНИ ЭҲТИЁҶМАНДИ БАДАХШОН

САФАРИ МУОВИНИ САРВАЗИРИ МАМЛАКАТ ШИРИН ИСМАТУЛЛОЗОДА БА ШАҲРУ НОҲИЯҲОИ ҶУМҲУРӢ

«СУҒД ТЕКСТАЙЛЗ» ФАЪОЛИЯТАШРО ТАВСЕА МЕБАХШАД

ЛИГАИ ОЛӢ. "ИСТИҚЛОЛ", "ХУҶАНД" ВА "ХАТЛОН" ДАВРИ ДУЮМРО БО ПИРӮЗӢ ОҒОЗ КАРДАНД

БАДАХШОН. АВЛАВИЯТ БА ТАВСЕАИ МАЙДОНИ КИШТ

АГЕНТИИ НАШЪАОВАР. МУСОДИРАИ БЕШ АЗ 1 ТОННА МАВОДИ НАШЪАОВАР ВА МАҲВИ 26 ГУРӮҲИ ҶИНОЯТӢ

07.08.2020


ТОҶИКИСТОН. 6 ҲАЗОРУ 443 БЕМОРИ COVID-19 ШИФО ЁФТ

ВМКБ. ШИНОСОИИ АЗИМ ИБРОҲИМ БО ҶАРАЁНИ КОР ДАР ИНШООТИ ҶАШНӢ

КМИР. НАҚШАИ ТАҚВИМИИ ЧОРАБИНИҲОИ ИНТИХОБОТИ ПРЕЗИДЕНТИ ҶУМҲУРИИ ТОҶИКИСТОНРО ТАСДИҚ КАРД

ЛИГАИ БОНУВОН. «ХАТЛОН» ҒОЛИБИ МАРҲИЛАИ АВВАЛ

ҶАҲОН ДАР ЯК САТР

06.08.2020


ТОҶИКИСТОН. 6 ҲАЗОРУ 399 ГИРИФТОРИ БЕМОРИИ COVID-19 ШИФО ЁФТ

СУҒД. МАҲСУЛОТИ АРЗОН ЗИНДАГИРО БАРАКАТ МЕБАХШАД

АГЕНТӢ. ШУМОРАИ ХИЗМАТЧИЁНИ ДАВЛАТӢ АЗ ҲИСОБИ ЗАНОН КОҲИШ ЁФТААСТ. ЧАРО?

СЕРИЯ ПРО. МУБОРИЗАИ "СОРО - КОМПАНИЯ" ВА "СИПАР" ШИДДАТ МЕГИРАД

05.08.2020


ТОҶИКИСТОН. 6 ҲАЗОРУ 356 ГИРИФТОРИ БЕМОРИИ COVID – 19 ШИФО ЁФТ

АЗ «АМОНАТБОНК» СИПОСГУЗОРЕМ

ЛИГАИ ОЛӢ. МАРҲИЛАИ ДУЮМ 8 АВГУСТ ОҒОЗ МЕЁБАД

04.08.2020


ТОҶИКИСТОН. 6 ҲАЗОРУ 317 БЕМОРИ COVID – 19 ШИФО ЁФТ

ОМОДАГИҲО ҶИҲАТИ БАРӮЙХАТГИРИИ АҲОЛӢ ВА ФОНДИ МАНЗИЛ ИДОМА ДОРАНД

АГЕНТИИ СОДИРОТ. СОДИРОТИ МАҲСУЛОТИ КИШОВАРЗӢ АФЗУД

83 КОРХОНАИ НАВИ САНОАТӢ МАВРИДИ БАҲРАБАРДОРӢ ҚАРОР ГИРИФТ

ВКД. САТҲИ ҶИНОЯТ КОҲИШ ЁФТ

SARS – CoV – 2. ТАДҚИҚОТИ ОЛИМОН ХАТАРИ НАВИ ОНРО ОШКОР СОХТ

ФАЙЗРЕЗ Ё СЕСАД ХАРБУЗА АЗ ЯК КАФ ЗАМИН

ҶОМИ ТОҶИКИСТОН – 2020. ҶУФТҲОИ ДАВРИ 1/4 - ФИНАЛӢ МУАЙЯН ГАРДИДАНД

03.08.2020


ТОҶИКИСТОН. АЗ КОРОНАВИРУС 83,7 ДАРСАДИ СИРОЯТЁФТАГОН СИҲАТ ШУДАНД

АКАДЕМИЯИ ИДОРАКУНИИ ДАВЛАТӢ ДОНИШҶӮЁНИ ХОРИҶИРО БА ТАҲСИЛ ҶАЛБ КАРДАНИСТ

ҲИСОР. БУНЁДИ ИНШООТИ ҶАШНӢ ИДОМА ДОРАД


Дар сомонаҳои дигари Тоҷикистон хонед