logo

ҳуқуқ

ҶИНОЯТ ва ҶАЗО

СИЛСИЛАҚАЛЛОБӢ
18 ҳолат дар як моҳ
Дар натиҷаи гузарондани чорабиниҳои фаврӣ - ҷустуҷӯӣ аз ҷониби кормандони ШВКД дар ноҳияи Ҷаббор Расулов, сокини шаҳраки Палоси шаҳри Бӯстон Фаррух Ҳалимов, ҳамчун гумонбар барои содир намудани силсилаи ҷиноятҳои қаллобӣ дастгир шуд.
Тибқи иттилои дафтари матбуоти ВКД, номбурда қаблан чор маротиба барои содир намудани ҷинояти қаллобӣ ба ҷавобгарӣ кашида шудааст. Аз ҷумла, бори охир моҳи сентябри соли равон аз ҷониби суди шаҳри Хуҷанд барои ҷинояти қаллобӣ ба маблағи 20 ҳазор сомонӣ ҷаримабандӣ шуда бошад ҳам, боз даст ба ҷиноят зада, моҳи ноябр дар ноҳияи Ҷаббор Расулов такроран 18 ҷинояти қаллобӣ содир намудааст.
Тафтишот маълум кард, ки гумонбар худро корманди мақомоти «милитсия», «суд», «прокуратура», «Кумитаи давлатии амнияти миллӣ», «нозироти андоз» ва «хадамоти фармасевтии вилояти Суғд» муаррифӣ намуда, аз мағозаву дорухонаҳо ва меҳмонхонаҳо гӯё бар ивази ошкор накардани камбудиҳояшон маблағҳои пулӣ ситондааст.
Нисбат ба Фаррух Ҳалимов чораи пешгирӣ дар намуди ҳабс татбиқ шуда, тафтишоти пешакӣ идома дорад. Мувофиқи маълумоти фаврӣ номбурда дар дигар шаҳру ноҳияҳои вилояти Суғд низ даст ба кирдорҳои номатлуб задааст.

ҶАНҶОЛИ ОИЛАВӢ
Қотили зани бародар 10 сол зиндонӣ шуд
Рӯзи 18 майи соли 2018 шаҳрванд Гулмира Хоҷаева дар манзили истиқоматии падараш, воқеъ дар деҳаи Боғикалони шаҳри Истаравшан, бо ҳамсари бародараш Гулшода Хоҷаева, ки қаблан байнашон хусумати бадбинӣ ҷой дошт, муноқиша карда, қасдан бо корди хоҷагӣ ба баданаш зада, ба ҳамсари бародараш ҷароҳати вазнини ҷисмонӣ мерасонад, ки дар натиҷа Гулшода Хоҷаева дар ҷойи ҳодиса ба ҳалокат мерасад.
Аз рӯи иттилои маркази матбуоти Прокуратураи генералӣ, вобаста ба ин ҳолат аз ҷониби прокуратураи шаҳри Истаравшан нисбат ба Гулмира Хоҷаева бо моддаи 104 қисми 1 Кодекси ҷиноятии Ҷумҳурии Тоҷикистон барои одамкушӣ, яъне қасдан аз ҳаёт маҳрум сохтани одами дигар парвандаи ҷиноятӣ оғоз ва минбаъд бо ҳукми суд номбурда бо ин модда гунаҳкор дониста шуда, нисбаташ ҷазои маҳрум сохтан аз озодӣ ба муҳлати 10 сол бо нигоҳ доштан дар колонияи ислоҳии дороӣ низомаш умумӣ таъйин карда шуд.

ҚАЛЛОБӢ
Нафси бад - балои ҷон
Иброҳимҷон Ҳамроқулов, сокини шаҳри Бохтар, бо мақсади тасарруфи молу мулки ғайр бо роҳи фиреб аз шаҳрванд Туйчӣ Зокиров ба воситаи хешаш Ислом Бердиев дар панҷ ҳолати қаллобӣ маблағи умумии 231 507 доллари амрикоӣ, мутаносибан бо асъори миллӣ 1 миллону 823 ҳазору 389 сомониро аз худ намуда, ба манфиати шахсиаш истифода намудааст.
Бино ба иттилои маркази матбуоти Прокуратураи генералӣ, нисбат ба номбурда аз ҷониби прокуратураи шаҳри Душанбе бо аломати моддаи 247 қисми 4 банди “б” Кодекси ҷиноятии Ҷумҳурии Тоҷикистон парвандаи ҷиноятӣ оғоз шуда, баъди ба анҷом расидани тафтиши пешакӣ бо тасдиқи хулосаи айбдоркунӣ ба суд ирсол карда шуд.
Бо ҳукми суди ноҳияи Сино Иброҳимҷон Ҳамроқулов гунаҳгор дониста шуда, нисбат ба ӯ ҷазои маҳрум сохтан аз озодӣ ба муҳдати 10 сол, бо адои ҷазо дар колонияҳои ислоҳии дорои низоми пурзӯр, бо маҳрум кардан аз ҳуқуқи машғул шудан ба фаъолияти соҳибкорӣ ба муҳдати 5 сол таъйин карда шуд.
Шуъбаи ҳуқуқи рӯзномаи «Ҷумҳурият»


Баёни ақида (0)    Санаи нашр: 05.12.2018    №: 240    Мутолиа карданд: 102

15.02.2019


ШАМШЕРБОЗӢ. ИШТИРОКИ ВАРЗИШГАРОНИ МО ДАР ЧЕМПИОНАТИ КУШОДИ ОСИЁИ МАРКАЗӢ

ҶАҲОН ДАР ЯК САТР

Дар Душанбе ташкили низоми муттаҳидаи мудофиаи зиддиҳавоӣ баррасӣ шуд

Дар чор сол муомилоти мол байни Тоҷикистону Ӯзбекистон 19 маротиба афзуд

Медведев: «Таҳримоти ИМА ба иқтисоди Россия таъсири чандон бузург расонда наметавонад»

Пентагон. ИМА аз Афғонистон ҳамроҳи иттифоқчиёнаш меравад

13.02.2019


2018. Сиёсати хориҷии Тоҷикистон пурбарор буд

КОРРУПСИЯ. 2047 ҷиноят ошкор гардид

САНОАТ. Беш аз 10 миллиард сомонӣ маҳсулот содирот шуд

САРМОЯИ МУСТАҚИМ. Воридот дар ҳоли афзоиш аст

ОБ. Таъминоти аҳолӣ рӯ ба беҳбудӣ дорад

АВҶИ ОБОДКОРИҲО ДАР ШАҲРИ ТУРСУНЗОДА

12.02.2019


АКАДЕМИЯИ ИЛМҲО АЗ КАШФИЁТИ НАВ ТО САНОАТИ ДОРУСОЗӢ

КӮЛОБ. Содироти 825 тонна маҳсулоти кишоварзӣ

ДАНҒАРА. Саноатикунонӣ вусъат мегирад

ФУРУДГОҲҲОИ БАЙНАЛМИЛАЛӢ. Сатҳи хизматрасонӣ рӯ ба беҳбудӣ дорад

ДДК. Авлавият ба сатҳи касбият ва таълим

САДА. Тантанаи ҷашни миллӣ дар ноҳияи Шамсиддини Шоҳин

11.02.2019


ВАЗОРАТИ ФАРҲАНГ. 2018 - соли муваффақиятҳо буд

КУМИТАИ РУШДИ САЙЁҲӢ. Беш аз 1 миллион сайёҳ ба Тоҷикистон омад

МТС. Ҳамкориҳо бо Ӯзбекистон густариш меёбанд

ВМКБ. Гумрукчиён ба буҷет 16,9 миллион сомонӣ ворид карданд

ҲИСОР. Саҳми назарраси соҳибкорон дар ободонии шаҳр

НОҲИЯИ РӮДАКӢ. Ҳаҷми истеҳсоли маҳсулот ба 1 миллиард сомонӣ расид

ВАРЗОБ. Таваҷҷуҳи сайёҳон ба нуқтаҳои истироҳатӣ афзудааст

08.02.2019


Вазорати меҳнат, муҳоҷират ва шуғли аҳолӣ. Музди миёнаи меҳнат - 1220 сомонӣ

КУМИТАИ ТЕЛЕВИЗИОН ВА РАДИО. Сифати кори шабакаҳо беҳтар мешавад

КҲФМГ. Офатҳои табиат 34 миллион самонӣ хисорот овард

Саноатикунонӣ дар Шаҳринав

Меъёри бозтамвил ба 14 дарсад поён фаромад

ШАҲРИ ВАҲДАТ. Иҷрои барзиёди андози иҷтимоӣ

ТАНЗИМ. Қонуншиканӣ коҳиш ёфтааст

СОҲИЛ. Корҳои мустаҳкамсозӣ вусъат меёбанд

ДДСТДТ. Авлавият ба рушди ҳунарҳои мардумӣ


Дар сомонаҳои дигари Тоҷикистон хонед