logo

иҷтимоиёт

ВНМО. ИЛОҶИ ВОҚЕА ПЕШ АЗ ВУҚӮЪ

Прокуратураи ноҳияи Ҷаббор Расулов бо мақсади иҷрои дастури Ҳукумати Ҷумҳурии Тоҷикистон аз 18 январи соли 2018 оид ба пурзӯр намудани корҳои фаҳмондадиҳӣ дар байни аҳолӣ бо мақсади пешгирии хатари паҳншавӣ ва оқибатҳои ногувори мубталошавии шаҳрвандон ба бемории сироятии вируси норасоии масунияти одам (ВНМО) ва бемории БПНМ корҳои муайянеро анҷом додааст.
Ҷиҳати пешгирии хатари паҳншавӣ ва оқибатҳои ногувори ин бемориҳо дар асоси нақша - чорабинӣ аз тарафи кормандони прокуратура соли равон дар ҷамоатҳои шаҳраку деҳоти ноҳия, муассисаҳои таҳсилоти миёнаи махсус ва умумии таълимӣ бо ҷавонону наврасон, хонандагон ва донишҷӯён панҷ вохӯрии муҳим баргузор гардид.
Дар вохӯриҳо ба ҷавонону наврасон тартиби тарзи ҳаёти солим миёни ҷавондухтарон ва ҷавонписарони ба синни никоҳӣ расида, аз ҷумла манфиати муоинаи тиббии ҷавонон пеш аз никоҳ фаҳмонда шуд. Санҷиш нишон дод, ки аз соли 1991 то инҷониб дар ноҳия 66 ҳолати сироятёбии шаҳрвандон ба ВНМО ба қайд гирифта шудааст, ки аз онҳо 40 ҳолат байни мардҳо ва 26 ҳолат байни занҳо мебошад. Дар 48 ҳолат гузариши беморӣ бо роҳи алоқаи ҷинсӣ, 13 ҳолат бо роҳи тазриқӣ (сӯзандору), 1 ҳолат бо роҳи хунгузаронӣ ва 3 ҳолат аз модар ба кӯдак ба амал омадааст. Аз шумораи умумӣ то имрӯз 19 нафар фавтидааст. Феълан 31 нафар сироятёфта, таҳти назорати духтурони шуъбаи диспансерии маркази ВНМО - и вилояти Суғд қарор дорад.
Ҳифзи иҷтимоии шахсони мубталои ВНМО/БПНМ ва аъзои оилаи онҳо дар асоси талаботи Қонуни Ҷумҳурии Тоҷикистон “Дар бораи муқовимат бо ВНМО ва БПНМ” ба роҳ монда шуда, ҳамаи онҳо дар қайди маркази пешгирӣ ва мубориза бо БПНМ-и вилояти Суғд буда, бо доруҳои зиддиретровирусии ройгон таъминанд.
Ҳангоми ба дигар намуди бемориҳо гирифтор шудани онҳо дар беморхонаи сироятии вилоят бистарӣ шуда, ройгон табобат мегиранд. Инчунин, аъзои оилаи шахсони мубталои ВНМО ҳар шаш моҳ ройгон аз ташхис гузаронда мешаванд. Кӯдакони аз модар сироятёфтаи ВНМО то синни 18 - моҳагӣ бо шири сунъӣ ройгон таъмин шуда, барои кӯдакони то 16 - сола, ки мубталои ВНМО/БПНМ мебошанд, кумакпулии ҳармоҳа дода мешавад.
Новобаста аз корҳои анҷомёфта, прокуратураи ноҳия кӯшиш ба харҷ  медиҳад, ки дар ин самт корҳои тарғиботию ташвиқотиро пурзӯр намуда, ҷиҳати пешгирию паҳншавии ин бемории сироятӣ чораҳои зарурӣ андешад.
Н. ИМОМЗОДА, прокурори ноҳияи Ҷаббор Расулов,
мушовири адлияи дараҷаи  1


Баёни ақида (0)    Санаи нашр: 06.12.2018    №: 241    Мутолиа карданд: 310

23.01.2020


ҶОМИ ФФТ. Маросими қуръакашии минтақаи Душанбе доир шуд

Озмуни «Ҳунарҳои ороишӣ аз санг» доир мегардад

Усулҳои муосири муқовимат ба ифротгароии хушунатомез миёни ҷавонон

Мубориза бо коррупсия — кори дастаҷамъона

Ба ҶДММ “РСМ Тоҷикистон” иҷозатнома дода шуд

Ӯзбекистон аз харидорони асосии сементи тоҷик аст

Меркел бо Си Ҷинпин натоиҷи конфронси Берлин оид ба Либияро баррасӣ намуд

Солеҳ ва Трамп масъалаи аз Ироқ баровардани сипоҳи хориҷиро мавриди муҳокима қарор доданд

Котиби давлатии ИМА бори аввал ба Минск меояд

Ба сокинони Ухани бинобар хурӯҷи коронавирус тарки шаҳрро манъ карданд

Ҷаҳон дар як сатр

22.01.2020


Лигаи чемпионҳо. Ғалабаи "Истиқлол" бар "Локомотив"

ОЗМУН БАХШИДА БА РӮЗИ ҚУВВАҲОИ МУСАЛЛАҲ

Гутерреш: «Ҷамъомади кумитаи муштарак оид ба Либия мумкин аст 28 январ баргузор гардад»

Трамп бо Лондон созишномаи тиҷоратиро муҳокима кардан мехоҳад

Барои офаридани ваксинаи русӣ бар зидди коронавируси чинӣ ним сол зарур аст

Дар Лубнон бори нахуст зан вазири мудофиа шуд

Дар Чин собиқ сарвари Интерпол барои пора 13,5 сол паси панҷара меравад

Ҷаҳон дар як сатр

Маъюбон. Махзани ягонаи электронӣ таъсис ёфт

21.01.2020


"ҶОМИ РУШД – 2020". Тоҷикистон тими Исландияро шикаст дод

Россия ва Франсия ба музокирот дар чорчӯбаи «2+2» тайёрӣ мебинанд

Баҳои коршиноси Амороти Муттаҳидаи Араб ба конфронси Берлин оид ба қазияи Либия

Салиби сурх: «Ҷанги Яман боиси фирори се миллион нафар гашт»

Шарқи Канада зери барф монд

Соли гузашта дар Италия ҳар ним соат замин ҷунбид

Ҷаҳон дар як сатр

03.01.2020


 БАЙНИ ТОҶИКИСТОН ВА АФҒОНИСТОН РОҲИ ОҲАН БУНЁД МЕГАРДАД

 ДАР ХОРУҒ КӮДАКИСТОН МАВРИДИ БАҲРАБАРДОРӢ ҚАРОР ГИРИФТ

 ХОВАЛИНГ. БЕМОРХОНАИ РАҚАМӢ БА ИСТИФОДА ДОДА ШУД

 AIRBUS БОРИ НАХУСТ АЗ СОЛИ 2011 АЗ BOEING ПЕШ ГУЗАШТ

 ОБХЕЗӢ ДАР ИНДОНЕЗИЯ БОИСИ ҲАЛОКАТИ 26 НАФАР ГАШТ

 НИДЕРЛАНД РАСМАН АЗ "ГОЛЛАНДИЯ" ДАСТ КАШИД

 ДАР ҚАЗОҚИСТОН МУСОФИРИ ҲАВОПАЙМОИ СУҚУТКАРДАРО МУКОФОТОНДАНД


Дар сомонаҳои дигари Тоҷикистон хонед