logo

иҷтимоиёт

АБДУЛМАННОН НАСРИДДИН СУХАНШИНОСИ НОМВАР

Дар ноҳияи Бобоҷон Ғафуров бахшида ба фаъолияти илмиву омӯзгории донишманди шаҳир, доктори илмҳои филология, профессор Абдулманнон Насриддин конфронси илмиву адабӣ таҳти унвони «Суханшиноси номвар ва устоди беназир»  баргузор  гардид.
Абдулманнон Насриддин соҳиби Ҷоизаи Президенти Ҷумҳурии Тоҷикистон дар соҳаи маориф, Ҷоизаи ба номи Камоли Хуҷандӣ, узви Иттифоқи нависандагони Тоҷикистон буда, бо осори илмиву адабии худ дар рушди адабиёт саҳми носутурданӣ гузоштааст. Номбурда на танҳо дар ҷодаи суханшиносӣ, балки дар тавсеаи афкору ахлоқи ҷомеа ба самти беҳин нақши бориз дошт.
Дар мавзӯи “Аҳамияти осори матншиносии Абдулманнон Насриддин дар тасҳеҳу танқеҳи адабиёти ӯзбек” Ваҳҳоб Раҳмон, номзади илмҳои филология, устоди Донишгоҳи давлатии Гулистони Ҷумҳурии Ӯзбекистон сухан ронда, изҳор дошт: «Дар заминаи китоби “Матншиносии осори адабӣ” - и устод Насриддин мо дар Ӯзбекистон осори ӯзбекии адибонро тасҳеҳ ва танқеҳ менамоем. Яъне, ин асари Абдулманнон Насриддин дар матншиносии осори адабии забонҳои дигар, аз ҷумла пешрафти адабиётшиносии муосири ӯзбек, судманд аст.
Ба андешаи адабиётшинос, узви вобастаи Академияи илмҳои Ҷумҳурии Тоҷикистон Мирзо Муллоаҳмад  А. Насриддин аз зумраи он донишмандони пуркоре буд, ки дар пешрафти соҳаҳои гуногуни суханшиносӣ саҳми шоиста гузоштааст. Чашмандози илмии ӯ васеъ буда, ҷанбаҳои гуногуни улуми адабиро, мисли фарҳангшиносӣ, шарҳнигорӣ, матншиносӣ, луғатшиносӣ, нақди тарҷумаву тафсир аз нигоҳи суханшиносӣ фаро мегирад. Хидмати равоншод, бавижа дар баррасии масъалаҳои гуногуни таърихи адабиёти ғаниву бостонии тоҷику форс ва намояндагони барҷастаи он хеле назаррас аст. Аз миёни онҳо, беш аз ҳама, таваҷҷуҳи ӯро бунёдгузори адабиёти тоҷику форс, Одамушшуаро Абуабдуллоҳи Рӯдакӣ ҷалб намудааст.
Суханронии илмии Шарифмурод Исрофилниё, доктори илмҳои филология дар мавзӯи “Ҳофизи Шерозӣ дар таҳқиқи Абдулманнон Насриддин” ба масъалаҳои шарҳи осори адабӣ, ки як самти фаъолияти А. Насриддин маҳсуб меёфт, бахшида шуд. Мавсуф зикр кард, ки  мавзӯи таҳқиқоти илмии А. Насриддин “Проблемаи маърифати бадеӣ ва шарҳу тафсири осори адабиёти форсу тоҷик” буд. Дар маҷмӯаҳои илмӣ, маҷаллаю рӯзномаҳои ватанию хориҷӣ бештар аз 700 мақолаи олим роҷеъ ба масъалаҳои муҳими таърихи адабиёти форс - тоҷик, поэтика, текстология ва фарҳангнигорӣ ба табъ расидаанд. Маҳсули тадқиқи бисёрсолаи шарҳҳо асари бунёдии ӯ “Шарҳнависӣ дар таърихи адабиёти форс - тоҷик” дар ду ҷилд ба шумор меояд.
Дар хотимаи конфронс муовини ректори Донишгоҳи давлатии Хуҷанд ба номи академик Бобоҷон Ғафуров Рухсора Давлатзода як силсила китобҳои илмиву адабӣ, аз ҷумла осори ҳаштҷилдаи А. Насриддинро ба китобхонаи ноҳия ҳадия намуд.
Саидумрон САИДОВ,
номзади илмҳои филология


Баёни ақида (0)    Санаи нашр: 27.12.2018    №: 257-258    Мутолиа карданд: 502
21.01.2021


ДАР КӮЛОБ КОРХОНАИ ИСТЕҲСОЛӢ БА ИСТИФОДА ДОДА ШУД

ҶАЛАСАИ ҶАМЪБАСТИИ НАТИҶАҲОИ РУШДИ ИҶТИМОИЮ ИҚТИСОДИИ ВИЛОЯТИ ХАТЛОН

ВАҚТИ ПАЙВАНДИ ИЛМ БО АМАЛ АСТ

НАВИДҲОИ ФАРҲАНГ

ФИФА. ТОҶИКИСТОНРО 14 ДОВАР МУАРРИФӢ МЕКУНАД

НАХУСТИН ФИЛМИ ТОҶИКИЮ БРИТАНӢ АЗ РӮИ ФИЛМНОМАИ АНИСА СОБИРӢ НАВОРБАРДОРӢ МЕШАВАД

ҶАҲОН ДАР ЯК САТР

ДАР РОССИЯ АЗ КОРОНАВИРУС ЗИЁДА АЗ 3 МИЛЛИОН БЕМОР ШИФО ЁФТ

ҶАҲОН ДАР ЯК САТР

ДУ БОЗИИ РАФИҚОНАИ МУНТАХАБИ ТОҶИКИСТОН

КОМЁБИИ ДАСТПАРВАРОНИ МТМУ № 45

РУЙДОДҲОИ ИЛМӢ

19.01.2021


СҶТ-РО ДАСТРАСИИ НОБАРОБАРИ ДАВЛАТҲО БА ВАКСИНА САХТ НИГАРОН НАМУДААСТ

ҶАҲОН ДАР ЯК САТР

ХАТЛОН. СОДИРОТИ БАРЗИЁДИ МАҲСУЛОТИ КИШОВАРЗӢ

“САФЕДДАРА”. ЯТИМОНИ КУЛЛИ ВИЛОЯТИ ХАТЛОН АЗ БЕҲТАРИН МАВЗЕИ САЙЁҲӢ ДИДАН КАРДАНД

ТАҚДИМИ КИТОБИ «ТОҶИКОН» БА СОКИНОНИ НОҲИЯИ ИШКОШИМ

ҲИСОР. ХИЗМАТРАСОНИИ ТИББӢ РӮ БА БЕҲБУДӢ ДОРАД

15.01.2021


ҶАМЪБАСТИ ОЗМУНИ “ОМӮЗГОРИ СОЛИ ТОҶИКИСТОН – 2020”

ҶАЛАСАИ СИТОДИ КОРӢ ОИД БА ТАҶЛИЛИ 30-СОЛАГИИ ИСТИҚЛОЛИЯТИ ДАВЛАТӢ БАРГУЗОР ШУД

МАОРИФ. НАТИҶАГИРӢ АЗ ФАЪОЛИЯТИ ВАЗОРАТ

НАВИДҲОИ ФАРҲАНГ

ТОҶИКИСТОН. БОЗ ЯК ШИРКАТ БА БОЗОРИ САЙЁҲӢ ВОРИД ГАРДИД

РӮЙДОДҲОИ ИЛМӢ

12.01.2021


 ҶДММ «ММК АГРО» МАЙДОНИ ГАРМХОНАИ ИННОВАТСИОНИРО МЕАФЗОЯД

 РАШТ: МУЛОҚОТИ  РАИСИ  МАҶЛИСИ НАМОЯНДАГОН  БО  ИНТИХОБКУНАНДАГОН

 ШАҲРИ ГУЛИСТОН: АВҶИ СОХТМОНИ ИНШООТИ ҶАШНӢ

 ТАФСИЛОТИ ЯК ҶИНОЯТ. Ё ЧАРО «ҚОЗӢ»-И АВФШУДА ПАСИ ПАНҶАРА РАФТ?

 ТАЪСИСИ КОРХОНАИ НОДИРИ ИЛМИВУ ИСТЕҲСОЛӢ

 ТАЪМИНИ МАРКАЗҲОИ ИЛМӢ ВА МУАССИСАҲОИ ТАЪЛИМӢ БО РЕАКТИВҲОИ КИМИЁӢ

 ПЕШНИҲОДИ БОСТОНШИНОСОН БА ЮНЕСКО

08.01.2021


ВОХӮРИИ МАҲМАДТОИР ЗОКИРЗОДА БО СОКИНОНИ НОҲИЯИ САНГВОР

ДАВРИ ҶУМҲУРИЯВИИ ОЗМУНИ «МУРАББИИ СОЛИ ТОҶИКИСТОН – 2020» ОҒОЗ ГАРДИД

НАВИДҲОИ ФАРҲАНГӢ

МИЁНИ ТОҶИКИСТОНУ ӮЗБЕКИСТОН БОЗ ЯК БУНГОҲИ НАЗОРАТӢ КУШОДА ШУД


Дар сомонаҳои дигари Тоҷикистон хонед