logo

туризм

НОҲИЯИ ВОСЕЪ. ИМКОНОТИ РУШДИ САЙЁҲӢ ЗИЁД АСТ

Восеъ  мулки куҳанест, ки бо таъриху фарҳанги  бой ва мавзеъҳои ҷолибу диданӣ барои рушди намудҳои гуногуни сайёҳӣ имконияти васеъ дорад. Мавҷуд будани  беш аз 50 ёдгории таърихиву меъморӣ, аз ҷумла маҷмааи таърихии Ҳулбук, шаҳракҳои қадимаи Сурхоб, Арал, Афғондилӣ, Учқун, Дарнайчӣ, Пушёни Поён, Гултеппа, Манзаратеппа, Кафтархона, Ғелот, Қалъаҷой, Ҳазорчашма, қалъаҳои Ҳулбуку Қайнар, кушки асримиёнагии Қурбоншаҳид, мақбараҳову қасрҳои куҳан ва амсоли инҳо, далели ин гуфтаҳоянд.

ҲУЛБУК – БЕҲТАРИН ЁДГОРИИ МИНТАҚА
Маҷмааи Ҳулбук, ки аз қаср, шаҳристон, работ ва мақбараҳо иборат аст, яке аз нодиртарин ёдгориҳои Осиёи Марказӣ ба ҳисоб рафта, аз қадим шаҳрнишину шаҳрофар ва соҳиби таъриху маданияти бой будани халқи тоҷик далолат медиҳад.
Аз рӯйи маълумоти бостоншиносон, масоҳати Ҳулбук ибтидои қарни IX 90 гектарро ташкил медод  ва дар асри XI ба 280 гектар расид. Аз дохил ва гирду атрофи ёдгорӣ асбобҳои рӯзгори аз сафол (керамика), оҳан ва шиша сохташуда дарёфт гардидааст, ки гувоҳи дар он замон рушд ёфтани санъати меъморӣ, кандакорӣ, оҳангарӣ ва заргарӣ мебошанд. Шурӯъ аз соли 1951 дар ин мавзеъ ҳафриётҳои бостоншиносӣ оғоз гардиданд, вале, мутаассифона, то ҳол дар ин бостоншаҳри ниёгон таҳқиқоти пурра анҷом дода нашудааст.
Соли 2003 бо Қарори Ҳукумати Ҷумҳурии Тоҷикистон ба хотири ҳифзи ин ёдгории арзишманди таърихӣ дар ин мавзеъ Мамнӯъгоҳи таърихӣ-фарҳангии “Ҳулбук” таъсис ёфт. Моҳи ноябри соли 2009 бошад, он ба руйхати пешакии мероси фарҳангии ЮНЕСКО шомил гардид. Имрӯз дар назди мамнӯъгоҳ осорхона низ фаъолият мекунад, ки дар он беш аз 10 ҳазору 500 дастхату нигораҳои таърихӣ ҳифз мешаванд.

ХОҶАМУЪМИН – НАМОИ ТАБИАТИ НОДИР
Кӯҳи намаки Хоҷамуъмин аз мавзеъҳои ҷолиби минтақа буда, барои ба роҳ мондани сайёҳии экологӣ мувофиқ аст.
Қобили зикри хос аст, ки он яке аз калонтарин кони намаки ошии ҷаҳон маҳсуб шуда, тибқи арзёбиҳои мутахассисон, метавонад аҳолии ҷаҳонро то 400 сол бо намаки тоза таъмин созад. Захираи намаки кӯҳи Хоҷамуъмин 300 миллиард тонна буда, дар ҷаҳон ҷои дуюмро ишғол менамояд.
Инчунин, дар кӯҳи Хоҷамуъмин зиёда аз 160 чашмаи шифобахш ҷорист, ки метавонад асоси бунёди осоишгоҳу шифохонаҳо гардад.
Хоҷамуъмин, ҳамчунин, бо ғорҳои бешумораш машҳур аст. Калонтарин ғори кӯҳ 350 метр дарозӣ дошта, бо вазидани шамол аз он оҳангҳои гуногун садо медиҳад. Қабати болоии кӯҳ аз хок иборат буда, дар он дарахтҳои мухталиф, ба монанди писта, нок, чанор, арча ва буттаву гиёҳҳои зиёд мерӯянд.
Тамошои мавзеъҳои зикршуда барои сайёҳон, бешубҳа, ҷолибу хотирмон мебошад. Аз тарафи дигар, фароҳам намудани шароит ба зиёд гаштани шумораи сайёҳон ва рушди соҳаи туризм мусоидат карда, сатҳи зиндагии сокинони ноҳияро боз ҳам беҳтар хоҳад кард. 

ДИГАР ИМКОНОТИ ВОҚЕӢ
Ноҳияи Восеъ барои рушди дигар бахшҳои соҳаи сайёҳӣ, аз ҷумла туризми муолиҷавӣ, иқтидору имкониятҳои зиёд дорад.  Айни ҳол дар ноҳия осоишгоҳҳои “Тосқалъа” ва “Ибни Сино” фаъолият мекунанд.
Осоишгоҳи “Тосқалъа” дар деҳоти Миралӣ Маҳмадалиев ҷойгир буда, соли 1980 сохта шудааст ва дар он табобат бо лойқа, муми кӯҳӣ, буғ ва маҳс  ба роҳ монда шудааст. Боиси тазаккур аст, ки сол ба сол теъдоди муштариёнаш меафзояд.
Мутахассисон барои беҳтар рушд ёфтани туризми ноҳия ташкили хатсайрҳои навро муҳим арзёбӣ мекунанд. Алалхусус, ба роҳ мондани хатсайрҳои нав ба деҳоти дурдаст хеле ҷолиб аст. Бо ин мақсад, роҳбарияти ноҳия барои рушди соҳа, таъмини инфрасохтори зарурӣ ва хизматрасонии босифату замонавӣ чораҳои зарурӣ меандешад. Айни замон дар ноҳия ду меҳмонхона дар хидмати сайёҳон қарор дошта, дар доираи омодагиҳо ба истиқболи сазовори Ҷашни 30-солагии Истиқлолияти давлатӣ сохтмони боз 3 меҳмонхонаи дигар оғоз шудааст. Бунёди роҳу пулҳо, марказҳои хизматрасонӣ, тарабхонаву меҳмонхонаҳои замонавӣ, ки дар ноҳия босуръат идома доранд, бешак ба рушди сайёҳии ноҳия мусоидат хоҳанд кард. 
Комрон САФАР, Бахтовар КАРИМ, “Ҷумҳурият”


Баёни ақида (0)    Санаи нашр: 10.01.2019    №: 9    Мутолиа карданд: 373

21.08.2019


Путин 4 сентябр бо Сарвазири Ҳиндустон музокирот мегузаронад

Амири Қатар даъвати Путинро ба ФИБП пазируфт

Даҳ ҳазор нафар бинобар сӯхтор дар пойтахти Бангладеш бе сарпаноҳ монд

Токио имкони ба мадор баровардани радифҳои ҳарбиро баррасӣ дорад

Ҷаҳон дар як сатр

ШИНОВАРӢ. Варзишгарони тоҷик ба Чемпионати ҷаҳон рафтанд

19.08.2019


Баррасии асосноккунии техникиву иқтисодии роҳи Қалъаи Хумб – Ванҷ

Баргузории ҳамоиши "Ҷавонони эҷодкор – парчамбардорони миллат ва пайравони Пешвои миллат"

15.08.2019


Муносибатҳои Ҳиндустон ва ҶМЧ бояд суботи ҷаҳонро таъмин созанд

Дар Япония бар асари гармии ҳаво наздики 13 ҳазор кас бистарӣ шуд

Мулоқоти сарони Россия, Эрон ва Туркия моҳи сентябр доир мешавад

Ҷаҳон дар як сатр

05.08.2019


Ҷаҳон дар як сатр

01.08.2019


Вохӯрии Сироҷиддин Муҳриддин бо Кан Ҷе - квон

Масоили муҳоҷират матраҳ гардид

Фестивали яхмос ва обҳои ташнагишикан дар Душанбе

АКАДЕМИЯИ ИЛМҲО. Аз таъсиси маркази тарҷума то ҷашни Саразм

64 дарсади зарари молиявӣ барқарор шуд

ШАҲРИ ТУРСУНЗОДА. Корҳои ободонӣ вусъат мегиранд

ҲИСОР. Саноатикунонӣ дар мадди аввал

ФАЙЗОБОД. Афзоиши истеҳсоли маҳсулоти кишоварзӣ

НОҲИЯИ РӮДАКӢ. Саноат рӯ ба беҳбудӣ дорад

ДДТТ. Нуфузи байналмилалӣ меафзояд

Ҷаҳон дар як сатр

30.07.2019


Фестивали тобистонаи Душанбе доир мешавад

Мулоқоти Шодихон Ҷамшед бо Хуанг Деҳаи

Соҳибкорони ватанию хориҷӣ дар Бадахшон ҷамъ меоянд

БЕҲСОЗИИ ТАЪМИНОТ БО ОБ. Барои он зиёда аз 27 миллион ҷудо гардид

ШАҲРИНАВ. 160 иншооти ҷашнӣ ба истифода дода шуд

Трамп то интихоботи соли 2020 артишашро аз Афғонистон бароварданист

Душанбе 80 шаҳрванди Афғонистонро, ки дар Тоҷикистон ҳукм гирифтааст, ба Кобул истирдод намуд

Ҷаҳон дар як сатр

29.07.2019


ҲИФЗИ ИҶТИМОӢ. Як нишасти муҳим

ДУШАНБЕ. Рушди саноат дар мадди аввал


Дар сомонаҳои дигари Тоҷикистон хонед