logo

иҷтимоиёт

ИСТАРАВШАН. ВУСЪАТИ КОРҲОИ ОБОДОНӢ

Дар шаҳри Истаравшан ба истиқболи Ҷашни 30 - солагии Истиқлолияти давлатӣ бунёду таъмири 460 иншооти иҷтимоию иқтисодӣ ба нақша гирифта шудааст. Соли сипаригардида бо саҳмгузории мақомоти иҷроияи ҳокимияти давлатии шаҳр, соҳибкорон ва сокинони саховатпеша 112 иншооти таъйиноти гуногун бунёд ёфтанд. Ба фаъолият шурӯъ намудани иншооти азим ба коҳиш ёфтани норасоии ҷойи кор мусоидат намуд.   

- Бо дастгирии Асосгузори сулҳу ваҳдати миллӣ – Пешвои  миллат, Президенти Ҷумҳурии Тоҷикистон муҳтарам Эмомалӣ Раҳмон  Истаравшан дар муддати кӯтоҳ ба як минтақаи пешрафта ва оинаи таҷаллогари рушди босуботи кишвар мубаддал гардид, - иброз дошт Феҳраст Нодиров, мудири бахши меъморӣ ва шаҳрсозии Истаравшан.
Ба гуфтаи номбурда, соли 2018 дар шаҳр корҳои ободонӣ вусъати тоза ёфтанд. Аз ҷумла, дар Ҷамоати деҳоти Гули Сурх кошонаи ҳусн, сартарошхона, ҳуҷра барои хатнаи кӯдакон, МТМУ № 65 барои 380 хонанда, чойхона, варзишгоҳ, мағозаи хӯрокворӣ, сехи дӯзандагӣ, бинои кумитаи деҳа ва нуқтаи таъмири мошинҳо сохта шуданд. Инчунин, сехи коркарди маҳсулоти сохтмонӣ ва симтӯрбофии Ҷамоати деҳоти Сабристон ба фаъолият шурӯъ намуд.
Дар деҳоти дигари шаҳр низ сокинон пайи созандагиву бунёдкорианд. Дар ин деҳаҳо аз рӯи эҳтиёҷоти мардум марказҳои саломатӣ, кӯдакистонҳо, тарабхонаҳо, нуқтаҳои таъмини сӯзишворӣ, мағозаҳо, нуқтаҳои шустушӯи мошинҳо, чоҳҳои амудӣ, марказҳои хизматрасонию савдо, синфхонаи иловагӣ ва иншооти дигар бунёд ёфта, мавриди баҳрабардорӣ қарор гирифтанд.  
Бо мақсади беҳтар намудани дастрасии аҳолӣ ба хизматрасонии тиббӣ бо иқдоми хайрхоҳонаи соҳибкор Ғайбулло Ҷалолов бо харҷи 1,3 миллион сомонӣ маркази ташхисӣ - табобатии «Истиқлол» - и Ҷамоати деҳоти Қалъачаи Калон сохта шуд ва дар он 35 нафар соҳиби ҷойи кори доимӣ гашт. Алҳол мушкили корафтодагону беморон дар маҳали зисташон бартараф мегардад.
Дар хиёбони Исмоили Сомонии маркази шаҳр бинои маракази саломатии №2 азнавсозӣ шуд. Дар кӯчаи Ваҳдат бошад, майдони Нишони давлатӣ, нуқтаҳои савдову хизматрасонӣ, қаҳвахона, маркази хизматрасонии компютерӣ ва меҳмонхонаи панҷошёна қомат афрохта, ба зебоии шаҳр ҳусни дигар зам намуданд.
Ҳамзамон, таҷдиду азнавсозии роҳу гузаргоҳҳо, сохтмони бинои шуъбаҳои эҳё ва бемориҳои пӯсту зӯхравӣ, меҳмонхона, синфхонаҳои иловагӣ, боғчаи бачагона, таъмири мағозаи тиҷоратии «Саман» дар хиёбони Истиқлоли маркази шаҳр аз ҷониби соҳибкор Хушбахт Юсуфов бо харҷи 102 ҳазор сомонӣ ба анҷом расид. Дар ҳамин хиёбон соҳибкорон Ҳаниса Ёқубова ва Бурҳон Эргашев бо харҷи беш аз 4 миллион сомонӣ дармонгоҳи амрози занона ва меҳмонхона бунёд намуданд. 
Кароматулло АТО, 
«Ҷумҳурият»


Баёни ақида (0)    Санаи нашр: 07.02.2019    №: 29    Мутолиа карданд: 356

16.07.2019


ХАДАМОТИ АЛОҚА. Корти ID симкорти муштариро ба расмият медарорад

ЭНЕРГЕТИКА. 2,5 миллиард сомонӣ қарзи дебитории "Барқи тоҷик" муаммои ҳалталаб боқӣ мемонад

15.07.2019


Сарвазири Корея ба Тоҷикистон меояд

Баррасии масъалаҳои ҳамгироии САҲА, СҲШ ва ИА дар минтақаи Осиёи Марказӣ

Нахустин шумораи маҷаллаи «Осиё ва Аврупо» аз чоп баромад

ДТТ. Изҳори нигаронӣ аз вазъи бо кор таъмин шудани хатмкардаҳо

ТИБ. 288 номгӯи доруи ғайристандартӣ ошкор шуд

11.07.2019


Шиносоии Қоҳир Расулзода бо сохтмон ва навсозии шоҳроҳи Душанбе – Бохтар

10.07.2019


Нодиртарин "Девон" - и Навоӣ дар Хуҷанд

Бунёди нахустин пойгоҳи ҷаҳонии шабакаи атмосферии Тоҷикистон дар Осиёи Марказӣ

Иттиҳоди Аврупо барои кишварҳои Осиёи Марказӣ 72 миллион евро ҷудо мекунад

Матвиенко: "Дар бозори Россия қариб тамоми об қалбакӣ будааст"

Ҷаҳон дар як сатр

08.07.2019


Баррасии ҷараёни иҷрои Барномаи давлатии тарбияи ватандӯстӣ ва таҳкими ҳувияти миллии ҷавонон

"Душанбе - қалби Тоҷикистон"

Ҳамоиш оид ба таҳияи маҳсулоти сайёҳӣ

Россия нахусткайҳоннаварди арабро бо ғизои махсус таъмин месозад

Зиёни иқтисодии Гурҷистон аз коҳиши сайёҳони рус беш аз $700 миллион хоҳад шуд

Дар Қазоқистон то соли 2021 нияти ифтитоҳи 20 мактаби олӣ ва 180 коллеҷро доранд

СММ: "Қирғизистон нахустин кишварест, ки мушкили бешаҳрвандиро ҳал кард"

Зеленский пурра иҷро кардани созишномаи Минскро ваъда дод

Ҷаҳон дар як сатр

04.07.2019


Ҷаласаи Комиссияи муштараки ҳамкории иқтисодию тиҷоратии Тоҷикистону Покистон

Масъалаи татбиқи ҳамгироии сиёсати давлатии ҷавонон баррасӣ гардид

ФУТБОЛ. Чемпионати АФОМ дар Тоҷикистон мегузарад

Омӯзгоронро барои кор дар Тоҷикистон ва Қирғизистон интихоб менамоянд

Сарвазири Италия пазироии самимии Путинро ваъда кард

Дар Минск паради низомӣ бахшида ба Рӯзи Истиқлолияти Беларус доир гашт

Путин шартҳои муколамаи Москва ва Киевро ном бурд

Суд ба маъмурияти Трамп истифодаи маблағи Вазорати мудофиаро барои деворсозӣ манъ намуд

Ҷаҳон дар як сатр

02.07.2019


Тақвияти ҳамкориҳо бо БАТР

Мулоқоти Исматулло Насредин бо Умар Аюб Хон

Озмунҳои «Маҳаллаи беҳтарин» ва «Кӯчаи беҳтарин» баргузор мешаванд


Дар сомонаҳои дигари Тоҷикистон хонед