logo

иҷтимоиёт

ХАТЛОН. ТАЪСИСИ 8626 ҶОЙИ КОР ДАР СЕ МОҲ

Дар ҷаласаи васеи мақомоти иҷроияи ҳокимияти давлатии вилояти Хатлон, ки бо иштироки  раиси вилоят Қурбон Ҳакимзода, муовинони раиси вилоят, раисони шаҳру навоҳӣ, сардорони ташкилоту идораҳои вилоятӣ ва фаъолон баргузор гардид, натиҷаҳои рушди иқтисодию иҷтимоии вилоят дар семоҳаи аввали соли равон баррасӣ ва  вазифаҳо барои соли 2019 муайян гардиданд.
Бо қаноатмандӣ гуфта шуд, ки ҳаҷми маҷмӯи маҳсулоти дохилии минтақавӣ дар се моҳи соли равон ба 2 миллиарду 799,6 миллион сомонӣ расида, афзоиш нисбат ба ҳамин давраи соли гузашта 7,2 дарсадро ташкил дод. Иҷрои нақшаи андозҳо, бо назардошти андози иҷтимоии ғайрибуҷетӣ, 100,4 дарсад таъмин гардида, ба буҷет 337,8 миллион сомонӣ маблағ ворид шуд, ки дар қиёс ба нақша 1,2 миллион сомонӣ зиёд мебошад.
Дар семоҳа ба соҳаҳои буҷетии вилоят ва шаҳру ноҳияҳо 371,5 миллион сомонӣ маблағгузорӣ карда шуд. 81 дарсад ё 323 миллион сомонии маблағҳои буҷетӣ ба соҳаҳои иҷтимоӣ равона гардидааст.
Бонкҳои вилоят ба соҳаҳои иқтисодӣ 333,5 миллион сомонӣ қарзҳои бонкӣ додаанд, ки назар ба ҳамин давраи соли гузашта 37,3 миллион сомонӣ зиёд мебошад. Аз ҷумла, аз ин ҳисоб ба соҳаҳои кишоварзӣ 125,9 миллион (37,8%),  саноат, сохтмон ва нақлиёт 115,7 миллион (34,7%), савдо 54,4 миллион (16,3%), рушди сайёҳӣ ва ҳунарҳои мардумӣ 970 ҳазор (0,3%) ва дигар соҳаҳо 36,5 миллион сомонӣ (10,9%) қарз дода шудааст. Гардиши савдо ба 1307,3 миллион сомонӣ расида, афзоиш нисбат ба ҳамин давраи соли гузашта, 25,2 дарсадро ташкил медиҳад. Фақат тайи ду моҳи аввали сол гардиши савдои хориҷӣ ба 81,3 миллион доллари амрикоӣ расид, ки аз он содирот 38,8 миллион ва воридоти молу маҳсулот 42,5 миллион долларро ташкил медиҳад.
Дар вилоят 33 лоиҳаи давлатии сармоягузорӣ амалӣ мешавад. Маблағи азхудшуда 454,5  миллион долларро ташкил медиҳад.
Дар ин давра дар ҳудуди вилоят 8 ҳазору 626 ҷойҳои нави корӣ таъсис дода шудааст. Танҳо аз ҳисоби баргузории 76 ярмаркаи ҷойҳои холии корӣ ва дигар сарчашмаҳо 2 ҳазору 481 шаҳрванд соҳиби шуғли доимию мавсимӣ гардид. Музди миёнаи меҳнат 16,4 дарсад афзуд.
Ҳаҷми истеҳсоли маҳсулоти кишоварзӣ 520,2 миллион сомониро ташкил дод, ки нисбат ба ҳамин давраи соли гузашта 35,5 миллион сомонӣ зиёд аст. Дар ҳамаи бахшҳои хоҷагидорӣ 839,5 тонна сабзавот, 150 ҳазор тонна гӯшт, 70,1 ҳазор тонна шир, 23,8 миллион дона тухм истеҳсол гардида, афзоиш нисбат ба ҳамин давраи соли гузашта мутаносибан аз 6 то 27 дарсадро ташкил медиҳад.
Ҳаҷми истеҳсоли маҳсулоти саноатӣ ба 1 миллиарду 714,8 миллион сомонӣ расид, ки назар ба ҳамин давраи соли 2018 - ум 119,8 миллион сомонӣ зиёд мебошад. Суръати афзоиш бо нархҳои ҳақиқӣ 7,5 фоиз ва бо нархҳои муқоисавӣ 6,6 фоизро ташкил медиҳад.
Дар қиёс ба ҳамин давраи соли гузашта афзоиши истеҳсоли орд 3,4, нон ва маҳсулоти нонӣ 3,1, равғани рустанӣ 6,1, гӯшти навъи 1-ум 8,2, маҳсулоти ширӣ 45, риштаи пахтагӣ 54,1, маҳсулоти дӯзандагӣ 89, нафт 11, маҳсулоти пластикии филизӣ 24, семент 9,2, регу санги майда 61 ва транформатор 28 дарсадро ташкил дода, истеҳсоли маҳсулоти доруворӣ 3, мусалласи ангур 4,  маҳсулоти макаронӣ 13, мебел 2,3, қубурҳои пластикӣ 6,5, гаҷи сангин 3, хишти бинокорӣ 4,3 ва бетони сохтмонӣ 16 баробар  афзоиш ёфт.  Давоми се моҳ 20 корхона ва коргоҳи нави саноатӣ бо фарогирии 212 ҷойи кор ба фаъолият пардохт.
Ба маблағи 53,6 миллион сомонӣ 54 бинову иншооти истеҳсолию ғайриистеҳсолӣ, аз  ҷумла  14 синфхонаи иловагӣ бо 396 ҷойи нишаст, маркази саломатӣ, 30 маркази савдо ва дукони тиҷоратӣ, 2 толори варзишӣ, 3 бинои бисёрқабатаи истиқоматӣ ва 7 иншооти дигар бунёд ёфта, 1,7 километр роҳи автомобилгард аз таъмири асосӣ бароварда шуд.
Дар интиҳои ҷаласа Қурбон Ҳакимзода бо ишора ба ҷашни бузург – 30 - солагии Истиқлолияти давлатии Ҷумҳурии Тоҷикистон ва Солҳои рушди деҳот, сайёҳӣ ва ҳунарҳои мардумӣ аз масъулони ниҳодҳои вилоятӣ, шаҳрӣ ва ноҳиявӣ тақозо кард, ки ба амалҳои ободонӣ, ҷалби ҷавонон ба корҳои созанда, муҳайё кардани шароити беҳтар барои сокинони деҳот, омӯхтани имкониятҳои туристии вилоят ва рушд додани соҳа таваҷҷуҳи амиқ зоҳир созанд.
Зокир ҲАСАН, “Ҷумҳурият”


Баёни ақида (0)    Санаи нашр: 18.04.2019    №: 74    Мутолиа карданд: 139

05.09.2019


Ҷаҳон дар як сатр

СОҲИБКОР СОҲИБВАТАН АСТ

НОҲИЯИ АЙНӢ. Зиндагӣ ранги тоза мегирад

03.09.2019


Россия ба пешниҳоди ҳамкорӣ ба Макрон посух дод

Миллион нафар амрикоӣ ба ҷойҳои бехавф кӯчонда хоҳанд шуд

Ҳалокати 20 сарбози неруҳои амниятӣ дар вилояти Қундуз

ИМА ва Чин ба молҳои якдигар боҷҳои нав ҷорӣ карданд

ТАЭКВОН – ДО. Дурахши варзишгарони тоҷик дар чемпионати ҷаҳон

Ҷаҳон дар як сатр

РОFУН. Таъсиси хатсайрҳои нави сайёҳӣ

29.08.2019


Раҳмон Озода Эмомалӣ сафири Созмони байналмилалии «Занони сиёсатмадори роҳбар» дар Тоҷикистон таъйин гардид

Вохӯрии Сироҷиддин Муҳриддин бо Ҷейми Флай

ҶОМИ ПРЕЗИДЕНТИ ТОҶИКИСТОН НАСИБИ ТЕННИСБОЗОНИ ТОҶИКУ ӮЗБЕК ГАРДИД

САРИДОРАИ БОЙГОНӢ. Мизи мудаввар бахшида ба Ҷашни Истиқлолияти давлатӣ

Ҷаҳон дар як сатр

ИШТИРОКИ ҲАЙАТИ ТОҶИКИСТОН ДАР КОНФРОНСИ БАЙНАЛМИЛАЛӢ ОИД БА ҲИФЗИ МЕРОСИ ФАРҲАНГӢ

МТС. ЯК КОНФРОНСИ МУҲИМ

28.08.2019


ИДИ КАДУ ДАР ДУШАНБЕ

«БАҲОРИ ИСТИҚЛОЛ». ХАТСАЙРИ НАВИ САЙЁҲӢ ДАР ТУРСУНЗОДА

21.08.2019


Путин 4 сентябр бо Сарвазири Ҳиндустон музокирот мегузаронад

Амири Қатар даъвати Путинро ба ФИБП пазируфт

Даҳ ҳазор нафар бинобар сӯхтор дар пойтахти Бангладеш бе сарпаноҳ монд

Токио имкони ба мадор баровардани радифҳои ҳарбиро баррасӣ дорад

Ҷаҳон дар як сатр

ШИНОВАРӢ. Варзишгарони тоҷик ба Чемпионати ҷаҳон рафтанд

19.08.2019


Баррасии асосноккунии техникиву иқтисодии роҳи Қалъаи Хумб – Ванҷ

Баргузории ҳамоиши "Ҷавонони эҷодкор – парчамбардорони миллат ва пайравони Пешвои миллат"

15.08.2019


Муносибатҳои Ҳиндустон ва ҶМЧ бояд суботи ҷаҳонро таъмин созанд

Дар Япония бар асари гармии ҳаво наздики 13 ҳазор кас бистарӣ шуд

Мулоқоти сарони Россия, Эрон ва Туркия моҳи сентябр доир мешавад

Ҷаҳон дар як сатр

05.08.2019


Ҷаҳон дар як сатр

01.08.2019


Вохӯрии Сироҷиддин Муҳриддин бо Кан Ҷе - квон

Масоили муҳоҷират матраҳ гардид


Дар сомонаҳои дигари Тоҷикистон хонед