logo

иҷтимоиёт

ХАЙР. АМАЛЕ, КИ ПАЙРАВӢ МЕХОҲАД

Сокини шаҳри Хуҷанд Нӯъмон Ҳасанов бо андешаи ташкили фаъолияти эҳсонкорӣ дар марҳилаи аввал дар як бинои маҳаллаи Ваҳдати маркази вилояти Суғд нуқтаеро барои  қабули сарулибоси истифодашуда таъсис дода, тариқи васоити ахбори омма аз аҳолии шаҳр даъват ба амал овард, ки ҷиҳати дастгирии оилаҳои камбизоату ятимон ва маъюбон сарулибос, пойафзол, асбобҳои ниёзи рӯзгори зиёдатии худро ба ин нуқта оварда, дар ин иқдоми хайрхоҳона саҳми худро гузоранд.  
- Бо ҷонибдорӣ аз ин иқдом нахуст фарзандони худам  чанд намуд сарулибосро шуста, бо чанд ҷуфт пойафзол ба нуқтаи қабул супурданд,- мегӯяд Нӯъмонҷон Ҳасанов. - Интизории мо тӯл накашид, баъди чанд рӯзи эълон тавассути рӯзномаву телевизион садҳо нафар  бо халтаҳои пур аз  либосу пойафзол, асбоб ва майдачуйдаҳои рӯзгор ҳозир мешуданд.
Бо гузашти се соли фаъолият имрӯз ин нукта ба як маркази бузурге мубаддал ёфта, ҳамарӯза ниёзмандон на танҳо аз худи шаҳри Хуҷанд, балки дигар навоҳии вилоят меоянд. Бино ба дафтари сабти ин марказ зиёда аз се ҳазор нафар одамони касбу кори гуногун шурӯъ аз сарулибосу пойафзол то даҳҳо номгӯй асбобҳои рӯзгору маиширо, ки ҳанӯз коршояму  дар ҳолати хуб қарор доранд, овардаанд. Барои дастрас кардани либосу анҷомҳои марказ то имрӯз наздик ба 11 ҳазор нафар шаҳравандон муроҷиат кардаанд. Соли равон рафтуои одамон дар марказ боз ҳам зиёд гашта, танҳо дар оғози соли 2019-ум 150 нафар либосу анҷоми рӯзгор супурданд. Бо мақсади васеъ кардани самтҳои фаъолият дар марказ, ҳамчунин, ба таъмири аробачаҳои маҷрӯҳон шурӯъ карданд.
- Мушоҳидаҳо нишон  доданд, ки мардуми тоҷик ҳаргиз аз амалҳои хайру эҳсон дур набудааст ва ҳамеша, сарфи назар аз мушкилоту сангинии зиндагӣ омода аст ташнаеро об диҳаду бурдаи нонеро бо ҳам бинанд ва имконе, ки дорад ниёзмандеро дастгирӣ кунад,- иброз медорад сарвари маркази хайру эҳсон Нӯъмонҷон Ҳасанов.
Ҳисси баланди башардӯстонаи мардум нисбат ба  гурӯҳҳои осебпазир аст, ки ҳоло ин ё он нафари алоҳида, ширкат, соҳибкор бо хоҳиши худ, бе нишон додани ному насаб, бидуни намоишкорӣ самимона бо пешниҳоди амволу маводи ғизоӣ ва ё молиявӣ дасти кумак дароз мекунанд. Масалан, ҷавони 25-солае ба марказ омада иброз медорад, ки ӯ омода аст аввалин маоши худро ба кори хайр сарф кунад.  Пас аз чанд муддат ду оилаи эҳтиёҷманд аз дастгирии молиявии ин ҷавон баҳраманд шуданд.  Чунин мисолҳо дар фаъолияти марказ хеле зиёд буда, ин раванд идома дорад. Хусусан, рӯзҳои иду айёму ҷашнҳо сафи нафарони эҳсонкор бамаротиб меафзояд.
Ин иқдоми маркази  хайру эҳсони маҳаллаи Ваҳдати шаҳри Хуҷанд аз ҷониби мақомоти иҷроияи ҳокимияти давлатии вилояти Суғд дастгирӣ ёфта, аз дигар шаҳру навоҳии вилоят дархост шудааст, ки ба ташкили чунин марказҳои хайру эҳсон мусоидат намоянд.
- Сипосгузорем аз фарде, ки ин маркази хайру эҳсонро таъсис додаасту ба ниёзмандон дасти мадад дароз мекунад, - мегӯяд Нарзиддин Домуллоев, сардухтури беморхонаи деҳоти Лаккони шаҳри Исфара. - Мо низ аз марказ барои беморон сару либос гирифтем.
Дар моҳи шарифи Рамазон ба беморхонаи рӯҳии ноҳияи Зафаробод низ либос интиқол шуд.
Ҷовиди АШТӢ, «Ҷумҳурият»


Баёни ақида (0)    Санаи нашр: 29.05.2019    №: 102    Мутолиа карданд: 131

18.09.2019


Харбузаҳои 25 - килограмма

Суиқасд ба ҷони Президенти Афғонистон Ашраф Ғанӣ

Дар Душанбе ба ифтитоҳи масҷиди калонтарин дар Осиёи Марказӣ омодагӣ мебинанд

Вохӯрии нахустини Путин ва Зеленский мумкин аст моҳи октябр баргузор шавад

Медведев давраи нави муносиботи Москва ва Пекинро эълом дошт

Низомиёни Ироқ ба марҳилаи нави мубориза алайҳи «Давлати исломӣ» шурӯъ карданд

17.09.2019


“ДУШАНБЕ – ҚАЛБИ ТОҶИКИСТОН”. САЗОВОРИ ҶОЙИ АВВАЛ

16.09.2019


Мулоқоти Маҳмадсаид Убайдуллоев бо Муҳаммадтақии Собирӣ

Ҳамкориҳо бо Созмони ҷаҳонии гумрук густариш меёбанд

Дар шаҳри Хоруғ маркази нави хизматрасонии ширкати Тсеll кушода шуд

ЧЕМПИОНАТИ ҶАҲОН

ҚАЛЪАИ ҲУЛБУК. Бозёфти таърихии мансуб ба асрҳои IX – X

Ҷаҳон дар як сатр

Тоҷикистону Британия Палатаи савдо таъсис доданд

Сарвазири Шӯрои давлатии Чин Россияро барои кишвараш шарики калидӣ хонд

Пристайко: «Дар муносиботи Киев ва Москва «ях об мешавад»

05.09.2019


Ҷаҳон дар як сатр

СОҲИБКОР СОҲИБВАТАН АСТ

НОҲИЯИ АЙНӢ. Зиндагӣ ранги тоза мегирад

03.09.2019


Россия ба пешниҳоди ҳамкорӣ ба Макрон посух дод

Миллион нафар амрикоӣ ба ҷойҳои бехавф кӯчонда хоҳанд шуд

Ҳалокати 20 сарбози неруҳои амниятӣ дар вилояти Қундуз

ИМА ва Чин ба молҳои якдигар боҷҳои нав ҷорӣ карданд

ТАЭКВОН – ДО. Дурахши варзишгарони тоҷик дар чемпионати ҷаҳон

Ҷаҳон дар як сатр

РОFУН. Таъсиси хатсайрҳои нави сайёҳӣ

29.08.2019


Раҳмон Озода Эмомалӣ сафири Созмони байналмилалии «Занони сиёсатмадори роҳбар» дар Тоҷикистон таъйин гардид

Вохӯрии Сироҷиддин Муҳриддин бо Ҷейми Флай

ҶОМИ ПРЕЗИДЕНТИ ТОҶИКИСТОН НАСИБИ ТЕННИСБОЗОНИ ТОҶИКУ ӮЗБЕК ГАРДИД

САРИДОРАИ БОЙГОНӢ. Мизи мудаввар бахшида ба Ҷашни Истиқлолияти давлатӣ

Ҷаҳон дар як сатр

ИШТИРОКИ ҲАЙАТИ ТОҶИКИСТОН ДАР КОНФРОНСИ БАЙНАЛМИЛАЛӢ ОИД БА ҲИФЗИ МЕРОСИ ФАРҲАНГӢ

МТС. ЯК КОНФРОНСИ МУҲИМ

28.08.2019


ИДИ КАДУ ДАР ДУШАНБЕ


Дар сомонаҳои дигари Тоҷикистон хонед