logo

ҳуқуқ

РАҶАБМО ҲАБИБУЛЛОЗОДА: "КӮДАКОНИ АЗ ИРОҚ ОВАРДАШУДА БА ҲАЁТИ МУҚАРРАРӢ БАРМЕГАРДАНД"

Ҳамасола дар ҷаҳон 1 июн ҳамчун Рӯзи байналмилалии ҳифзи кӯдакон таҷлил мегардад. Дар Ҷумҳурии Тоҷикистон низ, ин сана бо роҳандозии чорабиниҳои зиёди фарҳангию фароғатӣ ва варзишӣ ҷашн гирифта мешавад. Дар робита ба ин, суҳбате доштем бо Раҷабмо Ҳабибуллозода - Ваколатдор оид ба ҳуқуқи кӯдак, ки фишурдаи онро манзури хонандагон мегардонем.

- Ҷумҳурии Тоҷикистон баъди ба даст овардани Истиқлолияти давлатӣ яке аз аввалин кишварҳои пасошӯравӣ буд, ки Конвенсияи СММ оид ба ҳуқуқи кӯдакро ба тасвиб расонда, як қатор уҳдадориҳои байналмилалиро оид ба ҳифзи он ба зимма гирифт.
Бо ибтикори Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон таъсис додани ниҳоди миллии ҳифзи ҳуқуқҳои кӯдак - Ваколатдор оид ба ҳуқуқи кӯдак (ВҲК) аз ҷумлаи тадбирҳои муҳими давлатӣ мебошад.
Ҳоло ВҲК як мақоми махсусгардондашуда, мустақил ва мусоидаткунанда буда, фаъолияти он пурра ба ҳифзу ҳуқуқи кӯдак равона гардидааст. Чунончи, давоми соли сипаригардида ваколатдор 185 муроҷиати шаҳрвандро вобаста ба ҳуқуқу озодиҳои кӯдакон баррасӣ карда, дар ҳалли як қисми он мусоидат намуд.
Чанде пеш бо ташаббуси Асосгузори сулҳу ваҳдати миллӣ- Пешвои  миллат,  Президенти Ҷумҳурии Тоҷикистон муҳтарам Эмомалӣ Раҳмон аз кишвари ҷангзадаи Ироқ 84 кӯдак ба Ватан баргардонда шуд, ки яке аз иқдоми шоиста дар ҷаҳон ба шумор меравад. Созмонҳои байналмилалӣ ташаббуси Пешвои миллатро ҳамчун таҷрибаи нодир ва ибратомӯз барои дигар кишварҳо эътироф намуданд. Баъзе давлатҳои пешрафтаи дунё аз баргардондани ин гуна  кӯдакон худдорӣ намуда, онҳоро барои амнияти кишвар хатарнок мешуморанд ё ин ки барояшон афзалият намедиҳанд.
Сиёсати хирадмандонаи Сарвари давлат нагузошт, ки кӯдакони мо дар ин кишварҳо азобу шиканҷа кашанд. Онҳо баъди ба Ватан баргардондан, мавриди тавонбахшӣ қарор гирифтанд. Имрӯз, аллакай, вазъи кӯдакон аз он рӯзе, ки баргаштанд, ба маънии мусбаташ фарқ мекунад.  Бо онҳо равоншиносон, кормандони иҷтимоӣ, мутахассисони соҳаи тиб кор карда истодаанд. Барои кӯдакон тамоми шароити будубош таъмин шудааст.
Чанде қабл мо ба муассисаи ислоҳии занона, ки дар шаҳри Норак аст, сафар карда, аз шароити будубоши нуҳ кӯдаке, ки ҳамроҳи модарашон ба сар мебаранд, огаҳ шудем.
Бояд гуфт, ки  ин муассиса ҷои кӯдакон нест. Лекин бо сабаби он ки дар ин синну сол кӯдакон ба ғамхории модар ниёз доранд, имрӯз қонунгузорӣ ҳамин гуна имкониятро  фароҳам овардааст.
Зимнан, лозим ба зикр мебошад, ки тибқи қонунгузории Тоҷикистон занҳое, ки адои ҷазо менамоянд, бояд кӯдакони то синни сесолаашонро бо худ гиранд. Барои кӯдакон дар ин муассиса шароити зарурии моддиву маишӣ муҳайё буда, бо хизматрасонии табибу равоншинос таъминанд. Азбаски хурданд ва ба ғамхории модар эҳтиёҷ доранд, онҳоро дар бинои алоҳида ҳамроҳ бо модаронашон нигаҳ медоранд.
Воқеан, ғамхорӣ нисбат ба кӯдакони ятим, маъюб ва таълиму тарбияи онҳо дар маркази диққати  Ҳукумати мамлакат қарор дорад. Онҳо аз ҷониби давлат бо ҷои зист, хӯрок, сарулибос, маблағ, хизматрасонии тиббию иҷтимоӣ таъмин мегарданд. Зимни таҳия ва татбиқи барномаҳои давлатии тараққиёти иқтисодию иҷтимоии кишвар, манфиатҳои кӯдакони маъюб, ятим ва бепарастор ба назар гирифта мешаванд.
- Бо мақсади омӯзиши вазъи риояи ҳуқуқи ин гурӯҳи кӯдакон кормандони  Ваколатдор  оид  ба ҳуқуқи кӯдак пайваста аз хонаи кӯдакон, мактаб - интернатҳо дидан намуда, мониторинг мегузаронанд. Аз санҷишҳои тайи чанд соли охир гузаронда, маълум гардид, ки барои таъмини шароити хуби нигоҳубини кӯдакон дар ин муассисаҳо тадбирҳои зарурӣ андешида шудаанд, - иброз дошт ҳамсуҳбати мо.
Маҳмуд БАҲРОМ, «Ҷумҳурият»


Баёни ақида (0)    Санаи нашр: 31.05.2019    №: 104    Мутолиа карданд: 202

11.11.2019


Фаронса ба «ТАЛКО» таҷҳизот ва ба «Сомон Эйр» панҷ чархбол таҳвил медиҳад

Таъкиди Путин аз зарурати арҷгузории арзишҳои оилаи серфарзанд

Сарвазири Афғонистон: "Натиҷа бояд ба раъйдиҳии воқеии халқи мо асос ёфта бошад"

Чин ба шарти бастани созишномаи тиҷоратӣ бо ИМА ба мувофиқа расид

Ҷаҳон дар як сатр

САМБО. Медалҳои биринҷии гӯштигирони тоҷик

08.11.2019


Давлаталӣ Саид бо Мансур бинни Зойид оли Наҳён вохӯрд

Баргузории конференсия оид ба саҳми диаспораҳо дар рушди кишвар

Масоили ҳамкории фарҳангӣ матраҳ шуданд

МАОРИФ. Медали тиллои хонандагони точик аз Туркия

07.11.2019


Гурӯҳи мусаллаҳ безарар гардонда шуд

БОКС. Медали тиллои муштзани тоҷик дар Россия

ФОРУМИ ПАНҶУМИ МИЛЛӢ. Пойгоҳе ки ҳуқуқшиносонро ба ҳам меорад

Ба Ингушистон суриёие омад, ки аспсавор ба дидори Путин раҳсипор аст

Эрдуғон аз боздошти ҳамсари сарвари "ДИ" Ал-Бағдодӣ хабар дод

Интиқоди ҳазорҳо олим аз беэътиноии сиёсатмадорон ба тағйири иқлим

Пойтахти Тоҷикистон мизбони ҷаласаи Шӯрои ҳамкориҳои ИДМ мешавад

Ҷаҳон дар як сатр

05.11.2019


Роҳҳои баланд бардоштани ҳифзи ҳуқуқҳои истеъмолкунандагони хизматрасониҳои молиявӣ баррасӣ шуданд

Ҳамоиш доир ба нақши ҷавонон дар тарғиби арзишҳои миллӣ

ҶОМИ ТОҶИКИСТОН – 2019. «Истиқлол» ва «Регар - ТадАЗ» бори ҳафтум дар финал

Вохӯрии раҳбарони кумитаҳои амнияти Тоҷикистону Қирғизистон дар Исфара

СММ: "Дар 100 сол аз сунами беш аз 250 ҳазор нафар ҳалок гашт"

Дар Сурия хоҳари Бағдодӣ бо хонаводааш боздошт шуд

Трамп бо Россия ва Чин оид ба назорати силоҳ созишнома бастанист

Дар Ӯзбекистон таҳияи сенарияи ягонаи тӯйҳоро пешниҳод доранд

Ҷаҳон дар як сатр

04.11.2019


Вохӯрии Шукурҷон Зуҳуров бо ҳайати вакилони Парлумони Аврупо

Ҷаласаи Шӯрои миллии рушди маориф баргузор шуд

Машварати сиёсии вазоратҳои корҳои хориҷии Тоҷикистону Туркманистон

Чин ва ИМА масоили асосии созишномаи тиҷоратиро мувофиқа намуданд

Соли гузашта дар дунё 8 ҳазор амали террористӣ руй дод

Қазоқистон таъсиси Шӯро оид ба рушди иқтисоди рақамӣ дар СҲШ - ро пешниҳод кард

Барномаи ҳамкории иқтисодии кишварҳои СҲШ то соли 2035 қабул шуд


Дар сомонаҳои дигари Тоҷикистон хонед