logo

иқтисод

НОҲИЯИ ФИРДАВСӢ. МУШКИЛЕ НЕСТ, КИ ОСОН НАШАВАД!

Бо сабаби набудани ҷӯйборҳои обпарто дар назди биноҳои 20/2, 20/5, 20/6, 20/7 – и хиёбони Саъдии Шерозӣ беш аз  15 сол боз  рӯзҳои боронӣ оби ифлос  ҷамъ мешавад ва сокинон  дар чунин айём бо мушкилӣ  гаштугузор менамоянд. Кӯдакон то бартарафшавии ҳавзҳои оби назди даромадгоҳи бино аз бозию сайру гашти беруна маҳрум шуда, кунҷи хона қарор мегиранд. Кор то ба дараҷае расидааст, ки ҳангоми боронҳои шадид оби ғуншудаи назди бинои 20/2 ба нуқтаи тақсимоти хати барқ наздик мешавад. Мабодо рӯзе борон бисёртар борад, намедонам тақдири бошандагони ин маҳалла аз расиши хати барқ ба ҳавзи оби даромадгоҳи бино  чӣ мешуда бошад? Чанде пеш ба чунин мазмун  Назрулло Раҳимов, сокини хиёбони Саъдии Шерозӣ, бинои 20/2, ба идораи рӯзнома муроҷиат намуд. 

Ӯ,  ҳамзамон,  дар нома  ба унвони  рӯзнома нигоштааст, ки   ин аввалин шикояти  ӯ ва ҳамсоягонаш нест. Вобаста ба бартарафсозии мушкилӣ сокинон борҳо  ба унвони мақомоти иҷроияи ҳокимияти давлатии ноҳияи Фирдавсӣ ва  сохторҳои дигари марбута  номаи шикоятӣ  навиштаанд, аммо мушкил ҳанӯз ҳам боқист.
Ростӣ,  пеш аз он,  ки бо ҳолати кор шинос шавем, мо низ мушкилиро хеле вазнину печида  пиндоштему фикр кардем, ки ҳалли масъала харҷу заҳмати бисёрро талаб менамояд. Чунки беш аз 15 сол ҳалли худро наёфтани мушкилӣ  дар назар масъалаи мураккаберо ҷилва медиҳад. Аммо  якҷо бо намояндагони мақомоти иҷроияи ҳокимияти давлатии ноҳия шоҳид гардидем, ки ҷӯйборҳои обпартои ин маҳалла аз хоку шағал пур шудаанд ва фақат тоза кардани онҳо  зарур аст.  Вале шигифтангез аст, ки ҳамин як кори якрӯзаю дурӯза солҳо аз назари роҳбарияти ноҳия дар канор мондааст.
 - Бо вуҷуди солҳои дароз муроҷиат намудан ба  роҳбарияти ноҳия  масъала  ҳал нашуд. Масъулони ноҳия ҳатто наомаданд, то арзи моро  дуруст бисанҷанд. Роҳбарияти ноҳия фақат дар ҷавобҳои  хаттӣ ноогоҳона  менависад, ки барои кандани ҷӯйборҳои обпарто маблағ лозим асту дар ҳолати пайдо гардидани чунин имконият масъала ҳалли пурраи худро меёбад. Ҳар боре, ки масъаларо ба баррасии масъулон мегузорем, онҳо баҳона пеш меоранд, ки имконияти молиявию техникӣ надорем. Лекин вазъият ба ин ҳад мураккаб нест. Барои ҳалли масъала ҳамагӣ 3 – 4 ҳазор сомонӣ басанда хоҳад буд. Чунки дар назди биноҳои истиқоматӣ ҷӯйборҳои обпарто мавҷуданд. Онҳо чанд сол пеш дар натиҷаи гузарондани хатҳои оби гарм аз сангу шағал ва дигар ифлосиҳо пур шудаанд. Танҳо тоза кардани ин ҷӯйборҳо зарур аст, то қубурҳо  кушода шаванду оби борон ифлосиҳоро шуста,  дар назди хонаҳои истиқоматии мо ҷамъ нашавад.  Ба ҷуз ин,  мо аз масъулони ноҳия кори дигареро хоҳиш  надорем. То кай мо ва фарзандонамон рӯзҳои боронӣ дар роҳрав рӯ - рӯи хиштҳо гаштугузор намоем?  - гилаю норизоӣ намуданд  Назрулло Раҳимов, Борон Гурбатов ва  Гулсара  Маҳмадбекова, сокинони бино. 
Аз омӯзиши ҷавобҳои  хаттии муовинони раиси ноҳия ба муроҷиатҳои имсолаи сокинон  маълум гардид, ки масъулон ҳатто  чӣ гуна ҷойгир будани ҷӯйборҳои обпартои ин маҳалро дақиқ намедонанд. Ш. Хушзода, муовини якуми раиси ноҳия,  дар мактуби ҷавобии худ ба номи Назрулло Раҳимов  ҷой доштани мушкили чандсоларо тасдиқ намуда, гуфтааст, ки кандани  150 – 200 метр хандақ лозим аст.  Шояд дар атрофи биноҳои дигар кандани хандақҳои нав зарур бошад, вале  дар назди бинои номбурда ҷӯйбори обпарто мавҷуд буда,   ба кандани хандақи нав ҳоҷат нест.  Яъне, бо вуҷуди солҳои тӯлонӣ арзу дод намудани сокинони ин маҳалла  масъулони ноҳия ҳолати корро дуруст наомӯхтаанд.
Амонулло Гулҷонов, сардори нозироти идоракунӣ ва хизматрасонии фонди манзили ноҳия, низ зимни суҳбат сабаби то ҳанӯз бартараф нагардидани мушкилиро аз набудани имкониятҳои техникӣ донист. Аммо баъд аз он ки бо дахолати рӯзнома кормандону масъулони  бахши фонди манзили ноҳия ба назди бинои 20/2 омада, вазъи мавҷударо аз наздик диданд, кор ранги дигар гирифт. Кормандони НИХФМ – и ноҳия мавҷуд будани ҷӯйборҳои пештараро, ки аз хоку ифлосиҳо пур шудаанд, бо чашм дида, ба тоза намудани онҳо тасмим гирифтанд. Мутаассифона, ҳамин корро ҳам масъулони ноҳия ба охир нарасонда, дигар бедарак шудаанд. Онҳо ҳамагӣ 10 – 15 метри ҷӯйбори обпарторо аз хоку шағал тоза намуданду халос. Қисмати боқимондаи ҷӯйбори обпарто ҳанӯз  тоза карда нашудааст. Аз нописандӣ ё камҳавсалагии онҳо  боз мушкилӣ боқӣ монд.
Солҳои тӯлонӣ аз назари роҳбарият ва масъулони ноҳия дар канор мондани як мушкили хурд гувоҳи бепарвоӣ ба мушкили сокинон аст. Шояд бошандагони ин маҳал мисли шаҳрвандони шаҳру ноҳияҳои дигар метавонанд тариқи ҳашар бақияи корҳоро худ аҷом диҳанд. Мо ҳамарӯза шоҳид мегардем, ки дар бисёри гӯшаю канори дигари мамлакат сокинон аз як гиребон сар бароварда, на танҳо 50 – 100 метр қубур, балки чанд километр роҳ, иншоот ва хатҳои оби нӯшоӣ бунёд менамоянд. Аз он ки  масъулони ноҳия дар иҷрои вазифа саҳлангорӣ менамоянд, беҳтар аст, ки бошандагони маҳалла аз худ эҳсоси ватандӯстӣ нишон диҳанд ва дар ҳамкорӣ бо мақомоти марбута техникаҳои заруриро дастрас намуда, камбудиро бартараф созанд. Магар айб нест, ки дар як  маҳаллаи обод  ҳангоми боронгариҳо сокинон - зану мард шим то зону кашида, рӯ – рӯи хиштҳо гашту гузор намоянд?
Ташрифулло САЪДУЛЛОЕВ, «Ҷумҳурият»


Баёни ақида (0)    Санаи нашр: 24.07.2019    №: 141    Мутолиа карданд: 285

15.10.2019


Иштироки низомиёни тоҷик дар машқҳои СААД дар вилояти Нижегород

Иттиҳоди Аврупо аз Туркия баровардани сипоҳашро аз Сурия талаб намуд

Ҷоизаи Нобел оид ба иқтисодро барои талоши мубориза бо қашшоқӣ супурданд

Назарбоев ва иштиёқи расмкашӣ

Ҷаҳон дар як сатр

14.10.2019


Роҳи Помир ба панҷгонаи зеботарин роҳҳои дунё шомил гардид

Дар Ҷопон аз тӯфони «Хагибис» 33 нафар ҳалок гашт

Трамп маблағеро ном бурд, ки Вашингтон дар ҷангҳои Шарқи Наздик масраф кардааст

Астронавти амрикоӣ рекорди ба кайҳон баромадани кайҳоннавардони русро пас мегузорад

Ҷаҳон дар як сатр

11.10.2019


Боздиди қариб 8 миллион нафар аз ғурфаи Тоҷикистон дар намоишгоҳи Чин

СААД дар Бишкек вокуниши муштарак ба ҳолатҳои фавқулодаро баррасӣ намуд

Ҷаҳон дар як сатр

10.10.2019


Ёддошти тафоҳум ба имзо расид

Вохӯрии вазирони корҳои дохилии Тоҷикистону Россия

Душанбе ва Димишқ бозгашти тоҷикистониёнро аз Сурия баррасӣ намуданд

Меркел ва Ҷонсон оид ба Brexit ба мувофиқа омада натавонистанд

Барнаул лидерҳои ҷавони кишварҳои Осиёро гирд овард

Ҷаҳон дар як сатр

08.10.2019


ТОҶИКОБОД. 40 НАФАР БА САФИ ҚУВВАҲОИ МУСАЛЛАҲ ПАЙВАСТ

Мулоқоти Қоҳир Расулзода бо роҳбарони ҳайатҳои давлатҳои аъзои САҲА

Ҳамоиш ба муносибати Рӯзи забони давлатӣ дар Тошканд

Бизнес - форуми сайёҳии Тоҷикистону Қирғизистон

СММ амнияти кӯдакони Афғонистонро боиси нигаронӣ хонд

Бонки ҷаҳонӣ Тоҷикистонро ба рӯйхати кишварҳои ислоҳотгар ворид намуд

Ҷаҳон дар як сатр

07.10.2019


ВМКБ. Нақшаи даъват иҷро шуд

ҲИСОР. Ташкили аввалин бозори минтақавии ҳунармандӣ

Ихтирои доруи заъфи дилу раг дар Канада

Сарвари Ӯзбекистон санҷиши фаъолияти сомонаҳои мақомоти давлатиро дархост намуд

ҶХД-и Корея музокирот бо ИМА - ро то охири сол қатъ кард

Дар чор шаҳри калони Россия амали террористӣ пешгирӣ гардид

Ҷаҳон дар як сатр

03.10.2019


Путин: «ИИАО бояд бо СҲШ ва АСЕАН иртиботи қавӣ дошта бошад»


Дар сомонаҳои дигари Тоҷикистон хонед