logo

сиёсат

МИНТАҚАИ КӮЛОБ. ШИНОСОИИ САРВАЗИРИ МАМЛАКАТ БО ҶАРАЁНИ КОРҲОИ СОХТМОНӢ

Сарвазири мамлакат Қоҳир Расулзода бо рафти корҳои сохтмонӣ, бунёдкорӣ ва созандагӣ дар чанд ноҳияи минтақаи Кӯлоби вилояти Хатлон шинос шуд.
Дар ҷараёни сафар Қоҳир Расулзода сараввал ҳамроҳ бо раиси вилоят ва дигар шахсони мутасаддӣ аз рафти корҳои сохтмонӣ дар бинои маъмурии бахши агентии меҳнат ва шуғли аҳолӣ дар маркази ноҳияи Балҷувон коргоҳи дӯзандагӣ, бинои дуошёнаи боғчаи бачагон барои 200 нафар кӯдак, бинои тарабхона ва толори варзиш дидан намуданд.
Сарвазири мамлакат дар деҳаи Сари Мазори деҳоти ба номи Сафар Амиршоев бо рафти корҳои сохтмонии бозори марказии ноҳия, дар деҳаи Калтачинори деҳоти Тоҷикистон бо фаъолияти корхонаи коркарди сангҳои маҳаллии ҶДММ «Элегант» ва  корҳои сохтмонии хати оби нӯшокӣ  шинос шуд, инчунин, аз сохтмони майдончаи варзиш,  маркази савдо,  корхонаи коркарди гиёҳҳои шифобахш дар деҳаи Шаҳидони Ҷамоати деҳоти Сари Хосор, меҳмонхона дар деҳаи Пештова, парваришгоҳи зироатҳои кишоварзӣ, муассисаи таҳсилоти миёнаи умумии №33 дар деҳаи Мулоконӣ, неругоҳи хурди барқи обӣ дар деҳаи Шибдара, меҳмонхона (коттеҷҳо) дар мавзеи Аспоғула, меҳмонхона дар мавзеи Пушти Боғ дидан  карда, бо соҳибкорону коргарон суҳбатҳо анҷом дод. Ба масъулин ҷиҳати дар сатҳи баланд ба анҷом расондани корҳои сохтмонӣ дастурҳои мушаххас дода шуд.
Қоҳир Расулзода дар идомаи сафари корӣ дар ноҳияи Ховалинг низ аз рафти корҳои сохтмонӣ дар иншооти ҷашнӣ бахшида ба 30 - солагии Истиқлолияти давлатии Ҷумҳурии Тоҷикистон дидан намуд.
Гурӯҳи кории Ҳукумати Ҷумҳурии Тоҷикистон  сараввал бо рафти корҳои сохтмонӣ дар бинои МТМУ №4 барои 340 хонанда дар як баст ва сохтмони коргоҳи дӯзандагӣ дар деҳаи Лоҳутӣ шинос гардид. Дар деҳаи Лоҳутӣ, инчунин, сохтмони бинои беморхонаи рақамӣ босуръат идома дорад. Зимни боздид аз сохтмони муассисаи тандурустӣ Сарвазири мамлакат ба паймонкорони иншоот баҳри бо сифат анҷом додани корҳои сохтмонӣ дастурҳо дод.
Ҳайати гурӯҳи корӣ, ҳамчунин, бо вазъи парвариши зироатҳои кишоварзӣ, боғдорӣ, истифодаи оқилонаи замин, захираи хӯроки дурушти чорво дар хоҷагиҳои деҳқонӣ шинос шуд. Дар ноҳия дар партави сиёсати хирадмандонаю созандаи Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон корҳои сохтмонии маҷмааи Нишон, Парчами давлатӣ ва боғи фарҳангӣ - фароғатӣ хуб ҷараён доранд.
Ҳамчунин, гурӯҳи корӣ аз рафти корҳои сохтмонии бинои беморхонаи марказии ноҳия дидан намуд. Дар ноҳия ба ифтихори ҷашни таърихӣ сохтмони биноҳои хизматрасонию маишӣ ва фарҳангию варзишӣ идома меёбанд.
Гурӯҳи корӣ таҳти роҳбарии Сарвазири мамлакат Қоҳир Расулзода дар ноҳияи Муъминобод аз рафти корҳои сохтмонии бинои истиқоматии 5 - ошёна дар шаҳраки Муъминобод дидан намуд. Дар шаҳрак, инчунин, бунёди осоишгоҳи бемориҳои қалб бо суръат идома дорад. Сохтмони ин иншооти муҳим имкон фароҳам меоварад, ки 107 нафар дар як вақт ба табобату истироҳат фаро гирифта шавад.
Ҳамзамон, Сарвазири мамлакат ва ҳамроҳонаш аз ҷараёни корҳои сохтмонии корхонаи саноатии коркарди меваю сабзавот, варзишгоҳ, меҳмонхона ва дигар иншооти ҷашнӣ дидан намуданд.
Сарвазир дар рӯзи дуюми сафари корӣ бо рафти корҳои сохтмонӣ ва фаъолияти хоҷагидорон дар шаҳру деҳоти Кӯлоб шинос шуд. Инчунин, ҳайати ҳукуматӣ  ҷараёни корҳои сохтмонии варзишгоҳи шаҳр, боғи марказӣ, маркази ҷавонони шаҳр, ҷараёни бунёди  биноҳои баландошёна,  корҳои сохтмонӣ дар бинои коллеҷи санъат, маркази ҷарроҳии дил ва маҷмааи фарҳангию варзишии модару кӯдакро санҷид.
Дар хотимаи сафари корӣ дар шаҳри Кӯлоб ҷаласаи сайёри Сарвазири мамлакат Қоҳир Расулзода бо иштироки фаъолони вилояти Хатлон доир гардид. Дар ҷаласаи мазкур Сарвазири мамлакат бо натиҷагирӣ аз сафари серӯза дар шаҳру ноҳияҳои минтақаи Кӯлоб ба масъулин ҷиҳати хуб ба роҳ мондани корҳои бунёдкорӣ, иҷрои дастуру супоришҳои Президенти Ҷумҳурии Тоҷикистон муҳтарам Эмомалӣ Раҳмон, вусъати корҳои созандагӣ бахшида ба 30 - солагии Истиқлолияти давлатӣ дастуру супоришҳои мушаххас дод.
АМИТ «Ховар»


Баёни ақида (0)    Санаи нашр: 29.07.2019    №: 144    Мутолиа карданд: 576
12.04.2021


КИТОБИ «ТОҶИКОН» ДАСТРАСИ СОКИНОНИ НОҲИЯИ САНГВОР ГАРДИД

НУРОБОД ДАР СӢ СОЛИ ИСТИҚЛОЛИЯТ

СУҒД. ФЕСТИВАЛИ ВИЛОЯТИИ «ҲУНАР БЕҲТАР АЗ ЗАР БУВАД» БАРГУЗОР МЕГАРДАД

СУҒД. 420 000 СОМОНӢ ГРАНТ БАРОИ ЗАНОНИ ҲУНАРМАНДУ ЭҶОДКОР

МЕРОСИ ТАЪРИХИЮ ФАРҲАНГӢ. ҲАМОИШИ МУҲИМИ КОРШИНОСОН

«КАДБОНУИ БЕҲТАРИН» МУАРРИФИИ ҒОЛИБОНИ ОЗМУН

ЛИГАИ ОЛӢ

09.04.2021


ТОҶИКИСТОН ВА АМА. ГУСТАРИШУ ТАҲКИМИ ҲАМКОРИҲО ТАЪКИД ШУД

ОЛМОН БО РОССИЯ ОИД БА ДАРЁФТИ «СПУТНИК V» МУЗОКИРОТ МЕГУЗАРОНАД

ҶАҲОН ДАР ЯК САТР

08.04.2021


ТОҶИКИСТОН – МАҶОРИСТОН. САҲИФАИ НАВИ ҲАМКОРӢ БОЗ ШУД

САРВАРИ ВКХ ПОКИСТОН РОССИЯРО ОМИЛИ УСТУВОРӢ ДАР МИНТАҚА ВА ҶАҲОН НОМИД

ҶАҲОН ДАР ЯК САТР

ТАСВИРИ ОБ ДАР АСАРҲОИ РАССОМОНИ ТОҶИКИСТОНӢ

«ХУҶАСТА БОД ИСТИҚЛОЛ!»

Мулоқоти Сироҷиддин Муҳриддин бо Армида Салсия Алишаҳбана

МАГНОЛИЯ. НИҲОЛИ НОДИР ДАР ХУҶАНДИ БОСТОН

07.04.2021


МИСГАРӢ — БОЗГӮИ РАМЗҲО ВА АНЪАНАҲОИ МАРДУМӢ

«ТЕРРОРИЗМ РЕЛИГИОЗНЫХ ЭКСТРЕМИСТОВ...»

Лавров: «СММ низоъҳоро дар дунё муваффақона ба низом меоварад»

ҶАҲОН ДАР ЯК САТР

ФУТБОЛ

06.04.2021


ВМКБ. НАҚШАИ ДАЪВАТ ДАР ЯК РӮЗ ИҶРО ШУД

ИШКОШИМ. ҒОЛИБОН БА НОҲИЯ БАРГАШТАНД

Лавров барқарорсозии кори «формати Москва»-ро зарур шумурд

ҶАҲОН ДАР ЯК САТР

ЛИГАИ ОЛӢ

ТАШКИЛИ ЯРМАРКА - ФУРӮШИ МАҲСУЛОТИ КИШОВАРЗӢ ДАР ХУҶАНД

МИНТАҚАИ РАШТ. ИҶРОИ НАҚШАИ ДАЪВАТ ДАР ЯК РӮЗ

УНВОНУ ДАРАҶАҲОИ ИЛМИИ РОССИЯВУ ТОҶИКИСТОН БАРОБАРАРЗИШ МЕШАВАНД

02.04.2021


ХИЗМАТИ ҲАРБӢ. ВМКБ ВА 5 НОҲИЯИ ХАТЛОН НАҚШАРО ИҶРО КАРДАНД

МУЛОҚОТИ РУСТАМИ ЭМОМАЛӢ БО ПАК БЁН СОК

ҶОНИБДОРИИ ВАНХЁРК АЗ МУКОЛАМАИ ВАШИНГТОН БО МОСКВА

ҶАҲОН ДАР ЯК САТР

01.04.2021


ЛИГАИ ОЛӢ. Бори аввал легионерҳои нидерландӣ ва ҷопонӣ ҳунарнамоӣ мекунанд


Дар сомонаҳои дигари Тоҷикистон хонед