logo

иқтисод

НОҲИЯИ ҶАББОР РАСУЛОВ. ҚАДАМИ НАВ ДАР САМТИ САНОАТИКУНОНӢ

Дар арафаи таҷлили Ҷашни 28 – солагии Истиқлолияти давлатии Тоҷикистон дар Ғӯлакандоз - яке аз калонтарин деҳоти  ноҳияи Ҷаббор Расулов корхонаи ресандагии муштараки Тоҷикистону Туркия бо иқтидори солонаи коркарди зиёда аз 5000 тонна нахи пахта мавриди баҳрабардорӣ қарор хоҳад гирифт.
Корхонаи мазкур дар масоҳати  2 гектар доман паҳн карда, бо маблағи зиёда аз 70 миллион сомонӣ дар  заминаи  таҷҳизот ва хатҳои технологии ширкати пешрафтаи Италия - «Марзоли»  бунёд хоҳад шуд. Феълан дар корхона насби дастгоҳу таҷҳизоти воридшуда ҷараён дорад. Сохтмони чунин корхонаи замонавии соҳаи саноати сабук тақозои давр  аст, зеро  ноҳияи  Ҷаббор Расулов, асосан, кишоварзӣ буда, солҳои пеш танҳо як собиқ хоҷагии ба номи А. Самадов зиёда аз 30 ҳазор тонна пахта истеҳсол мекард. Бо таҷдиди хоҷагиҳои калонҳаҷм имрӯз дар ноҳия дар мавсим то 15 ҳазор тонна  пахта истеҳсол мешавад ва роҳбарияти ноҳия тасмим гирифт, ки ҷиҳати коркарди маҳсулоти худӣ чунин корхонаро таъсис диҳад. Иншоот, бешубҳа, аҳамияти калони иқтисодиву иҷтимоӣ дорад ва ин иқдом қадами ҷиддиву боэътимод  ҷиҳати татбиқи воқеии ҳадафи чоруми миллӣ - саноатикунонии босуръати мамлакат маҳсуб  меёбад.  Баъдан, бо бунёди корхонаи ресандагӣ шароит фароҳам меояд, ки дар маҷмӯъ, 200  сокини маҳаллӣ бо ҷои кори доимӣ ва маоши хуб таъмин шавад.
- Бартарии иқтисодии корхонаи бунёдшаванда боз дар он ифода меёбад, ки агар ҳаҷми истеҳсоли маҳсулот дар кулли корхонаҳои саноатии ноҳия дар як сол 170 - 180  миллион сомониро ташкил диҳад, пас, танҳо корхонаи ресандагии сохташаванда  метавонад соле ба маблағи 135 миллион сомонӣ маҳсулот истеҳсол намояд, - иброз дошт Комил Салимзода, раиси ноҳияи Ҷаббор Расулов.
Корхона танҳо бо истеҳсоли ашёи хом маҳдуд нагашта, дар марҳилаи дуюм, аллакай, ба истеҳсоли маҳсулоти тайёри рақобатпазиру содиротӣ  шурӯъ хоҳад кард.  Дар ин радиф соҳибкорони маҳаллӣ тасмим гирифтаанд, ки то Ҷашни 30 - солагии Истиқлолияти давлатии Тоҷикистон дар ноҳия 11 корхонаю коргоҳҳои истеҳсолии хурду миёна бо таъсиси қариб 500 ҷойи нави корӣ сохта ба истифода диҳанд. Чанде қабл  бо ибтикори соҳибкори ноҳия  Хуршед Муъминов корхонаи нав  бо таъсиси 15 ҷойи нави корӣ ба фаъолият шурӯъ кард. Дар ин ҷо аз нахи пахтаи маҳаллӣ дар як рӯз барои  бачагону наврасон ва  ҷавонону калонсолон то 2,5 - 3 ҳазор адад (қариб даҳ номгӯй) либосҳои сабуку шинам ва зебои варзишӣ бо рангҳои гуногуни табиӣ дӯхта, бо тамғаи «Асл» ба муомилот бароварда мешаванд. Тавре ба мо иттилоъ доданд, аллакай, ҷиҳати содироти мол бо соҳибкорони ҷумҳуриҳои Қазоқистону Қирғизистон мувофиқа ба даст омадааст.
Дар шаш моҳи соли равон бо ибтикори соҳибкорон дар ноҳия наздики 20 корхонаю коргоҳи мавсимии истеҳсоли нахи пахта, масолеҳи сохтмонӣ, мумқир (асфальт), орд, нон, оби ҷав, равғани рустанӣ, либосҳои мактабиву коргарӣ ва қолин бо таъсиси зиёда аз 320 ҷойи корӣ  мавриди баҳрабардорӣ қарор гирифтанд, ки бешубҳа, ҷиҳати ғанӣ гаштани буҷети маҳаллӣ ва ба ин васила ободонии шаҳраку деҳоти ноҳия мусоидат хоҳанд кард.
- Дастури Пешвои миллат ҷиҳати ҷалби ҳамватанони бурунмарзӣ баҳри ободонию корҳои созандагӣ  дар ноҳия вусъати тоза гирифтааст. Ҳоло дар кишварҳои хориҷӣ зиёда аз 100 сокини собиқи ноҳияи мо кору зиндагӣ дорад ва талош варзидем бо теъдоди муайяни онҳо дар робита бошем. Онҳо пешниҳоди моро ба хубӣ пазируфтанд ва омодаанд, ки дар бунёди чандин иншооти дорои аҳамияти иқтисодиву иҷтимоӣ ва фарҳангӣ саҳм гузоранд. Соли равон, аллакай, як соҳибкори ҳамватани муқими Малайзия тасмим гирифтааст, ки дар маркази шаҳраки Меҳробод  меҳмонхонаи баландошёна бунёд намояд. Ҷиҳати ҷудо кардани қитъаи замин ва ҳаллу фасли масъалаҳои ҳуқуқӣ ба ҳамватанони бурунмарзӣ кормандони мақомоти иҷроияи маҳаллии ҳокимияти давлатии ноҳия кумак мекунанд.
- Он замон дур нест, ки ноҳияи Ҷаббор Расулов ба қатори рушдёфтатарин  шаҳру навоҳии кишвар дохил шавад. Баҳри амалисозии ин ҳадаф тамоми шароитҳо муҳайёанд, - гуфт Комил Салимзода.
Ҷовиди АШТӢ, «Ҷумҳурият»


Баёни ақида (0)    Санаи нашр: 20.08.2019    №: 159    Мутолиа карданд: 1102

14.11.2019


Мулоқоти Ҷамолиддин Нуралиев бо намояндагони «Moody’s Investors Service»

Оид ба имконоти рушди кӯдакон форуми байналмилалӣ доир мешавад

Тақвияти робитаҳои иқтисодию тиҷоратӣ бо музофоти Ҳубэй

Таэквондо. 22 медали варзишгарони тоҷик аз Бухоро

"Тулӯи ҳақиқат" дар Рӯзи Президент

Шумораи сайёҳон дар Россия беш аз 20 дарсад афзудааст

Ашқобод мизбони нишасти зиддитеррористии ниҳодҳои дипломатии кишварҳои ҳамсуд

Сарвазири Ҳиндустон вохӯрияш бо Путинро олиҷаноб номид

Сесад ҷангии «Давлати исломӣ» дар Афғонистон таслим шуд

Коломойский ба Украина рӯ ҷониби Россия оварданро пешниҳод намуд

Ҷаҳон дар як сатр

13.11.2019


Дар Осетия пайкараи Абулқосим Фирдавсӣ гузошта шуд

Назарбоев: "Зеленский ба мулоқот бо Путин дар Қазоқистон ризоият дод"

Дания аз бозгашти террористони «худӣ» ба кишвар шод нест

Ҷаҳон дар як сатр

“Бункер” ба Фаронса меравад

12.11.2019


Ифтитоҳи маҷмааи тиҷоратии «Масири олӣ»

Таҳкими ҳамкориҳои байнипарлумонӣ матраҳ гардид

Баррасии масоили рушди қонунгузорӣ оид ба моликияти зеҳнӣ

САЙЁҲӢ. Баргузории Форуми II илмии донишҷӯёни муассисаҳои олии таълимӣ

Ҷаҳон дар як сатр

Теъдоди қурбониёни тӯфони «Булбул» дар Бангладеш ба 26 нафар расид

Туркия ба истирдоди ҷангиёни «Давлати исломӣ» шурӯъ намуд

Нигаронии Лигаи кишварҳои араб аз идомаёбии зӯроварӣ дар Ироқ

Ҳиндустон дар 10 - 15 сол ММД - ро 4 маротиба боло бурданист

11.11.2019


Фаронса ба «ТАЛКО» таҷҳизот ва ба «Сомон Эйр» панҷ чархбол таҳвил медиҳад

Таъкиди Путин аз зарурати арҷгузории арзишҳои оилаи серфарзанд

Сарвазири Афғонистон: "Натиҷа бояд ба раъйдиҳии воқеии халқи мо асос ёфта бошад"

Чин ба шарти бастани созишномаи тиҷоратӣ бо ИМА ба мувофиқа расид

Ҷаҳон дар як сатр

САМБО. Медалҳои биринҷии гӯштигирони тоҷик

08.11.2019


Давлаталӣ Саид бо Мансур бинни Зойид оли Наҳён вохӯрд

Баргузории конференсия оид ба саҳми диаспораҳо дар рушди кишвар

Масоили ҳамкории фарҳангӣ матраҳ шуданд


Дар сомонаҳои дигари Тоҷикистон хонед