logo

сиёсат

ПРЕЗИДЕНТ ВА САОДАТИ МИЛЛӢ

Ба ифтихори сазовор гардидани Президенти Ҷумҳурии Тоҷикистон муҳтарам Эмомалӣ  Раҳмон ба унвони Пешвои миллат, ки аз замири халқ рӯидааст, матолиби зиёде нашр гардидаву асарҳои мондагор низ эҷод  шудаанд. Васфи Пешвои муаззами миллат корномаҳои  бемислашон дар шеъру достонҳо, барномаву расонаҳои хабарӣ ҳамеша вирди забони пиру барно буда, шоёни таҳсину офарин ва қобили арҷгузорӣ мебошад.

Ба андешаи мо, Пешвои муаззами  миллат ифодагари  истиқлолияти сиёсӣ, кафили  таъмини волоияти  қонун  ва  роҳбаладу  ҳимоятгари  манфиатҳои  ҳаётан муҳими  кишвар мебошанд, ки эҳтирому эътирофашон шаъну шараф  ва саодати миллист. Дар воқеъ, мақоми арзандаи Пешвои миллат ин як амри таърихиест, ки барои хизматҳои бузургу мондагори Эмомалӣ Раҳмон дар роҳи саодати миллӣ ба миён омад.
Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон бо талошҳои хастанопазир, заҳматҳои шабонарӯзӣ тавонистанд, ки миллати тоҷикро аз  вартаи  ҳалокат  раҳо бахшида, сулҳу субот ва аҳкоми давлатдории навини тоҷиконро поярезӣ намоянд. Сарвари давлат ормонҳои ҳазорсолаи мардуми соҳибтамаддуни моро амалӣ намуда, кишваре бо номи Тоҷикистонро дар ҷаҳон шуҳратёр намуданд, ки ин хидматҳои ватандӯстона дар саҳифаҳои таърихи давлатдории навини мо барои ҳамеша бо ҳарфҳои заррин сабт хоҳанд шуд.
Маълум аст, ки замони соҳибистиқлолӣ давраи гузаришу эҳё ва  дигаргуниҳои нави ҷамъиятӣ мебошад, ки дар он таҳаввулоти  нав ва  заминаҳои созандагию бунёдкорӣ ба миён омаданд. Дар ин раванд Пешвои муаззами миллат дар баробари эҳёи ваҳдати миллӣ тамоми атрибутҳои  давлатдорӣ - рамзҳои  сиёсиро аз нав барқарору  эҳё намуда, ба давлатдории  нави тоҷикон ҳусни тоза бахшиданд. Дар пойтахти кишвари азизамон -  шаҳри Душанбе ва шаҳру ноҳияҳои мамлакат боғҳои Парчаму Нишони давлатии Ҷумҳурии Тоҷикистон бунёд шуданд, ки дар раванди худшиносию худогоҳии миллӣ ва ватанпарастии  ҷавонони  кишвар нақши муҳиме хоҳанд гузошт.
Бояд тазаккур дод, ки рисолати Президенти маҳбуби кишвар бештар  ба хислатҳои шахсӣ, истеъдод ва маҳорати иҷтимоиашон вобастагӣ дорад, ки дар  таҷрибаи зиндагӣ сайқал ёфта, тамоми ҳастии худро ба нафъи мардум ва  рушду нумӯи Тоҷикистони азизамон сафарбар менамоянд. Муҳтарам Эмомалӣ Раҳмон ҳамчун инсони таҳаммулпазир, Сарвари  шуҷои корзор, созандаю бунёдкор, ояндабину тозакор ва илмпарвару фарҳангсолор бо заковати худододии хеш дар миёни мардуми сулҳпарвари тоҷик маҳбубияти беандоза касб карда, ба эҳтироми ҷомеаи башарӣ сазовор гардидаанд.
Таърих гувоҳ аст, ки тамоми даст-овардҳои замони Истиқлолияти давлатӣ аз  барқарории сулҳу ваҳдати миллӣ то навсозиву бунёдкориҳои азим, аз қабили иншооти бузурги  аср – НБО “Роғун”, НБО - ҳои “Сангтӯда - 1”, “Сангтӯда - 2”, нақбҳои “Истиқлол”, “Хатлон”, “Озодӣ”, “Шаҳристон”, роҳҳои оҳани Душанбе - Бохтар, Бохтар – Кӯлоб, пулҳои  байналмилалӣ дар дарёи Панҷ, хатҳои интиқоли неруи барқ, бунёди корхонаҳои зиёди саноатӣ, муассисаҳои таълимӣ ва садҳо иншооти замонавии дорои таъйиноти гуногун, ки дар маҷмӯъ, ба беҳбуди рӯзгори мардум ва рушди тафаккури миллӣ мусоидат мекунанд, бо кору пайкор ва номи мубораки Пешвои миллат пайванд мехӯранд.
Албатта, ҳамаи дастовардҳои Тоҷикис-тони азизи мо аз файзи ваҳдати миллӣ ва иттиҳоди халқи шарафманди тоҷик дар атрофи сиёсати созандаи роҳбарияти олии кишвар аст. Воқеан, ваҳдати миллӣ пайвандгари қалбҳо ва арзишмандтарин дастовардест, ки на ба ҳар миллату халқият ба осонӣ даст медиҳад.
Аз ин рӯ, набояд фаромӯш созем, ки ваҳдати миллӣ барои миллати мо бо нархи гарон ба даст омадааст ва роҳу равишест, ки дарвозаи бахту иқболи навро барои ба даст овардани андешаҳои бузурги миллӣ боз менамояд. Дар баробари ин, пояҳои худшиносии миллиро мустаҳкаму устувор  намуда, мардумро ба созандагию ҳувиятсозӣ ҳидоят менамояд. 
Мо – пайравони Пешвои миллат талош менамоем, ки дар доираи сиёсати созандаи Ҳукумати ҷумҳурӣ дар рушди минбаъдаи Тоҷикистони азиз нақше боқӣ гузошта, дастовардҳои замони истиқлолият ва арзишҳои сулҳу ваҳдатро ҳифз намоем. Зеро сулҳу ваҳдати комил пойдевори ҳастии миллати тоҷик ва ояндаи боз ҳам дурахшони Ватани маҳбубамон аст.
Парвиз  МУҲАММАДЗОДА,  муовини директори Маркази тадқиқоти стратегии
назди Президенти Ҷумҳурии Тоҷикистон


Баёни ақида (0)    Санаи нашр: 21.10.2019    №: 197    Мутолиа карданд: 237

13.11.2019


Дар Осетия пайкараи Абулқосим Фирдавсӣ гузошта шуд

Назарбоев: "Зеленский ба мулоқот бо Путин дар Қазоқистон ризоият дод"

Дания аз бозгашти террористони «худӣ» ба кишвар шод нест

Ҷаҳон дар як сатр

“Бункер” ба Фаронса меравад

12.11.2019


Ифтитоҳи маҷмааи тиҷоратии «Масири олӣ»

Таҳкими ҳамкориҳои байнипарлумонӣ матраҳ гардид

Баррасии масоили рушди қонунгузорӣ оид ба моликияти зеҳнӣ

САЙЁҲӢ. Баргузории Форуми II илмии донишҷӯёни муассисаҳои олии таълимӣ

Ҷаҳон дар як сатр

Теъдоди қурбониёни тӯфони «Булбул» дар Бангладеш ба 26 нафар расид

Туркия ба истирдоди ҷангиёни «Давлати исломӣ» шурӯъ намуд

Нигаронии Лигаи кишварҳои араб аз идомаёбии зӯроварӣ дар Ироқ

Ҳиндустон дар 10 - 15 сол ММД - ро 4 маротиба боло бурданист

11.11.2019


Фаронса ба «ТАЛКО» таҷҳизот ва ба «Сомон Эйр» панҷ чархбол таҳвил медиҳад

Таъкиди Путин аз зарурати арҷгузории арзишҳои оилаи серфарзанд

Сарвазири Афғонистон: "Натиҷа бояд ба раъйдиҳии воқеии халқи мо асос ёфта бошад"

Чин ба шарти бастани созишномаи тиҷоратӣ бо ИМА ба мувофиқа расид

Ҷаҳон дар як сатр

САМБО. Медалҳои биринҷии гӯштигирони тоҷик

08.11.2019


Давлаталӣ Саид бо Мансур бинни Зойид оли Наҳён вохӯрд

Баргузории конференсия оид ба саҳми диаспораҳо дар рушди кишвар

Масоили ҳамкории фарҳангӣ матраҳ шуданд

МАОРИФ. Медали тиллои хонандагони точик аз Туркия

07.11.2019


Гурӯҳи мусаллаҳ безарар гардонда шуд

БОКС. Медали тиллои муштзани тоҷик дар Россия

ФОРУМИ ПАНҶУМИ МИЛЛӢ. Пойгоҳе ки ҳуқуқшиносонро ба ҳам меорад

Ба Ингушистон суриёие омад, ки аспсавор ба дидори Путин раҳсипор аст

Эрдуғон аз боздошти ҳамсари сарвари "ДИ" Ал-Бағдодӣ хабар дод

Интиқоди ҳазорҳо олим аз беэътиноии сиёсатмадорон ба тағйири иқлим

Пойтахти Тоҷикистон мизбони ҷаласаи Шӯрои ҳамкориҳои ИДМ мешавад

Ҷаҳон дар як сатр

05.11.2019


Роҳҳои баланд бардоштани ҳифзи ҳуқуқҳои истеъмолкунандагони хизматрасониҳои молиявӣ баррасӣ шуданд

Ҳамоиш доир ба нақши ҷавонон дар тарғиби арзишҳои миллӣ


Дар сомонаҳои дигари Тоҷикистон хонед