logo

фарҳанг

ФУТБОЛ. МУХЛИС БОЯД СОДИҚ БОШАД!

Бо итминон метавон гуфт, ки бозӣ байни тимҳои миллии Тоҷикистону Ҷопон, ки бар суди рақибонамон анҷом ёфт, ба футболбозони мо таҷрибаву малакаи дигар бахшид. Бо дастаи овозадоре чун Ҷопон, ки борҳо дар чемпионатҳои ҷаҳон ва дигар мусобиқоти сатҳи баланд ширкат варзидаасту аз бозигарони пурқувват таркиб ёфтааст, ҳамватанони мо хотирмон бозиданд. Чанд бор ба рахна кардани дарвозаи рақиб кӯшида, дилҳои қариб 20 ҳазор тамошобини варзишгоҳи марказӣ ва миллионҳо мухлисони паси оинаи нилгунро ба ларзаву тапиш оварданд.

Аммо ҳадаф аз ин навишта дигар аст. Мутаассифона, маданияти баъзе мухлисони мо ҳанӯз ҳам дар сатҳи паст қарор дорад. Дуруст, футбол бозиест, ки бидуни шӯру шааф, ҳуштоккашиву доду ғирев, сурудхониву кафкӯбиҳо намегузарад, аммо чунин фазои озодонаро набояд бо бадахлоқиву дашном гуфтан ва озор додани ҳамдигар тира сохт. Бавижа, вақте рақибон голҳои дувуму сеюмро ба дарвозаи дастаи мо заданд, баъзе мухлисон бо гуфтани суханҳои ношоиста майдонро тарк карда, бад-ин восита норозигии худро аз ҷараёни бозӣ изҳор медоштанд. Аммо, набояд фаромӯш кард, ки дастаи миллии мо аз номи кишварамон ҳунарнамоӣ мекунад. Яъне, муносибатамон ба дастаи футболамон, муносибат ба Меҳан аст!
Таъкид бояд кард, ки варзиш, бо вуҷуди дар назари баъзеҳо бозие беш набудан, ҳамзамон, як навъи санъати зебост. Ва мисли рақсу суруд ё меъморию кандакорӣ варзиш низ қонуну қоида, мухлису тамошобин, мутахассису коршинос, инчунин, дорои дигар ҷузъиёти муҳим мебошад ва ин ҳама ба зебоии он меафзояд.
Шумо боре рафтори мухлисони садоқатманди ҷопонҳоро ба ёд оред. Бахусус, дар Чемпионати ҷаҳон – 2018, ки дар майдонҳои сабзи Россия мегузашт, онҳо намунаи ибрат буданд. Дар яке аз бозиҳо мунтахаби Ҷопон заҳри мағлубият чашид, аммо мухлисонашон бо таҳаммул то вопасин сонияҳо дастаи миллии худро дастгирӣ карданд. Ҳатто, партовҳои гирду атрофи хешро чида, аз майдон оромона берун баромаданд. Ҳамчунин, тими миллиашон дар финали 17-умин мусобиқаи Ҷоми Осиё аз мунтахаби Қатар мағлуб шуда бошад ҳам, хонаи либосивазкунии майдонро ба навбат тоза карданд, фаршашро шуста, дар тахтаҳои омӯзишӣ ба се забон (арабӣ, англисӣ ва ҷопонӣ) «Қатар, пирӯзӣ хуҷаста бод!» навишта рафтанд.
Ин аст аслу ҷавҳари мухлисӣ. Футбол ва дигар намуди варзиш бояд байни мардум иттиҳод ва ҳамбастагиро таҳким бахшад. Иштирокдоронро ба ҷавонмардиву озодагӣ ва адолат даъват намояд.
Ба ин хотир, аз мухлисони азизи футболи тоҷик даъват ба амал меоварем, ки то охирин лаҳзаҳо дар бари бозигарони хеш бошанд. Бо мавҷи садо, наво ва кафкӯбиҳо дастаи худро рӯҳу тавон бубахшанд.
Қатъи назар аз ин, бо ифтихор бояд гуфт, ки буданд ҳазорҳо бародарону хоҳарони содиқ, ки ҳар дам нидо сар медоданд: «Ҳеҷ гап нест! Ҳамааш дар пеш аст! Ноумед нашавед, шербачаҳо! Шумо беҳтарин будед!». Аз шунидани ин хитобаҳо боз ҳам фараҳманд шудам ва ба ояндаи рӯшани футболи тоҷик эътимод дорам.

Бузургмеҳри БАҲОДУР, ноҳияи  Деваштич


Баёни ақида (0)    Санаи нашр: 24.10.2019    №: 200    Мутолиа карданд: 700
10.07.2020


ТОҶИКИСТОН. АЗ COVID – 19 БОЗ 56 КАС ШИФО ЁФТ

41 000 СОМОНӢ БАРОИ МУБОРИЗА БО COVID – 19

ҚОҲИР РАСУЛЗОДА АЗ ШАҲРИ НОРАК ВА НОҲИЯИ ЁВОН ДИДАН НАМУД

ХОРУҒ. РӮ БА РУШД

ҶОМИ КФО – 2020. БОЗИҲОИ МАРҲИЛАИ ГУРӮҲӢ ДАР ТОҶИКИСТОН ДОИР МЕШАВАД?

09.07.2020


ТОҶИКИСТОН. ШУМОРАИ ШИФОЁФТАГОН АЗ COVID – 19 АЗ 5000 ГУЗАШТ

«ОИЛА, КӮЧА, МАҲАЛЛА, ДЕҲА, ДЕҲОТ ВА ШАҲРАКИ БЕҲТАРИН». ОЗМУНЕ, КИ СОКИНОНИ СУҒДРО БА ОБОДОНӢ ТАЛҚИН МЕКУНАД

ДУШАНБЕ. ТАҲТИ РАЁСАТИ АЗИМ ИБРОҲИМ ҶАЛАСАИ КОРӢ БАРГУЗОР ШУД

ШАҲРИ ТУРСУНЗОДА. КОРҲОИ ФАҲМОНДАДИҲӢ САМАР ДОРАНД

«ОВОЗИ САМАРҚАНД» КИТОБҲОИ ХУДРО РӮНАМОӢ КАРД

ВАНҶ. ОБ АСТ, КИ ОБОДИСТ

ТАБИБОНИ ЛАХШ: «ҒАМХОРИҲОИ ПЕШВОИ МИЛЛАТ БА МО НЕРУ МЕБАХШАД»

ФУТЗАЛ. БОЗИИ СУПЕРҶОМИ ТОҶИКИСТОН – 2020 КАЙ БАРГУЗОР МЕГАРДАД?

ТАЪКИДИ СИ ҶИНПИН АЗ ЗАРУРАТИ ҲАМКОРИИ ГУСТУРДАИ ЧИНУ РОССИЯ

ҶАҲОН ДАР ЯК САТР

08.07.2020


ИСФАРА. КОРХОНАИ ПОЙАФЗОЛДӮЗИИ «САМАНД» БА ФАЪОЛИЯТ ШУРӮЪ НАМУД

ДАР ТОҶИКИСТОН АЗ КОРОНАВИРУС 4965 БЕМОР ШИФО ЁФТ

Сафари гурӯҳи ҳукуматӣ ба ВМКБ

«МАЪРИФАТ. ВАҚТЕ КИ КИТОБХОНА ҲОЛИ ТАБОҲ ДОРАД»

ВМКБ. ВАЗИР АЗ ҶАРАЁНИ СОХТМОНҲО ДИДАН КАРД

“СОМОН ЭЙР” БА ДУБАЙ ВА МИНСК ПАРВОЗҲОИ МАХСУС АНҶОМ МЕДИҲАД

САДОҚАТИ «САДОҚАТ»

ЛИГАИ ОЛӢ. КОРШИНОСИ ВАРЗИДА САРМУРАББИИ ДАСТАИ "КӮКТОШ" ТАЪЙИН ГАРДИД

ДАР ОЛМОН БА ТАҲКИМИ МУНОСИБАТ БО РОССИЯ АВЛАВИЯТ МЕДИҲАНД

ҶАҲОН ДАР ЯК САТР

07.07.2020


ТОҶИКИСТОН. 4914 ГИРИФТОРИ БЕМОРИИ COVID – 19 ШИФО ЁФТ

БОЗГАШТИ ШАҲРВАНДОНИ ТОҶИКИСТОН АЗ ҚАЗОҚИСТОН ВА ӮЗБЕКИСТОН

FINA МЕХОҲАД МАВҚЕАШРО ДАР БО МУСТАҲКАМ НАМОЯД

СУТ БА ВАКСИНАИ РОССИЯ АЛАЙҲИ COVID - 19 ЭЪТИМОД ДОРАД ВА ДАР ИН САМТ ХОСТОРИ ҲАМКОРИСТ

ҶАҲОН ДАР ЯК САТР

06.07.2020


ТОҶИКИСТОН. ШУМОРАИ СИҲАТШУДАГОН АЗ КОРОНАВИРУС БА 4858 НАФАР РАСИД

НОҲИЯИ ДАРВОЗ. СОҲАИ ФАРҲАНГ БА ДАСТГИРӢ НИЁЗ ДОРАД

РАШТ. КИШТИ КАРТОШКА ДАР 3047 ГЕКТАР

КӮЛОБ. БА МАҲАЛЛАИ ЛОҲУТӢ ОБИ ТОЗА ОМАД

ЧЕМПИОНАТИ ТОҶИКИСТОН – 2020. ҒАЛАБАИ НАВБАТИИ "ИСТИҚЛОЛ"


Дар сомонаҳои дигари Тоҷикистон хонед