logo

туризм

РАВОДИДИ БИСЁРКАРАТА ВА НАҚШИ ОН ДАР ҶАЛБИ САРМОЯВУ РУШДИ САЙЁҲӢ

Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон дар Паёми навбатии худ ба Маҷлиси Олӣ пешниҳод намуданд, ки бо мақсади боз ҳам беҳтар намудани фазои сармоягузорӣ ва ҳавасмандгардонии соҳибкорони хориҷие, ки ба иқтисодиёти Тоҷикистон зиёда аз як миллион доллари амрикоӣ сармоягузорӣ менамоянд, ба онҳо аз ҷониби Вазорати корҳои хориҷӣ ва намояндагиҳои дипломатии Тоҷикистон дар хориҷи кишвар раводиди бисёркаратаи панҷсола дода шавад. Сарвари давлат дар идома дастур доданд, ки бо мақсади ҷалби ҳарчи бештари сайёҳон, ба шаҳрвандони давлатҳои хориҷӣ раводиди навъи сайёҳии бисёркарата дода, муҳлати он то 60 рӯз дароз карда шавад.

Хабарнигори рӯзномаи «Ҷумҳурият» оид ба раванди татбиқи ин нишондоди Паём дар нишасте аз Сироҷиддин Муҳриддин, вазири корҳои хориҷии ҷумҳурӣ, суол кард. Вазири корҳои хориҷии мамлакат бо қаноатмандӣ аз корҳои анҷомшуда ҷиҳати иҷрои дастури Пешвои муаззами миллат изҳор дошт: «Хушбахтона, ман метавонам гӯям, ки қарори дахлдор оид ба додани раводиди яккарата ва бисёркарата ба муҳлати 90 рӯз ва будубош дар Тоҷикистон то 60 рӯз аз ҷониби Президенти муҳтарамамон ба имзо расид. Шаҳрванди хориҷӣ барои раводиди яккарата тавассути равобити  электронӣ 30 доллари ИМА  ва барои раводиди бисёркарата 50 доллар пардохт менамояд ва дар муҳлати будубош метавонад чанд маротиба ба Тоҷикистон ворид ва хориҷ шавад. Ҳоло ду лоиҳаи қарори дигар: яке додани раводиди бисёркаратаи панҷсола ба соҳибкорони хориҷӣ ва дигаре раводиди бисёркаратаи сесола ба ҳамватанони бурунмарзӣ дар баррасии вазорату идораҳои дахлдор қарор доранд ва интизор меравад, ки ба зудӣ тасвиб шаванд».
Ин дар ҳолест, ки 3 сол қабл бо мақсади фароҳам овардани шароити иловагӣ ва муосири ҳуқуқӣ барои рушди иқтисодиёти миллӣ, инчунин, беҳсозии вазъи иҷтимоии шаҳрвандони кишвар тавассути танзиму таҳкими муносибатҳои ҷамъиятӣ дар самти ташаккул ва рушди сайёҳии дохилӣ, баланд бардоштани сатҳи маърифатнокӣ ва маданияти сайёҳии ҷомеа Қонуни Ҷумҳурии Тоҷикистон «Дар бораи сайёҳии дохилӣ» қабул шуд. То кунун таҷриба собит намуд, ки ин санади меъёрии ҳуқуқӣ дар самти маълумотноксозии шаҳрвандон, бахусус, ҷавонон оид ба таъриху тамаддун, фарҳанг, урфу одатҳои миллӣ ва дастовардҳои даврони Истиқлолияти давлатӣ, мусоидат намудан ба рушди инфрасохтори сайёҳӣ ва имконоти васеи қабули сайёҳони хориҷӣ дар кишвар мусоидат намудааст.
Бояд гуфт, ки аз моҳи июни соли 2016 тартиби электронии раводиди Ҷумҳурии Тоҷикистон баҳри таъмини ташрифи бештари сайёҳон ба кишвар оғоз гардид. Ин ба он мусоидат намуд, ки ҷуғрофияи ташрифи сайёҳони хориҷӣ васеъ гашта, вурудашон бамаротиб афзуд. Гузашта аз ин, дар заминаи Паёми Президенти кишвар ба Маҷлиси Олӣ ҷиҳати босуръат тараққӣ додани соҳаи сайёҳӣ дар мамлакат воридоти таҷҳизоту маводи сохтмонии иншооти сайёҳӣ аз пардохти андозию гумрукӣ, инчунин, ширкатҳои сайёҳӣ дар панҷ соли аввали фаъолият аз пардохти андоз аз даромад озод шуданд, ки ба рушди сайёҳии дохилӣ мусоидат мекунад.
Президенти кишвар дар Паём ба Маҷлиси Олӣ (26 декабри соли 2019) таъкид намуданд: «То имрӯз дар кишвар зиёда аз 200 ширкати сайёҳӣ фаъолият дошта, 15 лоиҳаи инфрасохтори сайёҳӣ аз имтиёзҳои пешбинишуда бархӯрдор гардидааст. Бо мақсади рақобатпазир гардондани соҳа дар бозори ҷаҳонии сайёҳӣ моро зарур аст, ки мутахассисони забондон, донандаи фарҳангу таърих ва технологияи муосирро омода кунем, кормандони ширкатҳои сайёҳӣ, роҳбаладҳо, тарҷумонҳо ва дигар мутахассисони соҳаро мутобиқ ба талаботи бозори сайёҳӣ ба воя расонем».
Бешубҳа, рушди сайёҳӣ ва тарбияи кадрҳои баландихтисос дар ин самт ба пешрафти иқтисоди миллии кишвар такони ҷиддӣ бахшида, шумораи сайёҳонро ба мамлакат зиёд менамояд ва барои таъсиси ҷойҳои корӣ имкони бештар фароҳам меорад. Чанде қабл дар Маҷлиси намояндагон Созишномаи грантӣ байни Ҷумҳурии Тоҷикистон ва Бонки осиёии рушд вобаста ба лоиҳаи «Рушди сайёҳӣ» ба тасвиб расид, ки ба ҳамин самт нигаронда шудааст.
Назар ба гуфтаи Юсуф Маҷидӣ, муовини вазири молия, маблағи умумии лоиҳа 11 миллион доллари ИМА буда, ҳадафи асосии он беҳтар намудани иншооти сайёҳӣ дар чаҳорчӯбаи Стратегияи рушди сайёҳии Ҷумҳурии Тоҷикистон мебошад. Як қисми он лоиҳаҳои соҳаи сайёҳиро дар бар гирифта, қисмати дигараш ба соҳаҳои гуногун, аз ҷумла барқарорсозии роҳҳои минтақавии сайёҳии кишвар чун роҳи Сарихосор ва дар самти таъмини инфрасохтори зарурӣ барои рушди соҳаи сайёҳӣ равона мегардад. Дар доираи татбиқи он ба маблағи 9,1 миллион доллар омодасозии лоиҳаҳо, таҳияи суратҳисоби ёрирасони сайёҳӣ ва нақшаи рушди сайёҳӣ, гузарондани пурсишҳо дар ҷомеа, муайян намудани рӯйхати сармоягузориҳо, хидматрасонии сайёҳӣ ба нақша гирифта шудааст. Инчунин, 186 ҳазор доллар ба хариди молҳо ва 700 ҳазор доллар барои нақша - чорабиниҳои ғайричашмдошт равона мегардад.
Ба гуфтаи Ҳабибулло Амирбекзода, муовини якуми раиси Кумитаи рушди сайёҳӣ, лоиҳаи мазкур аз ду қисмат - яке такмили низоми омори соҳаи сайёҳӣ ва мутобиқгардонии он  ба стандартҳои ҷаҳонӣ тибқи муқаррароти Созмони ҷаҳонии сайёҳӣ ва дуюм - омӯзиши иқтидорҳои сайёҳии Тоҷикистон иборат аст. Барои омӯзиши иқтидорҳои сайёҳӣ беш аз 3 ҳазор сайёҳи хориҷӣ ва 2 ҳазор сайёҳи дохилӣ мавриди назарсанҷӣ қарор дода, маълумоти зарурӣ дар ин самт омода мегардад.

Мунаввари САФАР, «Ҷумҳурият»


Баёни ақида (0)    Санаи нашр: 12.03.2020    №: 52    Мутолиа карданд: 842
03.08.2020


ТОҶИКИСТОН. 6 ҲАЗОРУ 103 БЕМОРИ COVID - 19 СИҲАТ ШУД

СУҒД. РӮНАМОИИ КИТОБНОМАИ ҲАШТҶИЛДАИ “ПЕШВОИ МИЛЛАТ - ЭМОМАЛӢ РАҲМОН”

САРҲАД. ДАР НОҲИЯИ МИР САЙИД АЛИИ ҲАМАДОНӢ 127 ҶИНОЯТ БА ҚАЙД ГИРИФТА ШУД

ИҶРОИ НАҚШАИ АНДОЗИ ИҶТИМОӢ 101 ДАРСАД ТАЪМИН ГАШТ

БАЛҶУВОН. ҲАҶМИ ИСТЕҲСОЛИ МАҲСУЛОТИ КИШОВАРЗӢ КОҲИШ ЁФТ

МАҲАЛ. ҶАЛБИ НИЁЗМАНДОН ВА ТИҶОРАТИ КИШОВАРЗӢ

ВМКБ. БОЗДИДИ РАМАЗОН РАҲИМЗОДА АЗ РАФТИ БУНЁДИ ИНШООТИ ҶАШНӢ

МОЛИЯ. МАБЛАҒГУЗОРИИ СОҲАҲОИ ИҶТИМОӢ АФЗУД

ФУТБОЛ. ТИМИ МИЛЛӢ МОҲИ СЕНТЯБР ДУ БОЗИИ САНҶИШӢ МЕГУЗАРОНАД

ЧИН ВАКСИНАИ АЛАЙҲИ КОРОНАВИРУСРО ДАР БРАЗИЛИЯ ВА АМА МЕОЗМОЯД

ҶАҲОН ДАР ЯК САТР

29.07.2020


ТОҶИКИСТОН. АЗ КОРОНАВИРУС 6065 КАС ШИФО ЁФТ

ДДСТДТ. БА ДОВТАЛАБОН ИМТИЁЗҲО ПЕШБИНӢ ШУДААСТ

ДДФСТ. СИФАТИ ТАЪЛИМ ДАР МЕҲВАРИ ТАВАҶҶУҲ

КОНСЕРВАТОРИЯИ МИЛЛӢ БА ШЎРОИ ДИФОЪ НИЁЗ ДОРАД

27 МЕДАЛИ ТИЛЛО ДАР ШАШ МОҲ

100 ДАРСАДИ САҲМИЯҲОИ ҶСК «АЗОТ» БА ФУРЎШ ГУЗОШТА МЕШАВАД

44 МИЛЛИОН СОМОНӢ ЗАРАРИ МОЛИЯВӢ БАРҚАРОР ШУД

ВАЗОРАТИ САНОАТ ВА ТЕХНОЛОГИЯҲОИ НАВ. ҲАҶМИ ИСТЕҲСОЛ ДАР ДАВРАИ ПАНДЕМИЯ НИЗ ЗИЁД ГАРДИД

ЛИГАИ БОНУВОН. "ХАТЛОН" БА САДРИ ҶАДВАЛ БАРОМАД

СҶТ: «ДУНЁ ТАНҲО ЯК МАВҶИ КОРОНАВИРУСРО АЗ САР ХОҲАД ГУЗАРОНД»

ҶАҲОН ДАР ЯК САТР

28.07.2020


ТОҶИКИСТОН. 6 ҲАЗОРУ 28 ГИРИФТОРИ БЕМОРИИ COVID-19 ШИФО ЁФТ

ШСХК «БАРҚИ ТОҶИК». 11 ҲАЗОРУ 931 ҲОЛАТИ ИСТИФОДАИ ҒАЙРИҚОНУНИИ НЕРУИ БАРҚ

КВД «ХОҶАГИИ МАНЗИЛИЮ КОММУНАЛӢ». 200 ҲАЗОР АҲОЛИИ ДЕҲОТ БО ОБИ НӮШОӢ ТАЪМИН МЕШАВАД

ТОҶИКАЭРОНАВИГАТСИЯ. МАҶМӮИ МАЪЛУМОТ МИНБАЪД ДАР КИШВАР ТАҲИЯ ВА НАШР МЕГАРДАД

САҲМИ ДУШАНБЕ ДАР ММД-И КИШВАР БА 20,7 ДАРСАД РАСИД

МТС. ҲАМКОРИҲО ТАВСЕА МЕЁБАНД

ВАЗОРАТИ МЕҲНАТ, МУҲОҶИРАТ ВА ШУҒЛИ АҲОЛӢ. 38 ҲАЗОР ҶОЙИ КОР ТАШКИЛ ЁФТ

КОНФРОНСИ ДУЮМИ БАЙНАЛМИЛАЛИИ САТҲИ БАЛАНД СОЛИ 2021 БАРГУЗОР МЕГАРДАД

ДТҶ. БО ИНШООТИ НАВИ ВАРЗИШӢ ҚАРОРДОДИ ҲАМКОРӢ ХОҲАД БАСТ

БАНДУБАСТ ВА СИФАТИ МАҲСУЛОТ. ДУ ОМИЛЕ, КИ САДДИ СОДИРОТ МЕШАВАД

РОҒУН. ҚОНУНШИКАНҲО 17,4 ҲАЗОР СОМОНӢ ҶАРИМА ШУДАНД

ШАҲРИНАВ. КИШОВАРЗОН ҲОСИЛИ ДИЛХОҲ БА ДАСТ ОВАРДАНД

ШАҲРИ ТУРСУНЗОДА. ҲАҶМИ ИСТЕҲСОЛИ МАҲСУЛОТИ САНОАТӢ 419,1 МИЛЛИОН СОМОНИРО ТАШКИЛ ДОД


Дар сомонаҳои дигари Тоҷикистон хонед