logo

ҳуқуқ

ФАРЗАНД. ХИШТИ АВВАЛ НАБОЯД КАҶ МОНЕМ!

Мушоҳидаҳои чанд соли охир нишон медиҳанд, ки Қонуни Ҷумҳурии Тоҷикистон “Дар бораи масъулияти падару модар дар таълиму тарбияи фарзанд”, ки ҳанӯз соли 2011 бо ташаббуси Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон таҳия ва қабул гардидааст,  дар пешгирии ҳуқуқвайронкунӣ байни наврасону ҷавонон мусоидат карда, робитаи волидон бо мактабро низ таҳким бахшид. Пеш аз ҳама қонуни мазкур масъулияти падару модаронро дар тарбияи дурусти фарзандон бештар кард, ки таҷрибаи ибратомӯз маҳсуб меёбад.
Барно Одинаева, директори муассисаи таҳсилоти миёнаи умумии № 5 - и ноҳияи Фирдавсӣ, дар суҳбат бо мо аз нақш ва муҳимияти ин қонун дар ҷомеаи муосир тавсиф кард: “Мо татбиқи қонуни мавриди назарро дар муассисаамон ҷиддӣ мегирем. Дар доираи он бо волидони хонандагон низ робитаи зич ба роҳ монда шуд. Ин аст, ки дар зарфи чор соли охир ягон мавриди ба ҳуқуқвайронкунӣ ё қонуншиканӣ даст задани шогирдони мактаб сабт нашудааст”.
Ташкили чорабиниҳои фаҳмондадиҳию тарбиявӣ дар доираи қонун нишон медиҳад, ки он фаъолияти як қатор сохторҳо, аз ҷумла ҳамкориҳои зичи вазоратҳои  корҳои дохилӣ,  маориф ва илм, кумитаи кор бо ҷавонон ва варзишро  дар самти баланд бардоштани маърифати ҳуқуқӣ ва сиёсии насли ҷавон ҳамоҳанг кард.
Ба гуфтаи Абдулмаҷид Толибов, директори муассисаи таҳсилоти миёнаи умумии № 72 - и ноҳияи Фирдавсӣ, то қабули қонун ба  мушоҳида мерасид, ки аксари волидон дар маҷлисҳои падару модарон иштирок намекарданд. Хонандагон низ ба авбошӣ даст мезаданд. Пас аз қабули қонун вазъият рӯ ба беҳбудӣ овард. Инро аз кам шудани шумораи ҷиноятҳои ба наврасон тааллуқдошта хулоса кардан мумкин аст.
Назар ба гуфтаи ӯ, дар муассиса ҷиҳати ҳавасмандии риояи дурусти қонун, роҳу усулҳои гуногунро ба кор мебаранд. - Аз ҷумла, маҳфилҳо, озмунҳо, лавҳаҳои ифтихорӣ ташкил карда, беҳтаринҳоро бо ифтихорномаву сипоснома ва туҳфаҳои хотиравӣ қадрдонӣ мекунанд. Албатта, ин дар мафкураи хонандагон таъсири мусбат мерасонад. Ҳамчунин, барои беҳтар намудани сифати корҳои тарбиявӣ ҳар моҳ дар муассиса вохӯриву суҳбатҳо бо намояндагони сохторҳои қудратӣ гузаронда мешавад,- мегӯяд Абдулмаҷид Толибов.
Дар ҳамин ҳол, ба андешаи равоншинос Муродулло Давлатов, устоди Донишгоҳи миллии Тоҷикистон, яке аз омилҳои асосии ба ҷиноят даст задани ноболиғону ҷавонон бе назорат гузоштани онҳо аз ҷониби падару модарон мебошад. Албатта, дар ин синну сол чун фарзанд аз таҳсилу донишомӯзӣ дур монд, аз рӯи гумроҳӣ ба амалҳои ношоиста машғул мешавад. Оқибат ба ҳуқуқвайронкунӣ ва ҷиноят даст мезанад, ки зарари он на танҳо ба шахсияти насли ояндасоз, балки ба ҷомеа таъсири манфӣ дорад. Аз ин ҷиҳат рӯи кор омадани чунин қонун, ба нафъи ҷомеа мебошад, ки мо нобаста аз камбудиҳои ҷойдошта таъсири мусбати онро мебинем.
Тибқи маълумоти оморӣ, дар соли 2019 ноболиғон 873 ва ҷавонон 5035 ҷиноят содир кардаанд, ки нисбат ба як соли пеш кам шудааст. Ин гувоҳи он аст, ки татбиқи меъёрҳои қонуни мазкур тавассути гузарондани вохӯрию чорабиниҳо баҳри пешгирии қонунвайронкунӣ дар байни наврасону ҷавонон хуб ба роҳ монда шуда, ҳамзамон, волидон дар таълиму тарбияи фарзандон масъулияти бештарро дарк карданд.

Сарвиноз ШОДМОНОВА, “Ҷумҳурият”
 


Баёни ақида (0)    Санаи нашр: 13.04.2020    №: 72    Мутолиа карданд: 130
02.06.2020


ХАБАРИ ФАВРӢ. БОЗ БЕШ АЗ 200 БЕМОР АЗ КОРОНАВИРУС ШИФО ЁФТ

МУБОРИЗА БО COVID-19. КОРМАНДОНИ АНМН БА СУРАТҲИСОБИ МАХСУС 50 000 ГУЗАРОНДАНД

ХУҶАНД. ТАШХИСГОҲИ НАВИ ВИРУСОЛОГӢ БУНЁД ГАРДИД

ХАТЛОН. СОҲИБКОРОН ТАДБИРҲОИ МУҲИМРО ТАТБИҚ МЕСОЗАНД

ВАРЗОБ. 112 ИНШООТИ ҶАШНӢ МАВРИДИ ИСТИФОДА ҚАРОР ГИРИФТ

КФО АВВАЛИН ОНЛАЙН-КОНФРОНСРО ДОИР МЕКУНАД

ДОРУИ ЗИДДИ COVID-19 ДАР БЕМОРХОНАҲОИ РОССИЯ 11 ИЮН ПАЙДО МЕШАВАД

ҶАҲОН ДАР ЯК САТР

01.06.2020


ХУШХАБАР. ДАР ТОҶИКИСТОН БЕШ АЗ 2000 СИРОЯТЁФТА ШИФО ЁФТ

РОҶЕР ФЕДЕРЕР. ГАРОНАРЗИШТАРИН ВАРЗИШГАРИ САЙЁРА

29.05.2020


ТОҶИКИСТОН. АЗ COVID - 19 БОЗ 423 НАФАРИ ДИГАР ШИФО ЁФТ

28.05.2020


ТОҶИКИСТОН. БОЗ 385 НАФАР АЗ КОРОНАВИРУС ШИФО ЁФТ

ВМКБ. ҲАМОВОЗӢ БА ИҚДОМИ НЕКИ ПЕШВОИ МУАЗЗАМИ МИЛЛАТ

ХИЗМАТИ ҲАРБӢ. НАҚШАИ ДАЪВАТ ПЕШ АЗ МУҲЛАТ ИҶРО ШУД

ВАРЗОБ. ҶОЙҲОИ КОРӢ БЕШТАР МЕГАРДАНД

БУНДЕСЛИГА. РАҚОБАТИ "БАВАРИЯ" БО "БОРУССИЯ" БАРОИ ПОЙГАИ ҚАҲРАМОНӢ

ШАҲРВАНДОНИ ТОҶИКИСТОН БО ПАРВОЗИ МАХСУС АЗ ДЕҲЛӢ ВА ДУБАЙ БА ВАТАН БАРМЕГАРДАНД

ҶАҲОН ДАР ЯК САТР

27.05.2020


436 НАФАРИ ДИГАР АЗ БЕМОРИИ COVID – 19 ШИФО ЁФТ

ҶАЛАСАИ ШӮРОИ ВАЗИРОНИ КОРҲОИ ХОРИҶИИ СААД

ТАҚВИЯТИ ҲАМКОРИҲОИ ТОҶИКИСТОНУ ӮЗБЕКИСТОН ДАР МУБОРИЗА АЛАЙҲИ COVID – 19

ДАР РӮИ ҒИЗО ЗАРРАҲОИ COVID-19 НЕСТ!

НОҲИЯИ САНГВОР. МУБОРИЗА АЛАЙҲИ COVID-19 БО УСУЛИ “ХОНА БА ХОНА”

ТАШВИҚОТИ ҲИЗБИ ПЕШОҲАНГ ДАР ПАРТАВИ ҲИДОЯТИ ПЕШВОИ МИЛЛАТ

ЛИГАИ ЧЕМПИОНҲО. МУАЛЛИФИ БЕҲТАРИН ГОЛ БЕҲТАРИН МУРАББӢ ШИНОХТА ШУД

ГАРМО МЕТАВОНАД СИРОЯТИ COVID-19-РО ДАР ӮЗБЕКИСТОН КОҲИШ ДИҲАД

ҶАҲОН ДАР ЯК САТР

26.05.2020


ТОҶИКИСТОН. АЗ БЕМОРИИ COVID – 19 1395 НАФАР ШИФО ЁФТ

НОҲИЯИ ЛАХШ. МУБОРИЗА АЛАЙҲИ COVID-19 ТАҲКИМ МЕЁБАД

КУМАКИ ЧИН БАРОИ ПЕШГИРӢ АЗ ПАҲНШАВИИ COVID – 19

БЕЭҲТИЁТИИ МУХЛИСОН - МӮҶИБИ ГИРИФТОРӢ БА КОРОНАВИРУС

ОЛИМОНИ РУС ВАКСИНАИ ЗИДДИ КОРОНАВИРУСРО МУВАФФАҚОНА ОЗМУДАНД

ҶАҲОН ДАР ЯК САТР

22.05.2020


ЁРИИ БАШАРДӮСТОНАИ ТОҶИКИСТОН БА ӮЗБЕКИСТОН

КУМАКИ ПРЕЗИДЕНТ БА ВИЛОЯТИ СУҒД


Дар сомонаҳои дигари Тоҷикистон хонед