logo

ҳуқуқ

КОЛЛЕГИЯИ СУДӢ ҲУКМИ ИФРОТИҲОРО БЕТАҒЙИР ГУЗОШТ

Коллегияи судӣ оид ба парвандаҳои ҷиноятии суди шаҳри Душанбе, ҳукми суди ноҳияи Исмоили Сомониро нисбат ба Исмоил Табаров ва Мақсудхоҷа Муминов бетағйир ва шикояти кассатсионӣ аз болои ҳукмро беқаноат мононд.

Суди марҳилаи якум И. Табаровро бо моддаҳои 3073 қисми 1 (ташкили фаъолияти экстремистӣ (ифротгароӣ), 170 (дузанагӣ ё серзанагӣ) ва М. Муминовро бо моддаи 347 қисми 1 (хабар надодан дар бораи ҷинояти вазнин ва махсусан вазнин...) – и Кодекси ҷиноятӣ гунаҳкор донистааст. Тибқи ҳукми суди ноҳияи И. Сомонӣ, Исмоил Табаров бо дастрасии қисми 3 - и моддаи 67 ва моддаи 69 Кодекси ҷиноятӣ, аз рӯи маҷмӯи ҷиноятҳо ҷазои маҳрум сохтан аз озодӣ ба муҳлати 7 солу 2 моҳ, инчунин, бо маҳрум кардан аз ҳуқуқи аъзо шудан ва иштирок намудан дар фаъолияти ҳизбҳои сиёсию иттиҳодияҳои динӣ ба муҳлати 2 сол, бо адо намудани ҷазо дар муассисаҳои ислоҳии низоми пурзӯр, таъйин карда, дар асоси Қонуни Ҷумҳурии Тоҷикистон «Дар бораи авф» (25 октябр, соли 2019) муҳлати адонагардидаи ҷазои маҳрум сохтан аз озодӣ нисбат ба ӯ аз се як ҳисса кам карда шуд.
Ба Мақсудхоҷа Муминов бошад, ҷазои маҳрум сохтан аз озодӣ ба муҳлати як сол таъйин шуда, дар асоси Қонуни Ҷумҳурии Тоҷикистон «Дар бораи авф» муҳлати адонагардидаи ҷазои ӯ аз ду як ҳисса кам  гардид.
Баррасии парвандаи ҷиноятӣ нисбат ба онҳо муайян кард, ки И. Табаров соли 2012 ҳангоми дар деҳаи Ғалабаи ноҳияи Фархор қарор доштанаш, тавассути интернет, сабтҳои аудиоӣ ва видеоии роҳбарони иттиҳоди экстремистии «Салафия» - ро тамошо ва гӯш карда, ақидаи ифротияшонро дастгирӣ мекардааст. Ӯ бо мақсади ҷалби аъзои нав миёни сокинони деҳаҳои Ғалаба ва Фирӯзи ноҳия ба ташвиқу тарғиби ғояҳои ин равия машғул гардида, соли 2014 ба Россия рафтааст. Он ҷо бо Магомед ва Арсен ном шаҳрвандони ин кишвар, ки пайрави «Салафия» будаанд, шинос шуда, бо пешниҳоди Арсен, барои пурра омӯхтани аҳкоми динӣ ба пойтахти Миср – шаҳри Қоҳира рафта, ду сол дар назди яке аз мубаллиғони иттиҳоди экстремистии мазкур Муҳаммад Саид ном шахси ба тафтишот номаълум, таълим гирифтааст. Баъди баргаштан ба Россия ҳангоми суҳбати телефонӣ бо хешу табораш мефаҳмад, ки дар Тоҷикистон нисбат ба ӯ бинобар пайрави иттиҳоди экстремистии «Салафия» буданаш парвандаи ҷиноятӣ оғоз гардида, дар кофтуков қарор дорад. Ӯ бо мақсади раҳоӣ ёфтан аз ҷавобгарии ҷиноятӣ соли 2018 ба унвонии сардори раёсати кофтукови ҷиноятии Вазорати корҳои дохилӣ бо ариза оид ба ихтиёран тарк кардани сафи иттиҳоди экстремистии «Салафия» муроҷиат карда, пушаймонии худро изҳор намудааст. Сентябри соли 2018 пешбурди парвандаи ҷиноятӣ нисбаташ қатъ шудааст.
Вале Исмоил Табаров аз кирдори қаблан содиркардааш хулоса набароварда, пас аз қатъ шудани парванда, барои аз нав оғоз кардани фаъолияти ғайриқонунӣ моҳи феврали соли 2019 дар шаҳри Душанбе бо аъзои фаъоли иттиҳоди экстремистии «Салафия», Абдураҳмон, Парвиз, Муродулло Сайёдзода, Сайфулюсуф Султонзода, Дилшод Тошев, Дилшод Юсупов ва Сулаймон, ки дар бозори «Фаровон» - и пойтахт ба тиҷорат машғул буданд, шинос шудааст. Моҳи майи соли 2019 И. Табаров бо дастгирии Д. Тошев ба ширкати «Тавҳид ва Ком», ки ба маҳкумшуда Мақсудхоҷа Муминов тааллуқ дорад, ба ҳайси фурӯшанда ба кор даромада, аз он вақт то давраи дастгиршавиаш дидаю дониста, ки равияи динии «Салафия» бо ҳалномаи Суди Олии Ҷумҳурии Тоҷикистон аз 8 декабри соли 2014, ҳамчун иттиҳоди экстремистӣ (ифротгароӣ) эътироф гардида, фаъолияташ манъ шудааст, барои бештар кардани аъзои ташкилот дар ошхонаҳои «Шукрона», «Ургут» ва «Бародарон» - и шаҳри Душанбе ва манзили истиқоматиаш бо баҳонаи ошхӯрӣ, бо нафарони зикргардида ҷамъомадҳои динӣ ташкил кардааст.
Ғайр аз ин, И. Табаров соли 2012 бо шаҳрванд Фарзона Самадова оила барпо карда, соҳиби ду фарзанд гардидаанд. Соли 2015 боз бо шаҳрванд Замира Мустафоева ақди никоҳи мусулмонӣ баста, соҳиби ду фарзанд шудаанд.
Исмоил Табаров бо таклифи М. Муминов ба хонаи ӯ рафта, якҷоя намози хуфтанро адо кардаанд. Дар рафти хондани намоз соҳибхона пайрави «Салафия» буданашро мушоҳида ва дарк карда, дар рафти нишастҳо, худаш аъзои ин равия нагардида бошад ҳам, аммо нисбат ба шахси содиркардаи ҷинояти вазнин, ба мақомоти дахлдор хабар надодааст.
Ҳарчанд адвокати маҳкумшудаҳо ба ҳукм шикоятҳои кассатсионӣ оварда, аз коллегияи судӣ хоҳиш кард, ки нисбат ба М. Муминов ва И. Табаров ҷазои сабук таъйин карда шавад, вале коллегияи судӣ маҷмӯи далелҳои боэътимодро, ки суди марҳилаи якум исбот намудааст, дуруст ҳисобида, бекор кардан ва ё тағйир додани онро салоҳ надонист.  

Х. АЗИЗМАТЗОДА, судяи суди шаҳри Душанбе,
Ҷ. АБДУЛХАЙРЗОДА, корманди дастгоҳи суд


Баёни ақида (0)    Санаи нашр: 20.04.2020    №: 76    Мутолиа карданд: 904
26.01.2021


 ПАЁМИ ПРЕЗИДЕНТИ ҶУМҲУРИИ ТОҶИКИСТОН БА МАҶЛИСИ ОЛИИ ҶУМҲУРИИ ТОҶИКИСТОН

 ҶАЛАСАИ ШӮРОИ НОЗИРОН ОИД БА МАСЪАЛАҲОИ МИНТАҚАҲОИ ОЗОДИ ИҚТИСОДӢ БАРГУЗОР ГАРДИД

 ВОХӮРӢ БО САФИРИ АРАБИСТОНИ САУДӢ

 «ТОҶИКОН» БА НОҲИЯИ ЛАХШ РАСИД

 НАШРИ КИТОБНОМАИ ШАРҲИҲОЛИИ БОҚӢ РАҲИМЗОДА

 «ҒУНЧАҲОИ ХАТЛОН»

 МУРОҶИАТИ ШАҲРВАНДОН. БЕЭЪТИНОӢ НИСБАТ БА ОН БОИСИ ҶАВОБГАРӢ ШУД

 СОХТАКОРӢ. БОЗДОШТИ НАФАРОНЕ, КИ ҲУҶҶАТҲОИ ҚАЛБАКӢ МЕСОХТАНД

 ТАМАЪҶӮӢ ЗАНИ 32 – СОЛАРО БА КУРСИИ АЙБДОРӢ ШИНОНД

22.01.2021


ҶАЛАСАИ XVII ВАЗИРОНИ КОРҲОИ ХОРИҶИИ КИШВАРҲОИ УЗВИ МУКОЛАМАИ ҲАМКОРИҲОИ ОСИЁ

21.01.2021


ДАР КӮЛОБ КОРХОНАИ ИСТЕҲСОЛӢ БА ИСТИФОДА ДОДА ШУД

ҶАЛАСАИ ҶАМЪБАСТИИ НАТИҶАҲОИ РУШДИ ИҶТИМОИЮ ИҚТИСОДИИ ВИЛОЯТИ ХАТЛОН

ВАҚТИ ПАЙВАНДИ ИЛМ БО АМАЛ АСТ

НАВИДҲОИ ФАРҲАНГ

ФИФА. ТОҶИКИСТОНРО 14 ДОВАР МУАРРИФӢ МЕКУНАД

НАХУСТИН ФИЛМИ ТОҶИКИЮ БРИТАНӢ АЗ РӮИ ФИЛМНОМАИ АНИСА СОБИРӢ НАВОРБАРДОРӢ МЕШАВАД

ҶАҲОН ДАР ЯК САТР

ДАР РОССИЯ АЗ КОРОНАВИРУС ЗИЁДА АЗ 3 МИЛЛИОН БЕМОР ШИФО ЁФТ

ҶАҲОН ДАР ЯК САТР

ДУ БОЗИИ РАФИҚОНАИ МУНТАХАБИ ТОҶИКИСТОН

КОМЁБИИ ДАСТПАРВАРОНИ МТМУ № 45

РУЙДОДҲОИ ИЛМӢ

19.01.2021


СҶТ-РО ДАСТРАСИИ НОБАРОБАРИ ДАВЛАТҲО БА ВАКСИНА САХТ НИГАРОН НАМУДААСТ

ҶАҲОН ДАР ЯК САТР

ХАТЛОН. СОДИРОТИ БАРЗИЁДИ МАҲСУЛОТИ КИШОВАРЗӢ

“САФЕДДАРА”. ЯТИМОНИ КУЛЛИ ВИЛОЯТИ ХАТЛОН АЗ БЕҲТАРИН МАВЗЕИ САЙЁҲӢ ДИДАН КАРДАНД

ТАҚДИМИ КИТОБИ «ТОҶИКОН» БА СОКИНОНИ НОҲИЯИ ИШКОШИМ

ҲИСОР. ХИЗМАТРАСОНИИ ТИББӢ РӮ БА БЕҲБУДӢ ДОРАД

15.01.2021


ҶАМЪБАСТИ ОЗМУНИ “ОМӮЗГОРИ СОЛИ ТОҶИКИСТОН – 2020”

ҶАЛАСАИ СИТОДИ КОРӢ ОИД БА ТАҶЛИЛИ 30-СОЛАГИИ ИСТИҚЛОЛИЯТИ ДАВЛАТӢ БАРГУЗОР ШУД

МАОРИФ. НАТИҶАГИРӢ АЗ ФАЪОЛИЯТИ ВАЗОРАТ

НАВИДҲОИ ФАРҲАНГ

ТОҶИКИСТОН. БОЗ ЯК ШИРКАТ БА БОЗОРИ САЙЁҲӢ ВОРИД ГАРДИД

РӮЙДОДҲОИ ИЛМӢ

12.01.2021


 ҶДММ «ММК АГРО» МАЙДОНИ ГАРМХОНАИ ИННОВАТСИОНИРО МЕАФЗОЯД


Дар сомонаҳои дигари Тоҷикистон хонед