logo

иқтисод

МАВОДИ ПЛАСТИКӢ. ЧАРО ҲАНӮЗ ҲАМ АЗ МАВЗӮЪҲОИ ДОҒ БОҚӢ МЕМОНАД?

Чанд вақт боз дар кӯчаҳои шаҳр овезаҳо бо мазмуни худдорӣ кардан аз истифодаи маводи пластикӣ ба назар мерасанд. Ин овезаҳо натиҷаи ҳамкориҳои судманди Кумитаи ҳифзи муҳити зисти назди Ҳукумати Ҷумҳурии Тоҷикистон бо дафтари Созмони амнияту ҳамкории Аврупо дар Тоҷикистон мебошанд. Баробари ин, дар амал иҷро кардани корҳои ҷамъоварӣ ва коркарди партовҳои пластикӣ вазифаи КВД «Хоҷагии манзилию коммуналӣ» ва Вазорати саноат ва технологияҳои нав мебошад. Дар ин ҷо хоҳем гуфт, ки онҳо то куҷо дар ин самт масъулият эҳсос мекунанд. 
Кам кардани истифодаи маводи пластикӣ дар вақти ҳозира, ки шумораи мағозаҳои бузург ё супермаркетҳо рӯ ба афзоиш ниҳода, дар онҳо ба муштариён барои гирифтани маҳсулот аз халтаҳои полиэтиленӣ ва зарфҳои пластикӣ истифода менамоянд, аз масъалаҳои мубрами рӯз аст.
Як роҳи ба танзим даровардани истифодаи ин гуна мавод ҷамъоварӣ ва коркард мебошад, ки бештар аҳолии деҳотро ба ташвиш овардааст. Сокинони ноҳияи Ҷайҳун шиква аз он доранд, ки дар ҷамоатҳои деҳоти ноҳия ҷамъоварии маводи пластикӣ як тараф истад, партовҳо сари вақт тоза карда намешаванд. Тавре Исмоил Гулзода, мудири бахши ҳифзи муҳити зист дар ноҳия, гуфт, ҷамъ кардани партовҳо аз маҳалҳо ба корхонаи хоҷагии коммуналӣ вобаста аст, аммо корхона барои муомилоти партов тамоман шароити техникӣ надорад. Партови 5 - 6 сол инҷониб нигоҳдошташуда баъзан аз ҷониби аҳолӣ ҳамчун нурӣ барои парвариши маҳсулот истифода мешавад, ки бе коркард ва риояи қоидаҳои санитарӣ ба одамон ва муҳити зист зарар дорад. Маводи пластикии аз маҳаллаҳо ҷамъшуда низ ба партовгоҳҳо партофта мешаванд.
Сари вақт кашонда бурдани партовҳо, ки дар онҳо маводи пластикӣ зиёданд, имрӯз на танҳо мушкили як ноҳияи Ҷайҳун аст, балки дигар шаҳру ноҳияҳо ва деҳот низ бо он рӯ ба рӯанд.
Паҳлуи дигари масъала, ин байни аҳолӣ ҷоннок кардани корҳои фаҳмондадиҳӣ мебошад, ки мутахассисони соҳа ба он бештар такя мекунанд. Дар робита ба ин Мақсадулло Мардонов, сардори шуъбаи назорати давлатии истифода ва ҳифзи замин ва муомилот бо партовҳои Кумитаи ҳифзи  муҳити  зист,  иброз  дошт,  ки пайваста гузарондани корҳои фаҳмондадиҳӣ барои тарғиби кам истифода бурдани зарф ва халтаҳои пластикӣ хеле муҳим аст. Мақсад аз гузоштани овезаҳо дар хиёбону кӯчаҳо низ баланд бардоштани маърифати экологии аҳолӣ мебошад. Зеро агар одамон зарари пластика ба саломатӣ ва муҳити зистро нафаҳманд ва тартиби ҷамъоварии партовҳои пластикиро риоя накунанд, ҳалли масъала номумкин мегардад. Моро зарур аст, ки бо супермаркетҳо корро ба роҳ монем ва тавсия диҳем, ки аз истифодаи чунин мавод худдорӣ кунанд. Агар истифодаи зарфҳои пластикӣ ва халтаҳои полиэтиленӣ дар мағозаю дуконҳои фурӯш аз байн бурда шавад, ба ҷойи онҳо дар шароити имрӯза чӣ гуна маводро кор фармудан мумкин аст? Маълум гардид, ки ба ҷойи маводи пластикӣ халтаҳои латтагӣ ва ё коғазиро истифода кардан беҳтар аст. Дар як қатор ноҳияҳои ҷумҳурӣ, ки мардум ба пахтакорӣ машғуланд, аз навъи пасттарини матоъҳои пахтагин метавон халтаи арзонтар истеҳсол кард ва онро ба фурӯш гузошт. Халтаҳои латтагиро чандин маротиба истифода бурдан мумкин аст. Дар сурати аз истифода баромадану партофта шудани халтаҳо ба муҳит онҳо дар байни як ё ду моҳ дар хок пӯсида, ягон таъсири манфӣ намерасонанд. Корхонаҳои саноатиро зарур аст, ки оид ба ҳалли ин масъалаи барои аҳолӣ ва корхона манфиатовар чораҳои зарурӣ андешанд. Мутаассифона, он сехҳое, ки дар ҷумҳурӣ барои коркарди партовҳои пластикӣ мавҷуданд, талаботи имрӯзаро қонеъ карда наметавонанд. Танҳо маводи пахтагии истеҳсоли ватанӣ суд меорад.  

Оҳистамоҳ ВАФОБЕК, «Ҷумҳурият»


Баёни ақида (0)    Санаи нашр: 30.04.2020    №: 84    Мутолиа карданд: 173
04.06.2020


ОБОДКОРИҲОИ БЕҚИЁС ДАР ТОҶИКОБОД

ЁРИИ ХАЙРИЯВӢ БАҲРИ ПЕШГИРИИ КОРОНАВИРУС

ФУТБОЛ. ҶАЛИЛОВҲО МЕХОҲАНД ҲАМЕША ДАР САФИ ПЕШ БОШАНД

КОРОНАВИРУС ДАР ИТАЛИЯ: БЕШ АЗ ЯК МОҲ ИНҶОНИБ СИРОЯТЁБӢ КАМ МЕШАВАД

ДАР КРЕМЛ БА ХОҲИШИ БО РОССИЯ СОЗИШНОМАИ ЯДРОӢ БАСТАНИ ТРАМП БАҲО ДОДАНД

ТРАМП ҶОНИБДОРИ ҲУЗУРИ ПУТИН ДАР G7

ҶАҲОН ДАР ЯК САТР

02.06.2020


ХАБАРИ ФАВРӢ. БОЗ БЕШ АЗ 200 БЕМОР АЗ КОРОНАВИРУС ШИФО ЁФТ

МУБОРИЗА БО COVID-19. КОРМАНДОНИ АНМН БА СУРАТҲИСОБИ МАХСУС 50 000 ГУЗАРОНДАНД

ХУҶАНД. ТАШХИСГОҲИ НАВИ ВИРУСОЛОГӢ БУНЁД ГАРДИД

ХАТЛОН. СОҲИБКОРОН ТАДБИРҲОИ МУҲИМРО ТАТБИҚ МЕСОЗАНД

ВАРЗОБ. 112 ИНШООТИ ҶАШНӢ МАВРИДИ ИСТИФОДА ҚАРОР ГИРИФТ

КФО АВВАЛИН ОНЛАЙН-КОНФРОНСРО ДОИР МЕКУНАД

ДОРУИ ЗИДДИ COVID-19 ДАР БЕМОРХОНАҲОИ РОССИЯ 11 ИЮН ПАЙДО МЕШАВАД

ҶАҲОН ДАР ЯК САТР

01.06.2020


ХУШХАБАР. ДАР ТОҶИКИСТОН БЕШ АЗ 2000 СИРОЯТЁФТА ШИФО ЁФТ

РОҶЕР ФЕДЕРЕР. ГАРОНАРЗИШТАРИН ВАРЗИШГАРИ САЙЁРА

29.05.2020


ТОҶИКИСТОН. АЗ COVID - 19 БОЗ 423 НАФАРИ ДИГАР ШИФО ЁФТ

28.05.2020


ТОҶИКИСТОН. БОЗ 385 НАФАР АЗ КОРОНАВИРУС ШИФО ЁФТ

ВМКБ. ҲАМОВОЗӢ БА ИҚДОМИ НЕКИ ПЕШВОИ МУАЗЗАМИ МИЛЛАТ

ХИЗМАТИ ҲАРБӢ. НАҚШАИ ДАЪВАТ ПЕШ АЗ МУҲЛАТ ИҶРО ШУД

ВАРЗОБ. ҶОЙҲОИ КОРӢ БЕШТАР МЕГАРДАНД

БУНДЕСЛИГА. РАҚОБАТИ "БАВАРИЯ" БО "БОРУССИЯ" БАРОИ ПОЙГАИ ҚАҲРАМОНӢ

ШАҲРВАНДОНИ ТОҶИКИСТОН БО ПАРВОЗИ МАХСУС АЗ ДЕҲЛӢ ВА ДУБАЙ БА ВАТАН БАРМЕГАРДАНД

ҶАҲОН ДАР ЯК САТР

27.05.2020


436 НАФАРИ ДИГАР АЗ БЕМОРИИ COVID – 19 ШИФО ЁФТ

ҶАЛАСАИ ШӮРОИ ВАЗИРОНИ КОРҲОИ ХОРИҶИИ СААД

ТАҚВИЯТИ ҲАМКОРИҲОИ ТОҶИКИСТОНУ ӮЗБЕКИСТОН ДАР МУБОРИЗА АЛАЙҲИ COVID – 19

ДАР РӮИ ҒИЗО ЗАРРАҲОИ COVID-19 НЕСТ!

НОҲИЯИ САНГВОР. МУБОРИЗА АЛАЙҲИ COVID-19 БО УСУЛИ “ХОНА БА ХОНА”

ТАШВИҚОТИ ҲИЗБИ ПЕШОҲАНГ ДАР ПАРТАВИ ҲИДОЯТИ ПЕШВОИ МИЛЛАТ

ЛИГАИ ЧЕМПИОНҲО. МУАЛЛИФИ БЕҲТАРИН ГОЛ БЕҲТАРИН МУРАББӢ ШИНОХТА ШУД

ГАРМО МЕТАВОНАД СИРОЯТИ COVID-19-РО ДАР ӮЗБЕКИСТОН КОҲИШ ДИҲАД

ҶАҲОН ДАР ЯК САТР

26.05.2020


ТОҶИКИСТОН. АЗ БЕМОРИИ COVID – 19 1395 НАФАР ШИФО ЁФТ


Дар сомонаҳои дигари Тоҷикистон хонед