logo

иқтисод

ИСТАРАВШАН. САНОАТ СОҲАИ ОЯНДАСОЗ АСТ

Саҳми саноат  дар ғанӣ шудани буҷаи шаҳри Истаравшан аз 30 - 40 дарсади солҳои қаблӣ феълан то 65 -70 дарсад афзуда, омили калидии рушди муътадили иқтисодиёт, ободию зебоӣ, сарсабзии шаҳр ва муҳимтар аз ҳама, болоравии сатҳи зиндагии мардуми он гардидааст. Тавассути тадбирҳои роҳандозинамудаи мақомоти иҷроияи ҳокимияти давлатии шаҳр дар шаш моҳи соли равон нақшаи умумии тасдиқшудаи андозҳо ва дигар пардохтҳои ҳатмӣ барзиёд таъмин шуд. Дар самти татбиқи ҳадафи чоруми миллӣ - саноатикунонии босуръат соҳибкорони маҳаллӣ муваффақ шуданд, ки корхонаи зиёди истеҳсолиро бо таъсиси ҷойҳои нави корӣ мавриди баҳрабардорӣ қарор диҳанд.
- Бартарии ин корхонаҳо дар он аст, ки онҳо дар заминаи дастуру ҳидоятҳои Президенти кишвар муҳтарам Эмомалӣ Раҳмон рӯи кор омада,  молҳои содиротӣ ва ивазкунандаи воридот истеҳсол мекунанд. Масалан, ҶДММ “Автошина”, ки чанд соли охир, асосан, ба воридоти чархҳои резинии мошинҳо машғул буд, тасмими наҷиб гирифта, бо бренди “Имкон” ба истеҳсоли 20 - 25 номгӯи молҳои ниёзи мардум - зарфҳои пластикии  барои рӯзгори аҳолӣ зарур оғоз кард ва соҳиби сертификати мутобиқати “Тоҷикстандарт” шуд. Қаблан ин маҳсулотро бо асъори хориҷӣ аз Чину Эрон меоварданд.  Пештар ин корхона истеҳсоли бозичаҳои ҷавобгӯй ба меъёрҳои стандартиро оғоз намуда буд, ки ин амал боиси шодиву нишоти тифлону волидайни онҳо гардид, - гуфт Амирхон Қурбонзода, раиси шаҳри Истаравшан.
Бино ба иттилои роҳбари истеҳсолии корхона Суҳробҷон Тошев, бо муътадил ба роҳ мондани фаъолият номгӯйи маҳсулоти истеҳсолӣ ба 80 намуд расонда мешавад. Ба кор даромадани ду коргоҳи нав шароит фароҳам овард, ки зиёда аз 50 ҷойи нави корӣ таъсис ёбад.
Сарвари давлат муҳтарам Эмомалӣ Раҳмон 1 июли соли равон ба шаҳри Истаравшан ташриф оварда, дар ҶСП “Оби зулол” ба фаъолияти коргоҳи дорои ду хати нави технологии истеҳсоли афшура ҳусни оғоз бахшиданд ва ба соҳибкорон дастур доданд, ки истеҳсоли афшураи ангурро ба роҳ монда, ҳаҷми маҳсулоти содиротиро зиёд намоянд.
Муассисону мутахассисони ҶДММ “Авангард 2013” низ дар истеҳсоли маҳсулоти воридотивазкунанда қадами нав ба пеш гузоштанд. Аз ин баъд соҳибони мошинҳои сабукрав ва боркаши шаҳру навоҳии кишвар имкон доранд, ки аз равғани босифати муҳаррики зери тамғаи “Standart 20W-50” - и  корхонаи мазкур истифода баранд.
- Ҳадафи чоруми миллӣ эълон шудани саноатикунонии босуръат дар кишвар талаботи замон аст. Ба ин васила ҳам ҷойҳои нави корӣ таъсис ёфта, ҷавонони маҳаллӣ бо шуғли доимию музди кор таъмин мешаванд, ҳам маблағи калони асъори хориҷӣ дар дохили кишвар монда, ба рушди иқтисодиёти кишвар мусоидат мекунад, - гуфт зимни суҳбат Нарзулло Саъдуллоев, директори ҶДММ “Покиза - 2013”.
Маҳсулоти ҶДММ “Покиза 2013” аз лиҳози сифат дар қатори панҷ корхонаи беҳтарини истеҳсоли равғани вилоят қарор гирифтааст. Тибқи нақша, ояндаи наздик дар корхона истеҳсоли равған аз дони офтобпарастро низ ба роҳ мемонанд.
- Ҳадафи ниҳоии ҷомеаи меҳнатии мо дарёфти бозорҳои нави фурӯш ва тавлиди маҳсулоти аълосифату аз лиҳози экологӣ тоза мебошад, - таъкид кард Нарзулло Саъдуллоев.
Корхонаҳои “Ноҳид” дар самти истеҳсоли маҳсулоти трикотажӣ, “Ҳадид” истеҳсоли  аломатҳои роҳ фаъолият намуда, дар татбиқи дастурҳои Ҳукумати Ҷумҳурии Тоҷикистон оид ба бунёди корхонаҳои истеҳсоли маҳсулоти воридотивазкунанда нақши муҳим мебозанд.
- Ин раванд бебозгашт идома хоҳад ёфт, зеро замон тақозо мекунад, ки дар баробари ҳимояи бозори дохилӣ дар самти содирот ба  кишварҳои хориҷии наздику дур муваффақ шавем, - гуфт раиси шаҳр Амирхон Қурбонзода.
То имрӯз дар ҳудуди шаҳр ҷиҳати истиқболи сазовори Ҷашни 30 - солагии Истиқлолияти давлатии Тоҷикистон 274 иншооти муҳими дорои аҳамияти иқтисодиву иҷтимоӣ мавриди баҳрабардорӣ қарор гирифт. Дар байни ин иншоот корхонаҳои навбунёди истеҳсолӣ ва коркарди маҳсулот бо фарогирии ҷойҳои бештари корӣ, ки фаъолияташон ба истеҳсоли молҳои содиротию воридотивазкунанда нигаронда шудааст, мақоми хоса доранд.

Ҷовиди АШТӢ, “Ҷумҳурият”


Баёни ақида (0)    Санаи нашр: 10.08.2020    №: 148    Мутолиа карданд: 473
04.03.2021


ФОРУМИ ҶУМҲУРИЯВӢ ОИД БА БАЛАНД БАРДОШТАНИ МАЪРИФАТИ ҲУҚУҚИИ ЗАНОН

ШАҲРИНАВ. ГУЛГАШТИ НАЗДИ МУҶАССАМАИ МИРЗО ТУРСУНЗОДА НАВСОЗӢ МЕШАВАД

КАМОНВАРӢ

Муассисаҳои таълимии олии Россия дарҳояшонро барои донишҷӯёни хориҷӣ боз намуданд

ҶАҲОН ДАР ЯК САТР

03.03.2021


Мулоқоти Зулфия Давлатзода бо Мирвайс Ноб

Дар Доғистон хотираи ҳалокшудагони ҷангро гиромӣ медоранд

ҶАҲОН ДАР ЯК САТР

ФУТБОЛ. СИТОРАҲОИ ДУРАХШОНИ ВАРЗИШИ ТОҶИК

ИФТИТОҲИ МАРКАЗИ ДӮСТӢ ВА ҲАМКОРИИ СҲШ ДАР ТОҶИКИСТОН

ҚУЛЛАИ «РАҲИМ МАСОВ» ДАР ИШКОШИМ

ҶОМИ КФО – 2021

Путин ҷиҳати муколама бо ИМА ва дигар кишварҳо омода аст

ҶАҲОН ДАР ЯК САТР

01.03.2021


ВМКБ. ОЗМУНИ «ДАСТАРХОНОРОӢ» ҶАМЪБАСТ ГАРДИД

ФФТ БАРНОМАИ МАХСУСИ ПРЕЗИДЕНТ БАРОИ РУШДИ ФУТБОЛ ДАР ДЕҲОТ

«ҚОНУНИ ТИБ» БОЗНАШР ШУД

ТАЪСИСИ КОРХОНАИ ХУРДИ ИЛМӢ - ИСТЕҲСОЛИИ МАВОДИ ДОРУВОР

КОРВОНИ САЛОМАТӢ ДАР ЛАХШ

27.02.2021


Ҷаҳон дар як сатр

Си Ҷинпин изҳор намуд, ки Чин бар бенавоӣ комилан пирӯз гардид

Масъулиятро нисбат ба он мансабдорҳое, ки душаҳрвандӣ доранд, бояд сахттар намуд

ИМА имкони тамдиди ҳузури низомиёнашро дар Афғонистон истисно намекунад

Кишварҳои Иттиҳоди Аврупо ба таҳияи «шиносномаи эмкунӣ» - и ягона ба мувофиқа расиданд

ТЕННИС ВА НАҚШИ «ҶУМҲУРИЯТ» ДАР ОММАВИЯТИ ВАРЗИШ

25.02.2021


ХАДАМОТИ ГУМРУК. ҚОНУНШИКАНӢ КАМ ВА ПАРДОХТҲОИ ГУМРУКӢ ЗИЁД ШУДАНД

«ТОҶИКОН» ДАР ТОҶИКОБОД

АЗ РАШТ ТО ЛАХШ. АВЛАВИЯТ БА ТАВСЕАИ ЗАМИНҲОИ КИШТ

КИШОВАРЗӢ. 11 КОРХОНАИ ПАРАНДАПАРВАРӢ ТАЪСИС МЕЁБАД

TASHKENT GRAND SLAM 2021. ТОҶИКИСТОНРО КИҲО МУАРРИФӢ МЕКУНАНД?

ҶАҲОН

ҶАҲОН ДАР ЯК САТР

24.02.2021


ҶАҲОН

ҶАҲОН ДАР ЯК САТР

23.02.2021


ХИЗМАТИ ДАВЛАТӢ. СУОЛИ "ҶУМҲУРИЯТ" ОШКОР КАРД, КИ ДАР КАДОМ МАҚОМОТ БОНУВОН ҶАЛБ НАМЕШАВАНД


Дар сомонаҳои дигари Тоҷикистон хонед