logo

иҷтимоиёт

АЗ ПАРЕШОНӢ ТО ДУРАХШОНӢ. ДАР ҲОШИЯИ ФИЛМИ ҲУҶҶАТИИ «ХИЁНАТ»

«Ҳанӯз хурд будам ва дунёи зебое доштам, то он даме ки ба сӯям силоҳ кашида, таъкидам карданд, ки чун духтарам, дубора барои бозӣ берун набароям. Он замон дунёи рангини кӯдакиамро тираву аз бисёр орзуҳо ноумедам карданд. Ҳамеша даруни хона нишаста, маъюс будам. Хушбахтона, бо дамидани нахустин субҳи умед, падарам дубора маро ба донишандӯзӣ ва ояндаи дурахшон роҳнамоӣ намуд...».
Ин порае аз хотироти ғамангези як ҳамкасбам аз солҳои ҷанги шаҳрвандӣ мебошад, ки зимни як сафар ба ноҳияи Нуробод қисса кард. Нақли ӯ хаёли маро низ ба он солҳо бурд, ки бисёр даҳшатнок буд. Ҳарчанд он замон худам низ кӯдак будам, лекин ҳамаашро ёд дорам. Талафоти зиёди ҷонӣ, сарсонӣ, ранҷу азобу маъюсӣ… Якеро зинда мегӯронданду дигареро пӯст меканданд, севуминро оташ зада, аз доду фиғони он бечораҳо, ки садояшон то ба фалак мепечид, завқ мекарданд.
Ҳамкасбам дар идомаи нақл аз он рӯзгори даврони кӯдакии худ нақл карду мо хомӯш гӯш мекардем;
- Тақрибан синфи 3 ё 4 будам (солҳои 1995), барои бозӣ ба кӯча баромадан мамнӯъ буд, зеро гурӯҳҳои зиёди силоҳбадаст дар водии Рашт низ қароргоҳ доштанд. Бо духтараки ҳамсоя саргарми бозию шӯхӣ будем, ки як ришакӣ пайдо шуду ба мо лаънат хонд. Бо вуҷуди он ки мо хурд будему чизеро намефаҳмидем ва саргарми бозӣ дар дунёи кӯдакии худ. Силоҳашро ба тарафи мо рост карда, дод зад: «Ҳой, шумо чӣ кор карда истодаед, чаро рӯймол надоред? Чаро ба кӯча баромада, бозӣ доред? Тез даф шавед...».
Бо чашмони ашколуд аз кӯча рондаю аз бозӣ маҳрум ва дар дил тарсу ҳарос назди падару модарам омадам. Модарам пурсид, ки ба ман чи шуду чаро дар тарсу ларзам. Бо ишораи ангушт ба он ҷавони ришакӣ нишон додам.
Он солҳо аз тарс касе ба берун баромада наметавонист, хусусан духтарҳо. Хонандагони синфҳои болоӣ барои онҳо обкашу хидматгор буданд, зеро он хоинон дар он солҳо худашон шоҳу табъашон вазир буд. Ҳамаи фаслҳо барои мо як шуда буд, болои сарамон тир меборид.
Ман кӯдаки даврони ҷанг ва ҷавони замони истиқлолам. Аз сабаби он ки Рашт он солҳо минтақаи даргир буд, ҳамаи саҳнаҳои ҷанг мисли филм дар хотирам нақш бастаанд. Дидани филми мустанади «Хиёнат» хотираҳои ҳузнангези онсолҳоро ба такрор пеши назарам овард. Он рӯзҳо гузашт, лекин фаромӯш нахоҳанд шуд.
Шукр, ки имрӯз фазои Тоҷикистон орому зиндагии мардум осуда аст. Сулҳу амният бо фидокориҳои абармардони миллат ба даст омад. Онҳо барои осоиштагии мардум заҳмат кашиданд, тир хӯрданд, афтиданду хестанд, вале нашикастанду нарехтанд ва то имрӯз дар пайи ободиву созандагӣ саъю кӯшиш доранд.
Имрӯз мардум дарк намуданд, ки силсилафилми «Хиёнат» аз дасисаву амалҳои пасипардагию душманонаи як гурӯҳ хоинони давлату миллати тоҷик қисса мекунад. Дар филм роҳбарони ТТЭ ҲНИ ва чанд тан аз ватанфурӯшон бо сад макру ҳилла мехоҳанд осмони софу беғубори Тоҷикистони биҳиштосоро тира созанд. Дар филм фитнаҳову иғвоангезии хиёнаткорон ба таври равшан аён гардидааст. Дигар ҷои шубҳа нест, зеро қаҳрамонони филм шахсони воқеӣ, иштирокчиёни бевоситаи равандҳои гуногуни сиёсӣ буда, лаҳзаҳо аз мусоҳибаҳо, наворҳои вохӯриву гуфтушунидҳои таърихӣ далолат ба воқеияти он доранд. Ин хоинони ватанфурӯши наҳзатӣ солҳои ҷанги таҳмилии шаҳрвандӣ низ бо дастгирии  хоҷагони  хориҷиашон  ва суиистифода аз номи дини мубини ислом гирдиҳамоӣ ташкил карда, сабабгори марги ҳазорон нафар мардуми бегуноҳ ва гуреза шудани беш аз як миллион аҳолии осоишта гардида буданд.
Имрӯз ҳам аъзои фаъоли ТТЭ ҲНИ дар Аврупо барои маблағҳои гирифтаашонро «ҳалол» кардан нисбат ба давлату миллат носазо мегӯянд. Хушбахтона, мардуми Тоҷикистон имрӯз дарк намудаанд, ки гирдиҳамоиву баромадҳои  ин гурӯҳи хоинон муғризона ва аз рӯи ҳасад мебошад. Зеро Тоҷикистони соҳибистиқлоли мо имрӯз тинҷу ором ва мардумаш таҳти роҳбарии Пешвои миллат муҳтарам Эмомалӣ Раҳмон сарҷамъ буда, рӯз то рӯз обод ва дар сатҳи байналмилалӣ нуфузи баланд касб мекунад.

Сафаргул АЛИМОВА,
“Ҷумҳурият”


Баёни ақида (0)    Санаи нашр: 09.10.2020    №: 199 - 200    Мутолиа карданд: 243
26.11.2021


Иштироки Рустами Эмомалӣ дар ҷаласаи навбатии Шурои Ассамблеяи байнипарлумонӣ

Лавров бо вазирони корҳои хориҷии Чин ва Ҳиндустон роҳҳои рушди ҳамкориҳои сеҷонибаро баррасӣ мекунад

Ҷаҳон дар як сатр

25.11.2021


Боздиди намояндагони Иттиҳоди Аврупо аз НБО «Норак»

Суҳбати Путин бо раиси Шурои Аврупо

Ҷаҳон дар як сатр

МАШҒУЛИЯТИ ОМӮЗИШӢ ОИД БА МАБЛАҒГУЗОРИИ ХУРД МУВОФИҚИ ПРИНСИПҲОИ МАБЛАҒГУЗОРИИ ИСЛОМӢ

24.11.2021


Масъалаи аломатгузории хати сарҳади давлатӣ баррасӣ шуд

Ҷаҳон дар як сатр

Путин, Алиев ва Пашинян 26 ноябр дар Сочи мулоқот хоҳанд кард

ЛИГАИ ҚАҲРАМОНҲО

ВАО. НАҚШИ МУҲИМТАРИН ВОСИТАИ ТАЪСИРРАСОНӢ ДАР ЗАМОНИ ПАНДЕМИЯ

ЛАХШ. ТАНТАНАИ ҶАШНИ МИЛЛӢ

С А Н О А Т . МАҲСУЛОТИ ВАТАНӢ ИФТИХОРИ МАНУ МО

РӮЗИ ПАРЧАМИ ДАВЛАТӢ. ҲАМОИШИ ҶАШНӢ ДАР ДМТ

ФУРӮҒИ ВАТАНДОРӢ

22.11.2021


Ҷамъбасти машқҳои тактикии «Кобалт-2021»

ТИБ. БАРРАСИИ МУҲИМТАРИН САМТҲОИ СОҲА

МУҲАММАД ҒОИБ: «ДИЛ ЁФТАНУ САРҶАМЪ СОХТАНИ МИЛЛАТ ОСОН НАБУД!»

ДДЗТ: АЗ ТАЪСИСИ МАРКАЗИ TOEFL ТО ИНТИШОРИ 5 КИТОБИ МУҲИМ

ИЛМ. БАРГУЗОРИИ ҲАМОИШИ МУҲИМ

18.11.2021


Россия аз хатари паҳншавии терроризм ба кишварҳои ҳамсояи Афғонистон ҳушдор дод

ҶИУ-ҶИТСУ

ҶАҲОН ДАР ЯК САТР

ҒАМХОРИ ТАБИАТ БОШЕМ!

17.11.2021


“Созандагиҳои Пешвои миллат дар тули се даҳсолаи соҳибистиқлолӣ”

12.11.2021


Рӯзи Президент дар сатҳи баланд таҷлил мешавад

Рӯзи Президент дар сатҳи баланд таҷлил мешавад

“КОНСТИТУТСИЯ – САНАДИ САРНАВИШТСОЗ ВА БАХТНОМАИ МИЛЛАТИ ТОҶИК”

РАШТ. УФУҚҲОИ РУШДИ КИШОВАРЗӢ

11.11.2021


Шурои амнияти ФР: «Ҳузури доимии СММ дар Афғонистон бояд нигоҳ дошта шавад»

Ҷаҳон дар як сатр

ЛИГАИ ОЛӢ

10.11.2021


Вохӯрии Сироҷиддин Муҳриддин бо кормандони Сафорати Тоҷикистон дар Россия

ҶАЛАСАИ САЙЁРИ РУШДИ МАҲАЛ


Дар сомонаҳои дигари Тоҷикистон хонед