logo

иҷтимоиёт

ДИЛИ БУЗУРГ

Як унсури муҳиму ҳатмии сафарҳои кории Сарвари давлат муҳтарам Эмомалӣ Раҳмон ба шаҳру навоҳии кишвар вохӯриҳои самимӣ бо ятимону барҷомондагон ва лутфу инояташон ба онҳо гаштааст. Дар сафари навбатиашон ба шаҳри Панҷакент, ки чанде пеш сурат гирифт, ин анъанаи нек идома ёфт. Дар ҷараёни он як вохӯрии ғайричашмдошт низ ба вуқӯъ пайваст, ки чуноне мегӯянд, «дар протокол» набуд.

НОМА БА ПРЕЗИДЕНТ
Мардуми шаҳри Панҷакент бо дастгирии Ҳукумати мамлакат ва вилояти Суғд баъди омодагии қариб дусола ҷиҳати таҷлили бошукӯҳи санаи фархунда – 5500 - солагии Саразм ҳам дар ин мавзеи таърихӣ ва ҳам дар шаҳр чун армуғон бисёр иншооти ҷашниро бунёд намуда, ташрифи Пешвои муаззамро бесаброна интизор буданд. Он рӯзи саид низ фаро расиду дар шаҳру Саразми оростаю пероста Сарвари давлат якчанд иншоотро ба истифода дода, дар ҷамъомади тантанавии Саразм ширкат варзиданд. Ин ҳамаро тариқи намоиши мустақими телевизион ҳама бо ифтихор тамошо кардем.
Аз ҷумла, дар шаҳр дар шафати майдони муҷассамаи Исмоили Сомонӣ меҳмонхонаи хуштарҳи «Саразм Плаза»-ро ифтитоҳ намуданд. Ҳамчунин, дар ин ҷо бо 30 ятим вохӯрда, ба онҳо либос ва васоити хониш туҳфа карданд. Сипас, корвони мошинҳо бо меҳмонони олиқадр ба ҳаракат омад. Ин вақт ғайриинтизор духтараке сари роҳи он баромад, то ки Президентро бубинад. Кӣ буд ӯ, чаро пеши роҳ гирифтан хост, чӣ муддао дошт, он лаҳзаҳо ҳам ба мизбонону ҳам меҳмонон маълум набуд.
Вақте баъди тантанаҳои ҷашнӣ мо, хабарнигорони «Ҷумҳурият», ба Панҷакент омадем, аз ҷумла дар суроғи ӯ шудем, ки ба чӣ ваҷҳе ин воқеа рӯй дод.  Фақат ҳамин қадар маълум буд, ки Хосият Олишова хонандаи МТМУ рақами 71-и шаҳр аст. Ба муассисаи таълимӣ рафтем. Зимни суҳбат Хосият гуфт, ки ду моҳ пеш падараш вафот карду онҳо бесарпаноҳу бесаробон монданд. Ночор хонаеро иҷора гирифтанд.
- Баъди ин мусибат фикре шабу рӯз азобам медод, ки ояндаи модараму мо, фарзандон, чӣ мешавад? Ману бародарам бояд хонем ва то ба воя расидан дар куҷо ва чӣ тавр зиндагӣ мекунем? – дарди дил кард Хосият.
Вазъи душвори зиндагӣ духтаракро водор намудааст, ки ба амали ғайриодӣ даст занад.
- Борҳо аз телевизион дидаам, ки Пешвои миллат ҳар куҷо рафтанд, дасти сахо ба сари ятимон гузоштанд, меҳрубонию кумакашон карданд. Барои ҳамин аз аҳволи бадамон ба номашон мактуб навистам. Шояд барои ҳалли мушкили мо мақомоти иҷроияи ҳокимияти давлатии  шаҳрамон ёрӣ медод.  Аммо  он  вақт  дар  фикру зикрам фақат Президент буданд.  Вақте Пешвои миллат баъди ба истифода додани меҳмонхонаи «Саразм Плаза» ва вохӯрӣ бо ятимон ба мошин савор шуда, корвон ҳаракат кард, сари роҳ баромадам. Вале чанд тан маро канор бурдан хостанд. Бо овози баланд «Ман ба Президент мактуб дорам» гуфтам.  Сарвари давлат магар овози баланди маро шуниданд, ки мошинашон бозистоду ишораи ба ман роҳ додан намуданд. Мактубро бароварда ба шахсе додам, ки назди мошинашон меистод. Вай онро ба Пешвои миллат расонд, - тафсилоти воқеаро гуфт Хосият.
Модараш Манзура Шодмонова мегӯяд, ки аз нияту рафтори духтараш хабар надошт:
- Мо аз балкони хонаи ҳамсоя рафти кушодани меҳмонхонаи навро тамошо доштем. Ногаҳ дидам, ки Хосият нест. Гумон кардам, ки хона рафтааст. Баъди чанде омад. Ранги рӯяш канда буд, аммо чашмонаш барқ мезаданд. Тарсида пурсидам: «Чӣ шуд?» Гуфт, ки ба Президент мактуб додам. Ҳайрон шудам: «Чӣ хел мактуб, ту Президентро дидӣ?!» Ӯ воқеаро нақл намуд. Баъд Хосиятро сахт сарзаниш кардам, ки Сарвари давлат ҳазору як ташвиш доранду ҳамин номаи ту намерасид.
Лаҳзае чанд ӯ хомуш монду баъд дар лабаш табассуми зебое шукуфт:
- Дили модарро бузург мегӯянд. Вақте фаҳ-мидам, ки Президенти кишвар барои дастгирии як духтарчаи ношинос аз роҳашон бозистодаанд, сарам ба осмон расид. Парвардигор дили бузурге нисори он кас кардааст, ки ба доди ҳама мерасанд.

МИЁНИ МО ДЕВОР НЕСТ
Воқеан, мову шумо тавассути телевизион борҳо шоҳиди он гаштаем, ки дар ҷараёни мулоқот ва ҷамъомадҳо баъди суҳбат, суханронӣ, саволу ҷавоб бисёр донишҷӯён ё мутахассисони ҷавони лаёқатманд бо супориши Сарвари давлат таҳти васояти сарони вазоратҳо гирифта, ба рӯйхати кадрҳо сабт карда мешаванд, вазифа мегиранд, барои идомаи таҳсил ё такмили тахассус ба хориҷа фиристода мешаванд, мушкили дигар ниёзмандон, аз ҷумла беманзилӣ ҳал мегардад. Яъне, ягон нафари ба Сарвари давлат муроҷиаткарда ноумед намондааст, то қадри имкон дастгирӣ ёфтааст.
Ҳодисаи болоӣ бори дигар собит мекунад, ки миёни Пешвои миллат ва мардум деворе набуду нест ва барои ҳама дастрасанд, аз ҷумла ба хонандаи одӣ. Зеро гӯши шунаво, дили дардошно ва дасти сахо доранд. Ва тавре худ пайваста таъкид мекунанд, ин маснади олиро Парвардигор барояшон баҳри хизмат ба халқ насиб гардондааст.

Маҳмуд БАҲРОМ, «Ҷумҳурият»


Баёни ақида (0)    Санаи нашр: 12.10.2020    №: 201 - 202    Мутолиа карданд: 239
26.11.2021


Иштироки Рустами Эмомалӣ дар ҷаласаи навбатии Шурои Ассамблеяи байнипарлумонӣ

Лавров бо вазирони корҳои хориҷии Чин ва Ҳиндустон роҳҳои рушди ҳамкориҳои сеҷонибаро баррасӣ мекунад

Ҷаҳон дар як сатр

25.11.2021


Боздиди намояндагони Иттиҳоди Аврупо аз НБО «Норак»

Суҳбати Путин бо раиси Шурои Аврупо

Ҷаҳон дар як сатр

МАШҒУЛИЯТИ ОМӮЗИШӢ ОИД БА МАБЛАҒГУЗОРИИ ХУРД МУВОФИҚИ ПРИНСИПҲОИ МАБЛАҒГУЗОРИИ ИСЛОМӢ

24.11.2021


Масъалаи аломатгузории хати сарҳади давлатӣ баррасӣ шуд

Ҷаҳон дар як сатр

Путин, Алиев ва Пашинян 26 ноябр дар Сочи мулоқот хоҳанд кард

ЛИГАИ ҚАҲРАМОНҲО

ВАО. НАҚШИ МУҲИМТАРИН ВОСИТАИ ТАЪСИРРАСОНӢ ДАР ЗАМОНИ ПАНДЕМИЯ

ЛАХШ. ТАНТАНАИ ҶАШНИ МИЛЛӢ

С А Н О А Т . МАҲСУЛОТИ ВАТАНӢ ИФТИХОРИ МАНУ МО

РӮЗИ ПАРЧАМИ ДАВЛАТӢ. ҲАМОИШИ ҶАШНӢ ДАР ДМТ

ФУРӮҒИ ВАТАНДОРӢ

22.11.2021


Ҷамъбасти машқҳои тактикии «Кобалт-2021»

ТИБ. БАРРАСИИ МУҲИМТАРИН САМТҲОИ СОҲА

МУҲАММАД ҒОИБ: «ДИЛ ЁФТАНУ САРҶАМЪ СОХТАНИ МИЛЛАТ ОСОН НАБУД!»

ДДЗТ: АЗ ТАЪСИСИ МАРКАЗИ TOEFL ТО ИНТИШОРИ 5 КИТОБИ МУҲИМ

ИЛМ. БАРГУЗОРИИ ҲАМОИШИ МУҲИМ

18.11.2021


Россия аз хатари паҳншавии терроризм ба кишварҳои ҳамсояи Афғонистон ҳушдор дод

ҶИУ-ҶИТСУ

ҶАҲОН ДАР ЯК САТР

ҒАМХОРИ ТАБИАТ БОШЕМ!

17.11.2021


“Созандагиҳои Пешвои миллат дар тули се даҳсолаи соҳибистиқлолӣ”

12.11.2021


Рӯзи Президент дар сатҳи баланд таҷлил мешавад

Рӯзи Президент дар сатҳи баланд таҷлил мешавад

“КОНСТИТУТСИЯ – САНАДИ САРНАВИШТСОЗ ВА БАХТНОМАИ МИЛЛАТИ ТОҶИК”

РАШТ. УФУҚҲОИ РУШДИ КИШОВАРЗӢ

11.11.2021


Шурои амнияти ФР: «Ҳузури доимии СММ дар Афғонистон бояд нигоҳ дошта шавад»

Ҷаҳон дар як сатр

ЛИГАИ ОЛӢ

10.11.2021


Вохӯрии Сироҷиддин Муҳриддин бо кормандони Сафорати Тоҷикистон дар Россия

ҶАЛАСАИ САЙЁРИ РУШДИ МАҲАЛ


Дар сомонаҳои дигари Тоҷикистон хонед