logo

иҷтимоиёт

ХУБ ШУД, КИ ЗАН БА ДАВЛАТ ЁР ШУД... ИҚДОМИ ШОИСТАИ ВАСИЛААПАРО ИДОМА МЕДИҲАНД

Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон дар Паёми навбатиашон ба Маҷлиси Олӣ таъкид намуданд, ки Тоҷикистон дорои неъматҳои бебаҳои табиӣ- обҳои табобативу гиёҳҳои шифобахш буда, муҳит ва табиати кишварамон барои рушди соҳаи дорусозӣ ва бунёди истироҳатгоҳҳо дар мавзеъҳои кӯҳистон бисёр мувофиқ мебошад. Ин гуфтаҳои Роҳбари давлатро ба мисли дигар шаҳру ноҳияҳо ва деҳоти Вилояти Мухтори Кӯҳистони Бадахшон дар ноҳияи Ванҷ низ соҳибкорон ва сокинони деҳаҳо, алалхусус бошандагони водиҳои Ванҷи Боло ва Язгулом, пеш аз ҳама, бонувон хуб ба ҷо оварда истодаанд. 
Ба гуфтаи мудири бахши кор бо занон ва оилаи мақомоти иҷроияи маҳаллии ҳокимияти давлатии ноҳия Ганҷинаи Саъдон солҳост, ки мардуми деҳот рустанӣ ва гиёҳҳои шифобахшро аз соҳилҳои рӯдхонаҳои Ванҷобу Язгуломоб, инчунин, ҷангалҳо, кӯҳсорону пуштаҳо ва алафзори наздики пиряхҳои Федченкову Хирсон, Кашолаях то миёнаҳои қуллаҳои Исмоили Сомонӣ ҷамъ меоваранд. Дар ин амали наҷибонаву шоиста бонуи ташаббускор ва меҳнатдӯст Васила Ғафурова саҳми шоиста ва муносиб гузошта буданд. 
Ёдовар мешавем, ки Васила Ғафурова баъди солҳои дароз дар вазифаи раиси деҳоти Рованд бенуқсон фаъолият намудан ва амалҳои зиёди ободониро ба ҷо овардан, сипас, солҳои охири умр ба омӯзгорӣ машғул шуд. Ӯ инсони табиатдӯст буд. Ба гуфтаи сардори идораи Агентии хоҷагии ҷангали Тоҷикистон дар ноҳияи Ванҷ Иброҳим Қосимов, ҳаргоҳ Василаапа медид, ки баъзе мардони деҳнишин буттаҳои ангат, зелол ва гулхор, то ҳатто дарахтони чормағзро бераҳмона бурида, сарфи оташдонҳо менамуданду касе пеши роҳашонро намегирифт, дилтанг мешуд.
Баъди ба нафақа баромадан ин зани меҳнатдӯст қавл дод, ки саъю талош менамояд, ки ба буридани дарахтон дигар роҳ намедиҳад. Ҳамин гуна вай бо далерӣ ва иродаи мустаҳками худ тавонист, ки пеши роҳи чунин бераҳмиро нисбат ба табиати диёр бигирад. Сипас, вай даҳ нафар бонуро гирд оварда, ғӯраи ангату гулхор ва чормағз ҷамъ мекард. Аз атои табиат равғани ангату чормағз ва нӯшобаи гулхору дигар рустаниҳоро омода месохт. Ҳамин тариқ, ин амал пешаи ҳаёт гардид. Шавҳараш Нуриддин, фарзандон ва хешу таборон ба ӯ ёрӣ мерасонданд.
Ин зани ватандӯст панҷ сол муқаддам бо дастгирии Пешвои муаззами миллат корхонаи истеҳсоли равғани ангат, чормағз ва нӯшобаҳои дорувориро аз рустанӣ ва гиёҳҳои шифобахш дар деҳаи Ғуҷоваст созмон дод. Боиси сарфарозиаш шуд, ки дар расми баҳрабардорӣ қарор гирифтани корхонаи саноатӣ Президенти Ҷумҳурии Тоҷикистон муҳтарам Эмомалӣ Раҳмон, ки дар ноҳияи Ванҷ сафари корӣ анҷом медоданд, ширкат намуданд. Роҳбари давлат ба бонуи ташаббускор Васила Ғафурова барои иқдоми наҷибона, бунёди корхонаи коркарди равғани ангату чормағз, нӯшобаҳои гулхор ва дигар рустаниву гиёҳҳои шифобахш, инчунин, ба соҳибкори муваффақ Муфарраҳ Муҳаббатов, ки ба хотири рушди деҳот ва сайёҳӣ маҷмааи истироҳатиро дар соҳили Ванҷоб бо номи «Ванҷи Боло» сохта, ба истифода дод, изҳори миннатдорӣ баён карданд. 
Мутаассифона, ҳоло зани номдор Васила Ғафурова дар қайди ҳаёт нест, вале корхонаи созмондодаи ӯ бенуқсон кор мекунад. Фарзандон ва шогирдонаш, бонувони ҷавони деҳаҳои Ғуҷоваст ва Вишхарвак пешаи устодашонро идома медиҳанд. Маҳсулоти шифобахши аз ғӯраҳои ангат, чормағзу рустанӣ ва гиёҳҳо тайёркардаи ин корхона дар шаҳрҳои Душанбе, Хоруғ, Кӯлобу Бохтар, Хуҷанд ва дигар минтақаҳои кишвар бо нархи арзон ба фурӯш бароварда мешаванд. Дар ин фасли зимистон корхонаи Ғуҷоваст ҳамарӯза фаъол аст. Аҳли хонавода ва ҳамдеҳагони Васила Ғафурова васияти ӯ: «Коргоҳамро бесоҳиб намонед»- ро ба ҷо меоранд. Ҳамзамон, дар ҳифзи сарватҳои нодири табиати диёри баландкӯҳ саҳм доранд.
Аз ҳама муҳим он аст, ки дар вилоят кору амали накуи Васила Ғафуроваро даҳҳо бонувон идома дода истодаанд. Онҳо аз боигариҳои табиати нодир маҳсулоте истеҳсол менамоянд, ки барои саломатии мардум хеле зарур мебошанд.
 
Муҳаммадзоиршо ШАРИФЗОДА, «Ҷумҳурият»,
Сироншоҳи ДИЛОВАР, рӯзноманигор

 


Баёни ақида (0)    Санаи нашр: 22.02.2021    №: 38    Мутолиа карданд: 79
04.03.2021


ФОРУМИ ҶУМҲУРИЯВӢ ОИД БА БАЛАНД БАРДОШТАНИ МАЪРИФАТИ ҲУҚУҚИИ ЗАНОН

ШАҲРИНАВ. ГУЛГАШТИ НАЗДИ МУҶАССАМАИ МИРЗО ТУРСУНЗОДА НАВСОЗӢ МЕШАВАД

КАМОНВАРӢ

Муассисаҳои таълимии олии Россия дарҳояшонро барои донишҷӯёни хориҷӣ боз намуданд

ҶАҲОН ДАР ЯК САТР

03.03.2021


Мулоқоти Зулфия Давлатзода бо Мирвайс Ноб

Дар Доғистон хотираи ҳалокшудагони ҷангро гиромӣ медоранд

ҶАҲОН ДАР ЯК САТР

ФУТБОЛ. СИТОРАҲОИ ДУРАХШОНИ ВАРЗИШИ ТОҶИК

ИФТИТОҲИ МАРКАЗИ ДӮСТӢ ВА ҲАМКОРИИ СҲШ ДАР ТОҶИКИСТОН

ҚУЛЛАИ «РАҲИМ МАСОВ» ДАР ИШКОШИМ

ҶОМИ КФО – 2021

Путин ҷиҳати муколама бо ИМА ва дигар кишварҳо омода аст

ҶАҲОН ДАР ЯК САТР

01.03.2021


ВМКБ. ОЗМУНИ «ДАСТАРХОНОРОӢ» ҶАМЪБАСТ ГАРДИД

ФФТ БАРНОМАИ МАХСУСИ ПРЕЗИДЕНТ БАРОИ РУШДИ ФУТБОЛ ДАР ДЕҲОТ

«ҚОНУНИ ТИБ» БОЗНАШР ШУД

ТАЪСИСИ КОРХОНАИ ХУРДИ ИЛМӢ - ИСТЕҲСОЛИИ МАВОДИ ДОРУВОР

КОРВОНИ САЛОМАТӢ ДАР ЛАХШ

27.02.2021


Ҷаҳон дар як сатр

Си Ҷинпин изҳор намуд, ки Чин бар бенавоӣ комилан пирӯз гардид

Масъулиятро нисбат ба он мансабдорҳое, ки душаҳрвандӣ доранд, бояд сахттар намуд

ИМА имкони тамдиди ҳузури низомиёнашро дар Афғонистон истисно намекунад

Кишварҳои Иттиҳоди Аврупо ба таҳияи «шиносномаи эмкунӣ» - и ягона ба мувофиқа расиданд

ТЕННИС ВА НАҚШИ «ҶУМҲУРИЯТ» ДАР ОММАВИЯТИ ВАРЗИШ

25.02.2021


ХАДАМОТИ ГУМРУК. ҚОНУНШИКАНӢ КАМ ВА ПАРДОХТҲОИ ГУМРУКӢ ЗИЁД ШУДАНД

«ТОҶИКОН» ДАР ТОҶИКОБОД

АЗ РАШТ ТО ЛАХШ. АВЛАВИЯТ БА ТАВСЕАИ ЗАМИНҲОИ КИШТ

КИШОВАРЗӢ. 11 КОРХОНАИ ПАРАНДАПАРВАРӢ ТАЪСИС МЕЁБАД

TASHKENT GRAND SLAM 2021. ТОҶИКИСТОНРО КИҲО МУАРРИФӢ МЕКУНАНД?

ҶАҲОН

ҶАҲОН ДАР ЯК САТР

24.02.2021


ҶАҲОН

ҶАҲОН ДАР ЯК САТР

23.02.2021


ХИЗМАТИ ДАВЛАТӢ. СУОЛИ "ҶУМҲУРИЯТ" ОШКОР КАРД, КИ ДАР КАДОМ МАҚОМОТ БОНУВОН ҶАЛБ НАМЕШАВАНД


Дар сомонаҳои дигари Тоҷикистон хонед