Дастаи «Истиқлол» баъди шикаст додани тими «Хатлон», бори шашум Ҷоми Федератсияи футболи Тоҷикистонро ба даст овард.

Тибқи иттилои ФФТ, дар вохӯрии ниҳоӣ «Истиқлол» бо ҳисоби 1:0 пирӯз шуд. Тӯби ғалабаоварро Алексей Ларин (дақ. 90+4) ба самар расонд. 

Медалҳои биринҷии Ҷоми ФФТ – 2021 насиби бошгоҳи «Регар – ТадАЗ» шуд. Дастаи шаҳри Турсунзода дар бозӣ барои ҷои сеюм тими «Равшан»-и Кӯлобро бо ҳисоби 2:1 мағлуб намуд. 

 

 

ҒАЛАБАИ НУҲУМИ ҶОКОВИЧ ДАР AUSTRALIAN OPEN

Дар финали мусобиқоти оид ба теннис Australian Open – 2021 (8 – 21 феврал) ракеткаи якуми ҷаҳон Новак Ҷокович (Сербия) бар Даниил Медведев (Россия, ракеткаи сеюм) пирӯз гашт. 

Бар пояи маълумоти сомонаи eurosport.ru, Ҷокович дар се сет бо ҳисоби 7:5, 6:2 ва 6:2 ғалаба ба даст овард. 

 

Маҳмуд БАҲРОМ, шореҳи варзиш