logo

иҷтимоиёт

Н У Р О Б О Д. КОРҲОИ ОБОДОНӢ ВУСЪАТИ ТОЗА МЕГИРАНД

Тайи солҳои соҳибистиқлолӣ ноҳияи Нуробод дар баробари дигар шаҳру навоҳии кишвар беш аз пеш ривоҷу равнақ меёбад. Бо дастгириву ғамхориҳои роҳбарияти олии мамлакат бахусус маркази маъмурии ноҳия – шаҳраки Дарбанд ба макони зебову дилнишин табдил ёфтааст. Ин дастгириҳои Ҳукумати Ҷумҳурии Тоҷикистон мардуми сарбаланди ноҳияро водор менамоянд, ки баҳри пешрафти тамоми соҳаҳои хоҷагии халқ саъю кӯшиши дучанд ба харҷ диҳанд.  
 
216 ИНШООТ МАВРИДИ БАҲРАБАРДОРӢ ҚАРОР ГИРИФТ
Тавре аз Мақомоти иҷроияи маҳаллии ҳокимияти давлатии ноҳия иттилоъ доданд, ба ифтихори Ҷашни 30-солагии Истиқлолияти давлатии Ҷумҳурии Тоҷикистон дар ин диёри зархез   бунёду навсозии 248 иншоот ба нақша гирифта  шуда, дар ин муддат 216-тояш мавриди баҳрабардорӣ қарор гирифт. 
Зикр гардид, ки айни замон корҳои сохтмонӣ ва таҷдиду тармими 32 иншооти боқимонда, аз ҷумла боғи фарҳангию фароғатӣ, роҳи марказии шаҳраки Дарбанд, бинои КИ ҲХДТ дар ноҳия, бинои корхонаи парандапарварӣ дар деҳаи Сариқош мактаби асосӣ дар деҳаи Обигармӣ ва синфхонаҳои иловагӣ дар назди муассисаҳои таълимии №№ 26, 63 ва дигар иншооти таъйиноти гуногун, идома дошта, то охири сол ба истифода дода мешаванд. 
 
ИСТЕҲСОЛИ МАҲСУЛОТИ КИШОВАРЗӢ МЕАФЗОЯД
Боиси тазаккур аст, ки Нуробод ноҳияи аграрӣ буда, шуғли асосии мардум зироаткорист. Солҳои охир бо заҳмату талоши сокинони заҳматқарини ноҳия ҳаҷми истеҳсоли маҳсулоти кишоварзӣ дар ҳамаи шаклҳои хоҷагидорӣ тамоили болоравӣ дорад. 
Дар шаш моҳи соли ҷорӣ ба маблағи 59  миллиону  670  ҳазору 700 сомонӣ маҳсулоти кишоварзӣ истеҳсол гардид, ки нисбат ба ҳамин давраи соли гузашта  1  миллиону  487 ҳазору 800 сомонӣ зиёд мебошад.         
 
ФАРҲАНГ ТАҶАССУМГАРИ МИЛЛАТ 
Аз қадим гузаштагони мо дорои фарҳанги бой буданд ва аз худ мероси пурғановате боқӣ гузоштанд. Барои пойдор доштани фарҳангу таблиғи донистани таърихи миллати худ Сарвари давлат намунаи ибратанд. Дар арафаи Ҷашни байналмилалии Наврӯз туҳфаи навбатии Пешвои муаззами миллат Эмомалӣ Раҳмон –  шоҳасари аллома Бобоҷон Ғафуров “Тоҷикон” ба ҳар як хонаводаи ноҳия тақдим гардид, ки  он дар боз ҳам боло бурдани ҳисси ватандӯстиву хештаншиносии ҳар як фарди ҷомеа нақши муассир мегузорад.
Боиси ёдоварист, ки айни ҳол ноҳия дорои 5 хонаи фарҳанг, 4 клуб, 2 осорхонаи таърихӣ ва 24 китобхонаи оммавӣ  бо 57 977 нусха китоб буда, ба аҳолӣ хизмат  мерасонад.         
 
СОЛИМИИ ҲАР ЯКИ МО ДАР ДАСТИ ХУДИ МОСТ
Бо мақсади иҷрои Амри Президенти Ҷумҳурии Тоҷикистон аз 18 марти соли 2020 барои пешгирии  паҳншавии бемории сироятии COVID – 19 дар ноҳия нақшаи чорабиниҳо оид ба пурзӯр намудани чораҳои зиддиэпидемикӣ таҳия шуда, ситоди ноҳиявӣ  фаъолияти бомаром  дорад. Бо ин мақсад, кормандони соҳаи тиб дар якҷоягӣ бо тамоми корхонаву идораҳои ноҳия ҷиҳати корҳои фаҳмондадиҳӣ дар ҳамаи шаҳраку деҳоти ноҳия вохӯриву суҳбатҳо гузаронда истодаанд. 
Бояд гуфт, ки барои ҳифзи саломатӣ дар ноҳия 42 муассисаи тиббӣ, аз ҷумла беморхонаи марказӣ, муассисаи кумаки аввалияи тиббию санитарӣ, панҷ беморхонаи минтақавӣ, панҷ маркази саломатии деҳот, бисту нуҳ бунгоҳи саломатӣ ва маркази назорати давлатии санитарӣ - эпидемиологӣ, ба аҳолӣ хизмат мерасонанд. 
 
Гулнисои САЪДОНШО, “Ҷумҳурият”


Баёни ақида (0)    Санаи нашр: 14.09.2021    №: 183    Мутолиа карданд: 402
19.10.2021


Чин ба Тоҷикистон 800 миллион юан кумаки бебозгашт пешниҳод кард

БОКС

Ба машқҳои СААД дар Тоҷикистон 4 ҳазор нафар ҷалб шуд

Ҷаҳон дар як сатр

Рӯйдодҳои илмӣ

18.10.2021


КӮЛОБ. ТУҲФАИ ПЕШВОИ МИЛЛАТ БА МУАССИСАҲОИ ТАНДУРУСТӢ

Ифтитоҳи иншооти ҷашнӣ

РАШТ. 80 ХОҶАГИИ ДЕҲОТИ ҚАЛЪАНАК БО ОБИ НӮШОКӢ ТАЪМИН ГАШТ

ДАНҒАРА. АВЛАВИЯТ БА ТАЪМИНИ АҲОЛӢ БО ҶОЙИ КОР

ИДОРАКУНИИ ЗАХИРАҲОИ ОБ. Ҳамоиши муҳими илмию амалӣ

11.10.2021


«ИСТИҚЛОЛИЯТ ВА РУШДИ ЗАБОНИ ТОҶИКӢ»

ДАНҒАРА. ИСТЕҲСОЛИ 68 610 ТОННА ҒАЛЛА

«ТОҶИКИСТОН – КИШВАРИ ДАРЁҲОИ ТИЛЛОӢ»

06.10.2021


Рӯйдодҳои илмӣ

ФАЙЗОБОД. ИФТИТОҲИ ЧАНД ИНШООТ БО ИШТИРОКИ САРВАЗИР

СЕ ДАҲСОЛАИ ШАРИКИИ КИТОБХОНАҲОИ ИДМ

01.10.2021


3 СОМОНАИ НАВ ҚАДАМИ ҶИДДӢ БА СӮЙИ ҲУКУМАТИ ЭЛЕКТРОНӢ

ИСТАРАВШАН. СОКИНОНИ ДЕҲАИ СӮФӢ – ОРИФ БО ОБ ТАЪМИН ШУДАНД

МАСТЧОҲ. ИФТИТОҲИ 3 КОРГОҲИ ИСТЕҲСОЛӢ

29.09.2021


Ҳамкории Тоҷикистон бо СММ баррасӣ шуд

28.09.2021


Тағйирот ба қонун «Дар бораи нафақаҳои суғуртавӣ ва давлатӣ»

Путин чаҳор душмани асосии Россияро ном бурд

Навидҳои фарҳанг

27.09.2021


Мулоқоти Рустами Эмомалӣ бо Қосим-Жомарт Токаев

СОҲИБИСТИҚЛОЛӢ ВА РУШДИ ВАО

Лавров дар бораи ҳамоҳанг набудани ризоияти абарқудратҳо оид ба принсипҳои тартиботи ҷаҳонӣ сухан гуфт

Ҷаҳон дар як сатр

23.09.2021


Муносибатҳои дипломатии Тоҷикистон ва Мавритания барқарор шуданд

ЛИГАИ ОЛӢ

Машқҳои «Миссияи сулҳи СҲШ - 2021» дар вилояти Оренбург

Ҷаҳон дар як сатр

21.09.2021


Туҳфаи Пешвои миллат - “Тоҷикон” ба Хуҷанд расид

Навидҳои фарҳанг

17.09.2021


Токаев аз кишварҳои СААД хост, ки дар таҳкими марзи Тоҷикистон ёрӣ расонанд

Ҷаҳон дар як сатр


Дар сомонаҳои дигари Тоҷикистон хонед