logo

президент

Тоҷикистон дар рейтинги байналмилалӣ 12 зина боло рафт

28 апрел  таҳти раёсати Президенти Ҷумҳурии Тоҷикистон Эмомалӣ Раҳмон  ҷаласаи панҷуми Шӯрои машваратии назди Президенти мамлакат оид ба беҳтар намудани фазои сармоягузорӣ доир гардид.
Дар кори ҷаласа  Сарвазири мамлакат Оқил Оқилов, роҳбари Дастгоҳи иҷроияи Президенти Ҷумҳурии Тоҷикистон Матлубхон Давлатов, раиси Кумитаи давлатии сармоягузорӣ ва идораи амволи давлатии Ҷумҳурии Тоҷикистон - котиби масъули Шӯрои машваратӣ Давлаталӣ Саидов, роҳбарони вазорату идораҳо ва дигар сохторҳои дахлдори давлатӣ, намояндагони бахши хусусӣ ва намояндагони сершумори кишварҳои хориҷию созмонҳои байналмилалии мададрасони Тоҷикистон ва воситаҳои ахбори омма иштирок намуданд.
Дар ҷаласа масъалаҳои ташкилии кори Шӯрои машваратӣ, ҷараёни иҷрои қарорҳои қаблии шӯро,  нақшаи чорабиниҳои минбаъдаи Ҳукумати Ҷумҳурии Тоҷикистон оид ба ин мавзӯъ, нишондиҳандаҳои Тоҷикистон дар рейтинги байналмилалӣ ва лоиҳаи рӯзномаи кории ҷаласаи ояндаи Шӯрои машваратӣ баррасӣ шуданд.
Оид ба масоили номбурда нахуст котиби масъули Шӯрои машваратии назди Президенти мамлакат, раиси Кумитаи давлатии сармоягузорӣ ва идораи  амволи давлатӣ Давлаталӣ Саидов сухан ронд.
Аз ҷумла, аз раванди беҳшавии тадриҷии фазои соҳибкорию сармоягузории Тоҷикистон, ки таҳти роҳбарии бевоситаи Сарвари давлат Эмомалӣ Раҳмон сурат мегирад, изҳори қаноатмандӣ  шуд. Ба гуфти Давлаталӣ Саидов маҳз натиҷаи ҳамин кор буд, ки Тоҷикистон дар рейтинги байналмилалӣ 12 зина боло рафта, ба қатори 10 кишвари ислоҳотбаранда ворид гашт.
Дар ҷаласа ҳамчунин аъзои шӯро - раиси Иттифоқи соҳибкорон ва содиркунандагони Тоҷикистон Некрӯй Забиров,  роҳбари Ассотсиатсияи бонкҳои Тоҷикистон Иззатулло Лалбеков, роҳбари Ассотсиатсияи соҳибкорон ва истеҳсолкунандагон Зайд Саидов ва роҳбари Агентии ИМА оид ба рушди  байналмилалӣ Ҷефри Леҳрер дар бораи корҳои анҷомёфта ва нақшаҳои ояндаи беҳсозии фазои сармоягузорию соҳибкорӣ андеша ронданд.
Зимни ҷаласа лоиҳаи Нақшаи чорабиниҳои Ҳукумати Ҷумҳурии Тоҷикистон оид ба беҳтар намудани фазои сармоягузорӣ ва нишондиҳандаҳои Тоҷикистон дар рейтинги байналмилалӣ ва механизми татбиқи ин нақша ба баррасии маҷлиси Ҳукумати мамлакат пешниҳод шуд.
Таъкид гардид, ки ҳадафи асосӣ аз қабул ва татбиқи нақшаи мазкур баланд бардоштани рейтинги байналмилалии Тоҷикистон оид ба «Пешбурди тиҷорат» аз рӯи панҷ нишондиҳанда - «савдои байналмилалӣ», «дастрас намудани қарзҳо», «андозситонӣ», «гирифтани иҷозат барои сохтмон» ва «таъсиси корхонаҳо» мебошад.
Қарор шуд, ки дар ҷаласаи ояндаи Шӯрои машваратӣ масъалаи «татбиқи технологияҳои иттилоотию коммуникатсионӣ барои рушди тиҷорати электронӣ» баррасӣ гардад.
Сарвари давлат Эмомалӣ Раҳмон зимни суханронии ҷамъбастии худ масоили вобаста ба беҳсозии фазои сармоягузорию соҳибкорӣ ва вусъат додани истифодаи технологияҳои иттилоотию коммуникатсионӣ, аз ҷумла ташкили ҳукумати электрониро аз вазифаҳои афзалиятноки  Ҳукумати Ҷумҳурии Тоҷикистон маънидод карда, баҳри татбиқи босамар ва босуръати ин ҳадафҳо ба роҳбарони сохторҳои дахлдор супоришҳои мушаххас дод.


Баёни ақида (0)    Санаи нашр:    №:    Мутолиа карданд: 817

21.08.2019


Путин 4 сентябр бо Сарвазири Ҳиндустон музокирот мегузаронад

Амири Қатар даъвати Путинро ба ФИБП пазируфт

Даҳ ҳазор нафар бинобар сӯхтор дар пойтахти Бангладеш бе сарпаноҳ монд

Токио имкони ба мадор баровардани радифҳои ҳарбиро баррасӣ дорад

Ҷаҳон дар як сатр

ШИНОВАРӢ. Варзишгарони тоҷик ба Чемпионати ҷаҳон рафтанд

19.08.2019


Баррасии асосноккунии техникиву иқтисодии роҳи Қалъаи Хумб – Ванҷ

Баргузории ҳамоиши "Ҷавонони эҷодкор – парчамбардорони миллат ва пайравони Пешвои миллат"

15.08.2019


Муносибатҳои Ҳиндустон ва ҶМЧ бояд суботи ҷаҳонро таъмин созанд

Дар Япония бар асари гармии ҳаво наздики 13 ҳазор кас бистарӣ шуд

Мулоқоти сарони Россия, Эрон ва Туркия моҳи сентябр доир мешавад

Ҷаҳон дар як сатр

05.08.2019


Ҷаҳон дар як сатр

01.08.2019


Вохӯрии Сироҷиддин Муҳриддин бо Кан Ҷе - квон

Масоили муҳоҷират матраҳ гардид

Фестивали яхмос ва обҳои ташнагишикан дар Душанбе

АКАДЕМИЯИ ИЛМҲО. Аз таъсиси маркази тарҷума то ҷашни Саразм

64 дарсади зарари молиявӣ барқарор шуд

ШАҲРИ ТУРСУНЗОДА. Корҳои ободонӣ вусъат мегиранд

ҲИСОР. Саноатикунонӣ дар мадди аввал

ФАЙЗОБОД. Афзоиши истеҳсоли маҳсулоти кишоварзӣ

НОҲИЯИ РӮДАКӢ. Саноат рӯ ба беҳбудӣ дорад

ДДТТ. Нуфузи байналмилалӣ меафзояд

Ҷаҳон дар як сатр

30.07.2019


Фестивали тобистонаи Душанбе доир мешавад

Мулоқоти Шодихон Ҷамшед бо Хуанг Деҳаи

Соҳибкорони ватанию хориҷӣ дар Бадахшон ҷамъ меоянд

БЕҲСОЗИИ ТАЪМИНОТ БО ОБ. Барои он зиёда аз 27 миллион ҷудо гардид

ШАҲРИНАВ. 160 иншооти ҷашнӣ ба истифода дода шуд

Трамп то интихоботи соли 2020 артишашро аз Афғонистон бароварданист

Душанбе 80 шаҳрванди Афғонистонро, ки дар Тоҷикистон ҳукм гирифтааст, ба Кобул истирдод намуд

Ҷаҳон дар як сатр

29.07.2019


ҲИФЗИ ИҶТИМОӢ. Як нишасти муҳим

ДУШАНБЕ. Рушди саноат дар мадди аввал


Дар сомонаҳои дигари Тоҷикистон хонед