logo

Хабарҳо

Вазъ дар Рӯшон ором аст

Маркази матбуоти Вазорати корҳои дохилӣ хабар дод, ки гурӯҳҳои муташаккили  ҷиноятии ноҳияи Рӯшони ВМКБ таҳти сарпарастии созмонҳои байналмилалии экстремистӣ-террористӣ, бо мақсади халалдор намудани амнияти давлатӣ, зарба задан ба пояҳои сохти конститутсионӣ, монеъ шудан ба фаъолияти мақомоти ҳифзи ҳуқуқ, ба таҳлука андохтани аҳолӣ, бо истифода аз силоҳу лавозимоти ҷангӣ, маводи оташафрӯзандаи «Коктейли Молотов» ба колоннаи автомашинаҳои хизматчиёни воҳиди таъиноти махсуси зиддитеррористии Кумитаи давлатии амнияти миллӣ ҳамла намуданд. Бар асари он як афсар ба ҳалокат расида, 13 хизматчии ҳарбӣ ҷароҳатҳои вазнин бардошт. 
Дар хабар омадааст, ки гурӯҳҳои муташаккили ҷиноятпеша иборат аз 200 нафар бо истифода аз тамоми намуди силоҳ дар маркази ноҳияи Рӯшон, дар 3 нуқта шоҳроҳи Душанбе - Хоруғ ва роҳи комендатураи сарҳадиро бастанд.
Гурӯҳҳои ҷиноятӣ барои содири ин амалҳо қаблан омодагӣ дида, ба ҳамин мақсад, аз хориҷи кишвар силоҳу аслиҳа ворид карда буданд.
Бо мақсади таъмини амнияти шаҳрвандон, тартиботи ҷамъиятӣ аз тарафи мақомоти ҳифзи ҳуқуқ амалиёти зиддитеррористӣ оғоз гардид. Дар натиҷа 8 силоҳбадаст безарар, ёздаҳ нафар захмӣ ва беш аз ҳафтод аъзои фаъоли дастаи террористӣ дастгир шуд. Аз гурӯҳҳои муташаккили ҷиноятӣ миқдори зиёди силоҳ ва муҳимоти ҷангӣ мусодира гашт. Вобаста ба ин, аз ҷониби прокуратураи вилоят парвандаи ҷиноятӣ оғоз шуда, тафтишот идома дорад.
Аз миёни сокинони осоишта касе осеб надидааст. Ҳоло вазъ дар ноҳия ором буда, сокинон ба фаъолияти рӯзмарра оғоз карданд.
 
 
Овозаи суқути чархболи низомӣ дар Рӯшон асос надорад
Вазорати мудофиаи Ҷумҳурии Тоҷикистон оид ба паҳн гардидани хабарҳо дар сомонаҳои иҷтимоӣ вобаста ба амалиёти муштараки мақомоти ҳифзи ҳуқуқ дар ВМКБ, ки гӯё зимни он як чархболи низомии Тоҷикистон дар Рӯшон суқут кардааст, изҳор медорад, ки ин маълумот ягон асоси воқеӣ надорад.
Дар ин бора маркази матбуоти Вазорати мудофиа бо нашри як изҳорот хабар дод.
 
 
Имзои як созишномаи нави грантӣ
Вазири молия Файзиддин Қаҳҳорзода ва намояндаи доимии Бонки ҷаҳонӣ дар Тоҷикистон Озан Севимлӣ дар шаҳри Душанбе Созишнома оид ба маблағгузорӣ (Барномаи RESILAND CA+: Лоиҳаи барқарорсозии устувори ландшафтҳо дар Тоҷикистон) байни Ҷумҳурии Тоҷикистон ва Ассотсиатсияи байналмилалии рушдро имзо карданд.
Зиёд намудани масоҳати заминҳое, ки дар онҳо идоракунии устувори ландшафтҳо дар минтақаҳои интихобгардидаи Тоҷикистон роҳандозӣ мегарданд ва таҳкими ҳамкорӣ бо мамлакатҳои Осиёи Марказӣ дар самти барқарорсозии ландшафтҳои байнисарҳадӣ аз ҳадафҳои лоиҳа мебошанд.
Арзиши умумии лоиҳа ба 45 миллион доллари амрикоӣ (грант) баробар мебошад. Муҳлати татбиқи лоиҳа солҳои 2022 - 2027 – ро дар бар мегирад.
 
 
Мулоқоти раиси вилояти Суғд бо волии Анталия
Дар шаҳри Анталияи Туркия раиси вилояти Суғд Раҷаббой Аҳмадзодаро волии Анталия Эрсин Язичӣ ба ҳузур пазируфт. Раҷаббой Аҳмадзода вобаста ба вазъи иқтисодии вилояти Суғд ҷиҳати рушди ҳамкориҳо дар соҳаҳои саноат, кишоварзӣ, сайёҳӣ ва фазои сармоягузорӣ хостори таҳкими робитаҳо бо вилояти Анталия гашт, - иттилоъ дод хадамоти матбуоти раиси вилоят.
Эрсин Язичӣ гуфт, ки Анталия аз муҳимтарин марказҳои сайёҳии Туркия буда, бо зебоиҳои таърихӣ ва табиӣ, иншооти фарҳангӣ, минтақаҳои бостонӣ дар маркази таваҷҷуҳи сайёҳон қарор дорад. Соҳаи кишоварзӣ низ рушд ёфта, маҳсулоти гуногун истеҳсол мегардад.
 
 
 
Тақдими 1512 нусха китоб ба китобхонаҳои ноҳияи Рашт
Корхонаи воҳиди давлатии таъминот ва савдои “Китоб”-и Вазорати фарҳанг ҷиҳати мукаммалгардонии захираҳои китобхонаҳо бо китобҳои тозанашр аз ҳисоби “Барномаи давлатии рушди муассисаҳои фарҳангии Ҷумҳурии Тоҷикистон барои солҳои 2021-2025” 1512 нусха китоб бо маблағи 50599 сомонӣ тариқи ройгон ба китобхонаҳои ноҳияи Рашт тақдим намуд.
Маркази матбуоти Вазорати фарҳанг хабар дод, ки сокинон, кормандон ва муштариёни китобхонаҳои ноҳия миннатдории хешро ба Ҳукумати мамлакат ва Вазорат барои дастрасӣ бо китобҳои тозанашр, иброз доштанд.
 


Баёни ақида (0)    Санаи нашр:    №:    Мутолиа карданд: 3539
25.11.2022


ТАҒЙИРОТ БА ҚОНУН. 6 МАЙ - РӮЗИ КОРМАНДОНИ СОҲАИ ҲИФЗИ СИРРИ ДАВЛАТӢ ТАҶЛИЛ МЕШАВАД

ВМКБ. ҶАЛАСАИ СИТОД ОИД БА ЗИМИСТОНГУЗАРОНӢ

СУҒД. ҶАМЪОВАРИИ ПАХТА ВУСЪАТИ ТОЗА МЕГИРАД

24.11.2022


ПАРЧАМИ ДАВЛАТӢ - САРЧАШМАИ ПИРӮЗИҲО

23.11.2022


Интихобот дар Қазоқистон рақобатпазир ва шаффоф буд

ҶОМИ ҶАҲОН

22.11.2022


Рӯзҳои фарҳанги Тоҷикистон дар Туркманистон

ТОҶИКИСТОН ВА РОССИЯ. ФОРУМИ ҶАВОНОН БАРОИ ТАБОДУЛИ ТАҶРИБА ВА РУШДИ КАСБИЯТ РАВЗАНАИ НАВ БОЗ КАРД

«ЗОДРӮЗИ ТОҶИКИСТОН»

МУАРРИФИИ ОШИ ПАЛАВ ДАР ҶОПОН

САМАРҚАНД. ЯК ҲАМОИШИ МУҲИМ

21.11.2022


Мулоқоти вазирони корҳои хориҷии Тоҷикистон ва Ӯзбекистон

ИТТИФОҚИ НАВИСАНДАГОН. ГИРОМИДОШТИ ХОТИРАИ ҶОНИБЕК АКОБИР

ЧЕМПИОНАТИ CAFA – 2022

16.11.2022


Ҷоизаи раиси шаҳри Душанбе барои муҳаққиқони ҷавон

Чин бар зидди ихроҷи Россия аз G20 баромад кард

СУҒД. ТАШРИФИ СОҲИБКОРОНИ ТУРК БА ВИЛОЯТ

ТОҶИКИСТОН ВА АРАБИСТОНИ САУДӢ. АЗ БАРҚАРОРИИ МУНОСИБАТҲОИ ДИПЛОМАТИИ ДУ КИШВАРИ ДӮСТ СӢ СОЛ ГУЗАШТ

«ОРМОНИ МИЛЛАТ: «РОҒУН» БУЗУРГТАРИН САРБАНДИ АСРИ НАВ»

15.11.2022


Ҷаласаи ҳайатҳои ҳукуматии Тоҷикистон ва Қирғизистон

ҶАҲОН ДАР ЯК САТР

Президенти Индонезия дар Бали нишасти G20-ро ифтитоҳ кард

ЯК ҲАМОИШИ МУҲИМ

ДАНҒАРА. ИСТЕҲСОЛИ ҒАЛЛА БА 100 ҲАЗОР ТОННА МЕРАСАД

ПРЕСС-ТУРИ НАВБАТИИ РӮЗНОМАНИГОРОН БА НБО «НОРАК»

Қадрдонии варзишгари тоҷик аз ҷониби Рустами Эмомалӣ

11.11.2022


Ҳукумати Тоҷикистон ба мардуми Эрон изҳори таслият кард

ТОҶИКИСТОН ВА ӮЗБЕКИСТОН. АЗ РУШДИ ҲАМКОРИҲОИ ИЛМӢ-АДАБӢ ТО САЙРИ ФАРОМАРЗИИ «ГАНҶИ СУХАН»

10.11.2022


ВОЛОИЯТИ ҚОНУН. ФОРУМИ ҲАШТУМИ МИЛЛӢ БАРГУЗОР ГАШТ

6 НОЯБР. САНАДИ БУНЁДИИ ТОҶИКИСТОНИ СОҲИБИСТИҚЛОЛ 28-СОЛА ШУД

04.11.2022


САМАРҚАНД. ИМКОНИЯТҲОИ САЙЁҲИИ ТОҶИКИСТОН МУАРРИФӢ ГАРДИД

ПОЙТАХТ. ТАНТАНАИ ФЕСТИВАЛИ ДЎСТӢ

СИЁСАТИ ГЕНДЕРӢ. ТОҶИКИСТОН ВА НАҚШИ ЗАНОН ДАР ИДОРАИ УМУРИ ДАВЛАТДОРӢ

03.11.2022


Лоиҳаи Буҷети давлатӣ барои соли 2023 ба Маҷлиси намояндагон пешниҳод шуд

ТОҶИКИСТОНУ ЭРОН. ТАНТАНАИ ДӮСТӢ ДАР НАМОИШИ ҲУНАРҲОИ МАРДУМӢ ВА МАҲФИЛИ ШОИРОН


Дар сомонаҳои дигари Тоҷикистон хонед