logo

номаҳо

Нома ба «Ҷумҳурият».Воқеиятро набояд таҳриф кард

Дар робита ба офати табиат дар шаҳри Кӯлоби вилояти Хатлон то ҳанӯз матолибе дар расонаҳои хусусӣ рӯи чоп меоянд, ки ба баҳсҳои муғризона авлавият дода, ҳақиқати ҳолро зери суол мебаранд. Ба ҳеҷ кас пӯшида нест, ки ин ҳодиса дар шаҳри Кӯлоб хисороти калони моливу ҷониро дар пай дошт. Вале ҳодисаҳои охири табиат на фақат дар кишвари мо, балки дар гӯшаву канори сайёра ҷаҳониёнро ба ҳайрат гузошт ва хисороти бесобиқаеро ба бор овард. Аз ин рӯ, дар пайи офатҳои табиат, ки дар ҳама ҷо эҳтимоли сар задан доранд, касе ва ё сохтору мақомотеро гунаҳкор кардан иштибоҳе беш нест.
Мо шитобкориву инъикоси ноодилонаи ҳодисаҳои Кӯлобро дар расонаҳо, хусусан нашрияҳои мустақили кишвар, мушоҳида кардем. Онҳо навиштаанд, ки дар рӯзи ҳодиса - 7 майи соли ҷорӣ шаҳрдорони Кӯлоб ба ҷойи ҳодиса хеле дер ҳозир шуданд. Ҳатто гуфта мешуд, ки масъулон баъд аз аскарону афсарони пойгоҳи низомии 201-и Федератсияи Русия ба ҷойи ҳодиса омаданд. Аммо, фикр накарданд, ки бе даъвати шаҳрдорӣ ба ҷойи ҳодиса омадани ҳарбиёни рус аз эҳтимол дур аст.
Мардуми офатзада дар ҳамон лаҳзаҳо танҳо набуданд. Садҳо шаҳрванд, мақомоти дахлдори давлатӣ бо нишони шуҷоату нотарсӣ ба қадри тавони хеш ба сокинон ёрӣ мерасонданд. Гузашта аз ин намояндагони ниҳодҳои масъули давлатӣ назири Кумитаи ҳолатҳои фавқулодда ва мудофиаи граждании назди Ҳукумати Ҷумҳурии Тоҷикистон дар паҳлӯи офатзадагон буданд. Онҳо ба қадри имкон талош карданд, ки сокинонро аз марг наҷот диҳанд. Ҳар коре, ки дар ин росто аз ҷониби наҷотдиҳандагон анҷом гирифт, бидуни техникаву дастгоҳҳои зарурии наҷотдиҳӣ ва бо нерӯи ҷисмонӣ буд. Ин дар ҳолест, ки наҷотдиҳанда бояд ба оби пуртуғён бе дастгоҳу техникаҳои зарурӣ ворид нашавад. Аммо, бо сабаби чунин имкониятҳоро доро набудани кумита, кормандони он дар рӯзи офат даст ба чунин кори хатарнок зада, даҳҳо нафарро аз коми сел наҷот доданд.
Расонаҳо дуруст навиштаанд, ки селроҳаҳоро сари вақт аз сангу қум ва дигар намуди партовҳо тоза накардаанд. Мебояд масъулон дар назди мардуму қонунҳои давлатӣ ҷавоб гӯянд. Аммо, нагуфтанд, ки чаро бошандагони ду канори сойи Тебалай ҳамаи партовҳои ҳавлии худро ба дохили селроҳа мепартоянд. Барои худу дигарон хатар эҷод мекунанд. Чаро кормандони ҳифзи табиат хомӯш нишастанд?
Пеш аз гуфтану навиштан бояд андеша кард. Бояд фикр ронд, ки ин навиштаҳо мардумро ба чӣ водор ва онҳоро ба кадом амал ҳидоят месозанд.
Дар расонаҳои хабарӣ навиштанд, ки роҳбарияти шаҳри Кӯлоб рӯзи Ғалабаро якҷоя бо иштирокчиёни Ҷанги Бузурги Ватанӣ бо рақсу бозӣ ҷашн гирифтанд, ки мутлақо аз ҳақиқат дур аст. Ҷашни Ғалаба аз маросими гулгузорӣ дар нуқтаҳои хотиравии шаҳидони ҶБВ беш набуд. Бале, дар ин чорабинӣ раиси шаҳр иштирок дошт. Дар ин робита ширкати раиси шаҳрро дар чорабинии мазкур мавриди сарзаниш қарор додан амали ношоиста аст.
Ҳанӯз ҳам бори маломати расонаҳо дар мавриди ғамхории ҳукумат ва дигар сохторҳои дахлдори давлатӣ вобаста ба рафъи оқибатҳои офати табиат идома дорад. Аммо ҳақиқат ин аст, ки на танҳо ситоди ҳукуматӣ, балки тамоми роҳбарияти шаҳру вилоят дар байни одамони аз офат зарардидаанд. Мо борҳо бо чашми сар дидаву бо гӯши худ шунидаем, ки зарардидагон бо муҳаббати саршор ба Сарвари давлат ва намояндагони ҳукумат миннатдорӣ баён мекарданд.
Мо бо зарардидагоне, ки дар варзишгоҳ ва атрофи он дар хаймаҳо зиндагӣ мекарданд, вохӯриҳо доштем. Худамон медидем, ки Муродалӣ Алимардон, роҳбари ситоди ҷумҳуриявӣ оид ба рафъи офатҳои табиат дар шаҳри Кӯлоб, роҳбарияти Кумитаи ҳолатҳои фавқулодда ва дигар аъзои ҳукумат ба назди зарардидагон омада, бо лаҳни муҳаббатомез гуфтугӯ мекарданд, аз мушкилоти онҳо пурсидаву перомуни рафъи он чораҳо меандешиданд. Зарардидагон мегуфтанд, ки аз чизе танқисӣ надоранд. Бо маводи ғизоиву пӯшока, асбобҳои рӯзгору ҷиҳози хона ҳаматарафа таъмин ҳастанд.
Аз воқеият чашм пӯшидану баҳои яктарафа перомуни вазъи баамаломада додан рӯзро шаб гуфтан аст. Аз ин рӯ, хуб мешуд, ки рӯзноманигорон навиштаҳояшонро бо далелҳо асоснок кунанд ва танҳо баъд манзури хонандагон гардонанд.

Абдулло БОБОЕВ,
Давлатмоҳ ГУЛМАДОВА,
сокинони шаҳри Кӯлоб


Баёни ақида (0)    Санаи нашр:    №:    Мутолиа карданд: 731
29.05.2020


ТОҶИКИСТОН. АЗ COVID - 19 БОЗ 423 НАФАРИ ДИГАР ШИФО ЁФТ

28.05.2020


ТОҶИКИСТОН. БОЗ 385 НАФАР АЗ КОРОНАВИРУС ШИФО ЁФТ

ВМКБ. ҲАМОВОЗӢ БА ИҚДОМИ НЕКИ ПЕШВОИ МУАЗЗАМИ МИЛЛАТ

ХИЗМАТИ ҲАРБӢ. НАҚШАИ ДАЪВАТ ПЕШ АЗ МУҲЛАТ ИҶРО ШУД

ВАРЗОБ. ҶОЙҲОИ КОРӢ БЕШТАР МЕГАРДАНД

БУНДЕСЛИГА. РАҚОБАТИ "БАВАРИЯ" БО "БОРУССИЯ" БАРОИ ПОЙГАИ ҚАҲРАМОНӢ

ШАҲРВАНДОНИ ТОҶИКИСТОН БО ПАРВОЗИ МАХСУС АЗ ДЕҲЛӢ ВА ДУБАЙ БА ВАТАН БАРМЕГАРДАНД

ҶАҲОН ДАР ЯК САТР

27.05.2020


436 НАФАРИ ДИГАР АЗ БЕМОРИИ COVID – 19 ШИФО ЁФТ

ҶАЛАСАИ ШӮРОИ ВАЗИРОНИ КОРҲОИ ХОРИҶИИ СААД

ТАҚВИЯТИ ҲАМКОРИҲОИ ТОҶИКИСТОНУ ӮЗБЕКИСТОН ДАР МУБОРИЗА АЛАЙҲИ COVID – 19

ДАР РӮИ ҒИЗО ЗАРРАҲОИ COVID-19 НЕСТ!

НОҲИЯИ САНГВОР. МУБОРИЗА АЛАЙҲИ COVID-19 БО УСУЛИ “ХОНА БА ХОНА”

ТАШВИҚОТИ ҲИЗБИ ПЕШОҲАНГ ДАР ПАРТАВИ ҲИДОЯТИ ПЕШВОИ МИЛЛАТ

ЛИГАИ ЧЕМПИОНҲО. МУАЛЛИФИ БЕҲТАРИН ГОЛ БЕҲТАРИН МУРАББӢ ШИНОХТА ШУД

ГАРМО МЕТАВОНАД СИРОЯТИ COVID-19-РО ДАР ӮЗБЕКИСТОН КОҲИШ ДИҲАД

ҶАҲОН ДАР ЯК САТР

26.05.2020


ТОҶИКИСТОН. АЗ БЕМОРИИ COVID – 19 1395 НАФАР ШИФО ЁФТ

НОҲИЯИ ЛАХШ. МУБОРИЗА АЛАЙҲИ COVID-19 ТАҲКИМ МЕЁБАД

КУМАКИ ЧИН БАРОИ ПЕШГИРӢ АЗ ПАҲНШАВИИ COVID – 19

БЕЭҲТИЁТИИ МУХЛИСОН - МӮҶИБИ ГИРИФТОРӢ БА КОРОНАВИРУС

ОЛИМОНИ РУС ВАКСИНАИ ЗИДДИ КОРОНАВИРУСРО МУВАФФАҚОНА ОЗМУДАНД

ҶАҲОН ДАР ЯК САТР

22.05.2020


ЁРИИ БАШАРДӮСТОНАИ ТОҶИКИСТОН БА ӮЗБЕКИСТОН

КУМАКИ ПРЕЗИДЕНТ БА ВИЛОЯТИ СУҒД

1008 НАФАР АЗ БЕМОРИИ COVID – 19 ШИФО ЁФТ

ВМКБ. ЁРИИ САРВАРИ ДАВЛАТ ФАЪОЛИЯТИ МУАССИСАҲОИ ТАБОБАТИРО БОЗ ҲАМ БЕҲТАР НАМУД

21.05.2020


ОЛИМИ ТОҶИК БОБОҶОН НАЗАРОВ ДАР БРИТАНИЯ ДОРУИ COVID-19 МЕСОЗАД

МИШУСТИН: «АФЗОИШИ ПАҲНШАВИИ КОРОНАВИРУС ДАР РОССИЯ БОЗДОШТА ШУД»

ЧИН БА КИШВАРҲОИ АЗ КОРОНАВИРУС ЗАРАРДИДА $2 МИЛЛИАРД МЕДИҲАД

МЕРКЕЛ: «ЯГОН ДАВЛАТ БА ТАНҲОӢ ИН ЭПИДЕМИЯРО УҲДА КАРДА НАМЕТАВОНАД»

МУЗОКИРОТИ БРИТАНИЯ ВА ФРАНСИЯ ОИД БА ЛАҒВИ КАРАНТИНИ МУСОФИРОНИ ВОРИДШУДА

ТАЙСОН ВА ҲОЛИФИЛД БА РИНГ БАРМЕГАРДАНД

ҶАҲОН ДАР ЯК САТР

19.05.2020


407 НАФАРИ ДИГАР АЗ КОРОНАВИРУС ШИФО ЁФТ


Дар сомонаҳои дигари Тоҷикистон хонед