logo

президент

Гузориш аз рафти машварати кории Президенти Ҷумҳурии Тоҷикистон Эмомалӣ Раҳмон

11 октябри соли 2010 Президенти Ҷумҳурии Тоҷикистон Эмомалӣ Раҳмон бо аъзои Ҳукумати мамлакат, роҳбарони вазорату идораҳо, як зумра ташкилоту муассисаҳои ҷумҳуриявӣ ва масъулони Дастгоҳи иҷроияи Президенти Ҷумҳурии Тоҷикистон машварати корӣ доир намуд.

Дар машварат 2 масъалаи асосӣ - ҷамъбасти нишондодҳои рушди иҷтимоию иқтисодии Ҷумҳурии Тоҷикистон дар 9 моҳи соли 2010 ва фаъолияти тамоми мақомоти иҷроияи ҳокимияти давлатӣ доир ба беҳтар намудани вазъи иқтисодӣ - молиявии мамлакат ва рафти иҷрои Қарори Ҳукумати Ҷумҳурии Тоҷикистон аз 3 – юми майи соли 2010  доир ба омодагии ҳамаҷониба ба тирамоҳу зимистони солҳои 2010-2011 баррасӣ шуд.
Оид ба ҷамъбасти нишондодҳои рушди иҷтимоию иқтисодии Ҷумҳурии Тоҷикистон дар 9 моҳи соли 2010 ва фаъолияти тамоми мақомоти иҷроияи ҳокимияти давлатӣ доир ба беҳтар намудани вазъи иқтисодӣ - молиявии мамлакат гузориши вазири рушди иқтисод ва савдо Фарух Ҳамралиев шунида шуд. Зикр гардид, ки афзоиши маҷмӯи маҳсулоти дохилӣ дар 9 моҳи соли равон ба 6,2% ва таваррум ба 6,7% расидааст.  Истеҳсоли маҳсулоти саноатӣ дар 9 моҳ нисбат ба ҳамин давраи соли гузашта 10,6% ва маҳсулоти кишоварзӣ 7,1% афзудааст.
Сарвари давлат Эмомалӣ Раҳмон дастур дод, ки оид ба таъмини кори бемонеаи корхонаҳои саноатӣ ва ҳамчунин пардохти маблағҳои андоз, гумрук ва дигар даромадҳои давлатӣ, ҷамъоварии пурра ва саривақтии ҳосили фаровони пахта, меваю сабзавот ва зироатҳои кишти такрорӣ, захираи тухмиҳои хушсифат ва оғози кишти тирамоҳӣ чораҳои муассир андешида шаванд. Ҳамчунин супориш дода шуд, ки баҳри таъмини фаровонӣ дар бозори дохилӣ, муҳайё намудани шароити беҳтар барои истеҳсолкунандагони ватанӣ ва ба низом даровардани нархҳо пеши роҳи содироти чорво, ҳамаи намуди гӯшт, картошка, пашм ва металл пурра ва қатъан гирифта шавад.
Доир ба рафти иҷрои Қарори Ҳукумати Ҷумҳурии Тоҷикистон аз 3 – юми майи соли 2010  дар бораи омодагии ҳамаҷониба ба мавсими тирамоҳу зимистони солҳои 2010-2011 муовини якуми сарвазири мамлакат Асадулло Ғуломов гузориш дод.  Дар гузориш аз ҷумла зикр гардид, ки истеҳсоли ангишт дар мамлакат хеле афзоиш ёфта, дар 9 моҳи соли равон нисбат ба ҳамин давраи соли гузашта 40 ҳазор тонна бештар ин навъи сӯзишворӣ ба фурӯш рафтааст. Иттилоъ дода шуд, ки то имрӯз дар тамоми муассисаҳои маорифу тандурустӣ ва ҳифзи иҷтимоии аҳолӣ ба қадри кофӣ ангишт ва дигар навъҳои сӯзишворӣ захира шудаанд.
Тибқи гузориш, айни ҳол дар мамлакат 482 нуқтаи фурӯши гази моеъ фаъолият мекунад, ки нисбат ба соли гузашта 28- то зиёд мебошад. Фурӯши гази моеъ дар 9 моҳ нисбат ба ҳамин давраи соли 2009 беш аз 1400 тонна афзудааст.
Президенти мамлакат Эмомалӣ Раҳмон доир ба тезондани сохтмон ва ба истифода додани нерӯгоҳҳои хурди барқӣ дар минтақаҳои кӯҳистон, бо сифат омода кардани шабакаҳои таъмини барқу газу гармӣ, сарфакорона истифода бурдани нерӯи барқ ва пурра гузаштан ба истифодаи лампаҳои каммасраф ба масъулон супоришҳои мушаххас дод.
Таъкид гардид, ки ҳар қадар нерӯи барқ сарфакорона истифода шавад ва талафоти он поён равад, ҳамон қадар таъминоти мардум бо нерӯи барқ ва гармӣ дар фасли сармо беҳтар мегардад.
Сарвари давлат Эмомалӣ Раҳмон оид ба ҳаллу фасли як қатор масоили дигар низ дар назди масъулони дахлдор вазифаҳои мушаххас гузошт.


Баёни ақида (0)    Санаи нашр:    №:    Мутолиа карданд: 798

21.08.2019


Путин 4 сентябр бо Сарвазири Ҳиндустон музокирот мегузаронад

Амири Қатар даъвати Путинро ба ФИБП пазируфт

Даҳ ҳазор нафар бинобар сӯхтор дар пойтахти Бангладеш бе сарпаноҳ монд

Токио имкони ба мадор баровардани радифҳои ҳарбиро баррасӣ дорад

Ҷаҳон дар як сатр

ШИНОВАРӢ. Варзишгарони тоҷик ба Чемпионати ҷаҳон рафтанд

19.08.2019


Баррасии асосноккунии техникиву иқтисодии роҳи Қалъаи Хумб – Ванҷ

Баргузории ҳамоиши "Ҷавонони эҷодкор – парчамбардорони миллат ва пайравони Пешвои миллат"

15.08.2019


Муносибатҳои Ҳиндустон ва ҶМЧ бояд суботи ҷаҳонро таъмин созанд

Дар Япония бар асари гармии ҳаво наздики 13 ҳазор кас бистарӣ шуд

Мулоқоти сарони Россия, Эрон ва Туркия моҳи сентябр доир мешавад

Ҷаҳон дар як сатр

05.08.2019


Ҷаҳон дар як сатр

01.08.2019


Вохӯрии Сироҷиддин Муҳриддин бо Кан Ҷе - квон

Масоили муҳоҷират матраҳ гардид

Фестивали яхмос ва обҳои ташнагишикан дар Душанбе

АКАДЕМИЯИ ИЛМҲО. Аз таъсиси маркази тарҷума то ҷашни Саразм

64 дарсади зарари молиявӣ барқарор шуд

ШАҲРИ ТУРСУНЗОДА. Корҳои ободонӣ вусъат мегиранд

ҲИСОР. Саноатикунонӣ дар мадди аввал

ФАЙЗОБОД. Афзоиши истеҳсоли маҳсулоти кишоварзӣ

НОҲИЯИ РӮДАКӢ. Саноат рӯ ба беҳбудӣ дорад

ДДТТ. Нуфузи байналмилалӣ меафзояд

Ҷаҳон дар як сатр

30.07.2019


Фестивали тобистонаи Душанбе доир мешавад

Мулоқоти Шодихон Ҷамшед бо Хуанг Деҳаи

Соҳибкорони ватанию хориҷӣ дар Бадахшон ҷамъ меоянд

БЕҲСОЗИИ ТАЪМИНОТ БО ОБ. Барои он зиёда аз 27 миллион ҷудо гардид

ШАҲРИНАВ. 160 иншооти ҷашнӣ ба истифода дода шуд

Трамп то интихоботи соли 2020 артишашро аз Афғонистон бароварданист

Душанбе 80 шаҳрванди Афғонистонро, ки дар Тоҷикистон ҳукм гирифтааст, ба Кобул истирдод намуд

Ҷаҳон дар як сатр

29.07.2019


ҲИФЗИ ИҶТИМОӢ. Як нишасти муҳим

ДУШАНБЕ. Рушди саноат дар мадди аввал


Дар сомонаҳои дигари Тоҷикистон хонед