logo

қонунҳои ҶТ

Қонуни Ҷумҳурии Тоҷикистон ОИД БА ВОРИД НАМУДАНИ ТАҒЙИРУ ИЛОВАҲО БА ҚОНУНИ ҶУМҲУРИИ ТОҶИКИСТОН "ДАР БОРАИ МУСОИДАТ БА ШУҒЛИ АҲОЛӢ"

Моддаи 1. Ба Қонуни Ҷумҳурии Тоҷикистон аз 1 августи соли 2003 "Дар бораи мусоидат ба шуғли аҳолӣ" (Ахбори Маҷлиси Олии Ҷумҳурии Тоҷикистон, с. 2003, №8, мод. 467; с. 2005, №12, мод. 650; с. 2007, №7, мод. 687; с. 2008, №12, қ.2, мод. 1006) тағйиру иловаҳои зерин ворид карда шаванд:
1. Дар моддаи 1:
- сархатҳо бо аломати дефис "-" ишора гардида, мафҳумҳои асосӣ бо ҳарфҳои хурд ифода карда шаванд;
- дар сархатҳои дуюм, ёздаҳум ва дувоздаҳум калимаи "хадамоти" ба калимаи "мақомоти", калимаҳои "мақомоти хадамоти давлатии шуғли аҳолӣ" ба калимаҳои "мақомоти давлатии шуғли аҳолӣ" ва калимаҳои "Хадамоти давлатии шуғли аҳолӣ" ба калимаҳои "мақомоти давлатии шуғли аҳолӣ" иваз карда шаванд;
- сархати сенздаҳум хориҷ карда шавад.
2. Дар моддаи 3:
- дар сархати чоруми қисми чорум калимаҳои "хадамоти давлатии шуғли аҳолӣ" ба калимаҳои "мақомоти давлатии шуғли аҳолӣ" иваз карда шаванд;
- дар қисми панҷум калимаҳои "Фонди ҳифзи иҷтимоии аҳолӣ" ба калимаҳои "мақомоти ваколатдори давлатии соҳаи суғуртаи иҷтимоӣ ва нафақа" иваз карда шаванд.
3. Дар моддаи 4:
- дар қисми якум, сархатҳои чорум ва панҷуми қисми дуюм калимаҳои "хадамоти шуғл", "хадамоти шуғли аҳолӣ" ва "мақомоти хадамоти давлатии шуғли аҳолӣ" ба калимаҳои "мақомоти давлатии шуғли аҳолӣ" иваз карда шаванд;
- сархати дуюми қисми дуюм дар таҳрири зайл  ифода карда шавад:
"- мутобиқи қонунгузории Ҷумҳурии Тоҷикистон дар бораи нафақа ба синни нафақа расидаанд, ғайр аз шаҳрвандоне, ки аз рӯи маъюбӣ нафақа мегиранд;".
4. Дар сархатҳои якум, сеюм, чоруми қисми дуюм ва сархати дуюми қисми сеюми моддаи 5 калимаҳои "мақомоти хадамоти шуғл" ва "хадамоти шуғл" ба калимаҳои "мақомоти давлатии шуғли аҳолӣ" иваз карда шаванд.
5. Дар сархати ҳафтуми қисми дуюми моддаи 6 калимаҳои "Фонди ҳифзи иҷтимоии аҳолии Ҷумҳурии Тоҷикистон" ба калимаҳои "мақомоти ваколатдори давлатии соҳаи суғуртаи иҷтимоӣ ва нафақа" иваз карда шаванд.
6. Дар моддаи 7 калимаҳои "мақомоти хадамоти давлатии шуғли аҳолӣ", "мақомоти хадамоти давлатии шуғл" ва "хадамоти давлатии шуғли аҳолӣ" ба калимаҳои "мақомоти давлатии шуғли аҳолӣ" иваз карда шаванд.
7. Дар сархати дуюми қисми якум, қисмҳои дуюм, сеюм ва чоруми моддаи 8 калимаҳои "хадамоти давлатии шуғл", "хадамоти давлатии шуғли аҳолӣ" ва "мақомоти хадамоти давлатии шуғли аҳолӣ" ба калимаҳои "мақомоти давлатии шуғли аҳолӣ" иваз карда шаванд.
8. Аз қисми дуюми моддаи 9 калимаҳои "дар Ҷумҳурии Тоҷикистон" хориҷ карда шаванд.
9. Дар сархати чоруми қисми якуми моддаи 12 калимаҳои "хадамоти давлатии шуғл" ба калимаҳои "мақомоти давлатии шуғли аҳолӣ" иваз карда шаванд.
10. Дар ном, қисмҳои якум, дуюм, сеюм ва чоруми моддаи 15 калимаҳои "Хадамоти давлатии шуғли аҳолӣ" ба калимаҳои "Мақомоти давлатии шуғли аҳолӣ", калимаҳои "мақомоти хадамоти шуғл" ба калимаҳои "мақомоти давлатии шуғли аҳолӣ", калимаҳои "хадамоти давлатии шуғли аҳолиро" ба калимаҳои "мақомоти давлатии шуғли аҳолиро" ва калимаҳои "Мақомоти хадамоти давлатии шуғли аҳолӣ" ба калимаҳои "Мақомоти давлатии шуғли аҳолӣ" иваз карда шаванд.
11. Дар моддаи 16:
- дар қисмҳои дуюм, сеюм ва чорум калимаҳои "хадамоти давлатии  шуғли аҳолӣ" ва "хадамоти давлатии шуғл" ба калимаҳои "мақомоти давлатии шуғли аҳолӣ" иваз карда шаванд;
- сархати дуюми қисми дуюм дар таҳрири зайл ифода карда шавад:
 "- маблағҳои суғуртаи иҷтимоӣ, ки аз ҳисоби пардохтҳои иҷтимоии аз фонди музди меҳнат вориднамудаи корфармоён ташаккул меёбанд, ба андозае, ки Ҳукумати Ҷумҳурии Тоҷикистон  муайян менамояд;";
- ба қисми дуюм сархати нав бо мазмуни зайл илова карда шавад:
"- маблағҳои баргардонидашуда, қарзҳои бефоизе, ки аз ҳисоби маблағҳои Барномаи мусоидат ба шуғли аҳолӣ барои рушди фаъолияти соҳибкорӣ ба шаҳрвандони бекор дода шудаанд.";
- дар қисми сеюм калимаҳои "Фонди ҳифзи иҷтимоии аҳолии Ҷумҳурии Тоҷикистон" ба калимаҳои "мақомоти ваколатдори давлатии соҳаи суғуртаи иҷтимоӣ ва нафақа" иваз карда шаванд.
12. Дар қисмҳои сеюм ва чоруми моддаи 17 калимаҳои "Мақомоти хадамоти шуғл" ба калимаҳои "Мақомоти давлатии шуғли аҳолӣ" иваз карда шаванд.
13. Дар қисмҳои дуюм, сеюм, панҷум, шашум ва ҳафтуми моддаи 19 калимаҳои "мақомоти хадамоти шуғл", "мақомоти хадамоти шуғли аҳолӣ", "хадамоти шуғл" ва "мақомоти хадамоти шуғлдошта" мувофиқан ба калимаҳои "мақомоти давлатии шуғли аҳолӣ" ва "мақомоти давлатии шуғли аҳолидошта" иваз карда шаванд.
14. Дар қисмҳои якум, дуюм ва чоруми моддаи 21 калимаҳои "мақомоти хадамоти шуғл" ба калимаҳои "мақомоти давлатии шуғли аҳолӣ" иваз карда шаванд.
15. Дар қисмҳои якум, дуюм ва шашуми моддаи 22 калимаҳои "мақомоти хадамоти давлатии шуғл", "мақомоти хадамоти шуғл", "хадамоти шуғл" ба калимаҳои "мақомоти давлатии шуғли аҳолӣ" иваз карда шаванд.
16. Моддаи 23 дар таҳрири зайл ифода карда шавад:
"Моддаи 23. Тартиби расонидани хизматҳои машваратӣ ва кӯмаки молиявӣ ба шаҳрвандони бекор ва муҳоҷирони меҳнатӣ, ки хоҳиши ба фаъолияти соҳибкорӣ машғул шуданро доранд
Ба шаҳрвандоне, ки ҳамчун бекор ба қайд гирифта шудаанд ва муҳоҷирони меҳнатии ба ватан баргашта, ки хоҳиши ба фаъолияти соҳибкорӣ машғул шуданро доранд, мақомоти давлатии шуғли аҳолӣ барои ташкили фаъолияти соҳибкорӣ бо тартиби муайяннамудаи Ҳукумати Ҷумҳурии Тоҷикистон хизматҳои машваратӣ ва кӯмаки молиявӣ мерасонанд.".
17. Дар сархати дуюми қисми якуми моддаи 24 калимаҳои "мақомоти хадамоти давлатии шуғл" ба калимаҳои "мақомоти давлатии шуғли аҳолӣ" иваз карда шаванд.
18. Моддаи 25 дар таҳрири зайл ифода  карда шавад:
"Моддаи 25. Шартҳо ва мӯҳлати пардохти кӯмакпулӣ барои бекорӣ
Кӯмакпулӣ барои бекорӣ ба шаҳрвандоне пардохта мешавад, ки мувофиқи тартиби муқарраргардида бекор дониста шудаанд.
Қарор дар бораи таъини кӯмакпулӣ барои бекорӣ аз ҷониби мақомоти давлатии шуғли аҳолӣ на дертар аз ёздаҳ рӯз аз лаҳзаи бекор дониста шудани шаҳрванд қабул карда мешавад.
Кӯмакпулӣ барои бекорӣ ба шаҳрвандоне, ки бо сабаби барҳамхӯрии ташкилотҳо ё қатъ шудани фаъолияти соҳибкорони инфиродӣ, ихтисор шудани шумора ё воҳиди кории кормандони ташкилотҳо, қатъ намудани шартномаи меҳнатӣ, инчунин бо дигар сабабҳо аз кор озод шудаанд ва дар ин давра музди миёнаи меҳнаташон дар ҷои кори охирин нигоҳ дошта шудааст, аз рӯзи якуми баъди гузаштани давраи муайяннамудаи қонунгузории Ҷумҳурии Тоҷикистон таъин карда мешавад.
Кӯмакпулӣ барои бекорӣ дар давоми сол ба мӯҳлати на бештар аз се моҳи тақвимӣ, ба истиснои ҳолатҳое, ки Қонуни мазкур пешбинӣ намудааст, пардохта мешавад.
Кӯмакпулӣ барои бекорӣ моҳе як маротиба пардохта мешавад, ба шарте ки шаҳрвандони бекор бо тартиби муайяннамудаи Ҳукумати Ҷумҳурии Тоҷикистон аз нав аз қайд гузаранд.".
19. Моддаи 26 дар таҳрири зайл ифода карда шавад:
"Моддаи 26. Тартиби тамдиди мӯҳлати пардохти кӯмакпулӣ барои бекорӣ ба шаҳрвандони дорои собиқаи меҳнатие, ки барои ба нафақа баромадан ҳуқуқ доранд
Барои шаҳрвандоне, ки собиқаи умумии меҳнатии онҳо тибқи қонунгузории Ҷумҳурии Тоҷикистон ҳуқуқи баромадан ба нафақаро медиҳад, лекин синнашон аз синни муқарраркардаи қонунгузорӣ барои таъини нафақа аз рӯи синну сол (аз ҷумла нафақа бо шартҳои имтиёзнок) як сол камтар аст, давомнокии давраи додани кӯмакпулӣ барои бекорӣ то дувоздаҳ моҳи тақвимӣ тамдид карда мешавад.".
20. Дар моддаи 27:
- дар қисмҳои якум, сеюм ва панҷум калимаҳои "хадамоти давлатии шуғли аҳолӣ" ва "мақомоти хадамоти давлатии шуғли аҳолӣ" ба калимаҳои "мақомоти давлатии шуғли аҳолӣ" иваз карда шаванд;
- қисми дуюм дар таҳрири зайл ифода карда шавад:
"Кӯмакпулӣ барои бекорӣ дар моҳи аввал ба андозаи 50 фоиз, дар моҳи дуюм ба андозаи 40 фоиз ва дар моҳи сеюм ба андозаи 30 фоизи музди миёнаи меҳнати ҷойи кори охирин (бо назардошти коэффитсиентҳо), ки дар шаш моҳи охири корӣ ҳисоб карда шудааст, вале на камтар аз музди меҳнати ҳадди ақали муқарраргардида таъин  карда мешавад.";
- дар қисми панҷум калимаҳои "ҳамчунин бо сабаби вайрон намудани қонунгузории меҳнат ва интизоми меҳнатӣ аз кор озод шудаанд," хориҷ карда шаванд.
21. Дар моддаи 28:
- дар сархатҳои дуюм ва сеюми қисми дуюм, сархати сеюми қисми сеюм ва сархатҳои якум ва дуюми қисми ҳафтум калимаҳои "мақомоти хадамоти шуғли аҳолӣ", "мақомоти хадамоти шуғл" ва "хадамоти шуғл" ба калимаҳои "мақомоти давлатии шуғли аҳолӣ" иваз карда шаванд;
- ба қисми дуюм сархати нав бо мазмуни зайл илова карда шавад:
"- дар давраи бекорӣ аз ду пешниҳоди ҷойи кори ба ихтисос мувофиқ даст кашидан.";
- сархати якуми қисми сеюм хориҷ карда шавад.
22. Моддаи 29 дар таҳрири зайл ифода карда шавад:
"Моддаи 29. Андозаи стипендияе, ки ба шаҳрвандони бекор дар давраи тайёрии касбӣ, бозомӯзӣ ва такмили ихтисос дода мешавад
Дар давраи тайёрии касбӣ, бозомӯзӣ ва такмили ихтисоси шаҳрвандони бекор дар асоси роҳхати мақомоти давлатии шуғли аҳолӣ дар давоми шаш моҳ дар ҳаҷми як нишондиҳанда барои ҳисобҳо ҳар моҳ стипендия пардохт карда мешавад.".
23. Дар қисми якуми моддаи 32 калимаҳои "мақомоти хадамоти шуғли аҳолӣ" ба калимаҳои "мақомоти давлатии шуғли аҳолӣ" иваз карда шаванд.
Моддаи 2. Қонуни мазкур пас аз интишори расмӣ мавриди амал қарор дода шавад.

Президенти
Ҷумҳурии Тоҷикистон                         Эмомалӣ РАҲМОН
ш. Душанбе, 28 июни соли 2011, № 724 


Қарори Маҷлиси намояндагони
Маҷлиси Олии Ҷумҳурии Тоҷикистон
Дар бораи қабул намудани Қонуни
Ҷумҳурии Тоҷикистон "Оид ба ворид намудани тағйиру иловаҳо ба Қонуни Ҷумҳурии Тоҷикистон "Дар бораи мусоидат ба шуғли аҳолӣ"
Маҷлиси намояндагони Маҷлиси Олии Ҷумҳурии Тоҷикистон  қарор мекунад:
Қонуни Ҷумҳурии Тоҷикистон "Оид ба ворид намудани тағйиру иловаҳо ба Қонуни Ҷумҳурии Тоҷикистон "Дар бораи мусоидат ба шуғли аҳолӣ" қабул карда шавад.

Раиси Маҷлиси намояндагони  Маҷлиси
Олии Ҷумҳурии Тоҷикистон                 Ш. ЗУҲУРОВ
ш. Душанбе, 1 июни соли 2011, № 461


Қарори Маҷлиси миллии
Маҷлиси Олии Ҷумҳурии Тоҷикистон
Дар бораи Қонуни Ҷумҳурии Тоҷикистон "Оид ба ворид намудани тағйиру иловаҳо ба Қонуни Ҷумҳурии Тоҷикистон "Дар бораи мусоидат ба шуғли аҳолӣ"
Маҷлиси миллии Маҷлиси Олии Ҷумҳурии Тоҷикистон Қонуни Ҷумҳурии Тоҷикистонро "Оид ба ворид намудани тағйиру иловаҳо ба Қонуни Ҷумҳурии Тоҷикистон "Дар бораи мусоидат ба шуғли аҳолӣ" баррасӣ намуда, қарор мекунад:
Қонуни Ҷумҳурии Тоҷикистон "Оид ба ворид намудани тағйиру иловаҳо ба Қонуни Ҷумҳурии Тоҷикистон "Дар бораи мусоидат ба шуғли аҳолӣ" ҷонибдорӣ карда шавад.

Раиси Маҷлиси миллии Маҷлиси Олии
Ҷумҳурии Тоҷикистон               М. УБАЙДУЛЛОЕВ
ш. Душанбе, 9 июни соли 2011, № 188


Баёни ақида (0)    Санаи нашр:    №:    Мутолиа карданд: 957

20.07.2018


Мулоқоти Исматулло Насредин бо Йоҳаннес Петерлик

Тоҷикистону Ӯзбекистон: хироҷи роҳ аз байн меравад

Кумитаи кор бо ҷавонон ва варзиш озмуни стипендияҳои Президенти Ҷумҳурии Тоҷикистонро эълон кард

Ҳамаи хатмкардагон бо ҷои кор таъмин мешаванд

РУСТАМИ ШОҲМУРОД: "ВОҲИДҲОИ КОРӢ НАМЕРАСАНД"

ВАКОЛАТДОР ОИД БА ҲУҚУҚИ ИНСОН. САТҲИ МАЪРИФАТИ ҲУҚУҚИИ ШАҲРВАНДОН БОЛО МЕРАВАД

ХАДАМОТИ ЗИДДИИНҲИСОРӢ. САБАБИ БОЛОРАВИИ НАРХИ СӮЗИШВОРИРО ШАРҲ ДОД

КУМИТАИ МЕЪМОРӢ ВА СОХТМОН. САНҶИШ НИШОН ДОД, КИ...

ДДТТ ДАР ҚАТОРИ ДАҲГОНАИ БЕҲТАРИН МАКТАБҲОИ ОЛӢ

НАВОБОД. ИФТИТОҲИ МАРКАЗИ ХИЗМАТРАСОНИИ БОНКӢ

19.07.2018


Мулоқоти Исматулло Насредин бо Томас Гремингер

Баррасии масъалаи ҳифзу нигоҳдории оби пок

Эълони озмун бо мақсади дастгирӣ ва ҳавасмандии ҷавонони соҳибистеъдод

КУМИТАИ РУШДИ МАҲАЛ. РОҲАНДОЗИИ РЕЙТИНГИ МИЛЛИИ ФАЗОИ САРМОЯГУЗОРӢ

ПЕШГИРИИ ВОРИДОТИ 42,8 ТОННА МОҲИИ ПАСТСИФАТ

ГЕОЛОГИЯ. НИЗОМИ РАҚАМӢ ҶОРӢ МЕШАВАД

ҶОЙИ КОР МУШКИЛИИ № 1 - И ХАТМКУНАНДАГОН

САТҲИ ПАСТИ ДОНИШ БОИСИ ХОРИҶ ГАРДИДАНИ ДОНИШҶӮЁН ШУД

ЛЕВАКАНТ. ОЗМУНЕ БАРОИ ИБРАТ

КӮЛОБ 1,2 МИЛЛИОН СОМОНӢ БАРОИ ИСТЕҲСОЛИ ЛИБОСИ МАКТАБӢ

18.07.2018


ФЕСТИВАЛИ ТОБИСТОНАИ ДУШАНБЕ. ИҚДОМИ НАВ ҶИҲАТИ РУШДИ САЙЁҲӢ ВА ФАРОҒАТИ МЕҲМОНОНУ СОКИНОН

12 ҲАЗОРУ 482 ҶИНОЯТ ДАР ШАШ МОҲ

ИСТЕҲСОЛИ МАҲСУЛОТИ КИШОВАРЗӢ МЕАФЗОЯД

ДМТ. ҲАМКОРИҲОИ БАЙНАЛМИЛАЛӢ ГУСТАРИШ МЕЁБАНД

БАРНОМАИ ДАВЛАТИИ ЭКОЛОГӢ МАРҲИЛА БА МАРҲИЛА ТАТБИҚ МЕГАРДАД

ШАҲРИ ВАҲДАТ. МАҲСУЛОТИ САНОАТӢ 3 МИЛЛИОН СОМОНӢ АФЗУД

Варзиш

17.07.2018


Мулоқоти Қоҳир Расулзода ва Абдулло Орипов дар Фарғона

Ҷаласаи мушовараи мақомоти корҳои дохилӣ баргузор шуд

Ҷумҳурии Мардумии Чин дар Тоҷикистон 3 мактаби нав месозад

Мунтахаби Тоҷикистон – ғолиби мусобиқаи Ҷоми шаҳрдории Остона

Ҷаҳон дар як сатр

Путин гуфтушунид бо Трампро бобарор номид

Трамп аз натиҷаҳои вохӯриаш бо Путин нақл кард


Дар сомонаҳои дигари Тоҷикистон хонед