logo

қонунҳои ҶТ

Қонуни Ҷумҳурии Тоҷикистон ОИД БА ВОРИД НАМУДАНИ ТАҒЙИРУ ИЛОВАҲО БА ҚОНУНИ ҶУМҲУРИИ ТОҶИКИСТОН "ДАР БОРАИ ТАРБИЯИ ҶИСМОНӢ ВА ВАРЗИШ"

Моддаи 1. Ба Қонуни Ҷумҳурии Тоҷикистон аз 5 марти соли 2007 "Дар бораи тарбияи ҷисмонӣ ва варзиш" (Ахбори Маҷлиси Олии Ҷумҳурии Тоҷикистон, с. 2007, №3, мод. 176) тағйиру иловаҳои зерин  ворид карда шаванд:
1. Номи Қонун ва бобҳои он бо ҳарфҳои калон навишта шаванд.
2. Дар муқаддима калимаҳои "иҷтимоию иқтисодӣ ва фаъолиятро" ба калимаҳои "иҷтимоию иқтисодӣ ва таъмини фаъолиятро" иваз карда шаванд.
3. Дар моддаи 1:
- сархати якум дар таҳрири зайл ифода карда шавад:
" - тарбияи ҷисмонӣ - қисми таркибии фарҳанг ва соҳаи фаъолияти иҷтимоӣ буда, аз маҷмӯи арзишҳои маънавӣ ва моддии дар ҷомеа бавуҷудомада ва истифодашаванда иборат аст, ки ба таҳкими саломатӣ, инкишофи қобилияти ҷисмонии инсон, инчунин тарғиби тарзи ҳаёти солим равона гардидааст;";
- дар сархати ҳаштум калимаҳои "шахси ҳуқуқии дорои шаклҳои гуногуни" ба калимаҳои "шахси ҳуқуқӣ новобаста аз шакли" иваз карда шаванд;
- сархатҳои чордаҳум, понздаҳум ва шонздаҳум бо мазмуни зайл илова карда шаванд:
"- мақомоти ваколатдори давлатӣ дар соҳаи тарбияи ҷисмонӣ ва варзиш (минбаъд - мақомоти ваколатдори давлатӣ) - мақоми иҷроияи марказии ҳокимияти давлатии Ҷумҳурии Тоҷикистон, ки вазифаи идоракунии давлатӣ ва ҳамоҳангсозии фаъолиятро дар соҳаи тарбияи ҷисмонӣ ва варзиш амалӣ менамояд;
 - намудҳои варзиши миллӣ - қисми таркибии тарбияи ҷисмонӣ, ки таърихан дар шакли фаъолияти мусобиқавӣ ба вуҷуд омада, аз намудҳои гуногуни машқҳои ҷисмонӣ ва бозиҳои ба худ хоси халқӣ бо қоида ва тарзи махсуси ташкили фаъолии ҷисмонӣ иборат аст;
- мусобиқаҳои байналмилалии варзишӣ - мусобиқаҳо аз рӯи намудҳои гуногуни варзиш дар байни варзишгарон (тимҳо) бо иштироки  намояндагони на камтар аз панҷ давлат;".
4. Дар моддаи 3:
- дар сархати якум калимаҳои "мақомоти худидоракунии маҳаллӣ" ба калимаҳои "мақомоти худидоракунии шаҳрак ва деҳот" иваз карда шаванд;
- дар сархати сеюм калимаҳои "машғулияти тарбияи ҷисмонӣ ва варзиш ва" ба калимаҳои "машғул шудан ба тарбияи ҷисмонӣ ва варзиш, инчунин" иваз карда шаванд;
- дар сархати шашум калимаҳои "(кӯдакони аз оилаҳои серфарзанд, кӯдакони ятим, маъюбон ва ғайра)" ба калимаҳои "(шахсони имкониятҳои ҷисмонӣ ва рӯҳияшон маҳдуд, маъюбон, кӯдакони ятим, кӯдакон аз оилаҳои камбизоат ва ғайра)" иваз карда шаванд;
- сархати ҳафтум бо мазмуни зайл илова карда шавад:
"- ба варзиш ҷалб кардани ҷавононе, ки дар ҳолатҳои душвори зиндагӣ қарор доранд, инчунин пешгирии ҳодисаҳои номатлуби иҷтимоӣ, аз ҷумла нашъамандӣ, майзадагӣ ва ҷинояткорӣ дар байни ҷавонон;".
5. Дар моддаи 5:
- дар сархати сеюм калимаи "ваколатдор" ба калимаҳои "ваколатдори давлатӣ" иваз карда шавад;
- дар сархати чорум калимаҳои "мақомоти худидоракунии маҳаллӣ" ба калимаҳои "мақомоти худидоракунии шаҳрак ва деҳот" иваз карда шаванд.
6. Дар моддаи 7:
- аз матни модда калимаҳои "(минбаъд - мақомоти ваколатдор)" хориҷ карда шаванд;
-дар сархати панҷум калимаи "ваколатдорро" ба калимаҳои "ваколатдори давлатиро" иваз карда шавад;
- сархатҳои  шашум, ҳафтум  ҳаштум ва нӯҳум бо мазмуни зайл илова карда шаванд:
"- аз рӯи намудҳои варзиш мусобиқаҳои ҷумҳуриявӣ ва байналмилалиро ташкил мекунад ва мегузаронад;
- фаъолияти илмӣ-таҳқиқотиро дар соҳаи тарбияи ҷисмонӣ ва варзиш ташкил ва ҳамоҳанг карда, натиҷаҳои онро дар амалияи тарбияи ҷисмонӣ ва варзиш ҷорӣ менамояд;
- назорати манъи истифодаи маводҳои барангезандаю нерӯафзо (допинг)-ро дар варзиш амалӣ менамояд;
- ба инкишофи намудҳои варзиши миллӣ мусоидат менамояд;".
7. Дар моддаи 8:
- сархати панҷум бо мазмуни зайл илова карда шавад:
"- ба инкишофи намудҳои варзиши миллӣ мусоидат менамоянд;";
- дар сархати ҳаштум калимаи "ваколатдор" ба калимаҳои "ваколатдори давлатӣ" иваз карда шавад.
8. Дар сархати сеюми моддаи 9, қисмҳои 3 ва 4 моддаи 26, қисмҳои     2, 3, сархати дуюми қисми 4 ва қисми 5 моддаи 27, қисми 3 моддаи 28, қисми 3 моддаи 29, моддаҳои 34 ва 36 калимаи "ваколатдор" ба калимаҳои "ваколатдори давлатӣ" иваз карда шавад.
9. Дар моддаи 11:
- дар қисми 3 калимаҳои "якҷо" ва "ваколатдор" мувофиқан ба калимаҳои "якҷоя"  ва "ваколатдори давлатӣ" иваз карда шаванд;
- дар қисми 4 калимаҳои "якҷо" ва "ваколатдор" мувофиқан ба калимаҳои "якҷоя"  ва "ваколатдори давлатӣ" иваз карда, пас аз калимаи "тайёр" калимаи "мекунад" илова карда шаванд.
10. Дар қисми 5 моддаи 12 калимаҳои "якҷо", "ваколатдор" ва "санадҳои қонунгузорӣ" мувофиқан ба калимаҳои "якҷоя", "ваколатдори давлатӣ" ва "санадҳои меъёрии ҳуқуқии Ҷумҳурии Тоҷикистон" иваз карда шаванд.
11. Дар моддаи 13:
- дар қисми 1 калимаҳои "дар шаклҳои гуногуни" ба калимаҳои "новобаста аз шакли" иваз карда шаванд;
 -дар қисми 2 калимаҳои "худидоракунии маҳаллӣ" ба калимаҳои "худидоракунии шаҳрак ва деҳот" иваз карда шаванд.
12. Дар моддаи 15:
- дар қисми 1 калимаҳои "кашидани тамоку, истеъмоли машрубот ва маводи нашъадор," ба калимаҳои "ҳодисаҳои номатлуби иҷтимоӣ, аз ҷумла кашидани тамоку, нашъамандӣ, майзадагӣ, инчунин" иваз карда шаванд;
- дар қисми 2 калимаи "одамонро" ба калимаи "аҳолиро" иваз карда шавад;
- дар қисми 3 калимаи "таблиғи" ба калимаҳои "таблиғи истифодаи" иваз карда шавад;
- дар қисми 4 калимаҳои "барномаҳои тарбияи ҷисмонию солимгардонӣ ва варзиширо" ба калимаҳои "барномаҳоро вобаста ба тарбияи ҷисмонӣ, солимгардонӣ ва варзишӣ" иваз карда шаванд.
13. Дар қисми 4 моддаи 17 калимаи "Талабагони" ба калимаи "Хонандагони" иваз карда шавад.
14. Дар қисми 2 моддаи 18 калимаи "якҷо" ба калимаи "якҷоя" иваз карда шавад.
15. Дар қисми 2 моддаи 19 калимаҳои  "ваколатдори" ва "ваколатдор" мувофиқан ба калимаҳои "ваколатдори давлатии" ва "ваколатдори давлатӣ" иваз карда шаванд.
16. Дар сархати якуми қисми 1 моддаи 20 калимаҳои "мақомоти худидоракунии маҳаллӣ" ва "якҷо" мувофиқан ба калимаҳои "мақомоти худидоракунии шаҳрак ва деҳот" ва "якҷоя" иваз карда шаванд.
17. Дар моддаи 23:
- дар қисми 2 калимаи "ваколатдор" ба калимаҳои "ваколатдори давлатӣ" иваз карда шавад;
- дар қисми 3 калимаҳои "ваколатдор" ва "якҷо" мувофиқан ба калимаҳои "ваколатдори давлатӣ" ва "якҷоя"  иваз карда шаванд.
18. Дар моддаи 30:
-дар қисми 1 калимаи "ваколатдор" ба калимаи "ваколатдори давлатӣ" иваз карда шавад;
- банди якуми қисми 2 қисми 3 ҳисобида, дар таҳрири зайл ифода карда шавад:
"3. Шахсоне, ки ба паҳншавӣ ё истифодаи маводи барангезандаю нерӯафзо (допинг) ва ё дигар воситаҳои манъгардида дидаю дониста мусоидат менамоянд, мутобиқи қонунгузории Ҷумҳурии Тоҷикистон ба ҷавобгарӣ кашида мешаванд.".
19. Аз сархати даҳуми қисми 1 моддаи 31 калимаҳои "иборат мебошад" хориҷ карда шаванд.
20. Дар моддаи 32:
-  дар қисми 1 калимаҳои "мақомоти худидоракунии           маҳаллӣ"   ба калимаҳои "мақомоти худидоракунии шаҳрак ва деҳот" иваз карда шаванд;
- дар қисми 8 калимаҳои "ваколатдор" ва "талабагони" мувофиқан ба калимаҳои "ваколатдори давлатӣ" ва "хонандагони" иваз карда шаванд.
21. Дар моддаи 33:
- дар номи модда калимаҳои "солимгардонӣ ва варзишӣ" ба калимаҳои "солимгардонӣ, варзишӣ ва иншоотҳои дигари фароғатию солимгардонӣ" иваз карда шаванд;
- ба қисми 3 пас аз калимаи "солимгардонӣ" калимаи ", варзишӣ" илова карда, калимаи "ваколатдор" ба калимаҳои "ваколатдори давлатӣ" иваз карда шавад.
22. Дар моддаи 35:
- дар қисмҳои 1 ва 6 калимаҳои "тибқи қонунгузории меҳнати Ҷумҳурии Тоҷикистон" ба калимаҳои "тибқи қонунгузории Ҷумҳурии Тоҷикистон оид ба меҳнат" иваз карда шаванд;
- ба қисми 4 пас аз калимаи "меъёрии" калимаи "ҳуқуқии" илова карда шавад;
- дар қисми 5 калимаи "одамон" ба калимаи "аҳолӣ" иваз карда шавад;
- дар қисми 7 калимаи "ваколатдор" ба калимаҳои "ваколатдори давлатӣ" иваз карда шавад.
23. Дар моддаи 37:
- дар қисмҳои якум ва дуюм калимаи "ваколатдор" ба калимаҳои "ваколатдори давлатӣ" иваз карда шавад;
- қисмҳо бо рақамҳои арабӣ ишора карда шуда, пас аз онҳо аломати нуқта гузошта шавад.
Моддаи 2. Қонуни мазкур пас аз интишори расмӣ мавриди амал қарор дода шавад.

 Президенти
Ҷумҳурии Тоҷикистон    Эмомалӣ  РАҲМОН
ш. Душанбе, 16 апрели соли 2012, № 825

 

Қарори Маҷлиси намояндагони
Маҷлиси Олии Ҷумҳурии Тоҷикистон
Дар бораи қабул кардани Қонуни Ҷумҳурии
Тоҷикистон "Оид ба ворид намудани тағйиру
 иловаҳо ба Қонуни Ҷумҳурии Тоҷикистон
"Дар бораи тарбияи ҷисмонӣ ва варзиш"
Маҷлиси намояндагони Маҷлиси Олии Ҷумҳурии Тоҷикистон қарор мекунад:
Қонуни Ҷумҳурии Тоҷикистон "Оид ба ворид намудани тағйиру иловаҳо ба Қонуни Ҷумҳурии Тоҷикистон "Дар бораи тарбияи ҷисмонӣ ва варзиш" қабул карда шавад.

Раиси Маҷлиси намояндагони
Маҷлиси Олии Ҷумҳурии Тоҷикистон Ш. ЗУҲУРОВ
ш. Душанбе, 15 феврали соли 2012, № 691


Қарори Маҷлиси миллии
Маҷлиси Олии Ҷумҳурии Тоҷикистон
Дар бораи Қонуни Ҷумҳурии Тоҷикистон "Оид ба ворид намудани тағйиру иловаҳо ба Қонуни Ҷумҳурии Тоҷикистон  "Дар бораи тарбияи ҷисмонӣ ва варзиш"
Маҷлиси миллии Маҷлиси Олии Ҷумҳурии Тоҷикистон Қонуни Ҷумҳурии Тоҷикистонро "Оид ба ворид намудани тағйиру иловаҳо ба Қонуни Ҷумҳурии Тоҷикистон  "Дар бораи тарбияи ҷисмонӣ ва варзиш" баррасӣ намуда,  қарор мекунад:
Қонуни Ҷумҳурии Тоҷикистон "Оид ба ворид намудани тағйиру иловаҳо ба Қонуни Ҷумҳурии Тоҷикистон  "Дар бораи тарбияи ҷисмонӣ ва варзиш" ҷонибдорӣ карда шавад.

 Раиси  Маҷлиси миллии Маҷлиси
Олии Ҷумҳурии Тоҷикистон   М. УБАЙДУЛЛОЕВ 
ш. Душанбе, 29 марти соли 2012, № 299


Баёни ақида (0)    Санаи нашр: 24.04.12    №: 55    Мутолиа карданд: 1155
10.07.2020


ТОҶИКИСТОН. АЗ COVID – 19 БОЗ 56 КАС ШИФО ЁФТ

41 000 СОМОНӢ БАРОИ МУБОРИЗА БО COVID – 19

ҚОҲИР РАСУЛЗОДА АЗ ШАҲРИ НОРАК ВА НОҲИЯИ ЁВОН ДИДАН НАМУД

ХОРУҒ. РӮ БА РУШД

ҶОМИ КФО – 2020. БОЗИҲОИ МАРҲИЛАИ ГУРӮҲӢ ДАР ТОҶИКИСТОН ДОИР МЕШАВАД?

09.07.2020


ТОҶИКИСТОН. ШУМОРАИ ШИФОЁФТАГОН АЗ COVID – 19 АЗ 5000 ГУЗАШТ

«ОИЛА, КӮЧА, МАҲАЛЛА, ДЕҲА, ДЕҲОТ ВА ШАҲРАКИ БЕҲТАРИН». ОЗМУНЕ, КИ СОКИНОНИ СУҒДРО БА ОБОДОНӢ ТАЛҚИН МЕКУНАД

ДУШАНБЕ. ТАҲТИ РАЁСАТИ АЗИМ ИБРОҲИМ ҶАЛАСАИ КОРӢ БАРГУЗОР ШУД

ШАҲРИ ТУРСУНЗОДА. КОРҲОИ ФАҲМОНДАДИҲӢ САМАР ДОРАНД

«ОВОЗИ САМАРҚАНД» КИТОБҲОИ ХУДРО РӮНАМОӢ КАРД

ВАНҶ. ОБ АСТ, КИ ОБОДИСТ

ТАБИБОНИ ЛАХШ: «ҒАМХОРИҲОИ ПЕШВОИ МИЛЛАТ БА МО НЕРУ МЕБАХШАД»

ФУТЗАЛ. БОЗИИ СУПЕРҶОМИ ТОҶИКИСТОН – 2020 КАЙ БАРГУЗОР МЕГАРДАД?

ТАЪКИДИ СИ ҶИНПИН АЗ ЗАРУРАТИ ҲАМКОРИИ ГУСТУРДАИ ЧИНУ РОССИЯ

ҶАҲОН ДАР ЯК САТР

08.07.2020


ИСФАРА. КОРХОНАИ ПОЙАФЗОЛДӮЗИИ «САМАНД» БА ФАЪОЛИЯТ ШУРӮЪ НАМУД

ДАР ТОҶИКИСТОН АЗ КОРОНАВИРУС 4965 БЕМОР ШИФО ЁФТ

Сафари гурӯҳи ҳукуматӣ ба ВМКБ

«МАЪРИФАТ. ВАҚТЕ КИ КИТОБХОНА ҲОЛИ ТАБОҲ ДОРАД»

ВМКБ. ВАЗИР АЗ ҶАРАЁНИ СОХТМОНҲО ДИДАН КАРД

“СОМОН ЭЙР” БА ДУБАЙ ВА МИНСК ПАРВОЗҲОИ МАХСУС АНҶОМ МЕДИҲАД

САДОҚАТИ «САДОҚАТ»

ЛИГАИ ОЛӢ. КОРШИНОСИ ВАРЗИДА САРМУРАББИИ ДАСТАИ "КӮКТОШ" ТАЪЙИН ГАРДИД

ДАР ОЛМОН БА ТАҲКИМИ МУНОСИБАТ БО РОССИЯ АВЛАВИЯТ МЕДИҲАНД

ҶАҲОН ДАР ЯК САТР

07.07.2020


ТОҶИКИСТОН. 4914 ГИРИФТОРИ БЕМОРИИ COVID – 19 ШИФО ЁФТ

БОЗГАШТИ ШАҲРВАНДОНИ ТОҶИКИСТОН АЗ ҚАЗОҚИСТОН ВА ӮЗБЕКИСТОН

FINA МЕХОҲАД МАВҚЕАШРО ДАР БО МУСТАҲКАМ НАМОЯД

СУТ БА ВАКСИНАИ РОССИЯ АЛАЙҲИ COVID - 19 ЭЪТИМОД ДОРАД ВА ДАР ИН САМТ ХОСТОРИ ҲАМКОРИСТ

ҶАҲОН ДАР ЯК САТР

06.07.2020


ТОҶИКИСТОН. ШУМОРАИ СИҲАТШУДАГОН АЗ КОРОНАВИРУС БА 4858 НАФАР РАСИД

НОҲИЯИ ДАРВОЗ. СОҲАИ ФАРҲАНГ БА ДАСТГИРӢ НИЁЗ ДОРАД

РАШТ. КИШТИ КАРТОШКА ДАР 3047 ГЕКТАР

КӮЛОБ. БА МАҲАЛЛАИ ЛОҲУТӢ ОБИ ТОЗА ОМАД

ЧЕМПИОНАТИ ТОҶИКИСТОН – 2020. ҒАЛАБАИ НАВБАТИИ "ИСТИҚЛОЛ"


Дар сомонаҳои дигари Тоҷикистон хонед