logo

сиёсат

ДАР ҒАФЛАТ НАБОШЕМ

Дар ҳошияи суханронии Cарвари давлат муҳтарам Эмомалӣ Раҳмон дар мулоқот бо намояндагони ҷомеаи кишвар

Суханронии Эмомалӣ Раҳмон, Президенти Ҷумҳурии Тоҷикистон, дар мулоқот бо намояндагони ҷомеаи кишвар ба муносибати фарорасии моҳи шарифи Рамазон моро бори дигар водор сохт, ки ба таъриху гузаштаи начандон дури кишвар, имрӯзи он ва «ҷаҳони бо суръати кайҳонӣ тағйирёбанда ва муборизаи абарқудратҳо барои тақсими неъматҳои моддӣ ва сарватҳои табиӣ» ба дидаи ибрат бештар бингарем. Инчунин, ба қадри Ватани азизамон, сарзамини аҷдодиамон, сулҳу осоиштагӣ, неъматҳои мавҷуда бирасем.
Воқеан, вазъи зиндагии инсон дар сайёраи Замин рӯз ба рӯз мушкилтару мураккабтар мегардад. Тағйири иқлим ва низоъҳо дар кишварҳои гуногуни дунё ҳар фарди солимандешро бетараф гузошта наметавонад. Бар замми ин, як миллиону чорсад ҳазор кӯдак аз норасоии оби тозаи ошомиданӣ дар ранҷу азобанд ва ин боиси ба ҳалокат расидани онҳо мешавад. Албатта, дили ҳар нафар ба як миллиард  кӯдаке, ки дар ҳолати қашшоқӣ умр ба сар мебарад ва ба ин сабаб ҳар сол 22 ҳазор нафари он мефавтад, месӯзад ва мехоҳад пайи рафъи ин мушкилот то ҳадди тавоноӣ тадбире биандешад. Дар чунин вазъу ҳолат чун ба кӯдакони кишварамон менигарем ва бо онҳо муқоиса мекунем, ба Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон бори дигар сипосгузорӣ менамоем. Дар зимни он талош, саъю кӯшиш, худфидоиҳои ӯ дар хомӯш намудани ҷанги шаҳрвандӣ, барқарор ва пойдории сулҳу ваҳдати миллӣ пеши назар меоянд. Миллату мардуми хушбахтем, ки Худованд чунин сарвари хирадманд, фозилу дурандешро дар лаҳзаҳои басо вазнини кишвар ато кард.
Мақсуд аз ин суханронии ӯ ҳушдоре ба мост, то ғафлат наварзем, бедор бошем, зиракии сиёсиро аз даст надиҳем. Андак ғафлат, беэътиборӣ, қадрношиносӣ, носипосӣ метавонад ҳама дастовардҳои моро аз байн бибарад.
Ҷанги Сурия барои ҳамаи давлатҳову миллатҳои дигар сабақ аст. Ҷанг дар ҳама давру замон қурбонӣ дошт, харобӣ дошт, аммо дар замони навин даҳшати он ба маротиб бештар мебошад. Ҳатто тасаввури ин ҳақиқат басо душвор менамояд, ки бар асари он 12 ҳазор нафар кӯдак ҳалок шудаву шумораи муҳоҷирон ба 7 миллиону 600 ҳазор расидааст.
Бахти баланди мост, ки дар кишвари боамну осоишта зиндагиву фаъолият дорем. Фарзандонамон дур аз даҳшатҳои ҷанг қарор доранду ба воя мерасанд. Имкони зиндагии шоиста ва таҳсил фароҳам гардидааст. Ҳаёти хушу хуррамонаи онҳо, бешак, ба беҳбудии зиндагии мо иртибот мегирад.
Бахти баланди мост, ки Пешвои муаззами мо пайваста бо таҳлилу тавзеҳи ҷаҳони мураккабу пуртазод аҳли кишвари маҳбубро ба сӯи ояндаи дурахшон бо дарки масъулияти бузург ҳидоят мекунад.
Воқеан, инсоният чун ба гирдоби нафсу манфиатҷӯӣ гирифтор мешаваду «худро тадриҷан аз олами табиат ҷудо менамояд», Сарвари давлати мо бар асари ин ҳама ранҷ мекашад ва аз оқибату таъсири он моро огоҳ месозад. Ин танҳо як огоҳсозии маъмулӣ нест, балки таъкидест, ки бо иттиҳоду сарҷамъӣ, шинохти рисолати инсонӣ на танҳо ба қадри Истиқлолияти давлатӣ бирасем, балки ҳамзамон онро бо ҳамаи дастовардҳояш ҳифз бинамоем. Инчунин, дар замоне, ки дунё ба сурати кайҳонӣ пеш меравад, бояд қафо намонем. Ва ҳам омилҳои ҷаҳонишавиро, ки хавфу хатарҳои зиёд дар пай дорад, нодида нагирем ва тадбирҳои дурусту саривақтӣ биандешем.
Сарвари давлат, инчунин, таъкид мекунад, ки барои ободиву пешрафти Ватани азизамон, ҳаёти осоиштаи мардум, таҳкими сулҳу субот, бехатарии ваҳдати миллӣ саъю талош бинамоем. Ин ҳама ба ҳастӣ ва ояндаи дурахшони миллат иртибот мегирад, аз ин рӯ, чун беҳтарин дастуру раҳнамо пазируфта мешавад.
Маҳмадулло РАҶАБЗОДА,
ректори Донишкадаи давлатии забонҳои Тоҷикистон
ба номи С. Улуғзода 


Баёни ақида (0)    Санаи нашр: 18.05.2018    №: 98    Мутолиа карданд: 465

05.12.2019


Беш аз ду тонна доруворӣ ба коми оташ рафт

Фестивали филм ва мусиқии Руминия дар Тоҷикистон

Боздиди Рустами Эмомалӣ аз шаҳри Самарқанд

Дар Афғонистон шоҳасари Бобоҷон Ғафуров “Тоҷикон” чоп шуд

Макрон изҳороти НАТО оид ба «таҳдиди русӣ» - ро зери шубҳа гузошт

Боздошти муовини собиқ сарвари «ДИ» Ал - Бағдодӣ дар Ироқ

Андрей шевченко дар мураббигӣ низ муваффақ аст

Ҷаҳон дар як сатр

04.12.2019


Тақвияти ҳамкориҳо дар мубориза бар зидди терроризму экстремизм матраҳ гардид

Ҷаласаи гурӯҳи корӣ оид ба таҳияи намоишгоҳ бахшида ба мероси муштараки фарҳангии Роҳи абрешим баргузор шуд

Китоби Президенти Тоҷикистон Эмомалӣ Раҳмон дар Теҳрон рӯнамоӣ мешавад

Мирзиёев раиси шаҳри Душанбе Рустами Эмомалиро ба ҳузур пазируфт

Департаменти давлатӣ: «ИМА Россияро маблағгузори терроризм намешуморад»

Ҳукумати Албания хисороти заминҷунбии мудҳишро ҳисоб намуд

Москва ва Киев созишномаи 10 – солаи таҳвили нафтро ба имзо расонданд

Ҷаҳон дар як сатр

03.12.2019


Дар пойтахт барӯйхатгирии аҳолӣ ва фонди манзил гузаронда мешавад

Дар майдони «Дӯстӣ» арчаи солинавӣ қомат меафрозад

«Лолаи тиллоӣ» синамогарони тоҷикро ба ҳам овард

Дар Британия намояндагии маҳфили “Ҷавонони дар хориҷи кишвар таҳсилдошта” ифтитоҳ ёфт

Россия ва Беларус қисме аз ваколатҳоро ба ҳукумати ягона медиҳанд

Олимон суду зиёни қаҳванӯширо ном бурданд

Ҷаҳон дар як сатр

САМБО. Медали биринҷии Сорбон дар Қазоқистон

02.12.2019


Дар Бишкек кишварҳои аъзои СААД 15 санад ба имзо расонданд

Эрдуғон кишварҳои арабро ба ёрии Албания даъват намуд

Чин бори нахуст аз ҷиҳати миқдори сафорат дар хориҷа ИМА - ро пас гузошт

Сарвазири Украина ба мардуми кишвар тибби ройгонро ваъда дод

Ҷаҳон дар як сатр

ЧЕМПИОНАТИ CAFA – 2019. Бонувони тоҷик соҳиби медали биринҷӣ шуданд

28.11.2019


НОҲИЯИ АЙНӢ. Боз як маркази нав дар хизмати мардум

27.11.2019


Ҷаласаи Кумитаи тадорукот оид ба омодагӣ ва баргузории ду чорабинии сатҳи байналмилалӣ

Медали биринҷии Сомон аз Ҷопон

Бишкек. Дар ҳамоиши СААД 21 масъала баррасӣ мешавад


Дар сомонаҳои дигари Тоҷикистон хонед