logo

иҷтимоиёт

ҚИССАИ ҚАҲРАМОНИ 103-СОЛА

Руҷӯъ
Бобои Одина субҳидам аз хоб хеста ба берун баромад. Дар саҳни ҳавлӣ асояшро зери манаҳ гузошта, ба кӯҳҳо ва манзараҳои деҳаи Элок чашм дӯхт. Ин одати ҳаррӯзаи мӯйсафед аст. Нигоҳашро аз кӯҳҳо ғундошта, ба пеши пояш нигарист. Чашмонаш ҳанӯз бино, гӯшҳояш шунаво, дасту пояш баҷо. Агар соатҳо шинаду қисса гӯяд, ҳозирон хаста намешаванд. Қиссаҳои бешуморе дорад бобои Одина. Қиссаи ду аср, ду умр, ду ҷанг ва ду давру замон…
 
 Муаллими сурх
Солҳои сиюми асри гузашта омӯзгоронро ҳамин хел ном мебурданд. Шояд ҳамин ибора сифати сарбаландӣ ва мақоми волои онвақтаи омӯзгорро ифода мекард. Ҳамон солҳо муаллим пешоҳанг, роҳбаладу гули сари сабад ва «чашми давлат» маҳсуб меёфт.
Бо амри тақдир Одина Зиёев, писари яке аз рӯҳониёни замони подшоҳӣ Эшони Зиёвиддини Валӣ, ки хату саводи хуб дошт, дар аввали солҳои сиюми асри гузашта, аз тарафи Комиссариати маорифи вақт дар ноҳияи Файзобод ба ҳайси муаллим ба кор шурӯъ мекунад. Ӯ ёд дорад, ки аввалин дарсаш дар мактаб - хонаи деҳаи Дорови Файзобод гузашта буд. Ёд дорад, ки баъзе шогирдонаш аз «устод» 20 - 30 сол калон буданд. Муаллим барои онҳо як муъҷизакору ҷаҳонофарине буд. Баъдтар, тақдир Одинаро ба дигар ҷо бурд. Ӯ баъди таҳсили мактаби 7- сола, курси муаллимиро дар шаҳри Ваҳдати ҳозира хатм карда, мувофиқи роҳхат ба ноҳияи Қизил Мазор (Темурмалики ҳозира) ба ҳайси муаллими синфҳои ибтидоӣ фиристода шуд. Дар ин ҷо, ӯ то давраи Ҷанги Бузурги Ватанӣ омӯзгорӣ кард. Бисёр толибилмонро чашми савод кушод. Баъзе шогирдони ин диёр, ки кайҳо мӯйсафедони банур шудаанд, устодашон - Бобои Одинаро ба некӣ ёд мекунанд.
 
Ҷанг ва нанг 
Баҳори соли 1942 омӯзгор Одина Зиёев дар қатори даҳҳо ҷавонмардони Тоҷикистон ба ҷанг рафт. Ба ҷои дафтару қалам яроқ ба даст гирифт. Аз ҳазорон кас 30 нафар ҷавони болаёқатро ба курси шашмоҳаи афсарӣ дар шаҳри Катақӯрғон ба омӯзиш фаро гирифтанд. Аммо ҷанги шадид, ки талафоти зиёд дар пай дошт, нагузошт, ки курсантҳо хатми таҳсил кардаву бо рутбаи афсарӣ ба ҷанг раванд. Дар панҷумин моҳи таҳсил дарсҳо қатъ гардиданду ҳамаро ба ҷанг гуселонданд. Дар майдони набард, бо амри тақдир, Одина алоқачӣ таъйин мегардад. Дар байни муҳорибаҳои шадид ӯ аз шаҳри Ленинград ба ситоди асосӣ дар вақташ хабарҳои заруриро мерасонд. Аз хизмати Зиёев афсарҳо қаноатманд буданду дастгириаш мекарданд.
Аммо ҷанг ҷанг аст. Даҳшату ваҳшат дорад. Одина баҳор ба ҷанг рафту зимистон бо пои маҷрӯҳ ба зодгоҳ баргашт. Вале, рӯҳафтода нашуд. Баъди чанде боз ба кор шурӯъ кард. Ӯ шаш моҳ муаллими фанни тайёрии ҳарбии мактаби зодгоҳаш буду шогирдонашро барои дифои Ватан омода мекард. Вале дили ҳассосу ҷавонаш беқарор буд. Азоби рӯҳӣ мекашид. Мазмун, ҳамяроқон дар дифои Ватан, ҷон дар кафи дастанду ӯ ин ҷо дур аз онҳо.
…Оқибат, соли 1943 боз ба ҷабҳа рафт. Акнун Одина як ҷавони тануманд ва ҷанговари таҷрибадору боиродае буд. Дар фронтҳои Ленинград ва қисми дуюми Беларус ҷангид. Ҳангоме ки ғалабаи Армияи Сурх бар фашизми гитлерӣ эълон гардид, Одина Зиёев бо ҳамнабардонаш дар шаҳри Штадеи Олмон парчами Ғалабаро боло бардоштанд.
  
Баъд аз ҷанг
Одина Зиёев пас аз анҷоми ҷанг дар зодгоҳаш - деҳаи Элоки ноҳияи Файзобод касби дӯстдоштаи худ - омӯзгориро давом дод. Дар сиришти шогирдон ҳисси инсондӯстиву ватанпарастӣ ва ваҳдатро ҷой мекард. Аз қиссаҳои ҷангиаш нақл карда, ба тарбиятгирандагон мегуфт, ки Ватан чисту ватандори асил кист. Зиёда аз 40 сол ба шогирдон дарс гуфт.
 Бобои Ҳоҷӣ Одина, ки 103 сол дорад, имрӯз даврони пирӣ меронад. Шукронаи давру замонро мегӯяд. Ӯ соҳиби 11 фарзанд, 81 набера ва 15 абера мебошад. Пирамард ба 103 - солагиаш нигоҳ накарда ҳар вақте дар чорабиниҳои мактабӣ даъват гардад, оид ба шуҷоату мардонагӣ сухан мегӯяд. Шогирдонаш устоди худро зуд - зуд хабар мегиранд ва аз мактаби мардонагиаш сабақ меандӯзанд.
 
Убайдулло РАҲИМОВ,
рӯзноманигор


Баёни ақида (0)    Санаи нашр: 7.05.2015    №: 93-94    Мутолиа карданд: 1262
25.11.2022


ТАҒЙИРОТ БА ҚОНУН. 6 МАЙ - РӮЗИ КОРМАНДОНИ СОҲАИ ҲИФЗИ СИРРИ ДАВЛАТӢ ТАҶЛИЛ МЕШАВАД

ВМКБ. ҶАЛАСАИ СИТОД ОИД БА ЗИМИСТОНГУЗАРОНӢ

СУҒД. ҶАМЪОВАРИИ ПАХТА ВУСЪАТИ ТОЗА МЕГИРАД

24.11.2022


ПАРЧАМИ ДАВЛАТӢ - САРЧАШМАИ ПИРӮЗИҲО

23.11.2022


Интихобот дар Қазоқистон рақобатпазир ва шаффоф буд

ҶОМИ ҶАҲОН

22.11.2022


Рӯзҳои фарҳанги Тоҷикистон дар Туркманистон

ТОҶИКИСТОН ВА РОССИЯ. ФОРУМИ ҶАВОНОН БАРОИ ТАБОДУЛИ ТАҶРИБА ВА РУШДИ КАСБИЯТ РАВЗАНАИ НАВ БОЗ КАРД

«ЗОДРӮЗИ ТОҶИКИСТОН»

МУАРРИФИИ ОШИ ПАЛАВ ДАР ҶОПОН

САМАРҚАНД. ЯК ҲАМОИШИ МУҲИМ

21.11.2022


Мулоқоти вазирони корҳои хориҷии Тоҷикистон ва Ӯзбекистон

ИТТИФОҚИ НАВИСАНДАГОН. ГИРОМИДОШТИ ХОТИРАИ ҶОНИБЕК АКОБИР

ЧЕМПИОНАТИ CAFA – 2022

16.11.2022


Ҷоизаи раиси шаҳри Душанбе барои муҳаққиқони ҷавон

Чин бар зидди ихроҷи Россия аз G20 баромад кард

СУҒД. ТАШРИФИ СОҲИБКОРОНИ ТУРК БА ВИЛОЯТ

ТОҶИКИСТОН ВА АРАБИСТОНИ САУДӢ. АЗ БАРҚАРОРИИ МУНОСИБАТҲОИ ДИПЛОМАТИИ ДУ КИШВАРИ ДӮСТ СӢ СОЛ ГУЗАШТ

«ОРМОНИ МИЛЛАТ: «РОҒУН» БУЗУРГТАРИН САРБАНДИ АСРИ НАВ»

15.11.2022


Ҷаласаи ҳайатҳои ҳукуматии Тоҷикистон ва Қирғизистон

ҶАҲОН ДАР ЯК САТР

Президенти Индонезия дар Бали нишасти G20-ро ифтитоҳ кард

ЯК ҲАМОИШИ МУҲИМ

ДАНҒАРА. ИСТЕҲСОЛИ ҒАЛЛА БА 100 ҲАЗОР ТОННА МЕРАСАД

ПРЕСС-ТУРИ НАВБАТИИ РӮЗНОМАНИГОРОН БА НБО «НОРАК»

Қадрдонии варзишгари тоҷик аз ҷониби Рустами Эмомалӣ

11.11.2022


Ҳукумати Тоҷикистон ба мардуми Эрон изҳори таслият кард

ТОҶИКИСТОН ВА ӮЗБЕКИСТОН. АЗ РУШДИ ҲАМКОРИҲОИ ИЛМӢ-АДАБӢ ТО САЙРИ ФАРОМАРЗИИ «ГАНҶИ СУХАН»

10.11.2022


ВОЛОИЯТИ ҚОНУН. ФОРУМИ ҲАШТУМИ МИЛЛӢ БАРГУЗОР ГАШТ

6 НОЯБР. САНАДИ БУНЁДИИ ТОҶИКИСТОНИ СОҲИБИСТИҚЛОЛ 28-СОЛА ШУД

04.11.2022


САМАРҚАНД. ИМКОНИЯТҲОИ САЙЁҲИИ ТОҶИКИСТОН МУАРРИФӢ ГАРДИД

ПОЙТАХТ. ТАНТАНАИ ФЕСТИВАЛИ ДЎСТӢ

СИЁСАТИ ГЕНДЕРӢ. ТОҶИКИСТОН ВА НАҚШИ ЗАНОН ДАР ИДОРАИ УМУРИ ДАВЛАТДОРӢ

03.11.2022


Лоиҳаи Буҷети давлатӣ барои соли 2023 ба Маҷлиси намояндагон пешниҳод шуд

ТОҶИКИСТОНУ ЭРОН. ТАНТАНАИ ДӮСТӢ ДАР НАМОИШИ ҲУНАРҲОИ МАРДУМӢ ВА МАҲФИЛИ ШОИРОН


Дар сомонаҳои дигари Тоҷикистон хонед