logo

сиёсат

ПРЕЗИДЕНТ ВА ИСЛОҲОТИ СОҲАИ ТАНДУРУСТӢ

Муассисаҳои тандурустии кишвар дар солҳои аввали истиқлолият ба тартибу шаклҳои нави идоракунӣ, пайдо намудани сарчашмаҳои иловагии молиявӣ барои мустаҳкам намудани заминаи моддию техникӣ, иқтидори кадрӣ, таъминот бо маводи доруворӣ, техника ва технологияҳои муосир ниёзманд буданд. Маҳз дар ҳамин давра бо ташаббуси Президенти Ҷумҳурии Тоҷикистон Эмомалӣ Раҳмон таҳия ва татбиқи стратегияи ислоҳоти соҳаи тандурустӣ рӯйи кор омад. 
Сарвари давлат ислоҳоти соҳаи тандурустиро ба чор марҳила ҷудо намуд. Марҳилаи аввал солҳои 1993 – 1996 - ро дарбар гирифта, бо назардошти таъсири ногувори вазъи сиёсӣ ва иҷтимоии кишвар  яке аз давраҳои мушкилтарини раванди ислоҳоти соҳа буд. 
Дар марҳилаи дувуми он (солҳои 1997 – 2001) бо ташаббус ва дастгирии бевоситаи Президенти кишвар Қонуни Ҷумҳурии Тоҷикистон «Дар бораи ҳифзи саломатии аҳолӣ», «Стратегияи Ҷумҳурии Тоҷикистон оид ба ҳифзи саломатии аҳолӣ то соли 2005», «Барномаи соҳавии ислоҳоти нигаҳдории тандурустӣ барои солҳои 1997 - 2001» таҳия ва қабул карда шуданд, ки ба рушди соҳа таъсири бузург расонданд.  
Марҳилаи сеюм солҳои 2002 – 2009 - ро дарбар гирифта, дар амалисозии аввалин лоиҳаҳои инвеститсионӣ оғоз гардиданд. Бо супориши Сарвари давлат Вазорати тандурустӣ ҳолати мавҷудаи муассисаҳои тиббиро дар саросари кишвар таҳлил намуда, дар асоси он Консепсияи ислоҳоти соҳаро таҳия намуд, ки аз ҷониби Президенти ҷумҳурӣ тасдиқ гардид. Марҳилаи чоруми ислоҳот (солҳои 2010 – 2020) давраи амалисозии бевоситаи “Стратегияи миллии солимии аҳолии Ҷумҳурии Тоҷикистон барои солҳои 2010 - 2020” гардид. Маҳз дар ҳамин давра беҳтар гардидани нишондиҳандаҳои солимӣ ва сифати хизматрасонии тиббӣ ба даст оварда шуд. Протоколҳои клиникии замонавӣ ва дигар стандартҳои кумаки тиббӣ  таҳия ва татбиқ гардиданд. Системаи омор ва иттилооти тиббӣ вобаста ба истифодаи технологияҳои муосири техникӣ ба шабакаи ягонаи омори тиббӣ (DHIS2) табдил ва мавриди истифода қарор гирифт. 
Сарвари давлат ворид намудани усулҳои мураккаб ва муосири ташхису табобатро дар муассисаҳои тиббии ҷумҳурӣ яке аз вазифаҳои асосии вазорат арзёбӣ намуд. Дар ҷумҳурӣ, бо дарназардошти арзи ҳастӣ намудани муассисаҳои хусусии тиббӣ, дастгоҳҳои томографияи компютерӣ ва магнитию резонансӣ, маммограф, ангиограф, дастгоҳҳои поксозии хун (гемодиализ), ташхисҳои рентгении рақамӣ, ташхисҳои озмоишгоҳӣ тавассути анализаторҳои автоматӣ ва дигар таҷҳизоту дастгоҳҳои замонавӣ фаъолият доранд. 
Дар доираи ҳадафҳои сиёсати «Солимӣ - 2020» - и Ташкилоти умумиҷаҳонии тандурустӣ бо қарорҳои Ҳукумати Ҷумҳурии Тоҷикистон барномаҳои миллӣ дар самти пешгирӣ, ташхис ва муолиҷаи бемориҳои ишемияи дил, касбӣ, нуқсонҳои модарзодӣ ва тарбодии дил, осеббардорӣ, диабети қанд, сил, узвҳои ҳозима, саратон, инчунин тибби оилавӣ ва ғайра таҳия, тасдиқ ва амалӣ шуда истодаанд. 
Аз ҷониби Сарвари давлат «Дурнамои пешгирӣ ва назорати бемориҳои ғайрисироятӣ ва осеббардорӣ дар Ҷумҳурии Тоҷикистон барои солҳои 2013 - 2023» тасдиқ гардид. Дар натиҷаи тадбиқи он нишондоди бемории сил дар ҷумҳурӣ зиёда аз 20 дарсад ва нишондоди фавт зиёда аз 50 дарсад паст гардид. 
Бо ҳидоят, дастгирӣ ва таҳти назорати Пешвои миллат дар ҷумҳурӣ беш аз 1000 муассисаи тиббӣ бунёд шуд. Қисми бештари ин муассисаҳо бо маблағгузории бевосита буҷети давлатӣ, қисмати камтарин аз ҳисоби сармояи ташкилотҳои мададрасон ва соҳибкорони ватанӣ бунёд гардидаанд. 
Бо таъсис ва ба кор андохтани як қатор муассисаҳои соҳавӣ дар гӯшаю канори кишвар ва баланд бардоштани сатҳи хизматрасонии тиббӣ ва солимгардонӣ нишондиҳандаҳои фавти кӯдакон ва модарон мутаносибан 2,5 – 3,5 маротиба паст гардид. Нишондоди асосии соҳа ба тамоюли беҳтар гардидани вазъи тандурустии аҳолӣ мусоидат намуда, дар натиҷа дарозумрии миёнаи шаҳрвандон ба 73,5 сол расид.
Яке аз самтҳои асосии сиёсати Президенти кишвар ҷиҳати ҳифзи саломатии аҳолӣ таъмини амнияти санитарию эпидемиологии аҳолӣ мебошад. Солҳои истиқлолият дар ҷумҳурӣ зимни дуруст ба роҳ мондани чорабиниҳои пешгирӣ ва зиддиэпидемикӣ сатҳи бемориҳои сироятӣ сол ба сол кам шуда, солҳои охир бемориҳои вабо, тоун ва лептоспироз тамоман ба қайд гирифта нашудаанд. Бемориҳои вараҷаи тропикӣ ва сурхча маҳв шуда, нисбат ба бемории фалаҷ ҳуҷҷати стратегии “Минтақаи озод аз фалаҷ” қабул шуд.
Ҳамин тариқ, бо ҳидоятҳои Сарвари давлат ислоҳоти пешгирифтаи соҳаи тандурустӣ ба ҷорӣ намудани маблағгузории сарикасӣ дар муассисаҳои КАТС, пардохти маблағ барои ҳар як ҳолати табобат дар хадамоти бистарикунонӣ, баланд бардоштани музди маоши кормандони соҳа ва самаранок истифодабарии маблағҳои буҷетӣ равона карда шуда, боиси сол ба сол афзудани маблағгузории соҳаи тандурустӣ ва беҳтар шудани хизматрасонӣ дар соҳа гардида истодааст.
Саида УМАРЗОДА, муовини 
аввали вазири тандурустӣ 
ва ҳифзи иҷтимоии аҳолӣ


Баёни ақида (0)    Санаи нашр: 10.11.2016    №: 223    Мутолиа карданд: 1184

05.12.2019


Беш аз ду тонна доруворӣ ба коми оташ рафт

Фестивали филм ва мусиқии Руминия дар Тоҷикистон

Боздиди Рустами Эмомалӣ аз шаҳри Самарқанд

Дар Афғонистон шоҳасари Бобоҷон Ғафуров “Тоҷикон” чоп шуд

Макрон изҳороти НАТО оид ба «таҳдиди русӣ» - ро зери шубҳа гузошт

Боздошти муовини собиқ сарвари «ДИ» Ал - Бағдодӣ дар Ироқ

Андрей шевченко дар мураббигӣ низ муваффақ аст

Ҷаҳон дар як сатр

04.12.2019


Тақвияти ҳамкориҳо дар мубориза бар зидди терроризму экстремизм матраҳ гардид

Ҷаласаи гурӯҳи корӣ оид ба таҳияи намоишгоҳ бахшида ба мероси муштараки фарҳангии Роҳи абрешим баргузор шуд

Китоби Президенти Тоҷикистон Эмомалӣ Раҳмон дар Теҳрон рӯнамоӣ мешавад

Мирзиёев раиси шаҳри Душанбе Рустами Эмомалиро ба ҳузур пазируфт

Департаменти давлатӣ: «ИМА Россияро маблағгузори терроризм намешуморад»

Ҳукумати Албания хисороти заминҷунбии мудҳишро ҳисоб намуд

Москва ва Киев созишномаи 10 – солаи таҳвили нафтро ба имзо расонданд

Ҷаҳон дар як сатр

03.12.2019


Дар пойтахт барӯйхатгирии аҳолӣ ва фонди манзил гузаронда мешавад

Дар майдони «Дӯстӣ» арчаи солинавӣ қомат меафрозад

«Лолаи тиллоӣ» синамогарони тоҷикро ба ҳам овард

Дар Британия намояндагии маҳфили “Ҷавонони дар хориҷи кишвар таҳсилдошта” ифтитоҳ ёфт

Россия ва Беларус қисме аз ваколатҳоро ба ҳукумати ягона медиҳанд

Олимон суду зиёни қаҳванӯширо ном бурданд

Ҷаҳон дар як сатр

САМБО. Медали биринҷии Сорбон дар Қазоқистон

02.12.2019


Дар Бишкек кишварҳои аъзои СААД 15 санад ба имзо расонданд

Эрдуғон кишварҳои арабро ба ёрии Албания даъват намуд

Чин бори нахуст аз ҷиҳати миқдори сафорат дар хориҷа ИМА - ро пас гузошт

Сарвазири Украина ба мардуми кишвар тибби ройгонро ваъда дод

Ҷаҳон дар як сатр

ЧЕМПИОНАТИ CAFA – 2019. Бонувони тоҷик соҳиби медали биринҷӣ шуданд

28.11.2019


НОҲИЯИ АЙНӢ. Боз як маркази нав дар хизмати мардум

27.11.2019


Ҷаласаи Кумитаи тадорукот оид ба омодагӣ ва баргузории ду чорабинии сатҳи байналмилалӣ

Медали биринҷии Сомон аз Ҷопон

Бишкек. Дар ҳамоиши СААД 21 масъала баррасӣ мешавад


Дар сомонаҳои дигари Тоҷикистон хонед