logo

маориф

МАРКАЗИ МИЛЛИИ ТЕСТӢ. МАЙДОНИ РАҚОБАТИ СОЛИМ

Падару модарон ва даҳҳо ҳазор хатмкунандагони мо бори дигар бовар ҳосил карданд, ки Маркази миллии тестӣ сатҳи ҳақиқии дониш ва маҳорату малакаи шахсии ҳар як довталабро дуруст муайян мекунад ва дар кишвар барои рақобати солим шароит фароҳам меорад.
Эмомалӣ   РАҲМОН
- Ҳадафи асосии Маркази миллии тестӣ шаффофу одилона ба роҳ мондани имтиҳонҳои марказонидаи дохилшавӣ ба муассисаҳои таълимии таҳсилоти миёна ва олии касбӣ аст.
Барои таъмини шаффофият ва адолат дар ИМД (имтиҳонҳои марказонидаи дохилшавӣ) тамоми шароиту имкониятҳо фароҳам оварда шудааст. Ҳар як довталаб бояд аз ин шароиту имкониятҳо истифода карда, фирефтаи суханони беасоси ашхоси миёнарав нагардад, - иброз дошт Икроми Хуршед, директори Маркази миллии тестии назди Президенти Ҷумҳурии Тоҷикистон.
- Яке аз хусусиятҳои фарқкунандаи низоми миллии имтиҳонҳои дохилшавӣ ба муассисаҳои таълимии касбӣ дар Тоҷикистон комилан мутамарказ будани он аст. Тамоми раванди низомро аз оғоз то ба анҷом Маркази миллии тестӣ дар ҳамаи қаламрави кишвар ташкил ва баргузор менамояд. Ин ҷиҳати низом имкон дод, ки бори аввал дар соли 2014 – нахустин соли баргузории имтиҳонҳои марказонида ба як сохтори имтиҳонгирӣ 30 муассисаи таҳсилоти олии касбӣ  дохил гардад, барои интихоб ба довталабон бештар аз 400 ихтисоси гуногун пешниҳод шавад ва довталабон тавонанд, ки аз ҳуқуқи то 10 комбинатсияи ихтисосҳоро интихоб кардан истифода намоянд. Аз 39 муассисаи таҳсилоти олии касбӣ ва 66 муассисаи таҳсилоти миёнаи касбии Ҷумҳурии Тоҷикистон, ки мутахассисони соҳаҳои гуногунро тайёр мекунанд, соли 2017-ум ба воситаи низоми ИМД ба 34 муассисаи таҳсилоти олии касбӣ ва 47 муассисаи таҳсилоти миёнаи касбӣ (бо фарогирии 36 гурӯҳи мақсаднок ва 1 шуъба) донишҷӯён қабул карда мешаванд. Шумораи комбинатсияи ихтисосҳо, ки довталаб ҳуқуқи интихоби онро дорад, аз 10 ба 12 - то расонда шуд.
Яке аз масъалаҳои муҳиме, ки дар назди Маркази миллии тестӣ меистод, ин омода намудани мутахассисони маҳаллӣ – таҳиягарон ва муқарризони саволу масъалаҳои тест буд. Бинобар ин, дар ҳамкорӣ бо шуъбаи Ташкилоти байналмилалии Институти «Ҷамъияти кушода» – Бунёди мадад дар Тоҷикистон коршиносони хориҷии ташкилоти “Anglia Assessment Ltd”-ро ба кор ҷалб намуд.
Хусусияти фарқкунандаи низоми миллии имтиҳонҳои дохилшавӣ ҳатмӣ будани имтиҳони қисми А аст. Танҳо дар сурати супурдани ин бахши имтиҳон ва имтиҳонҳои қисмҳои дахлдор (тибқи ихтисосҳои интихобгардида) гирифтани холи мувофиқ довталаб метавонад (дар Ҷумҳурии Тоҷикистон) донишҷӯ шавад. Имтиҳони қисми А  имтиҳони умумист ва барои ҳамаи довталабон, новобаста аз ихтисосҳои интихобкардаашон, ҳатмӣ буда, се субтестро аз фанҳои таълимии зерин дар бар мегирад: забони тоҷикӣ, математика, таърихи халқи тоҷик, асосҳои давлат ва ҳуқуқ.
Низоми миллии имтиҳонҳои дохилшавӣ шароит ба вуҷуд овард, ки дар кишвар даври солонаи имтиҳонҳои мазкур тамоми соли таҳсили хатмкунандагони муассисаҳои таҳсилоти миёнаи умумиро фаро гирад.
Хусусияти дигари фарқкунандаи низоми ИМД тақсимоти довталабон ба муассисаҳои таълимии таҳсилоти миёна ва олии касбии ҷумҳурист. Чуноне ки Сарвари давлат зимни суханрониашон зикр намуданд: «Баъди супоридани имтиҳонҳои тестӣ тақсимоти довталабон аз рӯйи холҳои бадастоварда ва интихобҳояшон ба мактабҳои олӣ бе иштироки омӯзгорон, тавассути компютер сурат мегирад, ки он низ аз шаффофии низом дарак медиҳад».
Як хусусияти умдаи низоми нави имтиҳонҳо дар он аст, ки дар он завқу хоҳиши довталаб дар мадди назар меистад. Бинобар ин, корҳои тарғиботию хабаррасонӣ самти муҳимтарини фаъолият дар низом ба шумор меравад.
Кормандони мо ба муроҷиатҳои шифоҳӣ, телефонӣ ва хаттии довталабон ва дигар алоқамандон, ҳамчунин ба суолҳои шаҳрвандон аз тариқи сомонаи расмии марказ сари вақт ҷавобҳои қонеъкунанда медиҳанд.  Дар бинои марказ қабули ҳамарӯзаи шаҳрвандон роҳандозӣ гардидааст. Дигар ин ки пас аз анҷоми имтиҳон довталаб китобчаи тестро бо худ мегирад, яъне довталаб имкон дорад, ки худи ҳамон рӯз холҳои бадастовардаи худро мустақилона ё бо ёрии омӯзгоронаш ҳисоб кунад.
 Озмуни тақсимоти довталабон ба муассисаҳои таълимӣ аз рӯйи ихтисосҳои интихобкардаашон ба таври худкор бо истифода аз алгоритми махсуси беназир анҷом дода мешавад, ки дар он ҳеҷ омил таъсир расонда наметавонад. Дар варақаҳои ҷавобҳо ному насаб ва ё ягон маълумоти дигар дар бораи довталаб навишта намешавад, ки имконияти шахсони назораткунандаро низ барои расондани ёрӣ ба довталаб имконнопазир менамояд. Ба ҷойи ному насаби довталаб танҳо штрихкод часпонда мешавад ва муайян кардани мансубияти варақаи ҷавобҳо ба кадом довталаб барои ҳеҷ шахсе имконпазир нест.
Ҳар довталабе, ки ин шароиту имкониятҳои фароҳамовардаи марказро истифода менамояд, ба натиҷаи воқеии кори (имтиҳони) худ шинос шуда, бовар ҳосил менамояд, ки касе дар ин ҷараён ба ӯ ё ба каси дигар ба ҷуз аз донишу маҳорат ва малакааш ёрӣ расонда наметавонад. Бо  вуҷуди ин шахсони қаллобе вуҷуд доранд, ки ба довталабону наздикони онҳо ваъдаи мадад намудан дар дохилшавиро мекунанд. Кофист, ки аз ин гуна қаллобон пурсида шавад, ки оё ба холҳои бадастовардаи довталаб ягон хол илова карда метавонанд ё не? Албатта, не. Вобаста ба ин, агар довталабе ё падару модаре бо чунин ҳолат рӯ ба рӯ гардида бошад ва барои исботи ин гуна қаллобӣ аз шароиту имкониятҳои фароҳамовардаи марказ истифода карда натавонад, метавонад баъд аз супоридани имтиҳонҳо ба марказ муроҷиат намояд. Бо тамоми масъулият ва бовар иброз медорем, ки дар давоми дақиқаҳои башумор бардурӯғ будани ин ваъдаҳо ва қаллоб будани ин гуна шахсонро исбот менамоем, - мегӯяд ҳамсуҳбати мо.
Муҳаммадзоиршо ШАРИФЗОДА,
“Ҷумҳурият”


Баёни ақида (0)    Санаи нашр: 22.06.2017    №: 132    Мутолиа карданд: 1833

18.02.2020


ВКД. 161 УЗВИ ТАШКИЛОТИ ТЕРРОРИСТӢ ДАСТГИР ШУД

ФАРХОР. ҲОЛАТИ ҒАЙРИМЕЛИОРАТИВИИ ЗАМИНҲО МАВЗӮИ ДОҒ БОҚӢ МЕМОНАД!

18 ДОЛОНИ ЗИДДИТАРМАВӢ СОХТА МЕШАВАД

БОНУВОНИ НОҲИЯИ МУРҒОБ – ҒОЛИБИ ДАВРИ ВИЛОЯТИИ ОЗМУНИ ҶУМҲУРИЯВИИ «ДАСТАРХОНОРОӢ»

ГРЕНЛАНДИЯ ОБИ ПИРЯХҲОРО БА САВДО БАРОВАРДАНИСТ

ДАР БЕЛАРУС СОЛИ 2023 ИСТИФОДАИ ЗАРФҲОИ ПЛАСТИКИРО МАНЪ НАМУДАНИАНД

ПЕКИН ДАР 6 РӮЗ КОРХОНАИ НАВИ ИСТЕҲСОЛИ НИҚОБҲОИ ТИББӢ СОХТАНИСТ

ЧИН ВА АСЕАН ДАР МАСЪАЛАИ КОРОНАВИРУС ВОХӮРИИ МАХСУС ДОИР МЕКУНАНД

ҶАҲОН ДАР ЯК САТР

17.02.2020


"РУШДИ ЧОРВОДОРӢ ВА ЧАРОГОҲҲО". ТАТБИҚИ ЗЕРЛОИҲАҲО

ШАҲРИНАВ. ИСТЕҲСОЛИ МАҲСУЛОТИ КИШОВАРЗӢ МЕАФЗОЯД

ФАЪОЛИЯТИ 32 ГУРӮҲИ МУТАШАККИЛИ ҶИНОЯТӢ ҚАТЪ ГАРДИД

ҲАМКОРИҲО БО ШАРИКОНИ РУШД ТАҲКИМ МЕЁБАНД

ТАРБИЯИ ҶИСМОНӢ ВА ВАРЗИШ 53 НАФАР УНВОНҲОИ СОҲАРО ГИРИФТ

ДАР ТОҶИКИСТОН БАЪДИ КАРАНТИНИ КОРОНАВИРУСӢ 87 НАФАРРО ҶАВОБ ДОДАНД

ЧИН БА ИСТЕҲСОЛИ НАХУСТИН ДОРУИ ЭҲТИМОЛӢ АЗ КОРОНАВИРУС ОҒОЗ НАМУД

ЛЕ ДРИАН: «БАРРАСИИ МАСОИЛИ АМНИЯТ БО РОССИЯ ЗАРУР АСТ»

ДАР ӮЗБЕКИСТОН БА ХИЗМАТИ ДАВЛАТӢ ТАВАССУТИ ИНТЕРНЕТ ҚАБУЛ МЕКУНАНД

НАФАҚАХӮРИ СЕРБ БА ПАРАДИ ҒАЛАБА ПИЁДА РАФТАНИСТ

Ҷаҳон дар як сатр

14.02.2020


ҲИСОР. ТАТБИҚИ ҲАДАФИ ЧОРУМИ СТРАТЕГӢ ДАР МАДДИ АВВАЛ

РОҒУН. БЕШТАРИ ҚОНУНШИКАНИҲО ВОБАСТА БА ИСТИФОДАИ ЗАМИН АСТ

АХД. ҶАЛБИ ЗАНОН БА ХИЗМАТИ ДАВЛАТӢ ҲАНӮЗ ҚОНЕЪКУНАНДА НЕСТ!

ИМА УМЕДВОРИ «МУЗОКИРОТИ ҶИДДӢ» БО РОССИЯ ВА ЧИН ОИД БА СИЛОҲИ ЯДРОӢ МЕБОШАД

ҲУКУМАТДОРОНИ ЧИН КОРХОНАҲОИ АЗ КОРОНАВИРУС ЗАРАРДИДАРО ДАСТГИРӢ МЕКУНАНД

ТЕЪДОДИ МУШТАРИЁНИ WHATSAPP БА ДУ МИЛЛИАРД РАСИД

ҶАҲОН ДАР ЯК САТР

13.02.2020


ДУШАНБЕ. 62 КОРХОНАИ САНОАТӢ ТАЪСИС ЁФТ

ШСХК "БАРҚИ ТОҶИК". СОҲА РӮ БА БЕҲБУДӢ МЕОРАД

ШАҲРИ ТУРСУНЗОДА. ИСТЕҲСОЛИ МАҲСУЛОТИ КИШОВАРЗӢ МЕАФЗОЯД

480 НОМ БА ФЕҲРИСТИ НОМҲОИ МИЛЛӢ ВОРИД МЕШАВАД

87 КОРМАНДИ ГУМРУК АЗ АТТЕСТАТСИЯ НАГУЗАШТ

ДОНИШКАДАИ ИДОРАКУНИИ ДАВЛАТӢ. ТАЪСИСИ ИХТИСОСҲОИ НАВ ТАҚОЗОИ ЗАМОН

БЕШ АЗ 50 ШАҲРВАНДИ ТОҶИКИСТОН АЗ УХАН БА ДУШАНБЕ ОВАРДА ШУД


Дар сомонаҳои дигари Тоҷикистон хонед