logo

туризм

ТУРИЗМИ ФАРҲАНГӢ - ТАЪРИХӢ: МУШКИЛОТ ВА НИЁЗҲО

Ҷои пинҳон нест, ки иқтидорҳои туристии Тоҷикистон бузурганд. Бино ба гуфтаи мутахассисон, яке аз навъҳои сайёҳӣ, ки метавонад дар рушду равнақи иқтисоди миллӣ нақши калидӣ бозад, туризми фарҳангӣ - таърихӣ мебошад.
Ҳоло дар қаламрави кишвар бештар аз 2000 ёдгорӣ мавҷуд аст, ки бархе аз онҳо таърихи беш аз 5000-сола доранд. Мероси пурғановати  фарҳангиву таърихии мамлакат, аз қабили қалъаҳои Ямуч (асрҳои II то милод VII милодӣ), Ҳисор (асрҳои V то милод X милодӣ), шаҳракҳои Панҷакенти Қадим (асри V-VII), Тахти Сангин (асрҳои IV то милод III милодӣ), Ҳулбук (асрҳои IX-XI), дайри буддои Аҷинатеппа (асри VIII) ва оромгоҳҳои шахсони шинохта, ҳамчунин, иншооту биноҳое, ки дар замони шӯравӣ ва соҳибистиқолӣ бунёд шудаанд, дер боз таваҷҷуҳи сайёҳони дохиливу хориҷиро ба худ ҷалб кардаанд ва аз онҳо бояд самаранок истифода бурд.
Коршиносони соҳа набудани рекламаро, ки тавонад имкониятҳои туристии мамлакат, хусусан бахши сайёҳии таърихию фарҳангиро бозгӯ намояд, аз проблемаҳои аввалиндараҷа арзёбӣ мекунанд.
Муродалӣ Ашӯралиев, дотсенти кафедраи туризми Донишкадаи соҳибкорӣ ва хизмат, набудани маълумотҳои пурраи илмиву оммавиро ба забонҳои англисӣ, хитоӣ ва арабӣ дар бораи мавзеъҳои таърихии кишвар яке аз сабабҳои кам рушд кардани ин навъи туризм медонад. Ба гуфтаи ӯ, аксарияти ширкатҳои туристии мамлакат маводҳои рекламавии худро танҳо ба ду забон: тоҷикӣ ва русӣ паҳн мекунанд. Ин дар ҳолест, ки айни замон сайёҳони зиёда аз 80 мамлакати олам аз ҷумҳурӣ дидан мекунанд.
Дар робита ба ин, воситаҳои ахбори оммаи кишвар метавонанд дар тарғиби мавзеъҳои туристӣ саҳми бориз гузоранд. Ҳамин аст, ки мамолики пешрафтаи ҷаҳон барои ҷалби сайёҳон аз ВАО самаранок истифода мебаранд.  Мутаассифона, дар Тоҷикистон рекламаҳое, ки аз тариқи ВАО дар бораи ёдгориҳои таърихӣ пахш мешаванд, ҳатто барои аҳолии дохилӣ басанда нестанд. Зеро аз рӯи мушоҳидаҳо қисми зиёди аҳолии мамлакат дар бораи чунин мавзеъҳо маълумоти кофӣ надоранд. Дар сурати надоштани маълумоти зарурӣ мо наметавонем имкониятҳои туристии мамлакатро ба сайёҳони хориҷӣ муаррифӣ намоем.
Ба ҷуз ин, мутахассисон дар наздикии минтақаҳои туристӣ бунёди деҳаҳои хурди намоишии қадимӣ  ва бозорҳои бостонии шарқиёнаро  зарур меҳисобанд. Ҳамчунин, ба ақидаи коршиносон, барои ҷалби сайёҳон дар қалъаҳои Ҳисор, Ямуч ва амсоли инҳо гузоштани  намоишҳои театрӣ, ки бозгӯи таърихи онҳо бошанд, ба манфиати кор хоҳад буд.
Комрон САФАР,  “Ҷумҳурият”


Баёни ақида (0)    Санаи нашр: 10.07.2017    №: 143    Мутолиа карданд: 1932

15.02.2019


ШАМШЕРБОЗӢ. ИШТИРОКИ ВАРЗИШГАРОНИ МО ДАР ЧЕМПИОНАТИ КУШОДИ ОСИЁИ МАРКАЗӢ

ҶАҲОН ДАР ЯК САТР

Дар Душанбе ташкили низоми муттаҳидаи мудофиаи зиддиҳавоӣ баррасӣ шуд

Дар чор сол муомилоти мол байни Тоҷикистону Ӯзбекистон 19 маротиба афзуд

Медведев: «Таҳримоти ИМА ба иқтисоди Россия таъсири чандон бузург расонда наметавонад»

Пентагон. ИМА аз Афғонистон ҳамроҳи иттифоқчиёнаш меравад

13.02.2019


2018. Сиёсати хориҷии Тоҷикистон пурбарор буд

КОРРУПСИЯ. 2047 ҷиноят ошкор гардид

САНОАТ. Беш аз 10 миллиард сомонӣ маҳсулот содирот шуд

САРМОЯИ МУСТАҚИМ. Воридот дар ҳоли афзоиш аст

ОБ. Таъминоти аҳолӣ рӯ ба беҳбудӣ дорад

АВҶИ ОБОДКОРИҲО ДАР ШАҲРИ ТУРСУНЗОДА

12.02.2019


АКАДЕМИЯИ ИЛМҲО АЗ КАШФИЁТИ НАВ ТО САНОАТИ ДОРУСОЗӢ

КӮЛОБ. Содироти 825 тонна маҳсулоти кишоварзӣ

ДАНҒАРА. Саноатикунонӣ вусъат мегирад

ФУРУДГОҲҲОИ БАЙНАЛМИЛАЛӢ. Сатҳи хизматрасонӣ рӯ ба беҳбудӣ дорад

ДДК. Авлавият ба сатҳи касбият ва таълим

САДА. Тантанаи ҷашни миллӣ дар ноҳияи Шамсиддини Шоҳин

11.02.2019


ВАЗОРАТИ ФАРҲАНГ. 2018 - соли муваффақиятҳо буд

КУМИТАИ РУШДИ САЙЁҲӢ. Беш аз 1 миллион сайёҳ ба Тоҷикистон омад

МТС. Ҳамкориҳо бо Ӯзбекистон густариш меёбанд

ВМКБ. Гумрукчиён ба буҷет 16,9 миллион сомонӣ ворид карданд

ҲИСОР. Саҳми назарраси соҳибкорон дар ободонии шаҳр

НОҲИЯИ РӮДАКӢ. Ҳаҷми истеҳсоли маҳсулот ба 1 миллиард сомонӣ расид

ВАРЗОБ. Таваҷҷуҳи сайёҳон ба нуқтаҳои истироҳатӣ афзудааст

08.02.2019


Вазорати меҳнат, муҳоҷират ва шуғли аҳолӣ. Музди миёнаи меҳнат - 1220 сомонӣ

КУМИТАИ ТЕЛЕВИЗИОН ВА РАДИО. Сифати кори шабакаҳо беҳтар мешавад

КҲФМГ. Офатҳои табиат 34 миллион самонӣ хисорот овард

Саноатикунонӣ дар Шаҳринав

Меъёри бозтамвил ба 14 дарсад поён фаромад

ШАҲРИ ВАҲДАТ. Иҷрои барзиёди андози иҷтимоӣ

ТАНЗИМ. Қонуншиканӣ коҳиш ёфтааст

СОҲИЛ. Корҳои мустаҳкамсозӣ вусъат меёбанд

ДДСТДТ. Авлавият ба рушди ҳунарҳои мардумӣ


Дар сомонаҳои дигари Тоҷикистон хонед