logo

иҷтимоиёт

РӮЗГОРЕ БАРОИ ИБРАТ

Шовалӣ Сайдамиров аз овони мактабхониаш азм мекунад, ки афсар шаваду ба Ватан хизмат намояд.
Бо ҳамин орзуи наҷиб, ӯ ба Омӯзишгоҳи олии ҳарбӣ - сиёсии шаҳри Ленинград (ҳозира Санкт - Петербург) дохил шуда, баъди хатми он солҳои тӯлонӣ дар вазифаҳои гуногуни афсарӣ, аз ҷумла командири полк дар шаҳри Душанбе,  фармондеҳи қӯшунҳои дохилии Вазорати корҳои дохилии Ҷумҳурии Тоҷикистон фаъолият кард.
Ҳамчун фарзанди вафодори Ватан, дар доираи иҷрову садоқат ба савганди ҳарбӣ солҳои муқовимати шаҳрвандӣ дар муҳофизати сохти конститутсионӣ, давлату ҳукумати қонунӣ фаъолона ширкат варзида, ҳангоми иҷрои вазифаҳои хизматию ҷангӣ аз худ шуҷоату қаҳрамонӣ ва мардонагӣ нишон дод. Барои иҷрои содиқонаи вазифаҳои хизматӣ соли 1998 ба ӯ рутбаи генерал-майор дода мешавад. 
Баъдан дар вазифаҳои гуногуни роҳбарикунандаи раёсати корҳои сиёсӣ-тарбиявии Вазорати мудофиа, раёсати фармондеҳи қувваҳои ҳарбӣ - ҳавоӣ ва мудофиаи зиддиҳавоӣ хизмат кард.
Генерал - майор Шовалӣ Сайдамиров дар иҷрои вазифаҳои хизматӣ серталабу сахтгир буда, аз таҷрибаи зиёди андӯхтааш ба афсарони ҷавон сабақ медод. Ӯ доимо барои мустаҳкам кардани интизоми ҳарбӣ, риояи қатъии ойинномаҳои ҳарбӣ ва қонунҳои ҷумҳурӣ саъю кӯшиши зиёд ба харҷ медод ва худ дар ин маврид намунаи ибрат буд. Дар як вақт ӯ ҳамчун роҳбари ботаҷрибаи собиқадор ҳамеша ба афсарону сарбозон ғамхорӣ зоҳир менамуд, бо суҳбату панду андарзҳои ибратомӯз онҳоро ба хизмати содиқонаву ҳифзи Ватан ҳидоят мекард. Ба ин васила дар дили онҳо ҷо гирифт. Аз сарбози қаторӣ сар карда, то афсари олирутба ҳама ӯро эҳтиром менамуданд. 
Барои хизмати тӯлонию бенуқсон ва шоистааш дар сафҳои Қувваҳои Мусаллаҳи Ҷумҳурии Тоҷикистон генерал - майор Шовалӣ Сайдамиров бо чандин мукофот сарфароз мегардад.
Баъдтар, бинобар расидан ба синни ниҳоии дар хизмати ҳарбӣ будан, аз сафҳои Қувваҳои Мусаллаҳи Ҷумҳурии Тоҷикистон ба эҳтиёт рухсат дода мешавад. Вале ӯ ҳамчун ватандӯсти асилу фарзанди вафодори диёр аз хидмат дар  Қувваҳои Мусаллаҳ дур буда наметавонад. Кӯшиш ба харҷ медиҳад, то донишу малака ва таҷрибаи бойи касбиашро ба ҷавонон омӯзад. Ҳоло  ҳамчун яке аз собиқадорони фаъолу пешқадами хизмати ҳарбӣ бо корҳои сиёсию тарбиявӣ ва ҷамъиятӣ машғул буда, узви  вобастаи шӯрои собиқадорони Вазорати корҳои дохилӣ ва шӯрои собиқадорони Вазорати мудофиаи Ҷумҳурии Тоҷикистон мебошад. Фаъолияти пурсамару чашмраси ӯ ва албатта, масъулиятшиносиаш, боиси ифтихори мо - собиқадорон буда, ба манфиати Ватани азиз ва Қувваҳои Мусаллаҳи кишвар мебошад.
Ҳ. ХУДОЙҚУЛОВ, раиси шӯрои собиқадорони Вазорати
мудофиаи Ҷумҳурии Тоҷикистон,
полковники мустаъфӣ

 

 

 


 


Баёни ақида (0)    Санаи нашр: 09.10.2018    №: 199    Мутолиа карданд: 188

15.02.2019


ШАМШЕРБОЗӢ. ИШТИРОКИ ВАРЗИШГАРОНИ МО ДАР ЧЕМПИОНАТИ КУШОДИ ОСИЁИ МАРКАЗӢ

ҶАҲОН ДАР ЯК САТР

Дар Душанбе ташкили низоми муттаҳидаи мудофиаи зиддиҳавоӣ баррасӣ шуд

Дар чор сол муомилоти мол байни Тоҷикистону Ӯзбекистон 19 маротиба афзуд

Медведев: «Таҳримоти ИМА ба иқтисоди Россия таъсири чандон бузург расонда наметавонад»

Пентагон. ИМА аз Афғонистон ҳамроҳи иттифоқчиёнаш меравад

13.02.2019


2018. Сиёсати хориҷии Тоҷикистон пурбарор буд

КОРРУПСИЯ. 2047 ҷиноят ошкор гардид

САНОАТ. Беш аз 10 миллиард сомонӣ маҳсулот содирот шуд

САРМОЯИ МУСТАҚИМ. Воридот дар ҳоли афзоиш аст

ОБ. Таъминоти аҳолӣ рӯ ба беҳбудӣ дорад

АВҶИ ОБОДКОРИҲО ДАР ШАҲРИ ТУРСУНЗОДА

12.02.2019


АКАДЕМИЯИ ИЛМҲО АЗ КАШФИЁТИ НАВ ТО САНОАТИ ДОРУСОЗӢ

КӮЛОБ. Содироти 825 тонна маҳсулоти кишоварзӣ

ДАНҒАРА. Саноатикунонӣ вусъат мегирад

ФУРУДГОҲҲОИ БАЙНАЛМИЛАЛӢ. Сатҳи хизматрасонӣ рӯ ба беҳбудӣ дорад

ДДК. Авлавият ба сатҳи касбият ва таълим

САДА. Тантанаи ҷашни миллӣ дар ноҳияи Шамсиддини Шоҳин

11.02.2019


ВАЗОРАТИ ФАРҲАНГ. 2018 - соли муваффақиятҳо буд

КУМИТАИ РУШДИ САЙЁҲӢ. Беш аз 1 миллион сайёҳ ба Тоҷикистон омад

МТС. Ҳамкориҳо бо Ӯзбекистон густариш меёбанд

ВМКБ. Гумрукчиён ба буҷет 16,9 миллион сомонӣ ворид карданд

ҲИСОР. Саҳми назарраси соҳибкорон дар ободонии шаҳр

НОҲИЯИ РӮДАКӢ. Ҳаҷми истеҳсоли маҳсулот ба 1 миллиард сомонӣ расид

ВАРЗОБ. Таваҷҷуҳи сайёҳон ба нуқтаҳои истироҳатӣ афзудааст

08.02.2019


Вазорати меҳнат, муҳоҷират ва шуғли аҳолӣ. Музди миёнаи меҳнат - 1220 сомонӣ

КУМИТАИ ТЕЛЕВИЗИОН ВА РАДИО. Сифати кори шабакаҳо беҳтар мешавад

КҲФМГ. Офатҳои табиат 34 миллион самонӣ хисорот овард

Саноатикунонӣ дар Шаҳринав

Меъёри бозтамвил ба 14 дарсад поён фаромад

ШАҲРИ ВАҲДАТ. Иҷрои барзиёди андози иҷтимоӣ

ТАНЗИМ. Қонуншиканӣ коҳиш ёфтааст

СОҲИЛ. Корҳои мустаҳкамсозӣ вусъат меёбанд

ДДСТДТ. Авлавият ба рушди ҳунарҳои мардумӣ


Дар сомонаҳои дигари Тоҷикистон хонед