logo

сиёсат

1987. СОЛЕ, КИ ЭМОМАЛӢ РАҲМОНРО ИНТИХОБ КАРДАНД

Машварати оҷилан даъваткардаи бюрои кумитаи партиявии ноҳия бесабаб набуд. Зеро, новобаста аз дастгирии роҳбарони ноҳия, вазъият дар совхози ба номи Ленин беҳбудӣ наёфта, ҳамоно мураккаб боқӣ мемонд. Совхоз аз лиҳози молиявӣ қафомонда буд. Техникаи кишоварзӣ намерасид. Соҳаҳои асосии хоҷагӣ - ғаллакорӣ, пахтакорӣ ва чорводорӣ рӯ ба таназзул ниҳода буданд. Роҳбарияти ноҳия дар бюрои кумитаи партиявӣ баъди машваратҳои тӯлонӣ роҳи ҳалли мушкилотро дар иваз кардани роҳбари хоҷагӣ дарёфтанд.
Онҳо дар интихоби роҳбар хато накарданд. Соли 1987 буд. Бо супориши бюрои кумитаи партиявӣ котиби дуюми кумитаи партиявии ноҳия В. Орешин ба совхози ба номи Ленин омада, бо меҳнаткашон машварат гузаронд. Аҳли заҳмат аз ӯ хоҳиш карданд, ки роҳбари хоҷагиро иваз намоянд, онҳо ҷавони серғайрату ҷасур Эмомалӣ Раҳмонро ба ин вазифа сазовор донистанд. В. Орешин пешниҳоди онҳоро пазируфт.
Дере нагузашта бюрои кумитаи партиявии ноҳия барпо гардид. В. Орешин оид ба вазъи хоҷагӣ ҳисобот дода, пешниҳод намуд, ки инструктори кумитаи партиявии ноҳия Эмомалӣ Раҳмон ба вазифаи директори совхози ба номи Ленини ноҳияи Данғара таъйин карда шавад. Аъзои бюро пешниҳодро пазируфта, қарори дахлдор қабул намуданд. Акнун вазифаи хеле масъулиятнок бар дӯши роҳбари ҷавон афтод. Дар натиҷаи тадбирҳои судманд майдони кишти зироатҳои ғалладонагӣ ва пахта зиёд карда шуд. Аз дигар хоҷагиҳо ба қадри зарурӣ тухмӣ ва тракторҳои шудгоркунанда оварда шуданд. Ҳамон сол обу ҳаво муътадил омада, ҳосили баланди ғалла ва пахта ҷамъоварӣ гардид. Аз ҳисоби фурӯши ғалла, пахта, алафҳои табиӣ, коҳ хоҷагӣ қоматашро рост кард. Дар тӯли 2 соли аввали кор, роҳбари ҷавон тавонист, ки соҳаҳои қафомондаро ба пеш барорад. Соли 1989 гурӯҳи кории олимони соҳаи кишоварзӣ аз ҷумҳуриҳои Русия, Украина ва Беларусия ба ҷумҳурии мо ташриф овард. Мақсади онҳо аз навъҳои нави аълосифати тухмӣ рӯёндани ҳосили баланди гандум дар ноҳияҳои Тоҷикистон буд. Гурӯҳи корӣ барои омӯзиш ба ноҳияҳои Данғара, Темурмалик, Фархор, Ёвон ва Вахшу Кӯшониён сафарбар шуданд. Онҳо дар ҳамбастагӣ бо олимони тоҷик ба хоҷагии ба номи Ленин, ки онро Эмомалӣ Раҳмон роҳбарӣ мекард, омаданд. Олимони соҳаи ғаллакорӣ аввалин шуда, корҳои таҷрибаомӯзиро аз ҳамин хоҷагӣ оғоз намуданд. Онҳо шудгори заминро бо тракторҳои шудгоркунандаи азимҷуссаи Т-150 - 75, Т- 54 сар карда, чуқурии онро ба 40 см расонданд. Ҳамаи 50 гектар заминро хушсифат шудгор карда, ба ҳар гектар замин ба ҳисоби миёна аз 3 то 3,5 миллион донаи навъи хушсифат кориданд, ки ин ба ҳар гектар 180 килограммӣ рост омад.
Олимони соҳа маслиҳат доданд, ки бояд ба як метри мукааб 370 дона тухмӣ кишт шавад. Аз меъёри муқаррарӣ зиёд коштани дона, ба паст шудани ҳосил сабаб мегардад. Бо маслиҳати олимони соҳа, баъди коштани тухмӣ, қабати болоии заминро аз ҳисоби партовҳои нафтӣ (обработка) пурра пӯшонданд. Зеро зироати гандум дар чуқурии хок ҳам оксиген нафас гирифта, аз худ гази карбон хориҷ мекунад. Баъди неш задани тухмӣ ба замин ба миқдори муқаррарӣ нуриҳои фосфорӣ, минералӣ ва азотӣ доданд. Натиҷаи таҷрибаомӯзии олимони соҳа нишон дод, ки дар ҷамъоварии ҳосил, ҳосилнокӣ аз ҳар гектар замини лалмӣ 40 - 45 сентнерро ташкил дода, дар ҷумҳурӣ натиҷаи рекордӣ ба ҳисоб меравад. Совхоз на ин ки нақшаи ғалларо пурра таъмин кард, балки ҳосили бесобиқа ба даст овард.
Аз ин рӯ, минбаъд майдони ғалла сол ба сол васеъ карда шуд. Аз ҳисоби даромади соҳаи ғаллакорӣ соҳаи пахтакорӣ низ дар хоҷагӣ тараққӣ кард. Соли 1990 дар совхоз зиёда аз 100 тонна пахтаи хушсифат ҷамъоварӣ гардид. Ҳосилнокӣ аз ҳар як гектар ба 50 сентнерӣ расонда шуд. Вале роҳбари кордону пуртаҷриба, пахтаи хоми саноатиро ба пунктҳои қабул насупурд. Роҳбарони ноҳияро бовар кунонд, ки пахтаи хоҷагиро бо нархи биржаи ливерпулӣ ба фурӯш бароварда, буҷети хоҷагиро беҳтар мекунад. Вале ин ба осонӣ муяссар намешуд. Зеро барои фурӯши он берун аз ҷумҳурӣ литсензия гирифтан зарур буд. Довталабони фурӯши пахта дар ҷумҳурӣ хеле зиёд буданд. Роҳбари хоҷагӣ дар муҳлати кӯтоҳ литсензияро дастрас карда, пахтаи хоҷагиро бо нархи биржаи ливерпулӣ ба фурӯш баровард. Ҳамон сол даромади софи хоҷагӣ аз ҳисоби фурӯши ғалладона, пахта, соҳаи чорводорӣ ва пашму пӯст ба 1 миллиону 500 ҳазор сӯми шӯравӣ баробар шуд, ки ин зиёда аз 2 миллион доллари ИМА - ро ташкил дод. Аз ин ҳисоб зиндагии мардуми заҳматкаш давра ба давра беҳтар гардида, ба хоҷагӣ техникаҳои нави ғалладарав, шудгоркунанда ва пахтакорӣ ворид гардид. Аз ҳисоби даромади хоҷагӣ аввалин шуда, дар ҷумҳурӣ 100 сар чорвои калони шохдори зоти кострома аз Русия харидорӣ ва ба фермаҳои хоҷагӣ оварда шуданд.
Совхози ба номи Ленини ноҳияи Данғара дар соҳаи ғаллакорӣ, чорводорӣ ва пахтакорӣ дар ҷумҳурӣ ба яке аз хоҷагиҳои номдор табдил ёфт. Эмомалӣ Раҳмон дар кишвар ҳамчун олими ҷавони соҳаи кишоварзӣ эътироф ва дар миёни мардум роҳбари хоксору кордон муаррифӣ шуд.
Натиҷаи ҳамин дастовардҳои меҳнатӣ буд, ки соли 1991 оммаи васеи халқ ӯро дар ҳавзаи интихоботии № 172 ҳамчун номзади арзанда ба вакилии мардумӣ дар Маҷлиси Олӣ пешбарӣ намуданд. Дуои падару модар ва пирони рӯзгордида буд, ки ӯ дар интихобот аз байни даҳ номзад ғолиб омад. Бо фитрати азалияш то ба мақоми Сарвари давлат расид. Дар вазъи бисёр ҳассосу печида зимоми идораи давлатро ба уҳда гирифт. Бо иродаи қавӣ ва садоқати бемисл ба халқу Ватани азизи хеш вориди корзор шуд. Тавонист, ки давлату миллаташро аз нестшавӣ нигоҳ дорад ва ба шоҳроҳи тараққиёт ворид созад.
Холназар КАСИРОВ, «Ҷумҳурият»


Баёни ақида (0)    Санаи нашр: 16.11.2018    №: 223 - 224    Мутолиа карданд: 243

05.12.2019


Беш аз ду тонна доруворӣ ба коми оташ рафт

Фестивали филм ва мусиқии Руминия дар Тоҷикистон

Боздиди Рустами Эмомалӣ аз шаҳри Самарқанд

Дар Афғонистон шоҳасари Бобоҷон Ғафуров “Тоҷикон” чоп шуд

Макрон изҳороти НАТО оид ба «таҳдиди русӣ» - ро зери шубҳа гузошт

Боздошти муовини собиқ сарвари «ДИ» Ал - Бағдодӣ дар Ироқ

Андрей шевченко дар мураббигӣ низ муваффақ аст

Ҷаҳон дар як сатр

04.12.2019


Тақвияти ҳамкориҳо дар мубориза бар зидди терроризму экстремизм матраҳ гардид

Ҷаласаи гурӯҳи корӣ оид ба таҳияи намоишгоҳ бахшида ба мероси муштараки фарҳангии Роҳи абрешим баргузор шуд

Китоби Президенти Тоҷикистон Эмомалӣ Раҳмон дар Теҳрон рӯнамоӣ мешавад

Мирзиёев раиси шаҳри Душанбе Рустами Эмомалиро ба ҳузур пазируфт

Департаменти давлатӣ: «ИМА Россияро маблағгузори терроризм намешуморад»

Ҳукумати Албания хисороти заминҷунбии мудҳишро ҳисоб намуд

Москва ва Киев созишномаи 10 – солаи таҳвили нафтро ба имзо расонданд

Ҷаҳон дар як сатр

03.12.2019


Дар пойтахт барӯйхатгирии аҳолӣ ва фонди манзил гузаронда мешавад

Дар майдони «Дӯстӣ» арчаи солинавӣ қомат меафрозад

«Лолаи тиллоӣ» синамогарони тоҷикро ба ҳам овард

Дар Британия намояндагии маҳфили “Ҷавонони дар хориҷи кишвар таҳсилдошта” ифтитоҳ ёфт

Россия ва Беларус қисме аз ваколатҳоро ба ҳукумати ягона медиҳанд

Олимон суду зиёни қаҳванӯширо ном бурданд

Ҷаҳон дар як сатр

САМБО. Медали биринҷии Сорбон дар Қазоқистон

02.12.2019


Дар Бишкек кишварҳои аъзои СААД 15 санад ба имзо расонданд

Эрдуғон кишварҳои арабро ба ёрии Албания даъват намуд

Чин бори нахуст аз ҷиҳати миқдори сафорат дар хориҷа ИМА - ро пас гузошт

Сарвазири Украина ба мардуми кишвар тибби ройгонро ваъда дод

Ҷаҳон дар як сатр

ЧЕМПИОНАТИ CAFA – 2019. Бонувони тоҷик соҳиби медали биринҷӣ шуданд

28.11.2019


НОҲИЯИ АЙНӢ. Боз як маркази нав дар хизмати мардум

27.11.2019


Ҷаласаи Кумитаи тадорукот оид ба омодагӣ ва баргузории ду чорабинии сатҳи байналмилалӣ

Медали биринҷии Сомон аз Ҷопон

Бишкек. Дар ҳамоиши СААД 21 масъала баррасӣ мешавад


Дар сомонаҳои дигари Тоҷикистон хонед