logo

ҳуқуқ

“САЛАФИЯ”. БОЗ ЯК ГУМРОҲ МУҶОЗОТ ШУД

Дар асоси ҳалномаи Суди Олии Ҷумҳурии Тоҷикистон аз 8 феврали соли 2009 фаъолияти равияи динии “Салафия” дар ҳудуди Ҷумҳурии Тоҷикистон манъ шуда, аз 8 декабри соли 2014 барои таъмини ҳимояи асосҳои сохти конститутсионӣ, амнияти кишвар ва ҳуқуқу манфиатҳои қонунии шаҳрвандон, пешгирии фаъолияти экстремистӣ, ҳолатҳои барангехтани кинаю адоват ва низои динию мазҳабӣ равияи динии “Салафия” дар ҷумҳурӣ иттиҳоди экстремистӣ (ифротгароӣ) эътироф шудааст. 
Бо вуҷуди коҳиши шумораи ҷавононе, ки ба гурӯҳҳои террористӣ - экстремистӣ шомил шудаанд, мутаассифона, ҳанӯз ҳастанд нафароне, ки бо ҳар роҳу восита ҷавонони гумроҳро бо ваъдаҳои сохта ба доми фиреби худ меафтонанд. Суди ноҳияи Сино сокини пойтахт Наими Фирӯзро бо моддаи 3073 қисми 2 Кодекси ҷиноятии Ҷумҳурии Тоҷикистон (ташкили фаъолияти ташкилоти экстремистӣ (ифротгароӣ) гунаҳкор донист.
Тавре тафтишоти парванда муайян кард, Наими Фирӯз, тахминан аз соли 2013 таълимоти динии равияи “Салафия”- ро аз Пирназар Мухторов бо тахаллуси “Муҳаммад”, Шуҳрат Партоев (бо ҳукми суд соли 2016 ба муҳлати 5 сол суд шудааст) ва домулло Сироҷиддин (Сироҷиддин Абдураҳмонов), сокинони шаҳри Душанбе, рӯ ба рӯ ва ба воситаи паёмакҳои шабакаи иҷтимоии “Ватсап” омӯхта, онро ҷонибдорӣ намудааст. Номбурда то ин вақт ҳамчун аъзои равияи динии “Салафия” бо ҳаммаслакони худ дар маъракаву маросимҳои мардум ва дар байни омма дар шаҳри Душанбе фаъолона ба ташвиқу тарғиби фаъолияти равияи мазкур ва бартарии он аз дигар мазҳабҳои дар Ҷумҳурии Тоҷикистон расман амалкунанда бо ҳар тарзу восита машғул шудааст. Ӯ таълимоти мазҳаби Ҳанафияро инкор ва тарзи намозгузориашро тағйир дода, дар охири намоз дуои дастаҷамъӣ ва дар қабристонҳо хондани оятҳои Қуръонро бидъат эълон намуда, бо ҳамин роҳ ақидаҳои иттиҳоди экстремистӣ (ифротгароӣ) равияи динии “Салафия” - ро нисбат ба таълимоти мазҳаби суннатии дини ислом, ки ҳазорсолаҳо аз ҷониби мусулмонони Тоҷикистон устувор гардидаанд, мухолиф гузоштааст.
Ҳаракату амалҳои Наими Фирӯз бо дастгир шуданаш тариқи чорабиниҳои фаврӣ наворбардорӣ шудааст, ки тибқи хулосаи ташхиси давлатии диншиносии Кумитаи дин, танзими анъана ва ҷашну маросими назди Ҳукумати Ҷумҳурии Тоҷикистон, тарзи намозхонӣ ва ақидаҳои дар нишондод ва навори фитаи дарҷгардида хоси равияи динии “Салафия” буда, иҷрои ин амалҳо боиси барангехтани кинаву адовати динӣ - мазҳабӣ мегардад.
Суд баъди баррасии парвандаи ҷиноятӣ дар маҷлиси ошкорои судӣ ҳукм кард, ки Наими Фирӯз бо моддаи 3073 қисми 2 Кодекси ҷиноятии Ҷумҳурии Тоҷикистон айбдор дониста шуда, нисбат ба ӯ ҷазои маҳрум сохтан аз озодӣ ба муҳлати 5 сол, бо адо намудани ҷазо дар колонияи ислоҳии низомаш пурзӯр, таъйин карда шавад.
Абдулҳамиди ИСКАНДАРЗОД,
cудяи суди ноҳияи Сино,
Лашкар ШАРИФ, “Ҷумҳурият”


Баёни ақида (0)    Санаи нашр: 04.12.2018    №: 238 - 239    Мутолиа карданд: 150

19.04.2019


Вохӯрии Сироҷиддин Муҳриддин бо Жан - Батист Лемуан

Пойтахт ба таҷлили Рӯзи Ғалаба омодагӣ мебинад

Масоили рушди соҳаи маориф матраҳ гардид

Дар Донишгоҳи давлатии Данғара конфронси ҷумҳуриявӣ доир мешавад

Душанбе варзишгарони 15 кишварро ба ҳам меорад

Ҷаҳон дар як сатр

18.04.2019


ҶОМИ АФК. Пирӯзии "Хуҷанд" ва мусовии "Истиқлол"

МУЪМИНОБОД. 221 иншоот дар се сол

РАШТ. Боғистон доман паҳн мекунад

17.04.2019


БУҶЕТИ ДАВЛАТӢ . Ба қонун иловаҳо ворид шуданд

ДМТ. Як нишасти муҳим

Хонандагони Душанбе пешсафи олимпиадаҳои ҷумҳуриявӣ

Армуғон барои дӯстдорони ҷуғрофия

ҶОМИ ОСИЁ. Паҳлавонони тоҷик соҳиби 5 медал

Ҷаҳон дар як сатр

16.04.2019


Вохӯрии Саидзода Зоҳир Озод бо Аскар Таҷибаев

Баррасии масоили мубрам

Ҳамоиш бахшида ба оғози расмии Солҳои рушди деҳот, сайёҳӣ ва ҳунарҳои мардумӣ

Калонтарин тайёра дар дунё ба ҳаво хест

Дар Қазоқистон онлайн-қаллобон фаъол мешаванд

Дар СММ аз манфиати лоиҳаи «Камарбандҳо ва роҳҳо» сухан рафт

Аз таркиш дар Афғонистон ҳафт кӯдак ҳалок гашт

Филмҳои ду коргардони тоҷик барои Фестивали кинои мусалмонӣ интихоб шуданд

Ҷаҳон дар як сатр

БОКС. Иштироки варзишгарони тоҷик дар Чемпионати Осиё

12.04.2019


Бо иштироки Сарвазири мамлакат дар шаҳри Кӯлоб як қатор иншоот ба истифода дода шуд

Ҷаласаи Шӯрои ҳамоҳангсозони миллии давлатҳои аъзои СҲШ

Форуми байналмилалии рушди сармояи инсонӣ доир мегардад

ЧЕМПИОНАТИ ОСИЁ – 2019 ОИД БА ФУТЗАЛ. Рақибони Тоҷикистон муайян гаштанд

"Кашшофи падидаҳои наврас"

НОҲИЯИ РӮДАКӢ . Сафи соҳибкорони ватандӯст меафзояд

НУРОБОД . Эҳтиром ба шахсиятҳои таърихӣ

Ҷаҳон дар як сатр

11.04.2019


"Тоҷикон" ба забони ӯзбекӣ нашр шуд


Дар сомонаҳои дигари Тоҷикистон хонед