logo

суханрониҳо

Суханронии Эмомалӣ Раҳмон, Сарвари давлати Тоҷикистон, дар нишасти матбуотӣ, бахшида ба натиҷаҳои ҷаласаи ШАД СААД дар ҳайати васеъ, шаҳри Душанбе, 15 сентябри соли 2015

Муҳтарам намояндагони матбуот,
Муҳтарам хонумон ва ҷанобон,
Бо  эътимоди  пурра метавон тасдиқ кард, ки ҷаласаи кунунии Шӯрои амнияти дастаҷамъии СААД  аз нуқтаи назари коркарди муносиботи умумии кишварҳои аъзо нисбат ба мушкилоти муҳими вазъияти муосири байналмилалӣ, баҳодиҳии хусусиятҳои он ва тамоюлҳои пешбарандаи вазъият дар ҷаҳон ва минтақа хеле самаранок буд.
Дар ҷаласаи мазкур фаъолияти Ҷумҳурии Тоҷикистон дар соли 2015 ба ҳайси раиси СААД ҷамъбаст гардид. Қариб дар нуҳ моҳи фаъолият мо кӯшишҳои зиёди имконпазирро барои рушд ва таҳкими иқтидори созмонамон ва  баланд бардоштани сатҳи самаранокии фаъолияти он равона кардем. Ин амал дар чаҳорчӯби Нақшаи татбиқи масоили ҷаласаи декабрии соли гузаштаи Шӯрои амнияти дастаҷамъӣ ва афзалиятҳои  дар давраи раисии мо дар СААД баёншуда доир шуд.
Дар Тоҷикистон ҷаласаи Шӯрои вазирони корҳои хориҷӣ ва мудофиа, Кумитаи котиботи Шӯрои амният, кумитаи ҳарбии созмон гузаронида шуд.
Ҳамзамон дар ин ҷо ҷамъомадҳои гурӯҳҳои кории мақомоти оинномавии СААД   оид ба масоили Афғонистон ва мубориза бо терроризму экстремизм, ҷаласаи Шӯрои ҳамоҳангсозии роҳбарони мақомоти зиддимухаддиротии кишварҳои аъзо, машқҳои  махсуси тактикии ҷузъу томҳои таъйиноти махсуси “Раъд-2015”  муваффақона доир  шуданд.
Санҷиши ногаҳонии омодагии ташкилоти ҳарбии  Неруҳои муштараки вокуниши фаврии СААД дар ҳудуди Тоҷикистон, ки аввалин чорабинии чунин шакл дар таърихи созмони мо буд, доир шуда, сатҳи баланди малакаи ҷангии тамоми ҷузъу томҳоеро, ки ба ҳайати қувваҳои дастаҷамъӣ  шомиланд, нишон дод. Ин иқдом саривақтӣ ва пурра асоснок буда, моро зарур аст, ки таҷрибаи мазкурро идома диҳем.
Дар ҷаласа гуфтугӯи ошкоро дар мавриди ҳамкории мутақобила ва самтҳои афзалиятноки рушди созмон идома ёфт. Роҳбарони кишварҳо диққати заруриро ба хатарҳои ҷаҳонӣ ва минтақавии ба амнияти кишварҳои аъзои СААД таҳдидкунанда ва чораҳои имконпазири дастаҷамъии муқовимат дар дурнамои қобили мушоҳида равона карданд.
Дар ин росто мо ба зарурати ҳамкории ҳақиқӣ дар таҳкими амнияти сарҳадҳои ҷанубии минтақаи созмон, аз ҷумла, қитъаи Тоҷикистону Афғонистон таваҷҷуҳ зоҳир кардем.
Мо як силсила чорабиниҳоеро ба нақша гирифтем, ки ба такмили корҳои мо дар чаҳорчӯби СААД равона гардидаанд. Инҳо - баланд бардоштани омодагии ҷангӣ ва таҷҳизи моддию техникии қувваҳои дастаҷамъӣ ва воситаҳо, зудамалии он, бо ин мақсад гузаронидани машғулиятҳои муштарак ва машқҳо, роҳандозии табодули доимии иттилоот ва маҷмӯи пурраи иқдомоти дигар оид ба таҳкими иқтидори созмон мебошанд.
Ба масоили таҳкими алоқаҳои истеҳсолӣ миёни корхонаҳои саноати мудофиавӣ диққати зарурӣ равона мегардад. Зикр гардид, ки минбаъд низ рушди ҳамаҷонибаи низоми омодагӣ ва бозомӯзии  мутахассисони касбии артиш, хадамоти махсус, сохторҳои сарҳадӣ, мақомоти ҳифзи ҳуқуқ ва идораҳо оид ба бартараф кардани оқибатҳои ҳолатҳои фавқулода ҳамчун самти   афзалиятноки ҳамкории стратегии мо бояд боқӣ монад.

 


Баёни ақида (0)    Санаи нашр: 17.09.2015    №: 188    Мутолиа карданд: 945
11.06.2021


СУҒД. НАПАРДОХТАНИ ҲАҚҚИ ИСТИФОДАИ ОБ МУШКИЛИ ҲАЛТАЛАБ БОҚӢ МЕМОНАД

08.06.2021


ҲИСОР. Муовини Сарвазир аз иншооти ҷашнӣ дидан кард

КИТОБХОНАҲОИ ХУРДИ САЙЁР ТАҶРИБАИ НАВ ДАР РОҲИ ДОНИШАНДӮЗӢ

САЙЁҲӢ. БАРРАСИИ МАСОИЛИ РУШД МИЁНИ ҶУМҲУРИҲОИ ТОҶИКИСТОН ВА ӮЗБЕКИСТОН

ИҶТИМОИЁТ. НИЁЗМАНДОН ҲАМЕША МАВРИДИ ТАВАҶҶУҲАНД

ТОҶИКИСТОН ВА ӮЗБЕКИСТОН. УФУҚҲОИ НАВИ ҲАМКОРӢ

МАРАФОНИ ВЕЛОСИПЕДРОНӢ БАРГУЗОР МЕШАВАД

«ҶУМҲУРИЯТ» ДАР КОБУЛ. СИПОСИ ЛАШКАРӢ БА РӮЗНОМАИ № 1- И ТОҶИКИСТОН

04.06.2021


ФУТЗАЛ

Путин бори дигар шаҳрвандонро ба эмгузаронӣ даъват намуд

Ҷаҳон дар як сатр

10 ДОВТАЛАБИ БЕҲТАРИН

03.06.2021


ВКХ Чин: «Муносиботи Чин бо Россия дар сатҳи олӣ қарор дорад»

КИТОБИ КОРМАНДИ «ҶУМҲУРИЯТ» БА ЗАБОНИ ӮЗБЕКӢ НАШР ШУД

МИНТАҚАИ КӮЛОБ. ГУРӮҲИ ТАБЛИҒОТӢ НАЗДИКИ 50 ВОХӮРӢ АНҶОМ ДОД

02.06.2021


Лавров: «Россия ба иқдомҳои муғризонаи ИА аксуламал нишон медиҳад»

ҶАҲОН ДАР ЯК САТР

ДАНҒАРА. ҲАДАФ: ҲИФЗИ ҲУҚУҚИ КӮДАКОН

26.05.2021


ЁДБУДИ НАФАСБЕК РАҲМОНӢ

28 май Путин бо Лукашенко вомехӯрад

Ҷаҳон дар як сатр

БОКС

ШУНАВАНДАГОНИ КУРСИ “ЗАН - САРВАР” - И ВМКБ СОҲИБИ ШАҲОДАТНОМА ГАРДИДАНД

25.05.2021


Р А Ш Т. ЁРӢ БА ЗАРАРДИДАГОНИ ВИЛОЯТИ ХАТЛОН

21.05.2021


"ШАБЕ ДАР ОСОРХОНА"-И МИЛЛИИ ТОҶИКИСТОН

ҶАЛАСАИ ШӮРОИ ВАЗИРОНИ КОРҲОИ ХОРИҶИИ СААД

19.05.2021


ВОХӮРИИ СИРОҶИДДИН МУҲРИДДИН БО ВЛАДИМИР МАКЕЙ

ДАСТРАСӢ БА ИТТИЛООТИ СУДӢ. ҚАБУЛИ ЛОИҲАИ ҚОНУНЕ, КИ МАҚОМОТИ СУДИРО БА ВАО НАЗДИК МЕСОЗАД

ИЗҲОРОТИ ПРЕЗИДЕНТИ РОССИЯ ВЛАДИМИР ПУТИН

ҶАҲОН ДАР ЯК САТР

ФУТБОЛ. ҲАЙАТИ ТИМИ МИЛЛӢ МУАЙЯН ШУД

18.05.2021


ҶАЛАСАИ ШӮРОИ ВАЗИРОНИ КОРҲОИ ХОРИҶИИ СААД БАРГУЗОР МЕШАВАД

ХОВАЛИНГ. ИШТИРОКИ 780 ПАҲЛАВОН ДАР ГӮШТИИ ҶУМҲУРИЯВӢ

ВАРЗИШИ САБУК

ӮЗБЕКИСТОН 10 ИФРОТГАРОРО МЕҶӮЯД


Дар сомонаҳои дигари Тоҷикистон хонед