logo

иқтисод

МУҲИТИ ЗИСТ ВА ЭКОЛОГИЯ. ТАДБИРҲОИ ЗАРУРӢ АНДЕШИДА МЕШАВАНД

Маҳз бо мақсади ҳифзу нигоҳдории захираҳо, махсусан захираҳои обӣ, Президенти мамлакат муҳтарам Эмомалӣ Раҳмон пайваста таъкид менамоянд, ки онҳо оқилона истифода бурда шаванд.

Сарвари давлат аз минбари баланди Созмони Милали Муттаҳид ҷомеаи ҷаҳонро ба оқилона истифода кардани сарватҳои табиӣ даъват намуданд. Оғози татбиқи ташаббуси байналмилалии Президенти кишвар оид ба Даҳсолаи байналмилалии амал «Об барои рушди устувор, солҳои 2018 - 2028», ки дар Маҷмаи умумии СММ сурат гирифт, бори дигар Тоҷикистони азизро ҳамчун кишвари ташаббускор муаррифӣ намуд. Илова бар ин, бо истифода аз фурсат, яъне дар ҳоле ки соири кишварҳои олам ба татбиқи ташаббусҳои ҷаҳонии Тоҷикистон шурӯъ карданд, соли 2018 – Соли рушди сайёҳӣ ва ҳунарҳои мардумӣ ва баъдан солҳои 2019 - 2021 - Солҳои рушди деҳот, сайёҳӣ ва ҳунарҳои мардумӣ эълон гардиданд, ки ин нишони хиради олӣ ва дурбинонаи муҳтарам Эмомалӣ Раҳмон буда, бешубҳа, барои пешрафти ин се бахши ба ҳам алоқаманд дар ростои амалишавии барномаи нави ҷаҳонии Тоҷикистон имконпазир хоҳад буд.
Ҳифзи муҳити зист, захираҳои об, истифодаи оқилонаи сарватҳои табиӣ дар баробари татбиқи ҳадафҳои стратегӣ, ки дар барномаи пешазинтихоботии Президенти Ҷумҳурии Тоҷикистон зикр ёфтаанд, аз самтҳои афзалиятнок ба ҳисоб рафта, дар давоми ҳафт сол дар ин самтҳо навгониҳои куллӣ ба вуқӯъ пайвастанд. Мақомоти давлатии ҳифзи муҳити зисти Ҷумҳурии Тоҷикистон ба яке аз сохторҳои асосии Ҳукумати Тоҷикистон табдил ёфт. Корҳои ташкилию сохтории мақомот беҳтар гардида, барои устувор гаштани назорати давлатӣ ва баланд бардоштани сатҳу сифати ҳифзи табиат мусоидат намуданд. Қонунгузории соҳаи ҳифзи муҳити зист ва экология мукаммал гардида, дар доираи он бисёр масъалаҳои экологӣ ҳалли худро ёфта истодаанд. Пешгирӣ аз вайрон гаштани мувозинати экологӣ, васеъ гардидани майдони дарахтону ҷангалзор, тоза нигоҳ доштани захираҳои обӣ, беҳдошти муҳити зист, вазъи экологӣ аз ин ҷумлаанд. Муҳимтар аз ҳама, беш аз 50 дарсади аҳолии кишвар бо оби тозаи нӯшоӣ таъмин гардид.
Баҳри иҷрои супоришу ҳидоятҳои Президенти мамлакат муҳтарам Эмомалӣ Раҳмон оид ба ҳифзи муҳити зист тавассути ободониву созандагӣ, тозагию кабудизоркунии шаҳру деҳоти ҷумҳурӣ Кумитаи ҳифзи муҳити зисти назди Ҳукумати ҷумҳурӣ тавонист мавқеи фаъол ишғол намуда, бо ҷалби аҳолӣ, ташкилотҳои ҷамъиятию экологӣ, донишҷӯёну хонандагон ва ҷомеаҳои меҳнатӣ аксияҳои «Тозагии соҳил», «Тозагии маҳал» ва ҳашарҳои умумии шаҳру ноҳияҳоро мунтазам ташкил намояд, ки ин сатҳи донишу таҷриба ва маърифати экологии аҳолиро боз ҳам беҳтар сохт. Тайи солҳои 2013 - 2020 ҳамкории мақомоти ҳифзи муҳити зист бо ташкилоту созмонҳои байналмилалӣ, махсусан бо котиботи конвенсияҳои СММ барои таъмини риояи меъёрҳои экологӣ ва баланд бардоштани сифати муҳити зист, ҳамчунин, васеъ намудани доираи имконот ҷиҳати дастрасӣ ба иттилооти экологӣ роҳи нав кушод. Дар ин давра «Стратегияи миллӣ оид ба кам кардани истифодаи моддаҳои вайронкунандаи қабати озон барои солҳои 2015 - 2020» ва се Тафсири миллии Ҷумҳурии Тоҷикистон оид ба тағйирёбии иқлим қабул ва амалӣ, Стратегияи мутобиқшавӣ ба тағйирёбии иқлим таҳия ва қабул гардиданд. Айни ҳол, Тафсири чаҳоруми миллии Ҷумҳурии Тоҷикистон оид ба тағйирёбии иқлим таҳия гашта истодааст.
Ба ин нигоҳ накарда, дар самти беҳдошти муҳити зист ва экология ҳанӯз проблемаҳои ҳалталаб хеле зиёданд. Коҳиш додани партовҳои корхонаҳои саноатӣ, истифодаи оқилонаи об ва энергия, мубориза бо биёбоншавӣ ва ҳифзи замин, мониторинги обшавии пиряхҳо, ҷалби бештари маблағгузории ватанию хориҷӣ дар татбиқи лоиҳаҳои минтақавӣ ва байналмилалӣ дар самти тағйирёбии иқлим, ба роҳ мондани коркарди такрории партовҳои саноатӣ ва сахти маишӣ ва ҳалли мушкилоти дигари экологӣ аз Ҳукумати мамлакат ва роҳбарону масъулони нави Кумитаи ҳифзи муҳити зист кӯшишу талошҳои зиёдро тақозо менамояд.

Оҳистамоҳ ВАФОБЕК, “Ҷумҳурият”


Баёни ақида (0)    Санаи нашр: 22.10.2020    №: 209    Мутолиа карданд: 331
15.01.2021


ҶАМЪБАСТИ ОЗМУНИ “ОМӮЗГОРИ СОЛИ ТОҶИКИСТОН – 2020”

ҶАЛАСАИ СИТОДИ КОРӢ ОИД БА ТАҶЛИЛИ 30-СОЛАГИИ ИСТИҚЛОЛИЯТИ ДАВЛАТӢ БАРГУЗОР ШУД

МАОРИФ. НАТИҶАГИРӢ АЗ ФАЪОЛИЯТИ ВАЗОРАТ

НАВИДҲОИ ФАРҲАНГ

ТОҶИКИСТОН. БОЗ ЯК ШИРКАТ БА БОЗОРИ САЙЁҲӢ ВОРИД ГАРДИД

РӮЙДОДҲОИ ИЛМӢ

12.01.2021


 ҶДММ «ММК АГРО» МАЙДОНИ ГАРМХОНАИ ИННОВАТСИОНИРО МЕАФЗОЯД

 РАШТ: МУЛОҚОТИ  РАИСИ  МАҶЛИСИ НАМОЯНДАГОН  БО  ИНТИХОБКУНАНДАГОН

 ШАҲРИ ГУЛИСТОН: АВҶИ СОХТМОНИ ИНШООТИ ҶАШНӢ

 ТАФСИЛОТИ ЯК ҶИНОЯТ. Ё ЧАРО «ҚОЗӢ»-И АВФШУДА ПАСИ ПАНҶАРА РАФТ?

 ТАЪСИСИ КОРХОНАИ НОДИРИ ИЛМИВУ ИСТЕҲСОЛӢ

 ТАЪМИНИ МАРКАЗҲОИ ИЛМӢ ВА МУАССИСАҲОИ ТАЪЛИМӢ БО РЕАКТИВҲОИ КИМИЁӢ

 ПЕШНИҲОДИ БОСТОНШИНОСОН БА ЮНЕСКО

08.01.2021


ВОХӮРИИ МАҲМАДТОИР ЗОКИРЗОДА БО СОКИНОНИ НОҲИЯИ САНГВОР

ДАВРИ ҶУМҲУРИЯВИИ ОЗМУНИ «МУРАББИИ СОЛИ ТОҶИКИСТОН – 2020» ОҒОЗ ГАРДИД

НАВИДҲОИ ФАРҲАНГӢ

МИЁНИ ТОҶИКИСТОНУ ӮЗБЕКИСТОН БОЗ ЯК БУНГОҲИ НАЗОРАТӢ КУШОДА ШУД

ҶАҲОН ДАР ЯК САТР

ДУШАНБЕ. ОЗМУНИ МАЪРИФАТАФЗО ҶАМЪБАСТ ШУД

БМТ АЗ ИҚДОМИ НАҶИБИ САРВАРИ ДАВЛАТ ҶОНИБДОРӢ КАРД

07.01.2021


ДАНҒАРА. ВУСЪАТИ КОРҲОИ НИҲОЛШИНОНӢ

ВАРЗИШ

САТҲИ ҶАҲОНИИ ФАҚР БОРИ АВВАЛ ДАР 22 СОЛИ ОХИР БОЛО РАФТ

ҶАҲОН ДАР ЯК САТР

РУЙДОДҲОИ ИЛМӢ

06.01.2021


ТАҚДИМИ ТЕХНИКА БА КИШОВАРЗОНИ НОҲИЯҲОИ ДЕВАШТИЧ ВА ШАҲРИСТОН

СУҒД. 92 ИНШООТИ ТАНДУРУСТӢ БА ИСТИФОДА ДОДА ШУД

ҲАР КӢ ХАНДОНАД ЯТИМИ ХАСТАРО...

ПУТИН ВА МЕРКЕЛ МАСЪАЛАИ ИСТЕҲСОЛИ ВАКСИНАИ ЗИДДИ COVID-19 - РО БАРРАСӢ КАРДАНД

ҶАҲОН ДАР ЯК САТР

05.01.2021


ҶАҲОН ДАР ЯК САТР

МАЪМУРИЯТИ БАЙДЕН НИЯТИ БО РОССИЯ ДОИР БА ССҲ БА МУВОФИҚА РАСИДАН ДОРАД

WORLD JUDO MASTERS

ОЗМУНИ ҶУМҲУРИЯВИИ «КИТОБИ СОЛ – 2020». ҒОЛИБОН МУАЙЯН ШУДАНД

04.01.2021


ХОВАЛИНГ БА ҶАШНИ 30 - СОЛАГИИ ИСТИҚЛОЛИЯТИ ДАВЛАТӢ ОМОДА МЕШАВАД


Дар сомонаҳои дигари Тоҷикистон хонед