logo

иқтисод

ТАНТАНАИ ҶАШНИ МЕҲРГОН

Дар маркази маъмурии вилояти Хатлон – шаҳри Бохтар яке аз ҷашнҳои қадимаи мардуми тоҷик – Меҳргон бо намоиши маҳсулоти кишоварзӣ, шолӣ, биринҷ ва озмуни «Оши палов» таҷлил гардид.

Раиси вилоят Қурбон Ҳакимзода аз намоиши техникаи кишоварзӣ, маҳсулоти кишоварзию саноатӣ, маҳсулоти нонӣ, ҳунарҳои мардумӣ ва сайёҳӣ маҳорати ошпазҳо дидан намуд.
Қурбон Ҳакимзода, ҳамчунин, ба ғолибони озмуни «Сабзирезакуни беҳтарин», «Ошпази беҳтарин» ва «Ошхӯри беҳтарин» ҳадяҳои мақомоти иҷроияи ҳокимияти давлатии вилоятро тақдим карда, гуфт, ки Асосгузори сулҳу ваҳдати миллӣ –  Пешвои миллат муҳтарам Эмомалӣ Раҳмон дар яке аз суханрониҳояшон иброз доштанд: «Меҳргон иди ҷамъоварии ҳосили рӯёндаи деҳқон, иди фаровонӣ, шодию нишот, дӯстию рафоқат, ваҳдату ягонагӣ ва меҳру садоқат аст». Дарвоқеъ, Меҳргон дар радифи пуршукӯҳтарин ҷашнвораҳои аҷдодии мардуми форсизабон қарор дошта, рамзи тирамоҳи зарнисор, айёми ҷамъоварии ҳосили бо арақи ҷабин коштаи марди деҳқон мебошад.
- Кишоварзони шаҳру ноҳияҳои вилоят дар асоси таъкидҳои пайвастаи Сарвари давлат муҳтарам Эмомалӣ Раҳмон соли равон заминро мақсаднок истифода бурда, ҳосили фаровон ба даст меоваранд,- афзуд Қурбон Ҳакимзода.
Тибқи омори расмӣ, тайи нуҳ моҳи соли равон кишоварзон дар майдони 426 ҳазору 318 гектар зироатҳои кишоварзӣ киштанд. Дар ҳамаи бахшҳои хоҷагидорӣ 824 078 тонна ғалла, 1 235 906 тонна сабзавот, 531 641 тонна полизӣ, 261 933 тонна мева ва ангур истеҳсол гашт. Дар шаҳру ноҳияҳои вилоят 1218 гектар боғу токзорҳои нав, аз ҷумла дар заминҳои лалмӣ 891 гектар боғ бунёд ёфта, иҷрои нишондиҳандаи Барномаи рушди соҳаи боғу токпарварӣ дар Ҷумҳурии Тоҷикистон барои солҳои 2016 – 2020  101,2 дарсад таъмин гардид. Дар ин давра 235 гектар боғ ва 67 гектар токзор барқарор шуд.
Бо мақсади таъмини аҳолӣ бо сабзавоти тару тоза дар мавсими кишти солҳои 2019 - 2020 дар майдони беш аз 753 гектар гармхонаҳои доимоамалкунанда ва мавсимӣ фаъолият намуда, аз ҳисоби гармхонаҳо 207 ҳазору 98 тонна маҳсулоти кишоварзии барвақтӣ, хусусан помидор ва бодиринг, истеҳсол гардида, дар бозорҳои дохили кишвар ба фурӯш бароварда шуд, ки ҷиҳати ба танзим даровардани нарх дар бозори истеъмолӣ мусоидат кард.
Раиси вилоят, махсусан, саҳми кишоварзонро дар давраи пандемияи коронавирус таъкид намуда, иброз дошт, ки онҳо дар ин давраи вазнин киштукорро вусъат бахшида, нагузоштанд, ки норасоии маҳсулоти озуқаворӣ ё болоравии нархи он ба миён ояд.
Дар қисмати фарҳангии чорабинӣ ба ғолибони озмуни «Беҳтарин намоиши ҷашнӣ» (Кӯшониён ҷои якум, Данғара ҷои дуюм, Фархор ҷои сеюм), «Намоиши шолӣ ва биринҷ» (Қубодиён ҷои якум, Ҷайҳун ҷои дуюм, Хуросон ҷои сеюм), озмуни «Оши палов» (Ёвон ҷои якум, Кӯлоб ҷои дуюм, Ҷалолиддини Балхӣ ҷои сеюм) ҷоизаҳо супурда шуданд.
Дар ин бора ба «Ҷумҳурият» Носирҷон Маъмурзода, мудири шуъбаи иттилоотию таҳлилии дастгоҳи раиси вилоят, хабар дод.

Кароматулло АТО,
 «Ҷумҳурият»


Баёни ақида (0)    Санаи нашр: 22.10.2020    №: 209    Мутолиа карданд: 313
26.01.2021


 ПАЁМИ ПРЕЗИДЕНТИ ҶУМҲУРИИ ТОҶИКИСТОН БА МАҶЛИСИ ОЛИИ ҶУМҲУРИИ ТОҶИКИСТОН

 ҶАЛАСАИ ШӮРОИ НОЗИРОН ОИД БА МАСЪАЛАҲОИ МИНТАҚАҲОИ ОЗОДИ ИҚТИСОДӢ БАРГУЗОР ГАРДИД

 ВОХӮРӢ БО САФИРИ АРАБИСТОНИ САУДӢ

 «ТОҶИКОН» БА НОҲИЯИ ЛАХШ РАСИД

 НАШРИ КИТОБНОМАИ ШАРҲИҲОЛИИ БОҚӢ РАҲИМЗОДА

 «ҒУНЧАҲОИ ХАТЛОН»

 МУРОҶИАТИ ШАҲРВАНДОН. БЕЭЪТИНОӢ НИСБАТ БА ОН БОИСИ ҶАВОБГАРӢ ШУД

 СОХТАКОРӢ. БОЗДОШТИ НАФАРОНЕ, КИ ҲУҶҶАТҲОИ ҚАЛБАКӢ МЕСОХТАНД

 ТАМАЪҶӮӢ ЗАНИ 32 – СОЛАРО БА КУРСИИ АЙБДОРӢ ШИНОНД

22.01.2021


ҶАЛАСАИ XVII ВАЗИРОНИ КОРҲОИ ХОРИҶИИ КИШВАРҲОИ УЗВИ МУКОЛАМАИ ҲАМКОРИҲОИ ОСИЁ

21.01.2021


ДАР КӮЛОБ КОРХОНАИ ИСТЕҲСОЛӢ БА ИСТИФОДА ДОДА ШУД

ҶАЛАСАИ ҶАМЪБАСТИИ НАТИҶАҲОИ РУШДИ ИҶТИМОИЮ ИҚТИСОДИИ ВИЛОЯТИ ХАТЛОН

ВАҚТИ ПАЙВАНДИ ИЛМ БО АМАЛ АСТ

НАВИДҲОИ ФАРҲАНГ

ФИФА. ТОҶИКИСТОНРО 14 ДОВАР МУАРРИФӢ МЕКУНАД

НАХУСТИН ФИЛМИ ТОҶИКИЮ БРИТАНӢ АЗ РӮИ ФИЛМНОМАИ АНИСА СОБИРӢ НАВОРБАРДОРӢ МЕШАВАД

ҶАҲОН ДАР ЯК САТР

ДАР РОССИЯ АЗ КОРОНАВИРУС ЗИЁДА АЗ 3 МИЛЛИОН БЕМОР ШИФО ЁФТ

ҶАҲОН ДАР ЯК САТР

ДУ БОЗИИ РАФИҚОНАИ МУНТАХАБИ ТОҶИКИСТОН

КОМЁБИИ ДАСТПАРВАРОНИ МТМУ № 45

РУЙДОДҲОИ ИЛМӢ

19.01.2021


СҶТ-РО ДАСТРАСИИ НОБАРОБАРИ ДАВЛАТҲО БА ВАКСИНА САХТ НИГАРОН НАМУДААСТ

ҶАҲОН ДАР ЯК САТР

ХАТЛОН. СОДИРОТИ БАРЗИЁДИ МАҲСУЛОТИ КИШОВАРЗӢ

“САФЕДДАРА”. ЯТИМОНИ КУЛЛИ ВИЛОЯТИ ХАТЛОН АЗ БЕҲТАРИН МАВЗЕИ САЙЁҲӢ ДИДАН КАРДАНД

ТАҚДИМИ КИТОБИ «ТОҶИКОН» БА СОКИНОНИ НОҲИЯИ ИШКОШИМ

ҲИСОР. ХИЗМАТРАСОНИИ ТИББӢ РӮ БА БЕҲБУДӢ ДОРАД

15.01.2021


ҶАМЪБАСТИ ОЗМУНИ “ОМӮЗГОРИ СОЛИ ТОҶИКИСТОН – 2020”

ҶАЛАСАИ СИТОДИ КОРӢ ОИД БА ТАҶЛИЛИ 30-СОЛАГИИ ИСТИҚЛОЛИЯТИ ДАВЛАТӢ БАРГУЗОР ШУД

МАОРИФ. НАТИҶАГИРӢ АЗ ФАЪОЛИЯТИ ВАЗОРАТ

НАВИДҲОИ ФАРҲАНГ

ТОҶИКИСТОН. БОЗ ЯК ШИРКАТ БА БОЗОРИ САЙЁҲӢ ВОРИД ГАРДИД

РӮЙДОДҲОИ ИЛМӢ

12.01.2021


 ҶДММ «ММК АГРО» МАЙДОНИ ГАРМХОНАИ ИННОВАТСИОНИРО МЕАФЗОЯД


Дар сомонаҳои дигари Тоҷикистон хонед