logo

иқтисод

ДАНҒАРА. ҒАЛАБАИ ПАХТАКОРОН

Пахтакорӣ яке аз соҳаҳои муҳими кишоварзӣ ба ҳисоб рафта, рушди он барои таъмини бахши саноати сабук бо ашёи хом, ташкили ҷойҳои корӣ ва тақвияти иқтисодиёти кишвар нақши калидӣ дорад. Тайи солҳои охир дар ҷумҳурӣ майдони кишти пахта васеъ ва истеҳсоли он ба маротиб зиёд мешавад. Ҳамзамон, парвариши ин зироат ба хоҷагиҳои деҳқонӣ манфиати хуби молиявӣ оварда, барои ғанӣ гардидани буҷети маҳаллӣ низ мусоидат мекунад.

Ба иттилои Ҷамшед Шарифзода, муовини якуми раиси ноҳияи Данғара, пахтакорони зафарпешаи ноҳия дастуру ҳидоятҳои Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмонро дар хусуси оқилона истифода бурдани замин, ҳамчунин, татбиқи барномаи стратегии паст кардани сатҳи камбизоатӣ ва муҳайё намудани ҷойҳои нави корӣ амалӣ намуда, имсол кишти ин зироати сердаромадро 217 гектар зиёд намуда, аз майдони 4 ҳазору 587 гектар, истеҳсоли «тиллои сафед»- ро ба ҷои 8 ҳазору 670 тонна ба 9 ҳазору 500 тонна расонда, дурнаморо ба 110 дарсад иҷро карданд. Ҳосилнокӣ аз ҳар як гектар ба 22 сентнерӣ расонда шуд, ки нисбат ба ҳамин давраи соли гузашта 560 тонна зиёд аст. Дар ин дастоварди баланди меҳнатӣ саҳми хоҷагиҳои деҳқонӣ ва кооперативҳои истеҳсолии «Сомонҷон», «Раҳмонҷон», «Муҳсинҷон», ҷамоатҳои деҳоти Исмат Шарифов, Лолазор ва Сангтӯда назаррас аст.
Дар ҷамъбасти даври сеюми мусобиқа, ки дар маркази вилоят - шаҳри Бохтар баргузор гардид, ноҳияи Данғара бо натиҷаҳои баланди истеҳсолӣ ҷои аввалро соҳиб гардид. Туҳфаҳоро раиси вилоят Қурбон Ҳакимзода ба раиси ноҳияи Данғара Исломиддин Раҳмон супурд.
Дар маҷмӯъ, ноҳияи Данғара дар вилоят дуюмин шуда, аз иҷрои дурнамо мужда расонд. Пахтакорони ноҳия аз тухмиҳои хушсифати навъи «Ирам», «Хатлон - 2014», «Флеш» ва «Суғд» истифода бурда, парваришу нигоҳубини онро хуб ба роҳ монданд. Ба ҳар гектар 250 то 300 килограмм нуриҳои фосфории нитрофос, суперфосфат ва аммофос дода шуд. Ҳамаи тадбирҳои фаровонҳосилӣ, аз ҷумла коркарди байни қаторҳо, обмонӣ ва ғизодиҳӣ дар асоси меъёрҳои агротехникӣ гузаронда шуда, бар зидди ҳашаротҳои зараровар дар асоси тавсияҳои мутахассисони соҳа аз заҳрҳои кимиёвӣ истифода бурда шуд.
Сари вақт таъмин намудани кишоварзон бо оби полизӣ, яке аз омилҳои асосии иҷрои дурнамои пахта гардид. Пахтакорон имсол аз об танқисӣ накашиданд. Идораи беҳдошти замин ва обёрии ноҳия бо роҳбарии Абдулло Муқимов ва Муассисаи давлатии нақби оби Себистон сардораш Файз Одинаев хоҷагиҳои пахтакорро бо воситаи каналҳо, заҳбуру заҳкашҳо аз аввали мавсим то ҷамъоварии ҳосил бо об таъмин намуда, дар иҷрои дурнамо саҳми калон гузоштанд.
Ҷамшед Шарифзода гуфт, ки имрӯзҳо дар қитъаҳои пахта 287 хоҷагии пахтакор ва 3,5 ҳазор чинакчӣ баҳри иҷрои уҳдадориҳо талош доранд. Деҳқонон аз рӯзҳои офтобии фасли тирамоҳ самаранок истифода бурда, рӯзе ба нуқтаҳои қабул зиёда аз 100 тонна пахтаи хушсифат месупоранд. Ба ҳар кило пахтаи чидашуда, ба чинакчиён аз 50 то 70 дирам музди меҳнат медиҳанд.
Маҷмааи нассоҷии ҶСП «Ҷунтай Данғара - Син Силу - Текстил» ҳар як тонна пахтаи хушсифатро бо нархи 5 ҳазор сомонӣ қабул мекунад. Бояд гуфт, ки дар ғанӣ гардидани хирмани пахтаи ноҳия меҳнати босуботи пахтакорони Ҷумҳурии Халқии Хитой, ки чанд сол аст дар ноҳия ба пахтакорӣ машғуланд, назаррас мебошад. Пахтазори онҳо дар ноҳия дар масоҳати 1800 гектар доман паҳн кардааст. То имрӯз онҳо бо мошинҳои пахтачинӣ зиёда аз 6 ҳазор тонна пахта ҷамъоварӣ намуда, ҳосилнокиро аз ҳар гектар ба 35 сентнер расондаанд.
Сарфи назар аз иҷрои барзиёди дурнамо, ҷамъоварии ҳосили боқимонда дар хоҷагиҳо бомаром ҷараён дорад. Пахтакорони ноҳия кӯшиш доранд, ки аз боду ҳавои мусоид ва имкониятҳо самаранок истифода бурда, пахтаи бо заҳмат парваридаи худро то кӯраки охир ҷамъоварӣ намуда, истеҳсоли онро ба 10 ҳазор тонна расонанд.

Холназар КАСИРОВ,
«Ҷумҳурият» 
 


Баёни ақида (0)    Санаи нашр: 04.11.2020    №: 215    Мутолиа карданд: 398
26.01.2021


 ПАЁМИ ПРЕЗИДЕНТИ ҶУМҲУРИИ ТОҶИКИСТОН БА МАҶЛИСИ ОЛИИ ҶУМҲУРИИ ТОҶИКИСТОН

 ҶАЛАСАИ ШӮРОИ НОЗИРОН ОИД БА МАСЪАЛАҲОИ МИНТАҚАҲОИ ОЗОДИ ИҚТИСОДӢ БАРГУЗОР ГАРДИД

 ВОХӮРӢ БО САФИРИ АРАБИСТОНИ САУДӢ

 «ТОҶИКОН» БА НОҲИЯИ ЛАХШ РАСИД

 НАШРИ КИТОБНОМАИ ШАРҲИҲОЛИИ БОҚӢ РАҲИМЗОДА

 «ҒУНЧАҲОИ ХАТЛОН»

 МУРОҶИАТИ ШАҲРВАНДОН. БЕЭЪТИНОӢ НИСБАТ БА ОН БОИСИ ҶАВОБГАРӢ ШУД

 СОХТАКОРӢ. БОЗДОШТИ НАФАРОНЕ, КИ ҲУҶҶАТҲОИ ҚАЛБАКӢ МЕСОХТАНД

 ТАМАЪҶӮӢ ЗАНИ 32 – СОЛАРО БА КУРСИИ АЙБДОРӢ ШИНОНД

22.01.2021


ҶАЛАСАИ XVII ВАЗИРОНИ КОРҲОИ ХОРИҶИИ КИШВАРҲОИ УЗВИ МУКОЛАМАИ ҲАМКОРИҲОИ ОСИЁ

21.01.2021


ДАР КӮЛОБ КОРХОНАИ ИСТЕҲСОЛӢ БА ИСТИФОДА ДОДА ШУД

ҶАЛАСАИ ҶАМЪБАСТИИ НАТИҶАҲОИ РУШДИ ИҶТИМОИЮ ИҚТИСОДИИ ВИЛОЯТИ ХАТЛОН

ВАҚТИ ПАЙВАНДИ ИЛМ БО АМАЛ АСТ

НАВИДҲОИ ФАРҲАНГ

ФИФА. ТОҶИКИСТОНРО 14 ДОВАР МУАРРИФӢ МЕКУНАД

НАХУСТИН ФИЛМИ ТОҶИКИЮ БРИТАНӢ АЗ РӮИ ФИЛМНОМАИ АНИСА СОБИРӢ НАВОРБАРДОРӢ МЕШАВАД

ҶАҲОН ДАР ЯК САТР

ДАР РОССИЯ АЗ КОРОНАВИРУС ЗИЁДА АЗ 3 МИЛЛИОН БЕМОР ШИФО ЁФТ

ҶАҲОН ДАР ЯК САТР

ДУ БОЗИИ РАФИҚОНАИ МУНТАХАБИ ТОҶИКИСТОН

КОМЁБИИ ДАСТПАРВАРОНИ МТМУ № 45

РУЙДОДҲОИ ИЛМӢ

19.01.2021


СҶТ-РО ДАСТРАСИИ НОБАРОБАРИ ДАВЛАТҲО БА ВАКСИНА САХТ НИГАРОН НАМУДААСТ

ҶАҲОН ДАР ЯК САТР

ХАТЛОН. СОДИРОТИ БАРЗИЁДИ МАҲСУЛОТИ КИШОВАРЗӢ

“САФЕДДАРА”. ЯТИМОНИ КУЛЛИ ВИЛОЯТИ ХАТЛОН АЗ БЕҲТАРИН МАВЗЕИ САЙЁҲӢ ДИДАН КАРДАНД

ТАҚДИМИ КИТОБИ «ТОҶИКОН» БА СОКИНОНИ НОҲИЯИ ИШКОШИМ

ҲИСОР. ХИЗМАТРАСОНИИ ТИББӢ РӮ БА БЕҲБУДӢ ДОРАД

15.01.2021


ҶАМЪБАСТИ ОЗМУНИ “ОМӮЗГОРИ СОЛИ ТОҶИКИСТОН – 2020”

ҶАЛАСАИ СИТОДИ КОРӢ ОИД БА ТАҶЛИЛИ 30-СОЛАГИИ ИСТИҚЛОЛИЯТИ ДАВЛАТӢ БАРГУЗОР ШУД

МАОРИФ. НАТИҶАГИРӢ АЗ ФАЪОЛИЯТИ ВАЗОРАТ

НАВИДҲОИ ФАРҲАНГ

ТОҶИКИСТОН. БОЗ ЯК ШИРКАТ БА БОЗОРИ САЙЁҲӢ ВОРИД ГАРДИД

РӮЙДОДҲОИ ИЛМӢ

12.01.2021


 ҶДММ «ММК АГРО» МАЙДОНИ ГАРМХОНАИ ИННОВАТСИОНИРО МЕАФЗОЯД


Дар сомонаҳои дигари Тоҷикистон хонед